|
اقتباس:
الله يشفيك شفاء لا يغادر سقما .. نعم ممكن تسبب عكر في المزاج إلى اكتئاب .. ممكن يكون عندك تحسس من الجلوتين أو عندك إلتهاب في المعدة أو مشاكل إسال دكتور باطنية عن أنواع التحاليل الي ممكن تسويها .. |
اقتباس:
ما عمري دخلت جلسه و العلاج المعرفي و السلوكي احب اقرى عنه بس واقرى بكثره و اطبق ما قرأته وفعلا احس بتحسن ملحوظ الله يريح قلبك يا تباشير |
اقتباس:
ياريت أخوي تخبرنا إيش أكثر شيء حسيت فيه فايدة لك .. أو أقول لك .. ليه ما تنزل موضوع تكتب فيه تجربتك و إيش المواقع أو الكتب الي حسيت أثرت فيك و ريحتك أو جابت نتجية معاك .. كذا تفيد ناس جدا محتاجة و لو حتى أشياء بسيطة ما راح تتخيل قدر المنفعة الي ممكن تنفع فيها إخوانك و أخواتك هنا و تأخذ أجرهم .. أحب الناس إلى الله أنفعهم .. ما تحب يالطيب تكون من الذين يحبهم الله .. و شاكرة لك على الرد و الله يسعد قلبك و يحقق لك ربي كل ما تتمناه و أكثر و يعطيك ربي حتى يرضيك .. |
اقتباس:
صحيح حسيت بصعوبه في البدايات و صعوبه جدا لكن اعتدت على حالي مع الزمن ولو تشوفيني زمان تقولي مستحيل دا الشخص يكون انت كنت خجول شديد الحياء اعطي الناس اكبر من حجمها ليس خوفا و انما حبا و اهتماما والآن اقول بالفم المليان آي دون قيف شيت $$$ اكثر الكتب اللي اثرت فيا كتاب لمصطفى محمود الله يرحمه بعنوان القرآن صيديلية الهيه كتاب جدا جدا رائع و ممتع و مفيد للمكتئبين يبعث الطمأنينه و السكينه في الفؤاد يكفي انو الكتاب يشرح كلام الله الذي لا يأتيه الباطل الحق دائما و ابدا واقرى بكثرة عن الاكتئاب و كيمياء الحزن و القلق و الرهاب ومن خلال القراءة المتنوعه الاستفاده معرفيا يلهمني الله بالخطوة المناسبه لي سلوكيا اعالج نفسي بطريقتي الخاصه احس اني لو فعلت كذا راح ارتاح شيئا وفعلا تصيب مو لازم اجلس قدام دكتور و يقعد يشرحلي صحيح فيها فايده عظيمه لكن خسارة فلوس وانا طفران نوعا ما :( اتمنى اني اكون افدتك يا اميره |
اقتباس:
أنا قرأت كثير كتب للدكتور مصطفى الله يرحمه و قريت حتى روايته .. بس هذا ما مر علي .. بحثت له نسخه إلكترونية ما لقيت .. برضو فيه كتاب جميل أنا متأكده راح تحبه .. بس مو للدكتور مصطفى .. اسمه لأنك الله .. رحلة إلى السماء السابعة .. لعلي الفيفي .. جمييييل كلما ضاقت نفسك يا عمر افتحه و اسقي نفسك المرهقة بزخات لطف إلاهيه .. أسعدك الله في الدراين .. أكيد استفدت شاكرة لك .. |
اقتباس:
اول ما قريتو العنوان على طول سويت بحث عنه تعجبني الكتب اللي زي كذا اذكر مره قريت قصه بالانترنت واحد يحكي قصة وافاته وكيف انه طلع للسماء الاولى ثم الثانيه ثم الثالثه قصه جدا جميله و فجرت طاقات الخيال عندي لازم احمله و اقراه شكرا يا اميره الستات |
اقتباس:
|
صدقيني ياكوين مستحيل يفهمونك المعالجسن
انا جربتها ومابعد كملت كلامي قالت لي موغدنا خلص للاسف ماعندنا خبره بالمجال السلوكي في السعوديه اذا تبحثين عن معالجه اعتبر اني استفدت لو القليل بعياده ميدي كير بس اشوف اني اضيع فلوس بدون فائده لان الاكتائب والقهر صعب ينتشله الا ........ |
كيف ميت ويحس انه صعد
للسماء الاولى والثانيه كلم احد واتس اب مثلا |
هههههههههه طلالوه الله يسعدك
يتخيل نفسه ميت |
اقتباس:
لكل داء دواء .. هذا الرسول أخبرنا به و الله يقول إذا مرصت فهو يشفين .. يعني المسألة محسومة من رب العباد .. لا تغلق أبواب الشفاء على نفسك .. ثق بالله .. والبشر ما هم إلا أسباب فقط .. طيب .. شوف يا الطيب .. إذا ما نجحت مع معالج معين إبحث عن غيره .. الدنيا مليانة دكاترة و أخصائين .. و بعدين إسأل و استفسر عن المعالج كيف طريقته .. كيف اسلوبه .. كم يعطيك من وقته .. أنا أعرف استشاري يعطيك 45 دقيقة مثل الأجانب و بالأصح مثل ما هو مفروض إنو ينعمل في أي مكان راقي و يعمل بما يعمل به الأطباء المحترفين .. إذا حاب أعطيك رقم الإستشاري أنا حاضرة .. و بعدين كيف بعزقة فلوس .. هذي صحتك هذي حيااااااتك .. تسوى فلوس و تسوى ملايين بعد .. إذا كانت برتاح و أشفى ليش لا .. الناس تسافر برا و تتدين و تتسلف علشان صحتها أنت كذلك صحتك مهمة و حياتك مهمة .. لكن حط برأسك إنك تشفى و حتى لو شفت إنه صعب .. أنا بشفى بإذن الله و يوم من الأيام بكتب تجربتي هنا بكتب قصة شفاء التام من الإكتئاب و كل البلاوي المهببه الي عندي ههههه بس يا أخي تفأل بالله .. ثق بالله .. هاه إيش تقول أعطيك رقمه .. هو متواجد بجده .. و أنت ممكن تحوله الفلوس .. و إنسان يسمع لك لأخر نفس و ساعات يتسامح بالفلوس لو تتأخر بالدفع .. الله يسعده يارب وين مكان و يفتح له أبواب رزقه المبارك الطيب من حيث لا يحتسب .. هاه أعطيك الرقم .. حرام يا أحمد يكفي الي راح من عمرك .. أنت انسان موهوب و طيب و تحب الخير .. حب الخير لنفسك .. أنا واثقة لو عزمت راح تشفى شد همتك .. و أنا حاضره بأي شيء أنا أقدر عليه .. أعتبرني مثل اختك و انا أختك .. هاه أعطيك الرقم قلتها عشر مرات ههههه |
اقتباس:
الله يسعد قلبك يارب ..❤ |
كوين .. المشكله تكمن باليأس والبلاده
والاستسلام.. بصراحه أنا ماعاد صرت اتابع عند طبيب اخذ الأدويه بنفسي واحس اني لخبطت روحي الي كاسرني شيئين اني كنت شاعر غنائي وكان عندي استديو اعزف فيه والان له قرابه ال3 سنوات مافتحت الغرفه والثانيه اهلي عندي مشاكل معهم منها اني طفشتهم من وضعي صرت حي ميت والادويه تزيدني هبال احيانا فصرت اتهرب من الواقع بسيجاره ملفوفه ولا استحي ان قلت كذا .. مو معناته اني استخدم درقز اني داشر بالعكس هي تزيدني خيال وخروج من الواقع مع انها وهم بالنسبه للمعالج .. بالتلفون كوين ؟ كذا ارتاح اكثر لاني ماحب اقابل وجه لوجه مع اني غير مومن بالمعالجين الايحائين ولكن اذ انتي استفدتي منه اوك اجرب ماراح اخسر |
المشكله في الاكتائب انه في روحي
فض فصعب احد يفهم روحك الا اذا سوا اشتراك هههههه |
| الساعة الآن 05:06 PM |
Powered by vBulletin® Version 3.8.11
Copyright ©2000 - 2025, vBulletin Solutions, Inc.
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.
المواضيع المكتوبة لاتعبر بالضرورة عن رأي الموقع رسميا