ايوا اخوي جاتني هالحاله بعد فيلم ل شخص مريض شفته منتشر بتويتر قبل 9 شهور تقريبا وجتني بنفس اللحظه الخوف والجنون وراحت ورجعت بعد شهررر عند التفكير بموضوع معين او خبر حادث ..

انا جتني قبل حاله لوم النفس والندم الشديد على الماضي
اتوقع انه من اعراض الاكتئاب لدرجة اني احس ماسويت شي كويس بحياتي

اما الناس لايملكون لانفسهم نفعا ولا ضرا

اخوي هل عالجتها وتخلصت منها ؟

علاجتها بالقران وقيام الليل
وصلاة الضحى
والمحافظه على اذكار الصباح والمساء
اما الادويه النفسيه ماستخدمتها

عادية حبيبي جدا وتسمى نوبات الهلع والاضطربات النفسيه كانت معي ورحت لدكتور نفساني واعطاني دواء وفي 20 يوم صرت في حاله ممتازه واكثر من الاول 200%

االله يسعدكككك سعاده مابعدها حزن 😢
احب الكلام الايجابي والتفاؤل
ماشاء الله تبارك الله ربي يديم عليك العافيه
ابي اسم الدكتور تكفين بروح له مافيني انتظر تعبت ؟💜

انا اخوي محافظه نفسك بس مافيه تغيير
يمكن لان عندنا ظروف وضغط هالفتره مااحس بالتغيير
الله يديم عليك العافيه 🙏🏻

لا اله الا انت سبحانك اني كنت من الظالمين 🕊

سعود
 

تكفين 😐😐😐 ولد انا الله يهديك ما علينا

روح لرياض لعيادة الدكتور عبدالله السبيعي اسم عيادة ادراك او ادخل تويتر وكتب البروفسور عبدالله السبيعي ادخل على حسابه وتحصل رقم هواتف عيادته اتصل فيهم وحدد موعد اذا كنت في الرياض واذا كنت خارج الرياض تقدر تكلم الدكتور وانت متكي في البيت تحول 300 ريال على حسابهم ويحددو لك موعد ويتصلو عليك ويقولو تفضل الدكتور عبدالله معك على الخط اشرح حالتك بتفصيل وراح يصرف لك الدواء ويعلمك بطريقة

وسلامتك ادع لي بشفاء

سعود
 

ياناس فيه فرق بين عياده نفسي ومستشفى مجانين ومستشفى الامل.........والخ
العيادة النفسيه زيه وي اي عياده اخرى مثل عيادة القلب و عيادة الباطنيه وعيادة المسالك ...والخ
زي مثلا جاني الام في قلبي بروح لعيادة القلب وماني رايح لشيخ يقراء علي طبعا مو كل شي يصير فينا رح لشيخ يقراء عليك الرقية للعين او الحسد او سحر اما الحلات الوسواس ونوبات الهلع والاضطربات النفسيه روح لعيادة نفساني خايف من الناس لا تقول لحد استخدم الدواء وبطله ولا حد عرف انك ذهبت لطب النفسه اي واحد يصير في نفس عالاعراض على تشاور احد صل ركعتين وستاخير وتوكل على الله انا ان سمعت لناس كل شي مسوين فاهمين فيه وشكر لكم .....

اسفه اخوي خطأ ولاقدرت اعدله
الله يسعدك ويحقق ماتتمنى ويتمم عليك الشفاء🌹

هذا الرد يمثلني بشدة

شوفي يابنت الحلال معاك شخص عانى من نوبات الهلع لين ما عض الارض 😦
وكل الاعراض اللي تقولينها مرت علي
سرعة ضربات القلب
الم في الجهه اليسرى من الجسم
غثيان
غصه بالحلق
نفضه بالجسم
تعرق ليلي
كل حااااااجه واحب اقول لك اني الحين وبعد سنتين من الاعراض اليوميه بخير وصحة وسلامه و الله لا يغير علينا
اهم شي لا تحطين في بالك انك بتنجنين بعيد الشر عنك....بتقولين لي ليش؟
بقةل لك لأن العلم اثبت الان الامراض العصبيه تختلف اختلاف تام عن الامراض العقليه اللي هي الفصام وغيره وان نوبة الهلع مهما زادت ماراح تعمل شي واتحدى اي شخص يثبت غير كذا
وسلامتك

ماشاء الله تبارك الله
الله يتمم عليك الشفاء ، كلامك ريحني
ربي يسعدك يااخوي 🌹

السلام عليكم ورحمة الله وبركاته


قرأت موضوعك كامل والردود ... لابد تعرفين ان النوع هذا من الوسواس ونوبات الهلع هي شيء عرضي بسبب ضغوط الحياة والتوتر والقلق ... يختفي بإذن الله بإختفاء مسبباته بشكل تدريجي وبدون ما تدرين عن نفسك


اللي بايدك تسوينه هو بتغيير المسببات وتجاوز الضغوط اللي تعانين منها ... إذا الضغوط المعيشية اللي مسببه لك التوتر والقلق فوق طاقتك ولا تملكين تغيرينها بسهولة حاولي تخففين منها


أولا انتي ان شاء الله محافظة على الصلوات في وقتها والاذكار ... ثانيا أشغلي نفسك قدر المستطاع بأشياء ذهنية وبدنية ... اعملي جدول صارم يومي وراح اعطيك أمثلة


أهم شيء هو انك تبتعدين عن المنبهات مثل القهوة والشاي ... وضروري تستبدلينها بأشياء تخفف من التوتر مثل النعناع والبابونج والينسون ... الخ .... ونظام النوم يكون ممتاز بالنوم بدري

انسي أحلام اليقظة والجلوس في فراغ والاسترسال بالتفكير ... التزمي بجدول فيه قراءة كتاب مسلي وقصص بالتاريخ ... والمشي مرتين باليوم والجلوس بالشمس كل هالاشياء تخفف من التوتر وحالة الاتنشن اللي شغاله معك على طول

ابتعدي لفترة عن المنتدى .. ابتعدي عن البحث في الانترنت والمواقع اللي فيها اخبار سيئة ... تابعي القنوات الوثائقية عن الحيوانات والنباتات والحشرات .. تابعي أشياء مافيها أمراض ومشاكل مثل قنوات الاخبار والافلام


التزمي بأكل صحي وعشاء خفيف وقبل النوم بفترة طويلة ... كل هالاشياء بإذن الله راح تخفف من الوسواس ونوبات الهلع ... وبشكل تدريجي ما راح تلاحظينه على طول ... بعد فترة راح تستوعبين انك تحسنتي ... وحتى لو تحسنتي التزمي بنظامك الجديد وان شاء الله تجين تبشرينا بالتحسن والشفاء بإذن الله


أهم شيء خليك صارمة بخصوص نظام يومك واكلك وشربك