الامل دائم بالله اول واخر واي علاج سواء عملية ان غيرها مجرد بذل اسباب وشكرا تفاعلك بالموضوع واي شخص يوافقني يكتب هالشي واي شخص يرفض رايي يكتب ويكتب ليش

رفع رفع رفع رفع

أخي العزيز .... توك قبل كم يوم كاتب نفس الموضوع وناقشناك فيه .. والموضوع مازال موجود في الصفحة الأولى


أنت تبي أحد يشجعك ويقنعك بالعملية .... راجع ردي في موضوعك السابق


وبعدين أنت كأنك تتكلم عن مرض عضال ... ترى كله هلع وكثير من الأعضاء تشافوا منه .... حاول تتخلص منه من نصائح الأعضاء ولا تبحث عن سبب عضوي لأنه مافيك سبب عضوي وانت سليم من هالناحية


أعيد وأكرر .. راجع ردي على موضوعك السابق

والله يشفيك ويعافيك أخوي ويطمن قلبك

الله يجزاك خير يا اخوي وتسلم على كلامك الطيب فعلا الهلع بسيط ولكن مزعج واحس يعطل الانسان يعيش حياته بشكل كامل انا الله يطولي بعمرك ما ابحث عن تشجيع انا ابحث عن نقاش هادف والموضوع الاول معاك واحس فشل لانه ما لقيت التفاعل اللي ابيه وهذا ذكرته بالموضوع هذا وابشر الحين راح اراجع كلامك وشكرا مرة اخرى

راجعت كلامك يا اخوي انا بهالموضوع طرحت عملية ثانية اتختلف عن اللي بالموضوع اللي ذكرته لي انصحك تقرا موضوعي هذا جيدا

تبغى الصراحه اشوف ان الهلع اخف انواع الامراض النفسيه وتاكدت حتى لو شلت الجزء اللي قلت من الغده الكظريه ماراح تستفيد شي تعرف ليش؟؟

لان الشيطان ماراح يخليك بحالك بيتسلط عليك بشي ثاني ياوسواس او اكتئاب او اي مرض ثاني فتتعوذ من الشيطان وتشيل فكرة العمليه من راسك وياتاخذ دوا ولا اصبر و جاهد وخلك على الرقيه والاذكار افضل

عن نفسي العلاج النفسي جاب نتيجة طيبه في علاج الهلع ولي لان 5سنوات من راحت نوبات الهلع الله لايعيدها

شكرا ام سما على رايك ولكن ودي اسئلك بكل صراحة هل تخلصتي من نوبات الهلع بنسبة 100 بالمية ؟

اخوي الله يوفقك ويشفيك ويعافيك ويطمن قلبك ... أنت إلى الآن ما فهمتني


أنت يا أخي تبحث عن سبب عضوي ... في ذاك الموضوع أو هذا الموضوع .. سواءا العصب السمبثاوي أو الغدة الكظرية


أنت سليم عضوياً .. أنت عندك مشكلة نفسية تسمى الهلع .. من شان كذا أنت هنا في منتدى نفسي


تدري من اللي يعاني وينصحونه بتدبيس العصب اللي تقول ؟؟ هو الشخص اللي عنده فرط تعرق طول اليوم ... وأنا سبق ومر علي شخص معه هذي الحالة ... عزمته عندي في الديوان ولما غادر جيت بنفس مكانه وكان بركه من الماء ... قلت شكله منتثر مويه هنا ... هنا قال لي صاحبه لأ الرجل عنده مشكلة بالتعرق بكثرة على طول


انت ركز على مشكلتك النفسية لأن ماعندك مشكلة عضوية ... من شان كذا قلت لك ارجع لردي في موضوعك السابق اللي فيه تفصيل وتمثيل عن هالمشكلة


راجع تجارب المتشافين من الهلع
الله يوفقك

الله يجزاك خير على تفاعلك وانا معاك بهالنقطة ان الموضوع نفسي وليس عضوي وابشرك الهلع عندي جدا جدا بسيط ولكن انا طماع بفضل الله انه يختفي بشكل نهائي لانه لله الحمد نوبات الهلع ما تجي الا بشكل جدا جدا جدا نادر لي المهم حاب اطلب منك يا اخوي العزيز تكتب عن تجربتك مع نوبات الهلع لاني لاحظ نوبات الهلع ماشاء الله عندك خفت جدا اكتبها عشان نستفيد من بعض وشكرا مرة اخرى

رفع رفع رفع

السلام عليكم اخي ،،

أسألك
هل ناقشت هذا الحل مع طبيب مختص ؟

من وين وصلت لهذا الحل و كيف اقتنعت انه مضمون و يشفي الهلع

بالبداية شكرا على تفاعلك مع الموضوع ويشرفني وجودك معاي بخصوص السؤال يا اختي الكريمة انا قراءت وسئلت كذا دكتور عن هذا الهرمون ولاحظت مافيه اي فايدة الا الخوف ف اللي عنده هلع مافيه ضرر بعتقادي الشخصي لو خفف من انتاج هالهرمون مثلا لو عندك تلفزيون الصوت على 100 وكان صوت مزعج بالنسبة لك شي طبيعي راح تاخذين الريموت وتنزلي الصوت مثلا الى 50 او 40 على حسب اللي يناسبك لو نزلتي المستوى هذا لا يعني انه راح يختفي الصوت ولكن القصة انج ضبطتي المستوى اللي يناسبك اتمنى المثال واضح


واخيرا انا لا اجبر احد على الاقتناع بما اطرح ولكن اطلب من كل الاشخاص يتحققون من كلامي اذا صح او خطا وبالنهاية هو حر

والله مسالة الهلع فعلا شيء مزعج ولو صار بدرجة بسيطة في حياتنا...
يبقى شعور مزعج وممكن يعطل حياتنا و مشاريعنا كلها

و أنا معك أن السبب الرئيسي هو كثرة افراز هرمونات الخطر وأهمها الأدرينالين
وعشان نتخلص من المشكل لازم نقلل من افراز هذا الهومون...صح؟؟؟
والمسؤول عن افراز هذا الهرمون هو الغدة الكظرية مثل ماتفضلت حضرتك...صح؟؟؟

بس عندي سؤال...
من الذي يأمر الغدة الكظرية بافراز هذا الهرمون؟؟؟؟

أنا أقولك...الجواب هو الدماغ...

فعشان نعالج الموضوع لازم نروح للدماغ...

بس اطمن ماراح نفتحوا ولا نسوي فيه شيء
و إنما الذي يتحكم في الدماغ هو...
العقل الباطن
فأنا أحاول أغير من هذا العضو
كيف؟؟؟؟
بالأفكار.....بس

أدري راح تقول نعم جربنا و ما أفادنا...
بس أظن أنك جربت ...إما
بطريقة خاطئة
أو أنك جربت فعلا بس ماصبرت معاها..ولم تعطها الوقت الكافي عشان تاخذ مفعولها

راح أقولك ايش نسوي...
اعطي عقلك الباطن فكرة....
اي فكرة تخليك ماتخاف ولا يجيك هلع...
ولو لم تشعر بفعالية هذه الفكرة ...
انت ركز بس على الطريقة
واعلم أن العقل الباطن يصدق أي شيء يقال له ولو لم يكن صحيحا
فقط هو يحتاج أن تكرر هذه الفكرة مرارا و تكرارا

يعني نتخيل هذا الهلع كأنه كأس مليء بالقهوة ....يعني المخ مليء بأفكار سوداء...اللي يكون نهايته الاصابة بنوبات الهلع
ماراح تفتح المخ وتفرغ منه الأفكار....لا
أنتي جيب هذا الكأس اللي فيه قهوة وحطو تحت الحنفية و افتح الموية ....بهداوة بس
وخلي الموية تختلط مع القهوة ....بعد مرور فترة طويييييييييييييييييييلة من الزمن...ايش تلاحظ؟؟؟
أن لون القهوة بدا يختفي و صار في محله لون الماء...صح؟؟؟؟

وهكذا نفعل مع عقولنا....
نعطيها أفكار ايجابية....ولو ماحسينا بالفرق....
مع الوقت و الصبر راح نلاحظ أن القهوة تخرج من الكأس و يحل محلها الماء

أهم شيء ...
أولا...نقتنع بهذا العلاج
ثانيا...نداوم عليه
وثالثا...نصبر عليه
ورابعا وهو الأهم.....لا تنتظر من أحد أن يغير أفكارك أو يعطيك العلاج السحري
انت وحدك تقدر تعالج نفسك....كيف؟؟؟؟
إذا ركزت فيما قلته سابقا..

وهذا الدواء هو العلاج السلوكي اللي لم يقنع الكثيييييييييييييير من الناس ماداري ليش
مع إنو بسيط وواضح
والأهم .....إنو فعال

والله يعيننا و يشفينا جميعا يارب

فعلاً العلاج السلوكي والمواجهه اكبر حل لهذي المشكله..
وكثير ناس تشافو بهالشيء انو بدايه الايام الاعراض تزيد وتزيد بعدين تخف تدريجياً

مع اجماع تقريبا كل اللي معاهم هلع ان دائم الهلع ما يروح بنسبة 100 % انا بالموضوع هذا اطرح علاج الهلع بنسبة 100 باذن الله تعالى وبعدين العلاجات اللي ذكرتيها تاخذ سنوات من عمرنا وبصراحة حاب انقذ نفسي وانقذكم معاي قبل لا تضيع اعمارنا على الهلع وانا دائم اكرر ما اجبر احد بفكاري وشكرا