افوكادو حبيت اسئلك ايش اسم الدكتور اللي سوالك العملية وهل يدك جافه جدا الان او لا

وايش اللي مضايقك بعد ماسويت العملية وهل ندمت او لا

وهل سويت العملية للحمرار بس او الاحمرار وتعرق

وكم يوم قعدت في المستشفى

ومن الاخير هل تنصحني اسويها عند مستشفى سعد التخصصي او لا مع ذكر السبب

طبعا انا ابي اسويها للاحمرار الوجه فقط

وهل يوجد تدبيس ولا قطع

وشكرا

أخوي مستر إحمرار يسعد لي مساك
بالنسبة للدكتور اللي سؤالي العمليه هو الدكتور عصام الهلال هو اللي دخلت عليه بمستشفى سعد التخصصي قبل العمليه ولكن في غرفة العمليات معاه طاقم أطباء من ضمنهم الدكتور احمد القرزعي سعودي طبعا عرفني عليه الدكتور عصام وقال لي هذا العمدة تبعنا في غرفة العمليات وسألت أخوي كون أخي في مستشفى مجمع الملك فهد الطبي طريق بقيق وقام سأل الاطباء عنه وبالذات المصريين فردو آه ده عفريت عرفت أنه شاطر جدا وطلع متعاقد معهم وراتبه مائه وعشرون الف


أما لسؤالك عن يدي جافه جدا ام لا أنا سويت العمليه علشان كان عندي تعرق كثير في منطقة الإبط وكونه يسبب لي إحراج جدا في عملي وتعرق ايضا في الرأس ولدي احمرار ولكن ما أجرى حقت الاحمرار بس التعرق والسبب ان عملية الاحمرار شغلها بالعقدة الاولى وهم مايسوونها بحجة نظرية هورنر (ارتخاء جفن العين ) والحيت عليه بعملها ورفض حتى تحت مسؤوليتي رفض رفضا تاما بس فيه قويه سوتها بنفس المستشفى بس ما أدري أيش إسم الدكتور وبالنسبة ليدي نعم جافه وانا لي شهر من سويت العمليه بس عادي جداً جفافها مؤ جفاف يخوف عادي مره بس نتائج العمليه انقطاع التعرق معي في منطقة الإبط والرأس والحمد لله واللي مضايقني العرق التعويضي انتقل الى الصدر والظهر وسؤالي الدكتور أجاب لاتخف ينقطع هذا العرق تدريجيا ولكن ما ندمت على إجاء العمليه



وسؤالك كم قعدت بالمستشفى 3 ايام مقرر علي وطلعت اليوم الثاني على طول بس ياليتني جالس لانه نفخني هواء ما حصلت خير ههههه
عندهم قطع وكي فقط مؤ تدبيس
وسؤالك هل تعملها بمستشفى سعد ايه انصحك مكان نظيف وإمكانياته عاليه أطباء وأجهزه ياولد والله حمامهم حق خمس نجوم مؤ صاحي بغيت أفرش فراشي فيه وأنام من نظافته

مستر احمرار

أنا عمليتي مع الجانبين يمين ويسار الجهه الواحدة 15000 ريال بس الجنب الثاني عليه خصم 50 بالميه يعني 7500 ريال وفوقها تأمين 3500 ريال ترجع بعد العمليه بشهر
يعني المجموع 26000 بس خصم ولي من العمليه 1000 ريال بعد صارت 25000 ونقص حق التأمين اللي بير جعلك 3500 يطلع سعر العمليه 21500 وفي السعوديه بلاش

يعني افهم من كلامك انو ماعندهم تدبيس للعصب

وانو مايسون عملية للاحمرار ؟؟؟

وش صار عليك يا مستر احمرار سويت العمليه

لا والله ماسويتها الى الان مالقيت دكتور سعودي يسوي عملية تدبيس العصب السمبثاوي لحمرة الوجه

خلها على الله بس ادعيلي

شوف يا لطيب بزف لك البشرى وادعيلي
انا ماحبيت استعجل وانزل موضوع بخصوص تدبيس العصب بالرياض ومجانا بعد قلت لما اسوي العمليه راح ابشر الاخوه والاخوات
انتظر موضوعي
دكتور سعودي استشاري كبير يسويها بالرياض مجانا..وتدبيس وليس قطع وللحمرة وزيادة التعرق

السلام عليكم
انا مسوي العملية من 10 اشهر وما انصح احد فيها
الاحمرار ما راح
ايدي على طول ناشفة
وهذا غير العرق اللي في الظهر والرجلين على طول
والحين بدا معاي شي يديد وهو ان ظهري من يعرق تطلع ريحة لا تحتمل لدرجة اني زهقت حياتي من هالريحة
للاخوان اللي سووا العملية يحدث معاكم هالشي ؟

هل الحمره عندك اخوي بسبب نشاط العصب السمبثاوي
ام بسبب مشاكل في الجلد ونحوه

القادم احلى تتكلم من جد فيه دكتور في السعودية يسوي التدبيس

الله يسعدك ويوفقك دنيا واخره ويفرج همك وييسر امرك

طيب عطني معلومات عنه مكانه اي مستشفى ايش اسم الدكتور وليش بيسويها ببلاش غريبه

امين وياك يالطيب
ايه ابشرك ببلاش ويقول العمليه امنه بإذن الله ويسويها لك بعد العيد لو حبيت والطبيب استشاري ممتاز والعمليه تدبيس وليست قطع
اصبر علي لما اسوي العمليه واعطيك كل التفاصيل والنتائج
بس حبيت افرحك بالخبر

الله يرحك زي مافرحتني بس بغيت اسئلك متى بتسويها ؟؟؟

واهم شي ودي اعرف ليش ببلاش؟؟؟

بسويها بعد العيد ان شاء الله
وليش بلاش لان المستشفى حكومي
ويسويها الدكتور نفسه بمستشفى اهلي بحدود 15 الى 20 الف
ولك الخيار تسويها في المستشفى اللي تبي
المستشفى الحكومي يتطلب منك فتح ملف بس
بعطيك كامل التفاصيل بعد العيد ان شاء الله
عسى الله يفرج همي وهمك وهم كل مبتلى

امين يارب

وتكفى تكفى تكفى لاتنساني بعد العيد مباشرة تعال خبرنا وفرحنا
والله مانساك من الدعاااااااااااااااااااااااااااااااااااااااااااااا اااااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا ااااااااااااااااااااااااااء