مو على كيفك توقفين بوجييهم هذا أولا ... عندهم أسبابهم ولابد تحترمينها سواءا كانت صح أو كانت فيها شيء من الخطأ ... أما سالفة يا أدخل حقوق وأبي ألبس على كيفي أو يكونون أهلي ناس متسلطين وأكرههم


أما سالفة ناس يستانسون وناس لأ وصديقاتي مبسوطين ووو الخ .... مع إحترامي ما دهورك إلا النظر للغير .. وصديقاتك اللي تقولين أتوقع لهم دور في تحطيمك .. المشكلة مو في أهلك .. المشكلة في تفكيرك وممكن في صديقاتك


الحالة اللي تعيشينها حاليا تسمّى دلع .. لا أكثر ولا أقل


وكل موضوع تكتبينه راح أحاورك بالمنطق ... مفيش طبطبه ... أغلب الناس تقدّر أهلها وتحترمها وتتشكرها على كل شيء تقدمه من الطفولة وإلين آخر يوم في الحياة .... لكن فيه ناس جاحدة ما تشوف إلا أنفسها .. لدرجة ممكن يسب أمه وأبوه وعائلته بس لأنه شره جدا وأناني ودلّوع زيادة عن اللزوم يبي كل طلباته أوامر مهما كانت صح أو خطأ .... أتوقع وأتمنى إنك ما تكونين منهم

كل اللي ردو مشكورين بروح ادرس وارجع للموضوع بالليل

ردي علي كلامك كلمة وحدة انك رجل اتروح وترجع وماعندك قيود كثر اللي عند المرأة فمهما أتكلم ماراح تفهمني وبس

أهااا .. كان اختصرتي الموضوع من أول يوم دخلتي المنتدى بدل اللف والدوران


أنا أحب أمك وأبوك حباً جمّا .... خصوصاً أمك ثم أمك ثم أمك ثم أبوك


الحين كل هالإكتئاب والحلطمة من شانهم يودونك عمرة لمكة وتمشيات وسفريات ويخيرونك بغير القانون ويبون لك الخير وينصحونك ويوجهونك ... وإنتي تبين تكونين فري وتلبسين على كيفك وتروحين مسرحيات


ما أقول إلا الله يقويهم ولا يغير عليهم ... ويغيرك للأحسن ويهديك


ليتك طالعة عليهم بس .... للأسف بس .. تعبوا كثير وآخرتها طلعتي أنتي مطينة عيشتهم وتكرهينهم وهم إلى يومك هذا شايلينك من طبيب لطبيب على بالهم عندك مشكلة حقيقية


الله يصبرهم ويجزاهم خير

يا بنت الناس لو أعد القيود اللي عندك وعندي .. صدقيني راح تنتقدين نفسك


مشكلتك تصادمين عائلتك ومجتمعك ودينك ... هذي مشكلتك .. قيود وهمية .... أنا لو منهم حطيت فيك قيود حقيقية ... كلبوش


أجل تبين تكشخين وتطلعين مسرحيات ...!!! مكثرة من المسلسلات والأفلام انتي

لقد بلغ السيل الزبي وأكتفي بهذا القدر عمرك ماراح تفهمني..

قلتلك عمرك ماراح تفهمني انت مقتنع بفكرة اني قاع اتدلع وما تبي تغيرها

ياخوي عبدالله اسمحلي لو كل الناس او المعالجين يردون بمثل اسلوبك كان المرضى ذبحو انفسهم

اسمح لك ... إذا ما سمحت لك من أسمح له

هههه

بالعس والله رد الاخ عبدالله منطقي جداً


انا معه ميه بالمية

وكلامه ينبع من خوفة ع مصلحة الاخت ساره
والله اني لمست بردوده خوف الاخ الكبير على اخته الصغيره


وانتي ياانسه سعاااده حاولي تهدين شوي
وترضين بواقعك اللي عايشته. وترا الرضا والقناعه نصف السعاده

ولاتناظرين للي حولك اللي رايحين وطالعين ولارقيب ولاحسيب وع بالك ان هالشي قمة السعاده

صدقيني يمكن وضعك احسن منهم بكثييير
تقولين امك مدرسة دين
وابوك مطوع واهلك مطاوعه

حاولي تجعلين منهم قدوه لك

كل اللي ردو مشكورين

آآآننسسسة سعآآدة .. http://www.kuwaityiat.com/images/ico...con%20(30).gif

يسععدك ربي ويصبح عليكـ بالفل والكآدي ..~

..........

آنسة سعاادة .. سآرة .. http://www.tran33m.com/uploadcenter/...1368173493.gif



الاستاذ عبدالله شرح موضوعك كآمل .. وجاوبتي عليه انه صحيح وجاوبتي عن نفسك

..

صحيح الناس الحين تفتحت وصارت تروح وتجي وتطلع وخاصة عندكم في الكويت http://www.tran33m.com/uploadcenter/...1368173493.gif يعني

الوضع فري البنت تطلع وتروح وتجي وتشوفين في الجامعة البنات وشلون لابسين

ووش راكبين من سيارات او من طلعات مسرحيات وقروبات بنات وسهرات عند الصاحبات

.......

انا معك الواحد يبي يستانس يبي ينبسط .. لكن ي سآره الطريق هذآ له نهاية سيئة مفآجئة ! http://www.students-bh.com/vb/images/smilies/no.gif
......

بسم الله عليك والله يحفظك .. يمكن تمرو على شباب يستهبلوا ويحتكوا فيكم ووقت وناسه وكذآ
الواحد يتحمس ويصير جريئ .. وراح يتطور الوضع لين يصير عادي جلسات شباب ووناسه
ما راح تحسي بالغلط ابدا .. بحكم التعود ..


انتي مثل الطفل الي يشوف ولد عمه معه حلوى .. لكن الحلوى ماراح تبقى مثل ماهي !! راح تصير عود بلاستيكي في الاخير ؟

اي السعاد في الامور هذي مؤقته وبعدها تبين تغيرين الوناسه ذي وتتوسعين شوي شوي ..

ما يحتاج اشرح لك انتي تشوفين كل شي قداامكك ..


الخوف عليك ي ساره مو منك الله يحميك ويستر عليك .. http://www.htuon.net/images/smilies/273.gif


حنا متزوجين وحريمنا ما نخليهم يروحون السوق لحالهم ولا نخليهم يطعون السوبر ماركت لحالهم
ولا نخليهم يروحون جمعات بنات لآخر الليل ولا نخليهم في اي موقف يكون فيه رجال لحالهم

.........

مو شكاً فيهم حشى http://www.htuon.net/images/smilies/273.gif.. لكن نخاف عليهم والله الواحد ما يدري وش يدخل الشيطان في قلبه.. لازم يكون فيه حرص .. وغيرة
.........

مثل ما المره اذا زوجها معها في السوق ويناظر في بنات خلق الله .. زوجته بتهاوشة .. ومن هذا المنطلق راح يهابها وتقل نظراته
لكن لو خلته مثل ماهو بيتمرد عليها .. http://www.tran33m.com/vb/images/smilies/36_3_19.gif

.........

عمومآآ طوللت عليك .. http://www.htuon.net/images/smilies/273.gif

مجرد نصيحه من اخو عاش الحياة ..

اسآل الله ان يرزقك الزوج الصالح الي تشوفين دروب السعاد معه .. http://www.tran33m.com/vb/storeimg/i...495672_619.gif

مشكور اخوي ابو بدر علي ردك الفخم..

متاكدة انا الأخ عبدالله ماراح يدخل موضوعي وأحب اقولة ان أسلوبة ما اقنعني كلش

وبعدي الانسان اذا يبي ينصح لازم يكون متخصص مو اي شخص يمر ينصح عشان جذي يمكن ماعرف يوصل وجهه نطرة