ياعالم هذا الوسواس دمرني تدمييييييييييير تدميييييير تدميييير
اتمنى الموت ما ابغا شي من الحيااااااااااااه خلااااااااااااااااااااااااص
دايم على اعصابي دايم على اعصابي متوتره متوتره
احيانا ودي اصرخ باعلى صوووووووت
او اطعن نفسي وارتاح
يارب ان لم ترحمني والله سأهلك بموت
بقعد كذا طول حياتي؟؟؟؟؟؟؟؟
ياااااااااااااارب ضاقت ضاقت ضاقت

احس اني مو مثلكم ..
انتو ماشاءالله تقدرون تتعايشون
انا انتهيت ياعالم اتمنى الله ياخذ روحي وانا على طاعته
دايم اتساءل اقول كيف بيفرجها ربي كيف؟
والله من شدة الكرب اللي اعيشه
اقسم بالله اني ما ابالغ
تعبت اهلي معااااي
انا لله وانا اليه راجعون

ربي يفرجها عليك من عنده الله يشفيك و يشفينا

شخص ما حبيبتي راجعي دكتور نفسي عشان ماتستهلكي طاقتك و روحك بهالمعاناه ترا كل شي له حل لكن اسعي للحل .. صدقيني راح ترتاحين سواء بدواء نفسي او علاج سلوكي مكثف . طمنينا عليك

ايه انا اراجع وحاليا استخدم حبوب ساليباكس
ماخليت دكتور الا رحت له
خليها على الله

لاتخافي حبيبتي انتي كم لك على استخدام الدواء ؟ مثل مافهمت من الاخوه بالمنتدى انه يبين مفعوله بعد شهر الى شهرين .. اصبري .. اعرف كلمة الصبر بقاموس الانسان اللي يعاني صعبه لكن مالبيد حيله غير اللجوء الى الله والاستعانه به ابحثي عن طرق تهديء من روعك على الاقل لين تعدين فترة الشهر واطمنك كل شي بيكون احسن من اول بحول الله وقوته .. طمنينا دايم عنك واكتبس هنا كل ماشتدت عليك الاعراض والضيق وكلنا معاك

السلام عليكم

أختي الكريمة، الحالة اللي انتي فيها من الاحتمال الكبير بسبب القلق
لان القلق يسبب اكتئاب ووسواس وهلع
انا ببداية الامر مثلك وساوس ونوبات هلع (شديدة)
الان الحمدلله سنتين ومستمر على العلاج ومستقرة الحالة
كنت اسوء منك مهلوع وبس على المستشفيات وخايف
لاتخافين يا اختي ، انتي محتاجة تقوين نفسك
وتواضبين على العلاج الدوائي + العلاج السلوكي

حبيبتي الله يسعد قلبك
كلماتك كالبلسم ❤
انا لي ع الحبوب 3 شهور ونص
الحمدلله استفدت من الحبوب لكن لازالت الفكره
ولازال الشك في وسواس مضى
يعني الى الان وانا اتساءل مع نفسي هل انا فعلتها ام لا
وتاتيني تخيلات لا ادري هل هي خيال او حقيقه
والله زي المجنونه

بإذن الله اشكرك من كل قلبي
لكن ممكن اعرف ايش اسم العلاج اللي تستخدمه ؟

كل حالة تختلف علاجها
الوساوس القهرية مثل حالتك أسالي طبيبك عن علاج أسمه فافرين حسب كلام اطباء افضل شي للوساوس القهرية

علاجي انا سبراليكس 20 ملجم

علاجات كثيرة الطبيب راح يحدد الاصلح لك لكن اساليه عن فافرين فهو ممتاز للوساوس والافكار القهرية

تمام بإذن الله ، اشكرك اخي

شخص ما اذا حسيتي انك مو مرتاحه مع الدكتور غيريه وغيري الدواء تحت اشراف طبيبك لان اتوقع ٣ شهور مده كافيه انه الشخص يحس بتحسن بس لاتقلقي فيه مليون دوا اذا مانفع معك هذا يينفع غيره واشوف كثير استفادو بالعلاج كان معهم وساوس وافكار سلبيه وخطره والحمدلله لما لقو الدواء المناسب تغيرت امورهم للافضل واختفى الوسواس .. الله معاك

التجاهل افضل وانجع

الله يشفيك ويعافيك

اصبري واحتسبي.

ياعمري قطرات الندا فهمت عليك
بس انا تدرين وش مشكلتي الازليه اللي شيبت راسي؟
ابغا اثبت لنفسي انو ماسويت هالشي ، تخيلي من اول ماوسوست الى يومك هذا وانا في شكوك وحيره تعبت حسبي الله ونعم الوكيل
ابغا اثبت لنفسي انو لااااا عشان ارتاح بس
هذي مشكلتي الله يحلها ،
صرت اقول اتمنى اصير زي الناس اقول ايه ماسويت وانا واثقه او ايه سويت وانا واثقه
مو شكوك وحيره ارهقت تفكيري
مع اني سويت كل الطرق اللي اشوف انها ممكن تريحني
سألت ابن اختي يمكن 5 مرات يقول لا ماسويتي شي
لكن انااا لازلت في حيره وشكوك
لان الموضوع مو سهل الموضوع مرعب مرعب
وكمان وسوست في الشغاله ههه وانا ما ابغا اظلمها
لكن انا مريضه موسوسه
جننت اهلي يومياً ابكي وانهار عليهم اقول اثبتوا لي انو ماسويت ابغا ارتاااااااااااح
وامي تقول اصلا ماسويتي شي عشان تثبتين او لا
موضوع طويل الله يعين
تتوقعين قطرات بتمر هالفتره؟ ولا بقعد طول عمري رهينة هالفكرة وطول عمري افكر فيها ؟؟
عايشه في حييييره

مابي اقولك مثل اي احد يبغى يطمنك انها فتره وتمر بس الا بأكد لك انها بتمر وبتتذكرينها بقرف وتحمدين ربك انك تخلصتي منها قولي ليه متأكده ؟ انا اقولك : اول سبب يخليني متأكده انك طلبتي المساعده سواء من دكتور او من اصدقائك بالمنتدى معناها عارفه انه فيه شي غلط يحصل معاك وهذي اول خطوه مهمه بالعلاج .. ثانيا انك انسان وربي مايترك الانسان يتعذب وهو ارحم الرحمين فقط اشكي اليه واستعيني به والجأي له و توكلي عليه حق التوكل وكل الامك بتكون ماضي .. التوكل مو باللسان التوكل عقيده واستشعار حقيقي الله يذوقك حلاوته .. ثالثا ومهم جدا تعملين علاج سلوكي معرفي مهم جدا جدا جدا لان العلاج السلوكي فيه اساليب كثيره جدا لتشتيت العقل عن الفكره السلبيه تمارين تسوينها رائعه .
توكلي على الله وطمنينا عنك