سلامتك مبتلاه بالهلع
اطمني مريت بنفس اعراضك واشد وبعدين اخذت الدواء و زادت الاعراض وتحملت استمرت الدوخه والغثيان والوهن حوالي من اسبوعين الى ٣ اسابيع وبعدها بدت تخف تدريجيا والحمدلله انا الان بكامل عافيتي .
اصبري وتحملي شوي راح الكثير ومابقى الا القليل ان شاء الله .
طمنينا عليك

اولا الله يجزاك خير ويطمن قلبك ويرزقك ما تتمنين واكثر اختي قطرات ندا انا لي اسبوعين ويومين على باروكسات للامانه ما رفعت الجرعه للعشرين راح اكمل على ١٠ ملغ لحدت الان فيني النبضات والكتمه ونغزات الصدر وثقل الراس وتعب بين الكتف والبلعوم صراحه علاج متعب مره مره وصار يقومني من النوم زي الدوخه و كهرب الراس ما ادري ليش المهم استشرت طبيب نفسي معروف وقال ان هذا الدواء متعب جدا وان مرضى كثير يشتكون منه خصوصا انه يتعب المعده والكبد وقال سؤال مقنع جدا اللحين في باروكسات والسيروكات الاصلي يقولي لي ما صرفلك الاصلي دام الفرق ٥ ريال و وصاني بسيروكسات سي ار ١٢ نص يقول تكفيك وعلاجيه وانا عندي قناعه ان القران هو العلاج بس انا وصلت لمرحله لشي مساعد ولا مانع من العلاج النفسي انتو وش رايكم

شوفي حبيبتي انا ما استخدمت باروكسات انا استخدم برنتلكس صاحبتي تستخدم باروكسات بالبدايه حست زي الكهرباء بالراس لكنها الحين ماشاء الله عليها كلها نشاط ومرتاحه .كل جسم يختلف عن الاخر واذا دكتورك نصحك في سيروكسات ليش لا استخدميه واصبري ترى الادويه النفسيه تاخذ لها اكثر من شهر عشان تبين النتيجه وعلى فكره ترى الادويه النفسيه من تجربتي بطيئه جدا جدا بظهور التحسن لكن في الاخير تلقين تحسن وتتخلصين من كل اعراض الهلع والاكتئاب وترجعي طبيعيه .
بقولك شي فيه ناس كثير يتوقعون ان العلاج النفسي يعطي سعاده وانتعاش هذي الفكره غلط الدواء يرجعك لحالتك الطبيعيه واذا مر موقف مزعج راح تنزعجي واذا موقف سعيد راح تنبسطي زي اي انسان طبيعي .
النقطه المهمه وهي عن قراءة القران طبعا القران شفاء وراحه عظيمه لكن الاعراض الجسديه تبقى بصراحه انا من سنه اصابني الهلع وكنت كل يوم اقرأ البقره صحيح خف الهلع لكن بقى اعراض جسديه مزعجه مثل الدوخه وعدم التوازن والرعشه وقعدت ست شهور اقاوم وفي الاخير استسلمت واخذت الدواء والحمدلله ارتحت .
انا اشوف ان القران هو منهج حياة لاتهجرينه ابدا لكن فيه حالات لابد من اللجوء للدواء ..
زي مثلا لاسمح الله جتك دوده زايده راح تسوين عمليع وتسأصلينها والا بتقرين قران ؟
هو نفس الشي الامراض النفسيه لخبطه في كيمياء المخ لابد لها من علاج مع قراءة القران .
هذا رأيي وتجربتي ولا احكم على غيري ابد يمكن يكون مختلف .
اتمنى لك العافيه والسعاده وراحة البال .. توكلي على الله حق التوكل واستخيريه وماراح يخيب مسعاك ان شاء الله .
طمنينا عليك حبيبتي

طيب اختي قطرات ندا ابي تاخذين بالضبط صديقتك وش كانت تحس فيه من اثار جانبيه للباروكسات ابي احد مثلي استخدم هالحبوب لان والله يكفيني قلق بعد هالاثار تقلق زياده اليوم والله قومني اثاره من النوم ولا نمت زين متقطع ترا اخذ ١٠ ملغ وفي المساء

كل يوم لي فكره أمس جتني غصه قويه وزي الكهرب في بلعومي وقلت لا يكون جلطه واليوم اقول لا يكون مس ولا سحر

حبيبتي مبتلاه اول ايام استخدامها حوالي اسبوعين تحس بتعب ونبضات قلب سريعه وصعقات كهربا بالراس اتذكر كان تجيني ترتجف زي العصفور خايفه تقول احس بموت خمول شديد ضيقه و طول الوقت تبكي هذا اللي اتذكره وهالشي اللي شفته فيها هو اللي خوفني اهذ دواء نفسي لكن يوم طالت السالفه وتعبت استخرت ربي وتوكلت عليه واخذت الدواء .. صحيح تعبت جدا اول شهر لكن الان يارب لك الحمد اموري ممتازه .
والله كنت زيك مبتلاه كل يوم احس بعارض جديد يرعبني وادخل المنتدى اسألهم .
لكن اطمني مافيك جلطه ولا سحر ولا مس .
اعراض الهلع والاكتئاب عجيبه انا ماكنت اصدق الدكتور لما كان يقولي انتي سليمه وهذا كله من القلق لدرجة ضغطي على طول مرتفع عالجت السبب وانتهت كل هالاعراض .
والله يامبتلاه ان رمضان اللي فات ماصمت منه الا خمس ايام من التعب كل يوم عارض جديد ولا كنت انام الا ساعتين لكنها عدت الحمدلله .
انتي كم لك تستخدمي باروكسات ؟

[QUOTE=قطرات الندا;1354436]حبيبتي مبتلاه اول ايام استخدامها حوالي اسبوعين تحس بتعب ونبضات قلب سريعه وصعقات كهربا بالراس اتذكر كان تجيني ترتجف زي العصفور خايفه تقول احس بموت خمول شديد ضيقه و طول الوقت تبكي هذا اللي اتذكره وهالشي اللي شفته فيها هو اللي خوفني اهذ دواء نفسي لكن يوم طالت السالفه وتعبت استخرت ربي وتوكلت عليه واخذت الدواء .. صحيح تعبت جدا اول شهر لكن الان يارب لك الحمد اموري ممتازه .
والله كنت زيك مبتلاه كل يوم احس بعارض جديد يرعبني وادخل المنتدى اسألهم .
لكن اطمني مافيك جلطه ولا سحر ولا مس .
اعراض الهلع والاكتئاب عجيبه انا ماكنت اصدق الدكتور لما كان يقولي انتي سليمه وهذا كله من القلق لدرجة ضغطي على طول مرتفع عالجت السبب وانتهت كل هالاعراض .
والله يامبتلاه ان رمضان اللي فات ماصمت منه الا خمس ايام من التعب كل يوم عارض جديد ولا كنت انام الا ساعتين لكنها عدت الحمدلله .
انتي كم لك تستخدمي باروكسات ؟[/QUOTE
هذا الاسبوع وبكمل الشهر غير كان شي يتحرك في جسمي مره في ظهري من ورا مره فخذي وراسي احس بخفه شديده وحراره بين كتفي

وغير كذا قطرات انا ما اخذ الا ١٠ ملغ بس

وصديقتك كان يجيها شد في راسها اخت قطرات معليش كثرت عليك اساله

اييييييه يجيها شد تقول كنه حزام ضاغط على راسي وابشرك انا يجيني هالشد براسي بعد كن احد ضاغطه وبينفجر مو الم لا شي غريب ماعرف اوصفه .
تدرين انا دواي اول ما بتديت كم جرعته ؟ نص حبه يعني خمسه ملم وقعدت شهر بعدين رفعت الى عشره والى الان عشره يعني جرعه صغيره مره .
عادي حبيبتي اسألي اي وقت وقد ماتبين وانا حاضره احنا هنا نكمل بعض وكل انسان يقول تجربته ونحاول نطمن بعض .
المهم لاتخافين ترى بتشوفين اعراض غريبه عجيبه لكنها كلها بتعدي ويرجع النور للحياه .
انا السنه اللي فاتت حسيت نفسي بغرفه مظلمه مالها باب ولا شباك وادور بدوامه مالها نهايه وكنت حاسه اني ببقى على هالوضع الى مالا نهايه يأست وخفت وكرهت كل شي تساوت عندي الحياه لكن ربي اكرم ولطف بي الحمدلله .
لاتيأسي ولا تخافي وحطي في بالك انها ازمه وراح تعدي انتي مشيتي بالطريق الصح اخذتي دواك والشفاء بيد الله سبحانه .
طمنينا عليك حبيبتي

ما راح انساك من الدعاء في ظهر الغيب والله يجعل السعاده وراحه ملازمتك طول حياتك ويعطيك طولت العمر انت ومن تحبين

اللهم امين حبيبتي ولك بالمثل والله يهدي بالك ويشفيك ويسخر لك الكون ومافيه

اليوم العرض احس فيه راسي كانه موج وكان فيه كهرب ومشدود من الجنبين وعند الاذن وقلبي فيه نغزات وثقل وخفق كانه حمامه ثلاث مرات غير احس فيه شي يتحرك في رجلي وظهري والكتمه و وباذن الله راح ادون يومياتي مع الباروكسات ١٠ ملغ

وصفير في الاذن بعد

هههههههههههه مبتلاه انتي دوني يومياتك وانا معاك متابعه ..
شفتي الموج اللي بالراس اسألي هنا بالمنتدى ايام عيد الفطر كيف بهدلني احس بشي غريب براسي غير الوهن اللي بجسمي تعب ماقدر اشيل نفسي كني مرهقه او كني بطيح ويغمي علي غير الدوخه والغثيان وخفقان كن قلبي هوى عند رجولي .
شوي شوي بدت تخف هالاعراض مو كلها اختفت لا كل يومين ثلاثه يخف شي يعني مثل ماقلت لك تحسن بسيط جدا جدا لحد ماتختفي اغلبها وترتاحين .
صعبه اقولك لاتراقبين الاعراض لانك انتي اللي تحسي فيها لكن بقولك لاتخافين اي عارض يجيك قولي اثار جانبيه من الدواء ومن حالتك المرضيه نفسها وبحول الله ايام واسابيع وكل شي يختفي .. طمنينا عليك