انا باخد نكسيوم 40 والموتيليوم صح وكولونا بس بطلت الجاستروفيت . بس الدكتور قلي امشي شهرين عالادويه وكتبلي الامبيريد تقريبا نفس مادة الدوجماتيل بس انا لسه مخدتهوش.

طيب بقالك اد اية مستمرة على الادوية ؟ وحالتك هل فى تحسن ؟ وانتى كنتى قولتيلى قبل كده انك مستريحة على الجاستروفيت وبتأخدى النكسيوم وقت اللازم هل تعبتى تانى ؟

اه تعبت تاني . بس هو الالم بيروح ويجي مش عارفه ليه. الحمد لله علي كل حال وانا اهو بقالي حوالي 3اسابيع ماشية عالادويه..

طيب ممكن تجربى تاخدى 2 قرص نكسيوم 40 لمده اسبوع ولو غالى عليكى هاتى اوميبرازول وشوفى لو فية تحسن لان انا كنت باخد قرص واحد اوميبرازول وكان تحسن طفيف لما زودت الجرعة الحمد لله اتحسنت اكتر ومتقلقيش مفيش منه ضرر

يعني ازود الجرعة اسبوع واحد فقط ولا لو حسيت بتحسن استمر عالجرعة العاليه . واستمر مده قد ايه مثلا .انا حاسه انك بقالك كتير قوي ماشي عالادويه طب انت هتستمر قد ايه وامتي تعرف انك لو بطلت الدوا دلوقتي الاعراض. مش هترجع بعد الشر طبعا ربنا يشفيك ويشفيني يارب

هو انتى ممكن تأخدى الجرعة ده لمده اسبوع وبعدين لو حسيتى بتحسن يبقا كده عرفنا المشكله بالظبط وان حالتك تقريبا نفس حالتى ..انا بقالى دلوقتى خمس شهور هكمل لمده سنة ان شاء الله ...انتى ابتديها خطوه خطوة الاول اعرفى اذا كانت المشكله فعلا فى الجرعة ولا لا وبعدين لو منها ممكن تستمرى على الاقل مثلا 3 شهور او على حسب حالتك وربنا يتمم شفاءك على خير

عندك حق هزود الجرعه واشوف النتيجه .جزاك الله كل خير وربنا يكملك شفاك علي خير امين يارب