محمد البدراني اسأل الله العظيم رب العرش الكريم ان يشفيك ويعافيك ويرزقك السعاده والطمأنينه والسكينه وتكون سنينك الجايه اجمل من كل عمرك اللي فات .. ماعلى الله بعيد انت بس توكل عليه وماراح تخيب

يا محمد فضفض وطلع اللي في قلبك وارتاح وماعليك من الأعضاء اللي توه مسجل في المنتدى من يومين ولا يدري وين راسه من ارجوله ويجي بس يرمي كلام وطلاسم غير مفهومة تضر ولا تنفع وياليته سمع وعقل المثل الذي يقول اذا كان الكلام من فضة فالسكوت من ذهب
والمهم وانا اخوك لا تقنط من رحمة الله ولا تيأس وبإذن الله يجيك الفرج
ومحادثك ترى مثلك حالته حالة مرض نفسي نوبة اكتئاب كبرى وامراض عضوية وفقر وبطالة وعدم قدرة على العمل ومفصول من عملي بس الشكوى على الله
وترى حالك افضل من حالي على الاقل عندك تقاعد طبي ويجيك مبلغ وقدره آخر الشهر اما انا ما يجيني غير 833 ريال اعانة ما تكفي اشتري فيها كيس طحين وكيس رز بس الله يطول في عمر الوالد لولا الله ثم وجوده معي كان مدري وش بيصير علي
ومن شاف مصيبة غيره تهون مصيبته

وبعدين ليش يا محمد ما ترجع على السيركويل والله ان حالتك كانت مع السيركويل افضل من الابليفاي ونام وارتاح وش وراك عشان تصحى والله لا وراك مسؤوليات ولا شي
اذا انك طول وقتك مكتئب فالنوم افضل لك تنام وتنسى روحك من الدنيا وترتاح

انا لا اقلل من المشاكل او الظروف اللي مر فيها..لكن السلوك اللي يتبعه خطأ..عشرين سنه كافيه بأنه تخليه يصحى ويبتعد عن السلوك المرضي اللي يتبعه في تناول الادوية او الخلطات العشوائيه من تجارب الأخرين او من نفسه..نصحه ابو امل في موضوع " ماهي الأشياء التي لا يخبرك عنها الأطباء النفسانيين ؟؟! " لكنه لم يسمع..انتم لاتهتمون لأمره..غارقين في دوامة الشكوى ولعب دور الضحية والجو المشحون بالسلبية في المنتدى..وتبغون الكل يكونون مثلكم..

ردي اللي قبل كان على حسن نيه ومن مبدأ خير الكلام ماقل ودل..ماله داعي البحث عن الشفقة عند الناس لأنهم ما بيفيدونك ولا بيفيدوني دام انك تقدر تفرش سجادتك وتدعي الله..وياليت نبتعد عن اسلوب " ظروفي اقوى من ظروفك وش اللي يفهمك انت " لأن الجميع يعاني.

اخر رد لي في الموضوع واسف اذا تم فهمي خطأ .

هل قرأت ردي جيدا هل متأكد من كونك جربت كل تلك الفحوصات فحصا..فحصا..لا تستعجل..
دوما حاول البحث عن امل ..
1-ادوية الاكتئاب المنومة كالريميرون والترتبزول تعتبر قوية..لماذا لا تأخذها و تأخذ معها شيئا منبها منشط كالويلبوترين ا و البروزاك فقد يزيلوا الاثر المزعج للمنومات او يجعلوه اضعف.
2- ما هي اجدد الادوية التي تناولتها؟؟ هل جربت البرنتلكس و الفالدوكسان؟؟

يا جماعة الخير واخواني الاعزاء

يعلم الله اني اكن لكم جميعا كل الاحترام

اذا الواحد ما فضفض هنا وما سمعتوا له ودعمتوا

وين يروح بنفسه ينفجر يعني

انا الحين احسن ومرتاح نوعا ما

لكن يا اخواتي الغااالي خلونا ندعم بعضنا ونساعد بعضنا ونسمع بعضنا

قد يكون الشخص لا يبحث عنا دواء بقدر ما يبحث عن كلمة طيبة منكم يا غااالين

يالله ياربي عليك التساهيل
!!!! تفرج لمن ضاقت عليه الليالي

فكرت بالدنيا وشفت التهاويل
!!!! وشفت الزمان اللي بسيفه يلالي

وعجزت اعدلها عن النقص والميل
!!!! وباسبابها قد ذقت مر وحالي

وهليت دمعي من كدرها هماليل
!!!!! وضاع الجواب اللي بليا سؤالي

والعمر يمضي والليالي تماهيل
!!!! وياسعد من قلبه من الهم خالي

وساقتني الخطوه لبعض الغرابيل
!!!! ولانيب انا الاول ولاني بتالي

وسجيت رجلي في دروب الرياجيل
!!!!! واخترت انا منزال فوق العلالي

وخاويت لي ناس قروم وحلاحيل
!!!! نسل الرجال اللي لها صيت عالي

اهل الكرم والجود ذباحة الحيل
!!!!هم مسندي هم عزوتي راس مالي

وجنبت دربي عن طريق المهابيل
!!!!! اهل النمايم بين قيل (ن)وقالي

وان عذربوني مالتفت للاقاويل
!!!!! شخص على ماقيل مثل الجبالي

مالي ورا الانذال شف ومحاصيل
!!!!! رزقي على رب ٍ عزيز الجلالي

وان عشت عمري فالرجاء بالمقابيل
!!!!! وان مت يامعبود تلطف بحالي



ولكم مني اجمل تحيه,,,,

بارك الله فيك اخوي محمد ....نبل الأخلاق لابد أن يشاد ويشاع
ليكن حافزا للجميع ....
والحميع والله معذورون سواء بسبب أدواءهم او بالأدوية
ولو أني لا أنصحك بالفضفضة الا أن ترجو فائدة من الناصح ففي النهاية كما قيل تنتهي المحادثة بالله يعين ...
اكتم حزنك الى أن ينفجر مع رب العالمين واكتم أي صوت في داخلك يدعوك لسوء الظن بالله واذا وصلت لحد الانفجار اذهب واقرأ قرآن قليلا ليلين قليلا ثم انطرح لله ...ربما هذه الطريقة كل ما تبقى لدي ان بقي في نفسي حياة
يقول عمر بن الخطاب والله إني لا أحمل هم الأجابة ولكني أحمل هم الدعاء
لعل هذه الطريقة تفيد في احياء المشاعر الميتة بسبب المرض أو الدواء ليتسنى لك الدعاء

على راسي والله ابوامل

جزاك الله خير الجزاء

الحل انك تخضع للعلاج بالصدمات الكهربائيه
تمحي كل السابق وتصحى كأنك مولود من اول وجديد
لكن المشكله اذا قد جربت الصدمات الكهربائيه

اخي البدراني ...لم تجب علي.

لا لم اجربهم لضعفهم خاااصة فالدوكسان

فرج الله عليك اخي الحبيب

لا ما انتهت القصة يا ابوحميد
لسا في جزء تاني الها
طبعا رح يكون بعون الله الجزء الأجمل
وهو التعويض عن الصبر والتحمل والرضا بالمكتوب
اجركم عند الله كبير..سبحانه ما يضيع عنده مثقال ذرة ألم

والفرج قريب بإذن الله
وربك كريم :)