شكرا أخ فايز لردك على اسئلتي

والحمد لله ان الحكه راحت وان شاء الله على طول

وبما أنك ماتحس بتغير في المشاعر والعواطف هذا شئ كويس صراحه لأن المواقع الأجنبيه خوفتني من هالشئ

والظاهر ان العرق التعويضي عندك بالقدمين بس ماكو عرق بالظهر والبطن
ومن احد الأعراض الجانبيه متلازمة هورنر الي هي نزول قليل بالجفن العلوي للعين ماصار عندك هالشئ بعد العملية ؟


و فهمت من كلامك ان الرجفه تجيك بسبب البرد صرت تتأثر من البروده اكثر من قبل يعني الرجفه من البرد مش من التوتر ؟؟ صح ولا ؟
طيب راحة اليدين هل يكونوا باردين ولا عادي مثل قبل دافئين ؟

والله يمن عليك بالشفاء التام وتبشرنا الأيام الجايه بالتحسن اكثر

جزاكم الله خير يا فايز وامل

و ان شاء الله الرجفه والحكه ما تجيك ابد يافايز و ان شاء الله دوم بصحه و عافيه

الى الاخت امل , انتي تقولين قراتي في النت باللغه الانجليزيه و الاحض انك خايفه اكثر شي من الاحاسيس انها تتغير

وش معنى هذي بالذات , هل لانك اكثر شي قرأتيه عنها هو التغير في الاحاسيس

انا صراحه اشوف من كلامك يوجد اشياء اهم من الاحاسيس مثل ما تقولين ( هشاشة العظام , امراض القلب , الريئتين ) <<<<<<<< هل هذي قراتي عنها كثير او ان اللي اشتكوا منها قليل

شكرا لتعاونكم

و اقولها بصراحه , الى الان وانا عازم اني اسويها , لان اعراض العرق الزائد ممكن اتحملها عادي مقابل ان يزول الاحمرار

لكن اللي خوفني الرجفه اللي يقول عنها فايز و ايضا هشاشة العظام والقلب والرئتين الي تقول عنها امل

الله يشفينا ويشفيكم

لغز ,
انا خايفه من تغير الأحاسيس وضعف الشعور في العواطف بكل انواعها سواء فرح ,حزن ,حماس لأن الحياة بدون المشاعر مالها طعم وبعض الي سووا العملية قالوا انهم مايحسون بالمتعه في الحياة ( والسبب حسب تفسير الخبراء الي كاتبين الموضوع هو مثل المقال ان بعد العملية يقل افراز بعض الغدد المهمه المرتبطه بالقلب مثل الدرقية والكظريه وهي تفرز الهرمونات الطبيعيه واحنا كبشر كل وظائفنا الحيويه الجسديه تعتمد على الهرمونات التي تؤثر على نفسية الانسان في حال زيادتها او نقصانها لأن كل شئ مرتبط بشئ آخر و اخاف لو سويت العملية اصير بارده متبلدة المشاعر وانا مايعجبوني الناس اللي كذا باردين على طول وماعندهم حماس لأني بطبيعتي حيويه كثير وفيني روح المغامره , وتقل الاستجابه واليقظه عند الشخص يعني تخيل مثلا لو صار في موقف خطر المفترض يركض ويهرب من المكان بعد العملية كيف بصير ؟ عادي عنده الناس تركض وهو هادئ وماعنده اي خوف كيف بتكون استجابته؟ والصراحه خايفه من شئ بعد بس متردده اقول احس يضحك ( اخاف لو سويت العملية بعدها ما ابكي ويصير قلبي حجر مثلا ؟؟ ) لأن الانسان الي يميزه المشاعر لذلك ركزت على هالنقطه
(( اتمنى من اللي اجروا العملية يخبرونا كيف استجابتهم في مواقف الخوف والمنافسه في سباق او مباراه مثلا ؟؟ هل تغيرت ام مثل قبل ))

وحتى هشاشة العظام وامراض القلب والمشاكل الي تتعلق بالرئه طبعا انا فكرت في كل هالأعراض لكن هاذي ممكن تظهر متأخره بعد سنوات من العملية يعني ماظهرت عند احد ولكن الخبراء يتوقعون ظهور هالمشاكل في المستقبل واكدوا هالشئ لكن ( بعضهم ذكر ان دقات القلب صارت بطئيه عنده وحتى مع ممارسة الرياضه لايزيد النبض كما يفترض )

انا خوفي الأكبر من تغير المشاعر او برود العواطف الانسانيه الطبيعيه والعرق التعويضي لو صار بغزاره في الظهر والبطن مصيبه
وابي اسوي العملية لكني محتاره ولو قررت اسويها بتواجهني عقبه ثانيه وهي كيف اقنع اهلي لأنهم صراحه ضحكوا علي لما قلت لهم عن مشكلتي والعملية والخ..... غير فلوس العملية يعني قدامي مشوار طويل

الله يفرجها على الجميع يااارب

الله يشفيك ويشفينا

والله صراحة خوفتيني بهالاعراض

انا ودي اسال واحد سوى العملية قبل عشر سنوات لكن لم اجد

ان لله و ان اليه راجعون

لغز,
وش الأعراض الي مخوفتك اكثر شئ ؟ هشاشة العظام ومشاكل القلب والرئتين ؟
من ضمن القصص الي قريتهم في اشخاص اجروا العملية من عام 1998 و 2001 ولم تظهر لديهم اعراض مماثله اي بعد مرور 10 سنوات هم يقصدون احتمالية ظهور هالمشاكل على المدى البعيد وربما في عمر مبكر قبل الشيخوخه والذي عادة ماتظهر فيه هذه الأمراض
اكثر الأعراض الي اشتكوا منها العرق التعويضي خاصة بالظهر والبطن وهاذي بكثره ، والبعض من ضعف الشعور والبرود في الأحاسيس المختلفه والاستجابه واليقظه ، الحكه بالوجه اثناء الأكل بعضهم ذكر انها استمرت معه بشكل دائم
يعني العملية اعراضها تختلف من شخص لآخر والي ممكن يصير مع غيرك مو شرط يصير معك
بالنهايه هي مثل مايقولون ضربة حظ

والله قاعد افكر جديا بازالة الدبابيس لاني كل يوم اكتشف اعراض سلبية جديدة
اشرايكم اشيلها ولا لا ؟؟

والله يا فايز انت و رأيك

اذا كنت تشوف انك بعد العمليه نفسيا افضل من قبل يعني الاحمرار ازال همك فخلها

اما اذا كنت ان تشوف ان الهم زاد هميين فتشيلها و خل همك واحد بدل اثنين

لكن بالنسبه لي انا اتصلت على الجزائري عبدالسلام اللي موجود في موقع الدكتور حسام وقال لي اتصل اليوم

عشان اكون فاضي واشرح لك , فانا بشوف وش يقول وبرد لكم

فايز ,مشكلة الحكه الي تجي عند الأكل واثناء الرياضه وبرودة اليدين وجفافها اعراض مزعجه عن جد
وانت القرار لك اذا تبي تزيل الدبابيس او لا , واذا سلبياتها اكثر من ايجابياتها بالنسبه لك وانا اثناء بحثي عن العملية قريت بالمواقع الاجنبيه عن اشخاص ازالوا الدبابيس بسبب انزعاجهم من الأعراض ولكن استمرت لدى البعض اعراض مثل العرق التعويضي والسبب ان العصب لايعود لطبيعته بسهوله وقد يحتاج ستة اشهر والله يعينك
اتمنى افهم وضعك بالكامل كيف تقضي يومك من بدايته لنهاية اليوم , هل تعاني من الأعراض الي ذكرتها بشكل مزعج طوال اليوم ؟


لغز , خبرنا عن احوال الجزائري عبد السلام بعد ماتكلمه انا قريت قصته طبعا اول ما عرفت عن العملية من موقع الدكتور حسام وقصته مُشجعه وتبث الأمل في النفس كأنها قصه خياليه وكل من عانى من الاحمرار يتمنى نهاية سعيدة مثل هالقصه
الله اعلم كيف احواله الآن بعد مرور سنتين تقريبا ، ننتظر الأخبار منك

بلا بلا بلا بلا

فايز انت من وين اي مدينه يعني

وهل وقت المواقف المحرجه يحمر وجهك ولالا


وهل بعد العملية فيه الام ولالا ومتى اقدر اقوم واتحرك واروح واجي بدون الم

هل بعد العملية بيوم ولا اسبوع ولا كم

وشكرا

الجزائري هذا واعدني في اليوم التالي ومن وقتها وانا اتصل عليه ولا يرد

لا يكون الجوال باعه لواحد ثاني و انا جالس اتصل عليه

لانني قبل كم يوم اتصلت وقلت انت عبدالسلام اللي سوى العملية العصب السمبثاوي قال لي ايوه لكن انا مشغول الحين اتصل عليه بكره قلت طيب شكرا

والى الاااااااااااااااااااااااااااااااااااااااااااان لا اجابه

لكن راح ازعجه لين يرد , حنا ناس ورانا عملية مو لعب يعني لازم اخذ علومه

هلا ولله
انا من الكويت
اي نعم بالمواقف المحرجة او التجمعات

واكيد بعد العملية في الام البنج خصوصا بالظهر والصدر
والالام تزول بعد ثلاث ايام تقريبا

D: بصراحه ضحكتني يا لغز
ونصيحه لا تتعب نفسك ولا تتصل احتمال يكون هو ومايبي يرد واحتمال غير رقمه الله أعلم

هو قصته خياليه اشبه بالحلم مثل مايقولون ومو شرط يكون مرتاح 100 % بعدها ويمكن كتبها كنوع من التسويق والدعاية لهذه العملية لازم نحط ببالنا كل الاحتمالات

وعندنا اشخاص بالمنتدى اجروا العملية مثل ( ملك الرهاب ) و ( قوية ) اللي اختفوا تقريبا ومايكتبون اخبارهم وآخر المستجدات يمكن لظروف عندهم ويمكن نسوا الرهاب والمنتدى بكبره D:

وفايز ماقصر رد على اسئلتنا واستفساراتنا بكل صراحه وذكر الأعراض السلبية للعملية


وانا بديت اغض النظر عن العملية لأن الظروف ماتساعدني حاليا وما زلت في حيره مدري هي خير لي ولا لا و احس يبي لي وقت اكثر على ما اقرر :)
وافكر اني الجأ للعلاج الدوائي بشكل مؤقت لأن الحاله زايده هالأيام ونفس الشئ مدري شسوي بحثت عن انواع الأدويه والخ ..... الله يعين , الاندرال جربته فتره من اسبوعين لثلاثه تقريبا وبشكل متقطع وما استفدت منه

فايز و لغز , هل جربتم اي نوع من الأدويه من قبل مثل ( الزوفلت او لسترال ايفكسور ) لأن وجدت فئه من المصابيين بالرهاب استخدموا هالأدويه واستفادوا حسب كلامهم ؟