الله يسلمك اخوي محمد .. انا كنت اخذ فطر ريشي من شركة DXN هنا عندنا لها فروع وموزعين بعد كذا صرت اطلبه من برا ارخص بكثير وكل مكملاتي اطلبها من برا..

هلابك اخوي محمد
والله اني يوم اشوفك اني ادعي لك الله يشفيك ويشفينا
ابو حميد وش اسوي بالوسواس افكار وافكار
ابي نصائحك من كل شي
قولي خطوات اسويها والله تعبت واتعبت اخواني معي انا رجال هادي مو واضح علي لكن من داخلي اتعذب
مرة شفتك تتكلم عن الوسواس وابيك تقولي عن العلاج السلوكي
انا الوسواس اللي معي وسواس افكار فقط

دوبي قريت عن الفطر الريشي والله شكلة مفيد وممتاز وين مكانه المحل اللي يبيعه بروح اشتريه
واذا تنصحوني بمكملات غذائية ياريت تعلموني
وفقكم الله وشفاكم واعانكم

الله يجزاك الف خير ما تقصر يا غالي وانا والله ادعى لكل مريض

شف بالنسبة للوسواس كانت اختي مصابة بوسواس النظافة لدرجة انها تجلس في الحمام 6 ساعات ونحف جسمها وحالتها حاله

استمرت على سورة البقرة تقوم الليل فيها مع زيت الزيتون المقري فيه والحمدالله تزوجت وعندها 3 عيال وحالها عال العال بس استمرت سنة كاملة على سورة البقرة


طبعا سئلتها قالت كنت اتابع مقاطع العلاج السلوكي في النت

الوسواس لازم له علاج سلوكي معرفي تطبيقي من النت ابحث عنه وان شاء الله تحصله


بالنسبة للدواء ليش تاخذ ريميرون اذا تقدر تتركه افضل

بحثت في النت وشفت الدكتور محمد عبدالعليم ينصح بالفافرين بجرعة 200 مع انافرانيل بجرعة 50 ملجم او 75 ملجم

انا مثلك قريت عنه واعجبني وناوي اشتري بس مدري من وين

انصحك بفتامين د قوة 1000 حبة في اليوم

فتامين ب المركب مع حمض الفوليك

كذلك فطر الريشي اذا لقيته اشتره لا تفوته انا راح ادور عنه واعلمك

ي حبيبي ي بو حميد دوبي هليتها بككككى واحس اني ارتحت انا وقفت الريميرون خلالاص مابيه واخذت اليوم انفرانيل 10 مع فافرين
اما سورة البقره لسى ماقريتها بس بعد نصيحتك بقراها كل يوم كامله والله يكتبلك الاجر بكل حرف اقراه
والفطر الريشي بدورة واذا لقيته بعلمك
ابو حميد انا اشوفك كاتب البدراني والبدراني اعرف انه حربي من المدينه
فشكلك من ديرتي ولا انا غلطان

والله البكاء راحة تحس كل همومك تطلع ما عليه تصبر والله ما يضيع لك الاجر وان شاء الله شفاءك قريب

طالب انت اخذت انافرانيل بناء على كلامي او كلام الدكتور لانه لازم تستشير الدكتور احتياط لان جرعة 10 ملجم ضعيفة حاول ترفع الجرعة بالتدريجا الى 50 ملجم او 75 ملجم بس اكثر لا عشان الاعراض الجانبية ما تجيب مثل السمنة والدهون والنعاس والخمول وان شاء الله ما تجيك الاعراض الجانبية لان الجرعة بسيطة


والله اتشرف باهل المدينة تاج راسي والله لكن انا بدراني دوسري من اهل الرياض

واحرص على نفسك يا طالب وعسى المولى يسعدك ويشفيك


كذلك احرص انك تاخذ المكملات وفحص فتامين د ESWVGESWVGESWVG

حبيب قلبي وتاج راسي ي بو حميد ونعم فيك وبالدواسر كلهم
انشهد انهم رجال
حبيبي ابو حميد انا الدكتور زمان قالي خذ الفافرين والانفرانيل بس سحبت على الانفرانيل خفت منه لانه دواء قديم
لكن خلاص مالي حل غيره
بزيد الجرعة الين اوصل 50 والدكتور كاتب لي 150 مع الفافرين
بس كأنها جرعة قويه
عموماً ماعلينا
الفتامين د خذيته وطلع مزبوط مافيه نقص
عادي اخذ مكمل !!

ما عليك زود يا غالي والنعم بالكل

لا تخاف ولا شي الانافرانيل انا مثل اول ما جيت اخذه خايف بس الجرعات الكبيرة تتعبني مثل 150 ملجم و75 ملجم لذلك حاليا على جرعة 50 ملجم مع ثلاثة حبات بروزاك


نعم عادي تاخذ مكمل لكن جرعة اقل واسئل الدكتور عن ذلك

ابو حميد دلني على دكتور كويس بالرياض ابي اراجع عنده
قسم بالله ضايقه فيني الوسيعه
الله يصبرني وحسبي الله ونعم الوكيل

الله يفرجها عليك وما تضيق الا وتفرج

والله ما اقدر اقولك دكتور معين لان كل واحد منا له راي في الاطباء ممكن ترتاح عليه وممكن عموما فيه الدكتور سليمان الصغير والدكتور محمد العقيل والدكتورعبد الله السبيعي والدكتورة هدى البقمي هذولا عندي الافضل وانا اراجع عند الدكتور سليمان الصغير لكن زمان ما جيت لاني اراجع بعد في مستشفى الامل عشان العلاجات بالمجان


اخوي طالب لازم تصبر على الانافرانيل عطه وقت لا تحكم عليه بسرعة اقل شي شهرين حتى تحكم على الدواء


اللهم رب الناس اذهب الباس اشفى اخوي طالب شفاء لا يغادر سقما

الله يجزاك خير ي بعدي
الله يشفينا جميع وشاكر لك

وياك يا غالي والله يشفى الجميع يا ربESWVG

محمد اوميجا 3 وفيتامين دال وفيتامين ب12 كم سعره لاني قريت ان ب12 ممكن يسبب اكتئاب شديد وهل تنصرف هالفيتماينات فالمستشفيات الحكوميه

هلا منتظر بالنسبة اوميغا 3 ما عندي خبر لاني ما استخدمه حاليا بس ان شاء الله قريب استخدمه

بالنسبة لفتامين د 3 مركز من شركة ارمال بسعر 160 ريال قوة 1000 العلبة فيها 180 حبة كل يوم حبة

بالنسبة لحمض الفوليك ب 40 ريال في العلبة 100 حبة كل يوم حبة

بالنسبة لفتامين ب المركب ما عندي علم لانه مب مكتوب عليه السعر بس اظن ب 130 ريال


-------------------------------------------------------------------------------------------

بالنسبة للمستشفيات الحكومية اذا تقصد الامل ما ادري عنه لكن باقي المستشفيات اكيد فيه مائة في المائة



================================================== ================

اذا تبي تريح راسك رح شركة ارمال واشتري اومغيا 3 و فتامين د 3 و فتامين ب المركب مع حمض الفوليك