اقتباس:
المشاركة الأصلية كتبت بواسطة عيون متفائلة
(المشاركة 1319631)
هل يعني عشان يروح القلق لازم اغيب عن الدنيا و اروح بغيبوبة
طبيعي يروح القلق بالأدوية دام ان الاحساس فقد و نايمة من الاربع و عشرين مدة عشرين ساعة
و اليقظة كلها ما تجي اربع ساعات اترنح دايخة لا تركيز بصلاة و لا شي
يوم حسبت عمري اللي انقضى في تناولها و ذيك السنوات اللي راحت سدى ما أنجزت شي بحياتي أبد
الحين على الاقل في ذي السنتين اللي خلت بدون ادوية صحيح ان القلق يبي يقضي علي و ساعات النهار لا تطاق لكن حسيت اني لازم يكون لي انجاز بالحياة و أسوي شي قبل لا اموت ينفعني بالآخرة لذلك كان لي بعض المحاولات في حفظ كتاب الله حتى لو بدون تركيز بسبب سيطرة القلق اللي يشتت الحفظ ، لكن اول جثة هامدة تنتظر الموت فقط لدرجة وقتها لو احد يسألني عمرك كم ما أدري و لا يهمني أدري
|
بصراحة عيون متفائلة انت فعلا شجاعة جدا . برغم كل ماتمرين به من خوف وقلق وهلع الا انك رفضتي استخدام الادوية النفسية . طيب طالما عندك هاالشجاعة داويها بالتي هي الداء اقصد المواجهة . واجهي مخاوفك . انا كثير من المرات جتني حالات هلع وقلق وخوف مثل شعورك وكنت مرغم اني اواجه وواجهتها والحمد لله ما صار لي شي . اللهم ان الخفقان يصفق الالف نبضة في الدقيقة :) وشعور الخوف يسيطر سيطرة تامة علي حتى اني اظن اني اوشكت على النهاية لكن شوي شوي خفت تدريجيا وانتهى الخوف . بعدين اكتشفت ان الخوف هذا والهلع والفزع عقولنا تخترعه ولا حقيقة مافيه اي مبرر اننا نخاف كل هالخوف .
اذكر اذا جتني مثل هالحالة اقول حسبي الله ونعم الوكيل ( وكفى بالله وكيلا ) واكررها واكررها واكررها وياحي ياقيوم وياحي ياقيوم بعدين تختفي .
انا اذكر اول ماجاني المرض كنت في الثانوي كان يبلغ ذروته في النهار وفي الليل يخف قليلا . في النهار يكون اكتئاب قوووووي جدا وصرت احافظ على الصلاة واقراة القران وا لاذكار حتى اختفت 80% من الاعراض خلال اربع شهور .
بعدين صرت اروح واجي ونسيت المرض ولم اعد كما كنت في المحافظة على الصلوات اقصد انام عنها كثيرا واقوم اصليها لكن بعد خروج الوقت حتى الاذكار لم اعد اقولها كمان كان في ال سابق . وانتكست حالتي . والحمد لله رب العالمين
الامراض والابتلاء تذكرنا بالله وتجعلنا نلجاء اليه ونقترب اكثر منه . فرب ضارة نافعة |
