المشاركة الأصلية كتبت بواسطة يتيمة فرح (المشاركة 1116553)

عاد تعرفون وقت الوسواس الواحد تصدر منه تصرفات بس يهدا يستوعب اللي صار ويضحك ع نفسه انا وقت اوسوس متنفسي هو قوقل مسكين هبلنا فيه حتى ابليس مو اننصدم بس الا جته ازمة نفسية حاادة و يقدم استقالته ):
الموهيم اكمل لكمY>
انا من عشاق قرآءة القصص واقرآ ف النت واجد عاد جت عيني ع قصة واحد يحكي عن واحد فيه ايدز وينصح ان حتى الشغالات لازم يفحصونهم واحتمال ان تجي من بلدها فيها ايدز كلامه منطقي بس وسوس فيني الله يهديه بس):
امي جمعتنا وقالت ان بتجيب شغاله ابد مااعترضت لان اانا وحده متعيجزه مافيني للكرف اهدرت طاقتي الفكريه والجسديه في ف التفكير ...وصلت الشغاله حسيت انها متبهذله علامة التعب بوجهها يمكن لان دققت هذي شغلتنا تعرفون التدقق والتفحص):<br>
المهم نسيت حكاية الايدز صار لها سنه تقريبا امي قالت لنا قومو اكرفو ساعدو المسكينه اليوم تعبانه اكسبو اجرها رحت بساعدها وجهها كله حبوب هالات واضحه تحت العين وجهها اصفر رحت كتبت بقوقل اعراض الايدز وكله فيها هنا جتني ام الركب واي شي تمسكه احفظ شكله عشان مااكل فيه او اشرب لوووووووول😂حالتي مستعصيه<br>
وجهزت امي الفطور وكنت اشرب شاي وخلصته واطلب اختي تصب لي عاد اختي جالسه تضحك تقول بالعافيه شاربه بكباية الشغاله😨 جتني صدمه ايدزيه ):offمعاناه ي درب العنا كتبت بقوقل اذا ينتقل عن طريق الادوات او لا شفت رد وحده قالت ينتقل الله يهدي هالفئه من الناس االي يدب الخوف في قلوب الغلابه): المهم طلعت لي حبه بجبهتي ووحده بخدي هنا قلت شكله حالتي تآزمة واصيح لووووول بس الحمدلله عملنا لها تحاليل وكل شي سليم والحبوب كانت حساسيه من بعض الكريمات اللي استخدمها حسيت ب اني انولدت من جديد من فرحتي طبخت لهم كبسة حاشي d6
وانا ذبحت عمري بالتفكير انتبهن لاتصيرن مثلي ):<br>
ذا موقف ثانيY>
اختي راحت مشوار وتركت ولدها وبنتها عندي وجالسين يلعبون ب المكعبات رحت اسوي لي شي اشربه رجعت وهي تسوي نفسها ميته مطلعه لسانها واخوها ماسك يدها يقول لمو لاتموتين وهي ولاتتحرك عايشه الدور هنا خفت ع بالي ناشبه بحلقها مكعب او جاها اختناق او تسنجت&nbsp; جلست اطبطب فيها واخبطها ع راسها وهي مستسلمه خربت مواهبها التمثيليه مسكينه ): جاها ارتجاج ب المخ ): شوي تصيح وتدعي يالب يالب رافعه يدها وتبكي قامت جمعت العابها يد ماسكه بها العابها ويد تسحب بها البامبرز وفتحت الباب تقول بسافر لوووول ~. تذكرت هاالااعلان انضمي إلى عالم بامبرز المليء بالحب والنوم واللعب😂

المشاركة الأصلية كتبت بواسطة ماندوزا (المشاركة 1118602)

الوسواس يجيب الهم، والي يزوده ان مافي شي من الوسواس بيصير ومع هذا نسترسل معاه ههههههههههه

المشاركة الأصلية كتبت بواسطة يتيمة فرح (المشاركة 1118612)

اي والله هذا الغريب ع كثر اللنوبات اللي تجينا مازلنا نقز من ادنى وجع ونهوجس ):' ي ليت تحط مواقفك وتسذا شاركوني ..ودي احط مواقفي كلها بس مااحس فيه تفاعل ):' تقوطر دموعها ...شاكره لك متابعتك والله ماادري وش اقول غير جعل ربي يحميك من كل شر ويسسسعدك ويطول بعمرك ..

المشاركة الأصلية كتبت بواسطة ماندوزا (المشاركة 1118615)

تسلمين والله وان شاء الله تشفين من هالمرض وترجعين طبيعيه وتتذكرين هالمواقف على انها نكت مضحكه

انا مواقف ماعندي للاسف لان حبيس البيت صار لي شهرين تعرفين رهاب الساح وما يسوي كل طلعاتي فقط للطبيب ودائما افكر ستين سنه و اهوجس قبل ما اطلع ههههههههههه

الله يشفينا

المشاركة الأصلية كتبت بواسطة يتيمة فرح (المشاركة 1118629)

لالالا ي ماندوزآ حاول تطلع تغير جو لاتقول ان معي رهآب الساح ومقدر لانك تقدر الاشياء اللي نخاف منها نواجهه يبدآ دورنا ب المواجهه انت بس شغل مخك ومخيخك وانفضه من الافكار السلبيه وابددا واجهه مخاوفك بكل قوهه ترى افكر اطقك ب المشعاب هج يلا تفتح له البآب انطلق ب الجو العليل وابدآ الحياهه ولا تضيقهآ ع نفسك ..لاتقول ماودك تطلع طول ماانت تجلس ف البيت ماراح تتحسن نفسيتك كبت نفسي لنفسك عليها حق لو تنطق كان قالت اطلع ابي اشوف الناس والدونيآ ...وانا واثقه انك بتقدر وعندي احسسسسساس انك راح تشاركني بمواقفك وبتطلع وتتشافى ب اذن الله ...لا تردني طلبتك اطلع لو خمس دقايق بس موب للمستشفى لاهالمره ترفيهه للنفس فقط وتسذا ...طيب؟ يارب ياكريم يغير حالك لآفضل حآال ..

المشاركة الأصلية كتبت بواسطة ماندوزا (المشاركة 1118632)

لسه حبه حبه، انا عندي هلع و وسواس و اضطراب قلق ورهاب الساح. الحل اني اطلع اكيد هو مو سهل لكنه واجب. وانا طلعت مرتين يمكن او ثلاث قبل رفع جرعة الدواء. ولما رفعتها هجمو علي من جديد القلق والهلع والوسواس هههههههههههه. بس شي طبيعي ما منه خوف. انا رح اطلع بما اقضي على الوسواس نهائيا لأنه هو الي يشغل القلق الزايد والرهاب. وتقريبا اقدر اقول اني وصلت الان الى 65 بالميه من القضاء على الوسواس. باقي شوي بس وابدا انتشر بالشارع ههههههههههههه

المشاركة الأصلية كتبت بواسطة يتيمة فرح (المشاركة 1118642)

لا من خلال شجاعتك وردودك اعطيك نسبه 88 ليه ماتهجم عليهم انت حمر عيونك عليهم لاتنتظر لين تتعافى لانن اذا مافي مواجهه بتطول وانت تقول لين اتعافى !!..اطلع لو خمس دقايق...ولا اقولك بسوي تحدي معك اتحداك تطلع ساعه تسذا والله موب واجد فرفر لين تدوخ الوساوس لين يموت ابليس من حرته ..اذا يتقبل التحدي بعتبر هالشي شجاعه منك واذا تلف وتدور وتتعذر ف هالشي ب اعتبره انسحاب وهزيمه ..ولاتقول صعب والله ترى مهوب صعب انت تستصعب الامر ..اكبر مثآل انا تدري ان معي رهاب الساح بس هالشي ماكان عائق لي اطلع السوق والله تهجم علي مثل الكلاب البلوسيه مع هذا بدحر ابليس وبطلع ..فكر فيها واذا بتقبل التحدي قول بقبل ....؟ ربي يشفينآ ويعافينآ

المشاركة الأصلية كتبت بواسطة ماندوزا (المشاركة 1118645)

انا وسواسي الي باقي عندي مختلف، اني احس السكر يهبط،، وهو فعلا انا معاي السكر يعني في سبب ومسبب وانا سبق ومان عندي مشكله معاه. وسواس الموت والامراض كلها راحت لكن باقي هالشي هذا الان. وانا قاعد اسيطر عليه .... موضوعي مو بهالبساطه هههههههههههههه

لكن ان شاء الله رح اتغلب عليه

المشاركة الأصلية كتبت بواسطة يتيمة فرح (المشاركة 1118659)

دام انك تآخذ ادوية السكر بوقتهآ لاتقلق امي الله يحفظهآ تآخذ حبوب السكر وتكرف وتروح وتجي والحمدلله ماهبط ..الحبوب تنظم السكر ب الدم وتقدر تمارس حياتك بشكل طبيعي لاتوسوس في هالشي وبالعكس دام مهتم ب اكلك وبموعد العلاج ليه تخاف واكيد عندك جهاز السكر خذه معك اي مكان اذا خايف بس لاتنعزل ع المجتمع بسبب هالشي ..يعني اعرف شايب ياكل تمر وحلا ولا يهتم واذا ارتفع ياخذ دواه هو غلط لان موب مهتم ب اكله ولا يسوي حميه بس حلو انه مايوسوس لان الوسواس متعب والعن مرض ...ترى حتى اللي مافيه سكر معرض للهبوط انا واجد جاني هبوط واكل اي شي حلو وقبل بنت عمي جاها هبوط ب السكر لان مااكلت شي ...لاتوسوس والله ماراح يصير الا اللي ربك كاتبه وحلو انك تغلبت ماشاء الله ع وسواس الموت بس للحين ماتغلبت ع وسواس المرض لانك تهوجس ب الهبوط والسكر واكيد تقدر تتغلب عليه ...

المشاركة الأصلية كتبت بواسطة يتيمة فرح (المشاركة 1120040)

مدري وش آكتب )' فيني توتر ع خوف ع مدري وشهو )' الزبده مدري وش ب الضبط..
موقف صار لي قبل شوي هو عادي بس مدري اسم الله علي قمت اهوجس )'"
اختي ماسكه اللاب وتبحث عن ماركآت وتسذا وووالخ وكانت توريني وكل م توريني اقول وع موب حلو مره آوفر !%
شكلها حقدت عليآ تحب تعصبني وتنرفزني(: الزبده كنت هاديه وش حليلي مافيني ذرة قلق)...كنا نسولف عادي وفجآه كذا ناظرت تقولي وجهك ليه كذا !!!! وعينها بتطلع من راسها وانا اقول وش فيه وجهي وهي تشاهق وانا شوي بصيح تقول وش اللي بوجهك تدرون وش جاء ببالي الموت وش دخله مدري (: !!!! قلت يمكن ملاحظه شي وانا موب ملاحظته..او او الخ من ذي الوساوس جاني خفقآن قسم
قربت مني وعطتني كف وجهي فر ميه وثمانين درجه باتجاه الشرق وعيا يلف مره ثانيه ): متعودين نمزح مع بعض موب ذي المشكله..المشكله بعد الكف وجهي فيه تنميل للحين مدري هالشي طبيعي ولا لا !!!! وانا اشتغلت فيني الوسوسه وهي لق لق لق فوق راسي #EFتقول ذي الطريقه قريتها تقضي ع الوسواس (:حضتس و بيطلع لتس خديدات بعد طريقة نفخ طبيعيه ومبتكره تستهبل هي وجهها !&
ويدينها اعوذ بالله كبر راسها):
ادري كلامي موب مرتب وتسذا بس حبيت أفضفض)'
بسوي مساج لخدي كود يروح التنميل z2