نفساني - د رعد

نفساني (https://www.nafsany.cc/vb/index.php)

- عيادة مشاكل الكبار (https://www.nafsany.cc/vb/forumdisplay.php?f=20)

- - د رعد (https://www.nafsany.cc/vb/showthread.php?t=64545)

استخدم سيبرالكس 20. مع ويلبوترين

باذن له راح اسال عنه وانشاالله. احصله

أكيد بتحصليه ان شاء الله

هو متوفر في اغلب الصيدليات مو مثل فلوناكسول

والله أحس انك بتتحسني عليه كثيييييير وبتدعي لي

اهم. شي يروح عني الحزن والكابه المستمره. والتشتت والخمول
،ماباقي شي :)

يسعد مساك اخي د رعد

شكلك صرت احسن بعد امس
وعورني قلبي ع اميره ربي يعينها ويعوضها تعبها

المهم ابغي اعرف عن لامكتال

هل هو احسن من فلوناكسول او زي مفعوله

لان فلوناكسول ما حسيت بالتحسن الكثيره?
عاادي
ولبوترين. مااستفدت مته في النشاط ولا تغير عندي شي
بعدني تعبانه ودايخه
وكااابه محاصرتني
يمكن الاحساس بالعزله خف
لكن مقابلة الناس خاصه الي اعرفهم ومن اهلي
صرت ابتعد كثير عن هذي الزيارات او المناسبات

يمكن انا احسن والحمد لله
وطماعه ابغي اصير طبيعيه جدا
خاصه الاحساس بالذنب من كلشي هذا معذبني وشاغل بالي

والاهم اني صرت اكره ان زوجي يقرب يمي
ولا قادره اصلح نفسي. او اتقبله
مع اني اضحك واسولف معاه ساعات
الا الشي الثاني مو قادره

وتعرف كيف النفسيه تصير
واعذرني اجازه وشاغلينك معانا

الله يسلم قلبك،،، أشكر لك تعاطفك مع أميرة، الله يعينها

بالنسبة لدوا لاميكتال والله حلو وأحسن من فلوناكسول في ازالة التوتر والقلق

وله مفعول مضاد للاكتآب، جربيه وما راح تخسري

انا لاحظت انه يعطي مزاج معتدل ويخفف الانطوائية

شجعتني استخدمه

مشكور يادكتور

توكلي على الله وان شاالله يفيدك

اهم شي خذيه بالتدريج مثل ماوصفت لك الطريقة

وربي يكتب لك فيه البركة،،، آميــــــــــــــن

كتبتي انك دخلتي موضوع وضيق صدرك

لايكون موضوع: حكايتي مع المنتدى، أمانه قولي الصدق

السلام عليكم

يعطيك العافيه دكتور

عندي كم استفسار اذا ممكن

الى كم ملغ ممكن نستخدم السيبرالكس في اليوم ؟ يعني انا استخدم 20 ملغ
ولما احس بتعب او توتر عالي اخذ حب ونص والحين صرت اخذ حبتين مع بعض يصيرون (40ملغ)

وكذلك الولبترين 150 ملغ واذا حسيت بالضيقه والحزن استمر ثلاث ايام وما خف اخذ حبتين باليوم

>>>كل هذا اجتهاد مني

لي فتره ما زرت الطبيب

احساس ملازمني على طول ومتعبني من اربع شهور دايم احس بالحزن على نفسي
مثل ما يقولون من كسر خاطري على روحي ليه ما ادري
في البداية كانت موجة حزن يوميا تجيني لمدة ساعة او سعتين وتروح الحين احساس طول اليوم

الشيء الثاني البرودة بالاطراف اليدين والقدمين
والاكثر القدمين احس انهم ساعات يصيرون قالب ثلج حتى في شدة الصيف والحر نفس الشي

.....البعد عن الناس والاقارب

الى الان يادكتور وحتى لما تتحسن حالتي ما اتحمل اشوف احد او اقدر اروح زيارة لاحد

طبعا الكل زعلان مني ويفكرني متكبرة وقاطعة وصرت احس اذا في يوم صدفه شفت احد ماودهم يكلموني
اتكلم عن اقاربي!

قلة الاستيعاب والحفظ والتركيز

عارفه انها مشاكل واعراض قلتها لك من قبل

لكن المشكلة اني الحين اطبق في مدارس وانحرج لما اتعب واحفظ واحضر

واقوف بالحصة نصف الدرس ناسيته اخر مره حسيت ان العبره خنقتني والى اليوم وانا متأزمة ومتضايقه

وهذا الاسبوع ما رحت التطبيق مع انهم ما يقبلون عذر بس ما قدرت

غير اني ما اقدر ارتب افكاري بالتسلسل او اكتب درس صف الجمل وصياغتها وتنسيقها عندي معدوم

السلام عليكم

دكتور رعد..

هل اقدر اترك العلاج ؟؟>>>> مع اني اكتب السؤال ومرعوبه من الفكرة!

لان كل احساسي بالحزن على نفسي اكيد سببها العلاج تعبت وانا انع نفسي الحمد لله انا بخير حبه باليوم ما تضر

بس مافي فايدة بعدها الفكرة راسخة براسي

طيب اذا ممكن اخذ ولبترين واترك سيبرالكس ؟؟

وكيف ادرج بالعلاج علشان اتركة؟

هلا والله اختي زنبقه

بالنسبة لسيبراليكس الجرعة القصوى الآمنة حتى الآن هي 20 ملجم يوميا

والحين انتي وحاذقة جربتوا 40 ملجم يوميا وماضركم بشي

ممكن يكون مامنها ضرر ولكن تظل جرعة غير مدروسة

ويلبوترين ممكن يستخدم بجرعة 300 ملجم يوميا سواء جرعة واحدة او على جرعتين

بالنسبة لك أختي انصحك لاتوقفي كل الأدوية

بالنسبة لويلبوترين ممكن تستخدميه لوحده وتوقفي سيبراليكس لكن مو الحين

وانتي تطبقي علشان لاتتلخبط احوالك لا قدر الله،،، جربي في هالاجازة

ولازم تكوني على بينة من ناحية مفعول الأدوية لأنها ماتروق المزاج ولا تمنح السعادة

الأدوية اهم شي فيها انها تمنع انقباض الصدر وتمدك بالنشاط اللي تقدري

بواسطته تقومي بالأشياء الاساسية في حياتك

بالنسبة لي ويلبوترين زود انقباض الصدر وعلشان كذا ماأحبه

وسيبراليكس جيد لكنه يسبب خمول

الأدوية اللي ماتسوي خمول هي بروزاك أو لوسترال أو إفيكسور أو سيمبالتا

بشرط تستخدمي معها فلوناكسول علشان يخفف القلق

أحيانا ممكن دوا ديباكين يساعدك على الهدوء والارتباك

ويكفي تاخذي ديباكين كرونو 500 ملجم حبة واحدة مساءا

طيب ديباكين كرونو 500 ملجم

اقدر أخذه لحاله؟

والظاهر أني بجرب بروزاك. مع أني أتخوف من تغيير الدوا

بس مع الجرعات الي أخذها وبعدني خامله. وحزينه

احب اشكرك يا دكتور لأنك عرفتني

على كتاب الانسان يبحث عن معنى

قبل كم شهر قريت البداية وتأزمت '' قلت الله يهديك يا دكتور رعد ناقصة هم ""

الحين قريته من منظور ثاني واستمتعت واستفدت منه رائع جداً

وذكرني برواية السجينة لمليكة أفقير

ما ادري قريتها او لا ؟

اهلا أختي شفيقة

لا والله ماقريت الرواية اللي تقولي عنها

والعفو اختي وربي يوفقك