والله العظيم انا لما حسيت اهلي كانو مسافرين وانطرهم يردون عشان اشوفهم ولما ردو قلتلهم قالو وسواس وخلاص لاتفكرين بس ماخبيت اقولهم مره ثانيه واهما على بالهم اني صرت زينه اول ايام امي تقرا علي قبل لا انام لانه تقريباً عين بس الله يعلم اي والله ملييت اذا فكرت ادش المنتدى اقرا احس اني قاعده افضفض حق احد حتى لو ماقلتلهم شي😭😭

والله انج قاعدة تسولفين عن اللي صار وياي بالضبط انا جذي بدايته يتني نغزات ابطني وقلت اكيد الموت هذا وطبعاً من اقوى انواع الرعب اللي تمر عالانسان انه يحس بهالوسواس لاول مرة المهم عقب قامت امي تقرا علي وقعدت تقريبا شهرين ما ادري شنو حالتي او شنو فيني لين دشيت النت وقمت اكتب الاعراض وجذي عقب دريت انه وسواس وانا سالفتي طويله مع الوسواس بصراحة معاناه ما بعدها معاناه والله

انا الحمدالله صرت ما افكر فيه وايد طول اليوم بس اذا احد قال فلان توفى او اذا ابي اطلع مع احد يقولون الاسبوع الياي او في مناسبه بس شوي بعيده اوسوس وخاصتاً اذا احذ ما ادري عنه من زمان وفجأه داش مكلمني والله اوسوس بس الحمدالله على كل حال