المرض قاعد يزيد والعمر يمشي انا لو ماتزوجت السنتين هذي رحت فيها

الزواج استقرار والأطفال احباب الله اذا تزوجت راح تتغير حياتك للافضل سوف تجد زوجه تهتم فيك وذريه هم سند لك غير الوقت الذي تقضيه معهم راح يكون لك سعاده وراجع وخروج من ملل ، على الاقل تشغل نفسك ، اقدم على هذي الخطوه ولاتفكر بالمرض النفسي لاتستسلم له لانك اذا ماتزوجت راح تعيش وحيد وراح تزيد همومك ومرضك ،

راح اخطي على خطاك يالامير

الله يحفظهم ويرزقك برهم ان شاء الله

الله يوفقك وصدقني اذا الله رزقك بولد او بنت راح تحب نفسك اكثر

للأمانه اغلب الاشخاص اللي مروا بتجربتي
نوبات هلع و وساوس
قالوا الحل هو الزواااااج
لان راح تنشغل بأشياء ثانيه
بيت زوجه عمل ابناء ..... الخ
ماعندك وقت حتى تحك راسك :)
وكمان ممكن الطرف الآخر يحسسك بالامان
ممكن تفضفض له ويسمع لك ويوقف معاك
على اني اشوف انو الزوجات هم اكثر من يوقف مع ازواجهم
عشان تحافظ على بيتها وابناءها
اما الرجال يقول زوجتوني مجنونه 😳
ويطلقها و يتزوج غيرها
عموما الله يرزقنا و اياكم بالصالحين الرحيمين

صادقة انعكاسات سبحان الله

لو ما بها شي و لا قط اضطرت بيوم تاخذ حبة صداع الغير سوي يبي يحط فيها النون و ما يعلمون ..

انا بالرغم انهم ما علموني بحالته و تناوله للعلاج النفسي قلت دامنا صرنا بمركب واحد ابصبر و اتجلد دام هذا اللي ربي كتبه علي بالرغم من صغر عمري ذاك الوقت ..

لكن هو اللي ما صبر ترك علاجه من أول يوم زواج و الظاهر صارت له انتكاسة و قلب علي هو و أهله بالرغم من صبري و كتم حالته و تعامله الصعب حتى عن أقرب الناس لي ، و صاروا يتصيدون علي الزلة حتى لا يفضح وضع ابنهم مع إني يشهد الله كنت في غاية التعاطف معه و بغيته يرجع يكمل علاجه ، لكن اهله جنوا على الجميع ، طارت عقولهم يوم بلغني بمرضه و علاجه و انكروا أصلا مرضه ، مدري جهل مدري كبرياء ، المهم كلهم حولوا حياتي لجحيم ، كل اللي سويته إني استخرت ربي في إكمال حياتي معه او انهاءها بالمعروف ، و هداني ربي إني أرجع بيت أهلي لين اشوف نهايتها ، يا يكمل علاجه و يترك تدخلهم في حياتنا و مصيرنا يا كلن يرتاح على ما يراه .

و الحمدلله على كل حال .

ما حبيت اذكر ذي التجربة المرة ، لكن ذكرتها استشهادا على اهمية الوضوح من البداية و الصبر على إكمال العلاج ،

و احذر تقطع علاجك بحجة الشعور بالحرج او كبرياء . انت كذا تبي تدمر حياتك ، لان كل الاعراض الانسحابية تبدأ تظهر عليك لدرجة ما راح تطيق نفسك حتى تطيق غيرك و تعيش النكد صح و هي ما لها ذنب .

بالنسبة لي كل شي شفته عن الزواج كان جانب مظلم و سلبي بسبب انعدام الحكمة و التعجل و خلاني أعيش انتكاسة مرضه بحذافيرها بدون حتى ما يرضى يرجع يكمل او على الاقل يتدرج في ترك علاجه ، كذلك غموض اهله و شعورهم بالعار ان كيف ولدهم يتعالج نفسيا و انكارهم و تحريضهم على ترك العلاج و فوق ذا تحريضه علي دمر كل ما بقي .

و الحمدلله على كل حال ،


بس اهم شي الحمدلله ان ما اثمرت هذي التجربة الاليمة ضحايا كل ذنبهم انعدام حكمة ابوهم و تسلط اهله .

و هو اصلا لو كان من الاساس طيب و ربي راضي عليه كان ربي أراد اكمل معاه ، لكن لانه للاسف يتصف بالمكر يفرح ان يدق اسفين بيني و بين اهله من خلال نقل الكلام و تأجيج الشر .

و الحمد لله على كل حال

و اسأل الله ان يوفق الجميع لما يحب و يرضى

و ترى لا تخافون بنات الناس معظمهن اجوديات يبن يعيشن و يغلب عليهن طبع الوفاء و كونها تبي تستقر حتى لو اكتشفت مرضه لان مو سهل عليها الطلاق و كسرة النفس ، اهم شي انت تصبر و ما تترك علاجك و لا تسمح لاحد يتدخل في حياتكم .

و مع ذلك من رايي تخبرها من باب الامانة بحسب حدة مرضك خاصة لا صار يأثر على مزاجك بحيث إنك ممكن تتعدى على غيرك بالضرب و العنف و اختلاق المشاكل لا قدر الله مثل الوضع اللي شفته و للحين مأثر على نفسيتي بالرغم من مرور السنين الطوال .

الاغلب يقول ان يتزوج من انسانه تفهم حالته و تحن عليه

لا اعلم لماذا هذا الكلام وكأن الزواج ليس حياه بل علاج

وايضا بهذا الطرح يصبح الزواج وكأن الشخص مهتم لنفسه وليس لشريك حياته حيث ان الاغلب لم يتطرق لبنت الناس وحقوقها بل يتطرقون لأنفسهم


الزواج حياه مختلفه، هو مسؤوليه جديده وليس احد انواع العلاج .... بل هو لبناء اسره و حقوق و واجبات

الزواج نوع من التوتر لان الشخص وخصوصا الرجل اصبح مسؤول عن عائله وهم برقبته وليس العكس .... نعم شريك الحياه سيساعد و يكون عون ولكن لا نريد ان نتزوج لانه ببساطه نعتقد ان الزواج يعالج مرض معين



الزواج يحتاج الى استعداد نفسي كبير ، ولو كان الزواج علاج امراض لما قال الرسول من استطاع منكم الباءه فليتزوج

ارجو اخذ الزواج بشكل جدي يا جماعة الخير

و الله هذا اللي دايم اقوله ما ندوزا

الزواج اصلا صنفوه كضغط نفسي رهيب يوم وضعوا هرم اكثر الأمور اللي تسبب ضغط نفسي على الصحيح فما بال العليل .

و هذا اللي احاول اقنع الوالدة فيه يوم اشوفها متعجلة بتزويج اخوي مريض الفصام الله يشفيه .

هو اصلا كونه يتردد الف مرة يسلم على احد خوالي او خالاتي يوم يزورونا كيف يبي يتدبر امر زوجة و اطفال ، خاصة في الوقت الراهن لين ربي يحدث بعد ذلك امرا

اوقات اقول كيف بالله لو انجب و تعلق الضعيف بعياله و قررت زوجته بيوم تتخلى عنه لا قدر الله بضغط من اهلها او المجتمع مثلا و قامت شالت عيالها و احرمته اياهم ، مو بعيد ينتحر لا قدر الله

كلامك 100% يا ريس .. يمكن حطينا في بالنا ان الاخ عارف الواجبات اللي عليه كاملة


وبالتأكيد الزوجة لها متطلبات واحتياجات مادية ومعنوية ونفسية ... ومتى ما توافق الزوجين ممكن تكون إنطلاقة للأخ ودافع كبير للتحسن إذا كان مستعد للتحسن والإقبال على الحياة .. لأنها بالنهاية محتاجة تاخذ من شان تعطي مش مكينة هي

..

صحيح اخوي عبدالله

انا ما قصدي طبعا اقول ان الناس لا تتزوج ولكن وضعت اختي مكان المرأه الي بيتزوجها واحد لانه يقول يمكن الاكتئاب يخف فانحرق قلبي

الله يعوضك خير اختي والله يشفي أخوك


الزواج ممكن يكون ضغط نفسي وممكن يكون انفراج وهذا على حسب التوافق والإمكانيات النفسية والمادية والبدنية


بس نصيحتي ان اخوك يتزوج .. الذريّة مطلب مهم وسند له بالمستقبل ان شاء الله وبقول لك من باب تعايش مع هالشيء


لي قريب وصل 55 سنة الآن .. تعرض لحادث أيام شبابه أثر عليه بشكل معين ... يعني هو انسان يقرأ ويكتب وذكي حاليا ولكن فيه شيء أشيه بالبرود وتجيه تشنجات وهلاوس بعض الأحيان وصرفوا له أدوية نفسية .. ما تزوج للأسف ولا عنده أولاد وبدأ يكبر بالسن


في المقابل واحد ثاني قرابة و مريض نفسي .. زوجوه أهله بعد ما تجاوز الأربعين في بنت كبيرة بعد .. ورزقهم الله بإبن .. توجد مشاكل بينهم ولكن تحت السيطرة والعائلة تساند زوجته وتداريها وكثر خيرها .. ان شاء الله ينجبون أكثر ويكونون أولادهم سند لهم عند الكبر .. لأنه لما يكبر الله أعلم مين بيبقى يهتم فيه غير أولاده


لذلك شيء جيد لما يتزوج الرجل ويرزقه الله بأولاد

..

اذا حالتك الماديه ممتازه اتوكل على الله واتزوج وانتبه ترى في بنات تكون فرعون على زوجها وتفكر في نفسها حاول تبحث عن وحده سند وظهر ومتفهمه وعاقله واتكلم معاها فتره الخطوبه عشان تتعرف على نفسيتها
وعلى فكره انا تعرضت لامراض نفسيه وتفكك اسري وحاليا مخطوبه واول ما انخطبت نفسيتي ارتاحت لاني كنت وحيده وحاليا صار عندي امل بالحياه حيكون معي زوج واطفال
واصلا اطفالك يعطوك دافع للحياه والعمل هم زينه الحياه الدنيا
اذا عندك زينه الحياه الدنيا ايش تبغى اكثر
بس توكل على وكرر دعاء موسى عليه السلام
ربي اني لما انزلت الي من خير فقير
انا كررت الدعاء وربي رزقني
على فكره ما رزقه زوجه بل زوجه صالحه حط تحت صالحه ميه خط
نصيحه كرر الدعاء من قلبك عشان ربي يرزقك
ترى الزمن تغير والبنات الصالحات قليل ونادر تلاقي وحده مستعده تعيش على الحلوه والمره