|
الدكتور محمد عبدالعليم يقول
ٳن التحاور مع شخص محبب لك وقريب منك عن مرضك ووضعك وطمٲنته لك هو نوع من انواع العلاج السلوكي |
اقتباس:
ولهذا تشوفي في دول العالم الاول يعتنون بالنفسيه واجازاتهم كثيره بينما هنا للاسف مافي |
اقتباس:
يكفي اننا نعاني نفسيا،، ف يجب ان نتكلم وانت مشكور على فضفضتك وقد يراك شخص اخر ويتكلم ايضا لان كلنا بحاجه للفضفضه |
اقتباس:
المشكله لا صار هالشخص المحبب لي مو داري ويسلك بس وانت تحس انه يسلك |
بالنسبه لي عن تجربه و عن إطلاع باللي عندهم نفس حالتي و حالات إشوفها
موقف الأهل ضعيف و سلبي نسبيا بالأول يهتمون فيك و يسألون عنك بس بعدين ؟ يبدون يطفشون ويملون مرات ممكن يمتد الأمر اللي الهواش و الزعل لأنهم ما يعرفون اللي نحس فيه ولا جربوه يحسبونه خوف عادي ويروح مثل خوف وقلق الاختبار او الزواج لكن خوفنا وقلقنا شي ثاني خوف وقلق وتوتر من لا شي مو فاهمين ان تغير مزاجنا وتغير تعاملنا و كسلنا و انطوائيتنا هي سبب القلق والخوف اللي نحسه مرات نضطر نخبي عنهم او نكذب عليهم عشان ما ينقلب الموقف لشيء سلبي لأن اذا علقت على خوفك من الطلعه او كتم صوت التلفزيون او الابتعاد عن النقاشات و صوت الاطفال يحسبون انك نفسيه ومو عاجبك شي وانت بالأساس ملايين الافكار السلبيه ببالك وقلبك يمشي ألف عدم معرفتهم بأن في شي اسمه قلق توتر خوف اختلال انيه نوبات هلع هو سبب موقفهم البارد والسلبي معانا |
اقتباس:
وانتي فتحتي عيني على شغله مثل اختلال الانيه هذا بعض المرضى النفسيين الي ما جربوه مو فاهمينه ف ما بالك بالمعافين ايش يعني كأنك في حلم او الامور عجيبه،، هذا الي بيتبادر لهم ثم لاحظي ، كل هالمشاعر هذي والاحاسيس ولكنك من الخارح شكلك عادي وهذا يصعب علينا معاناتنا الله يعافينا كلنا |
بس تعليق بسيط
بعض ردودي او المواضيع القى اعلان مغربيه للزواج سوريه تنتظرك وش السالفه ،، ياخي يدي تحكني هههههههههههههههه الله يستر |
اقتباس:
تزوج يمكن يروح منك القلق او النوبات |
اقتباس:
لا لا لا قاصدينا كذا ههههههههههه |
اقتباس:
اللي يتعب النفسية زيادة إني من النوع اللي أقرأ التعابير وأهتم فيها ... مو بناحية سلبية .. بناحية إيجابية للشخص المقابل ... اقرأ في تعابيره وكلماته احساسه واحتياجه واداريه دون ما أحسسه بضعفه الآن لما أشتكي من عرض مؤلم ورغم إني أمثل انه مو مقلقني ... ألاحظ تعابير " هذا مصخها _ ماني فاضي لك _ رجعنا على طير ياللي _ خواف " ... وبنفس الوقت لو تصير مسألة شائكة وتحتاج موقف صلب وشجاع .. يلتفتون لك ... هنا شيء يجيب الغثيان ناس قريبين ما يتعبون انفسهم بالتفكير في مسألة التغير الكبير الحاصل معك .... لدرجة ان التغير الحاصل فيك يختلف خلال يوم واحد مابين تصديك لأمور ومواقف مهمه ومابين لحظه تتغير 180 درجة وتسأل عن أعراض تصير معك ووجهك شاحب وتلاحظ الإنسحابات من حولك اللي يمثل وكأنه انشغل بشيء مهم بالجوال واللي يتعازمون على الرد بنظراتهم لبعض ... ينتظر الثاني يرد عليك هنا تحتار مابين انك تكون إنفعالي وتشرح برودهم ... أو انك تكون باااااارد وتحط حاجز وما تشرح اللي قاعد يصير معك لذلك الأفضل ان الشخص ما يشرح اللي يصير معه إلا للشخص اللي يتفهمه أو على الأقل يحاول يتفهمه ويرعف إن فيه مشكلة |
الفيسات اللي ظهرت في مشاركتي مدري وش تبي ولا أدري كيف جت
حاط فواصل طلع الفيس هذا !!! سلاش = _ |
ماندوزا
معالجي يقول لي أحد العلاجات هي الزواج ! ممكن الخص يتزوج و يتخلص من الخوف والقلق والنوبات لأن يتغير الروتين و تتغير الحياه والاهتمامات وهكذا للأمانه مو مقتنعه احس بالعكس بتزيد المسؤوليه و التعب وبالتالي يزيد القلق و الخوف ..... الخ |
عبدالله سلمان
كلامك صحيح للأسف الناس مو حاسين باللي احنا نعاني منه يحسبونه شي عادي ومجرد ترتاح بيروح من واقع تجربه قلّت علاقاتي و كلامي لأن محد يبي يساعد او ع الاقل يسمع كله تسليك او يطفشون بالأخير صرت احاول اكتفي بنفسي او معالجي ولو انه صار يعصب علي لما اشتكي :) حتى الاهل بالاول يهتمون ويسمعون لك بعدين يملوووون |
الشكوى لغير الله مذله...كلنا نعرف ان كل هم وكل مشكلة الفرج بيد رب العالمين...
بس احيانا نحس ان الهم او المشكله اللي داخلنا تحتاج لطرف ثاني ان يخفف عنا او يحل مشاكلنا ... مو بس مانشكي للاهل عن اعراضنآ حتى اللي حولنا لان فيه فئات صصراحه تزيد الحال ل سوء بكلامهم وتصرفاتهم يحسسون الشخص انه تافه اللي يحس فيه وهو يعاني منه لان بختصار مايحسون فيه!! واذآ فكر اي احد يلجىء لاشخاص لازم يكونون ثقه وعارفين انهم بيساعدونه ويخففو عنه انا اعارضك في ان محد يشكي للآهل رغم متآزمهه من هالشي وانت عارف مشكلتي مع الاهل قبل قلتها لكك لكن فيه اهل متفهمين ويساندون ويكونون عون .. وفيه اهل عكسس بعض المشاكل زي مشكلتنا تحتاج نقاش وحوار عشان نتوصل لحلول وما ينفع ان الشخص يعتكف ع نفسه ومشكله اذا الاهل هم الاقرب للشخص وهم اللي مفروض يحسون فيه يكونوا معه يكونون ضده لين تتآزم نفسيته!! مساندت الاهل (جزء من العلاج) |
اقتباس:
معروف عندنا البنت اذا بدت تكشخ قالو زوجوها الولد لا بدا يطلع قالرو زوجوه البنت لا صارت تمشط شعرها قالو زوجوها الولد لا صار جايب العيد بالدراسه قالو زوجوه .... اي شي عندنا زوجوه ويبينون ان الزواج هذا اسهل شي بالحياه مع انه مسؤوليه حياتيه وشرعيه عظيمه ثم يتفاجؤون ليش الطلاق عندنا كثير ويتساؤلون بشكل فظيع يقولون عجيبه ليش كذا عندنا وانا ما بقول رأيي بالزواج لكن عندك هنا ناس تزوجت لما مرضت اسأليهم وقيسي عليها |
| الساعة الآن 09:39 AM |
Powered by vBulletin® Version 3.8.11
Copyright ©2000 - 2025, vBulletin Solutions, Inc.
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.
المواضيع المكتوبة لاتعبر بالضرورة عن رأي الموقع رسميا