|
\استغفر الله اخي الحلم السامي انا حتى انا طلبت اميسين ديال اخصائية وما بغاوش يعطيوه ليا
هي العنصرية هادي والله كا بقيتش فاهما ولا عارفا طلعلي هاتشي فراسي بزااااااف كنتكلم معاهم فيساع يطلع ليهم دم ما فهمتش والله |
نقوليك حاجة بلا متعصبي و الله
انا غسلت منهم يدي ماشي مرة ماشي جوج داكشي علاش قلت انسحب منهم لحقاش داكشي لي كنشوف بزاف عليا |
بسبابكم رجعت لهنا و الله
اما انا صافي مبقا ليا هنا غراض |
الله يحفضك اخويا
سير الله يزوجك هههههههه |
هههههههههههههههههه ضحكتيني خويا الطائر على دعوتك لاخي الحلم السامي تلقاه فرح منين دعيتي ليه بزواج هههه
الحلم السامي بااااااين منين دخلتي لادارة لقيتي قصص وما ادراك ما القصص والاحداث |
ايييه اش خصك العريان الخاتم امولاي ههههههههه
لالة زينة و زاد نورها الحمام الزواج لي بقا ليا هههههه واييييه الله يعاونهوم و صافي هه |
هههههههههههههههههه
والله الى فوجتو عليا هههههههههههههههه |
الله يفاجيها علينا كاملين اختي وردة
راه زعمة انا ليشافني يقول هنا نبات الضحك و كلشي لكن هاد الجن لي فيا لي معذبني وعرت جن او جنية |
ههههههههههههههههههه
لا اله الا الله الله يفرحكم |
واش فيك عائلة الجن ههههههههه
قرا اية الكرسي بزاااف واواخر سورة البقرة وكتر من قول سبحان الدي لا يضر مع اسمه شيء في الارض ولا في السماء وهو السميع الخبير وقولها بزاااف |
متخافيش كنقولها ربي يخليكوم
|
اسعداتكم انتوما بعدا الى بعدتو على المنتدى هتبقاو على اتصال
ماشي بحالي انا منتدى نفساني تعرفت على بزاف ناس الي عزاز عليا وما عرفتش جاني الرحيل عليه صعيب |
اويلي متخافيش حنا بات تنبت هناا حتى نبراووو كاملين بخطرة عاد نمشيو ههه
|
ختي و ردة كيفما قال خويا الحلم السامي حنا بات نبت هنا حتى نبراو كاملين هههههههههههههه
|
ههههههههههه واعرا عندكوم هادي دبا الي درت صفحة ديالي فالفيسبوك حتى انا كنتزاحم مع الناس
واش بعدا الفيسبوك مزيان ؟؟؟؟؟؟؟ |
زوين الى كنتي كتنشري فيه الحوايج المزيانه بحال الادعية لكن عندو سلبيات حتى هو
|
السلام عليكم
اخويا الطائر اش هاد الغيبة ماشي من عوايدك فينك |
وفيين اطيير ديالنا فين طرتيي ياك لاباس ...اختي وردة لاباس علييك
|
اختي هل انا موجودة انا بخير الحمد ربي يخليك اختي
الطائر فينك اخي ؟؟؟ يا رب تكون بخير |
السلام عليكم و رحمة الله تعالى و بركاته
خووووووووووووووووتي ههههههههه توحشتكم اخي الحلم السامي اختي هل انا موجودة اختي الوردة المغربية شكرا ليكم مني سولتو فيا انا بخير و لله الحمد و الشكر كانتمنى حتى نتوما تكوني بخير و على خير ان شاء الله :) |
بخير ليوم شفت راقي ههههههههه قالها معندك والوووووو غي اوهام قاليا الحالة ديالك بسبب ضغوط و بالفعل المشاكل غي بغيت نتاكد لحقاش واحد قالي المس
الله على راحة |
هههههههههههه الحمد لله و الله اخويا الحلم السامي الى ديما كانقول فراسي الى هادشي عندك غير نفسي و اش اصحبي الانسان لي كايدوز عليه داكشي كلو لي داز عليك كي بغيتيه يولي هادشي عادي و الله
و كما تعرف اخي ان علماء الدين لهم اراء في مسائل الجن منهم من قال ان الجن يدخل في جسم الانسان و يتحكم فيه و منهم من قال ان تاتير الجن لا يتعدى الوسوسة و انا اميل الى هذا الطرح نظرا للادلة التي قدموها في ذالك و غادي نقول بعض العلماء في عصرنا هذا لي قالو هادي منهم الشيخ القرضاوي وما ادراك من هو الشيخ القرضاوي اخويا الحلم السامي وكذالك تطور العلم الان العلم يؤكد ان بعض الامراض النفسية التي كانت تشخص من قبل على انها من الجن ثبت مؤخرا انها امراض نفسية لا غير،وحاجة اخرى اخي الحلم السامي الى عقلتي واحد النهار قلت ليك علاش غير حنا المسلمين لي عندنا هادشي ديال الجن و ما الجن علاش في الغرب هادشي كلو يشخص على انه امراض نفسية او كايتعالجو عقلتي ؟؟ هههههههه فعلا ااخويا راه عندنا مصيبة راه تخلط الدين مع العادات و الخرافات شوف غير حال الامة دابا كيف داير جهل امية تخلف مصيبة صافي وعاد زايدينها باننا تنفهمو كلشي حتى الجن كانفهموهم وحاجة اخرى اخي في بعض الاحيان كانشوفو شي راقي كايخرج شي جن من شي مريض و الله كذب في كذب الى قلبتي في اليوتيوب غادي تلقى مسيحين كايخرجو الجن باسم المسيح عادي هههههههههههه عرفتي علاش هذا داخل في منضومة اسمها الايحاء المعالج يحي الى المريض النفسي باشياء و نضرا لان المريض اصلا مريض و اصلا عنه افكار عن الجن او ما نعرف كايتاتر بهاداكشي حاجة اخرى تفكرتها ههههههه كاضحك هادي ههههههههههه و احد المرة قريت فشي بلاصة و احد السيد كايسول على الفرق ما بين الامراض النفسية و الروحية فكانت واحد الاجابة غريبة كاتقول ان المسؤول عن الامراض النفسية هي كهرباء الدماغ و المسؤول عن الامراض الروحية هو الجن الذي يتحكم في كهرباء الدماغ اذا الامراض النفسية اصلها روحي هههههههههههههههههه شوف اخويا الحلم السامي فين وصلنا اصبح كل الناس علماء و الله يا اخي الى غادي يسولنا الله على هادشي ضيعنا ريوسنا بيدينا في حين ان الدين واضح و العلم واضح غير لي يتبع لي قال ليه راسو او صافي وبنسبة للادوية اخي الحلم السامي راه ماشي دورها هو التهدئة فقط لا يا اخي الادوية مهمة في بعض الحالات و خصوصا في حالتنا كاملين يا اخوان الادوية تساعد على طبط كيمياء الدماغ بعض الهرمونات هي المسؤولة على ما يحدث لنا عندما تقل او تكثر،كاينين شي وحدين ماكيدير فيهم والو دوى لاحقاش ماتعالجوج معرفيا كاتلقاه كايشرب الدوى او خايف ههههههههه المهم اخي الحلم السامي الى كانت عندك الامكانيات تمشي لشي طبيب نفسي سير حسن ليك من هاد الصداع بنسبة ليا انا غادي او كانتحسن و لله الحمد وهذا كله بفضل الله تم بعض الاستشارات النفسية لي قريتاها و ليكانت شبيها مئة في المئة لهادسي لي فيا انا ببساطة عندي القلق العام،وساوس على مخاوف عطى هاد خيلوطا لي فيا هههههههههه المهم فعلا لاحضت ان شخصيتي هكذا دايرة مني دزاديت و هادشي بان بزاف في هاد الفترة عموما كيفما كايقولو اذا عرف السبب بطل العجب هههههههه الحمد لله على كل حال انا دابا بديت كانبعد على اي حاجة تفكرني بهادشي بديت كانفكر فمستقبلي و فاشياء اخرى و الحمد لله هنالك تحسن كبير |
اخي الطائر الحر و اخي الحلم السامي
انا ما قريتش ردك الكامل اخي الطائر ولكن بغيت نوضح شي حوايج بااااينة بزاااف على عالم الجن الي انا كنستغرب علاش الانسان متشبت فيه والى كانت شي حاجة فيه لو ان الله والرسول عليه الصلاة والسلام ورونا كيفاش نتعاملوا مع هاد الموضوع نعم ربي تكلم على الجن هو ابليس فتقريبا جميع السور ولكن ما كيحتالش هاد الاهمية اول حاجة خصنا نفهمومها فعالم الجن والي رب العالمين شرحها لينتا مزيان ان الجن الكفارة هم جاو باش يضلونا على الطريق المستقيم ويخرجونا على الطريق الصحيح وما حتى حاجة اوخرا ماعندهوم غرض بيها وتاني حاجة الي تكلم عليها رب العالمين هو ان الجن الضالمين انفسهم هو انهم كيسيطرو على الظالمين من الانس اما الي مؤمن ما كيقدروش عليهم لانهم ما قدروش يسيطرو عليهم وكيبعدو عليهم وفي بعض المرات يقدرو يساعدو مسلم تقي على انه يتقرب من الله لانهم كيخافو الاجر يتزاد بزاااف وما يخليوهومش ايتحكمو فضعفاء الانفس تالت حاجة الجن كيشفونا من الاماكن الي ما كنشفوهمش حنا رابع حاجة الجن يملك طرق خااارقة بزاف والي تشد فيهم وقال انا عندي جن او لا بدا كيحاول يقرب ليهم كيعدبوه وحتشي كولو كاين فالقران الكريم والى بغيتو نجيب الدليل من القران الكريم ان شاء الله نجيبو |
ختي وردة لباس عليك اختي؟؟؟
المهم بنسبة لداكشي لي كتبتي راني متافق معك مئة في المئة انه ماخصناش نكبرو موضوع الجن راه اقسم بالله العلي الى حرام علينا حنا لي كانقولو مسلمين نبقاو متمسكين بالخرافات و التخربيق هذا امر محسوم في الاسلام او ماشي انا لي غادي نهدر فيه كاينين علماء كبار هدرو فهادشي نعم حقيقة اخلتفو فهاد الموضوع لاكن في هذا الزمن الذي نعيشه الان و في هذا التطور العلمي الحاصل يبرز رأي العلماء الذي كان رئيهم وسطيا في مسألة تلبس الجن بالنس و تأتيره عليه وبنسبة لي كمسلم عادي جدا اقول و بكل فخر ان اعظم مخلوق خلقه الله هو الانسان لا حقاش في هذه المسألة انا بعدا ماعمرني شفت شي جن اكتشف الجاذبية ههههههههههههههههههههه واذا كانو الجن لهم قدرات خارقة او مانعرف علاش مايجيوش جنون مسلمين يحاربو معنا اسرائيل و يمشيو يحاربو في سوريا مع خواتنا علاش مايجيوش ههههههههههههههه؟؟!! |
و لكن شنو تقولو فهاد الاية ؟ قال الله تعالى "الذين يأكلون الربا لا يقومون إلا كما يقوم الذي يتخبطه الشيطان من المس " راه اخوتي المس كاين و السحر كاين و العين كاينة والمرض النفسي ايضا كااين ..غير قولولي الانسنا لي ما عندو لا مشاكل فحياتو كان صغير و ما يعرف غير الضحك و اللعب و ماعندوش تاريخ مرض نفسي فعائلتو باش تقولو وراثة ايوا هادا ما بيه ما عليه حتى جاه الوسواس و اختلال الانية و الاكتئاب ؟؟ ايوا يلاااه شرحوليا ها المرض النفسي منين جا ؟ متكونش غير شي عين ضرباتو او شي حد سحر ليه او شي شيطان مسو حيت تعدى عليه بغير قصد ظ راه كولشي كاين فالحديث شوفو هاد الحديث قال رسولنا الكريم "العين حق لتورد الرجل القبر والجمل القدر وإن أكثر هلاك أمتي في العين". و تدكرو مين قال يعقوب لابنائه ادخلو من ابواب متفرقة علاش ؟؟؟ غير على العين ... ونزيدكم حاجة راه الشيطان بحال الكهرباء حيت انا ماما مين كانت مريضة كانت تخاف من الكهرباء لكن مين برات ولات عادية جداا راه هوما الى مسو شي حد راه كيوقعلو اما صرع اما صرع الفص الصدغي و هادا لي كسيبب وسواس اكتئاب .رهاب اختلال انية .. انا نعرف واحد كان فيه اختلال انية مشا للطبيب خدا الدوا ولا مزيان لكن يمكن مستمرش لكن مين مشا لواحد المراة حطاتلو شي عشوب فراسو و برا.. هادا برا بالطب الشعبي لكن المرض ديالو ماشي روحي لالا بل نفسي لانه قال انه تعرض للسخرية من اصدقائه في صغره و حزن و غضب غضبا شديدا لذلك تعقد و تكون عندو فراغ فراسو و سببلو وسواس جنسية ووساوس انه سيقتل احد او يعتدي على احد او احد يعتدي عليه لانه تعرض للاعتداء و السخرية في صغره... اذن هادا مرض نفسي ...لكن يا اخواني لي كان سعييد فطفولتو و مرح و ما يعرف شي غير الضحك و الدراسة و السفر و اللعب ..فجاة انقلب الحال ديال الاسرة كلها ؟ مادا تسمون هادا هل هادا مرض نفسي ؟؟ لا يا اخواني هناك فرق كبير بين المرض النفسي و الروحي والشيطان هو لي كيقول ليكم لالا ما فيكم والو غير باش متحرقوهش طبعا انا لا اعمم كل واحد فيكم وسبب مرضو انا بعدا الحمد لله ماكن عندي حتى مشكل المرض جاني فجاة و مشيت عند راقي و قالي عين لكن انا ماعالجتهاش خليتها و هاني محدني كنكبر محدها كتكبر
|
مع السلامة اخي الطائر صافي انا تسالات المدة باش نبقا معاكم
نخليكم دبا مع السلامة ما تنسونا من دعواتكم |
اختي هل انا موجودة راني قلت ليك ان علماء الدين اختلفو في هاد الموضوع ولك الحق في اتباع احد الاراء حسب قناعاتك الشخصية المهم انا اتفق مع الرأي الاخر
بنسبة للاية لي ذكرتيها اختي راه ماعندهاش تفسير واحد ماشي ضروري يتلبس بك الجن و يخبطك هههههههه ماشي بهاد المفهوم المهم كل واحد له الحق يفكر كيفما بغا المهم الله يشفينا كلنا ويفرج همومنا |
ختي وردة واش يتسحاب ليك دخول الحمام فحال خروجو ههههههههههه
فين غاديا اختي؟؟؟؟ صافي سغيتي بخوتك وخواتاتك؟؟ |
لالا انا مقلتش ضروري يتلبس ..لالا راه العين كتوقع بدون تلبس و احيانا بتلبس لكن مس جزئي مثلا يتمركز في المخ فقط لكن السحر ضروري تلبس و الحمد لله حنا غير عين خفيفة
|
اختي هل انا موجودة اما متافق معاك اختي و كلامك هو الكبير الالة
المهم نطلبو الله يشافينا كلنا و يرجعنا كيفما كنا فرحانين او ناشطين فهاد الحياة يارب امين وقبلو على اختنا و ردة راها هربات ههههههههه غادي نديروها فمختفون واقيلا هههههههههههه |
لا انا بصح غادا والى خرجت من هاد المنتدى ما هنعاودش نرجع بالمرة
بسلامة عليكم وسمحولي الى انا غلطت انا كنتكلم جدية |
وتوما كيفاش قضيتكم كل مرة يجي شي واحد يقول انا غادي نمشي فحالي هههههههههههههه
المهم اختي و ردة ما عرفتش اشنو السبب لي غادي يخليك تخرجي من المنتدى ولاكن عموما انا ماسخيتش بيك تبقاي معانا و راكي عارفة المعزة ديالك فقلبي المهم اختي هذا قرار ديالك نتي بوحدك ما غاديش نقول ليك بقاي بزز عليك وزايدون حتى انا غادي نمشي غادي نمشي هههههههه المهم انا كانشكرك بزااااااااااااااااااااااااااااااااااااااااااااف على كل كلمة كتبتيها ليا كانشكرك على كل نصيحة عطيتها ليا شكرا ليك اختي و ردة او بغيتك تعرفي انك غادي تبقاي فبالي ديما او غادي ندعي معاك فينما تفكرتك اخر حاجة بغيت نقول الى تنادم معاك الحال رجعي عافاك هههههههه ماتقولش صافي راه نساوني هههههههه لا رجعي طلي علينا الى لقيتينا باقين هنا صافي؟؟ وحاجة اخرى بغيت نعطيك شي كادو او ماعرفتش اش نعطيك هههههههههه المهم جاتني واحد النكتة في بالي غادي نعطيها ليك او بقاي تفكريني بيها ههههههه واحد مكلخ مشى عند طبيب نفساني وقال ليه : دكتور، كتجيني واحد الحالة فشكل كنهدر مع الناس وما كنشوفهومش قال ليه الطبيب: وإيمتا كتجيك هاد الحالة ؟ قال ليه المكلخ : ملي كنهدر ف التلفون هههههههههههههه |
خوتي واحد الحاجة غريبة ولات كاتطرى ليا عاوتاني هههههههههههههههه
دابا الحمد لله انا هاد الايام تغلبت على اختلال الانية او مابقيتش كانخاف من الاختلال الحمد لله دازت هاد الايام بيخير ولاكن ولات كاتجيني واحد الحاجة اخرى و هي تشتت الافكار و تطايرها ههههههههه نعطيكم مثال مثلا كانفكر فخويا الحلم السامي شوية سمعت شي جملة فتلفازة كنبدا نفكر فيها بدون ادراك شوية كانقول لراسي شفتي كيفاش كانفكر ههههههههههه مصيبة اخوتي كاتبقى تجيني شحال من فكرة فثانية وحدة واش هادشي غير وسواس حيت انا اصلا كان عندي الوسواس القهري هادي اربع سنوات تقريبا راه فراسكم واقيلا او عاوتاني حاجة اخرى عاوتاني فاش كنكون نكتب شي حاجة كانغلط بزاف مثلا غادي نكتب دابا الطائر الحر كانقدر نتلف ونكتبها هكذا الئطر الرح هههههههههههه هما نفس الحروف ولاكن كانغلط هههههههه المهم دابا واش كاتطرا ليكم هاد القضية ؟؟؟ |
وي كلو وسواس و عدم تركييز
|
هل انا موجودة واش بصح بصح ؟؟
الى كان بصح ره الحمد لله حيت صافي بفضل الله بديت كانتحسن او هادشي كلو لي طرا ليا غير وسواس لا اقل و لا اكثر انا شخصية وسواسية اصلا ههههههههههه |
خوتي عرفتو هاد اليلة دازت عليا خايبة تعدبت و الله
السبب هو هاديك المسألة ديال تداخل الافكار عرفتو راني وليت فحال هادوك لي طالعة ليهم السخانة غير كايهترو راه فحال هكداك و الله راني مخلوع افكاري كلها متداخلة و مشتتة غير نسالي من مصيبة كاتبان مصيبة اخرى ياربي السلامة |
شكرا على النكتة خويا وعلى توديعك لي شكرا بزااياف
مالك على حالتك اخويا كتكبر المسائل بل بالعكس حمد الله انه خرجك من ورطة ديال المرض ديالك وفيساع تغلبتي عليه فاش وصلتي الهادشي يعني تداخل الافكار هدا كيدل بانك تحسنتي كليا وما بقاش عندك حتى مشكيل ما تبقاش تكبر المواضيع عادي والله هادوك الافكار المشتتة ستمتع بيها ماشي تقلق منها وهادي راها مرحلة عمرية كندوز منها وكتدوز منها واي واحد بحالنا كيدوز بهاد المرحلة عادي جدا جدا واي واحد بحالنا وانا شي بعض المرات كنخلي راسي نكون هكدا كنسالي من موضوع ونمشي لموضوع بسرعة عادي مالك كتقلق راسك اخي |
اختي وردة دخلت عليك بالله ما تمشيش على قبلي عافاك
شكون غادي يبقى ينصحني اختي و الله من صباح وانا كانتسنى شي واحد يكتب ليا شي حاجة عافاك بقاي الى بغيتي تبعدي شوية على المنتدى ماشي موشكيل و لاكن رجعي عافاك اختي |
اختي وردة سبحان الله عرفتي هاد الايام فاش كنت بعيد على المنتدى كنت قريت شي استشارات نفسية فحال الحالة النفسية ديالي ودرت داكشي ليقال طبيب و بديت كانتحسن بزااااف كاع حتى انني فواحد النهار نسيت انني مرضت هههههههههههه ولاكن هادي يومين تقريبا كنت جالس او مخدم الكمبيوتر مع شي جوج ديال اليل شوية تقطعات الانترنيت اول مرة سبحان الله ههههههههه او بقيت كانتسنى شي ساعة باش ترجع فهاديك الفترة حسيت بتداخل الافكار ولاكن ماعطيتهاش اهمية و الغد ليه مني فقت لقيت راسي موسوس عاوتاني وراكي عارفاني حتى انا مسطي هههههههههه
عموما لبارح فليل دزاد عليا الحال عرفتي راني كانحس بعقلي خدام وحدو القضية ماشي انني كانسالي من موضوع نمشي لموضوع ياريت كون كانت هكذاك و لاكن كايخرجو الافكار بشكل غريب مثلا كانفكر فيك شوية كايجيني مقطع ديال شي اغنية او لا شي فكرة معندها حتى شي علاقة و لا شي جملة غريبة ههههههههه تخيلي معايا مثلا فليل كانبغي نعس ياله عيني كاتبدا تغمض او كنلقا راسي كانفكر فشي حاجة ماعرفهاش مثلا كانسمع شي برنامج ديال سياسة اولا شي حاجة هههههههههههه عقلي بحال شي كمبيوتر عمر فيروسات هههههههههههه |
ما كنتش كنعرف انني كنحتل هاد الاهمية
البارح نعست وحلمت واحد الحلمة عليك هههههه اول مرة كتطرا ليا المهم دير واحد تمرين كل يوم جوج او تلاتة المرات وقول ليا هاتمشي وهتنعس على شي بلاصا الي مرتاح فيها غمض عينيك وركز غير على التنفس دخل وخرج التنفس ببطئ دخل ببطئ وخرج ببطئ وانتا كتركز غير على التنفس ومن بعد بدا تدخل التنفس ديالك البطن ديالك حتى يتنفخ وخرج التنفس هاكدا بشويا عليك من بعد واحد المدة وقف وخلي عينك تشوف غير لشي حاجة وقول ما خصني نفكر فوالو حاول ما تفكر فحتا حاجة وخاك انك غادي تفكر فشي حاجة تنساها وخلي راسك مركز انك ما تفكر فوالو قبل ما تنعس وقف على رجل واحد ويديك يكونو متوازنين مع الارض يعني بحال الى بغيتي تطير ورجليك تكون متوازنا مع الارض بدا تفكر غير فهاد الطريقة هتلقا راسك كتحاول توازن ومن بعد حط راسك على المخدة وحاول تدخل نفس وتخرجها والمرة التالتة قطع التنفس وعاود هاكدا ومن بعد ستراح من هاتشي وما تفكر فوالو ونعس |
| الساعة الآن 09:50 AM |
Powered by vBulletin® Version 3.8.11
Copyright ©2000 - 2025, vBulletin Solutions, Inc.
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.
المواضيع المكتوبة لاتعبر بالضرورة عن رأي الموقع رسميا