انا ماقلت له ولا سألته وابوي ساكت مااعرف ليش دايماً اللي اعرفه تحديد الزواج بين الرجال عشان كذا ترددت اسأله بكره بإذن الله راح اتشجع واسأله إذا اعطاني جواب مو مقنع راح اخذ القرار اللي يريحني

عاقده قران بس لسى ماصار الزواج رسمياً وقاعده ببيتنا لان مااحددوا الزواج اللي هو الاشهار

يكفي الرد اللي فوق والله يكتب اللي فيه الخير

معقول ماقلت لي له ولكم سنين مخطوبين فعلاً الغريب في الموضوع انك ابوك ساكت طبعاً الرجال هم الي يحددون الزواج لكن انتي ليش ترددين اسئليه باسرع وقت وش تنتظرين خلاص انهي الموضوع هذي حياتك وانتي حره فيها

كل ما ضاقت عليك تأكدي بأن الفرج قريب بأذن الله

على مايبدو ان العريس اهله ماهم مساعدينه بالزواج
وهذا سبب التأخير الحل اللي بقى هو اني اطلع من حياته الله يعوضني

تراك بتتزوجين العريس ما تتزوجين اهله وانتي وش عليك من اهل العريس اذا انهم ما يبونك وهو يبيك ومتعلق فيك؟
واذا اهله ما ساعدوه تساعدو معه انتم وقللو المهر وتكاليف الزواج
واما اذا انه خواف ويخاف من اهله وشخصيته مهزوزه واهله يتحكمون فيه ويتدخلون في حياته الشخصية فهذا صراحة انسان ما ينوثق فيه ولا هو اصلا اهلا للثقة
اما اذا لاحظتي انه ماهو مهتم فيك ولا يحبك فاتركيه وعليك وعليه السلام وعيشي لوحدك احسنلك من عريس الغفلة

لاحول ولاقوة الا بالله

كيف وشلون ماعلي من اهله تخيل ان اهل العروس مايبونك غير تعافها نفس الشيء انا حاسه بالنبذ من اهله قسم بالله ماادري وش اسوي صعب اوصف شعوري ومااحد مهتم بالموضوع حالياً طابت نفسي

الاحساس يندرج يا اختي تحت الظن ..

وان بعض الظن اثم ..

لا تتخذي مواقف مسبقة دون اسباب واضحة ومقنعة ،، فتندمين حين لا ينفع الندم ..

وفقك الله في حياتك واسعدك ..

حلك بسيط جدا وقلته لك قبل
استخيري وتوكلي على ربك
ماراح تاخذين الا اللي ربي كاتبه لك

ونعم بالله

يا اختي انتي وش عليك من اهله اذا انهم ينبذونك ؟!
انتي في الاخير بتعيشين مع زوجك في بيت لوحدكم واهلك واهل زوجك مابيقعدون طول الوقت يطاردونك ابوه وامه اذا كبرو في السن او انهم كبار في السن بيودعون الحياة قبلكم اذا الله كتبلكم عمر
واخوانه واخواته بيتزوجون وبيعيشون حياتهم وبينسونكم ولاعاد بيجون يطاردونكم

وفي الاخير بتصفى عيشتكم لوحدكم انتم وعيالكم

وانا بالنسبة لي عادي حتى ولو اهل زوجتي مثلا ما يبوني طز فيهم اذا البنت تبيني وانا ابيها هذي حياتنا الشخصية والمفروض ما يتدخلون فيها اهلينا

اذا اهله مش هاضمينك هذي فيها صعوبه بعدين لكن عليك التحمل اذا انتي مصره على الاستمرار معه ضعي اسوأ الاحتمالات من اهله في بالك اذا انتي راح تصبرين عشانه ومتاكده انه ماراح يتغير عليك فيما بعد فااحزمي امرك معه والاستخاره قبل كل شي

لماذا لا تتجهين الى الطبيب النفسي؟
ان كنت لا ترغبين بالأدوية فأنصحك بالجلسات النفسية مع معالج نفسي، تتحدثين و تفضفضين له بمشاكلك و سيساعدك على صنع افكار ايجابية تفاؤلية و استراتجيات نفسية لمقاومة تلك الافكار السلبية.
يمكنك ايضا سماع و مشاهدة الفديوهات التي في نفس موضوع مشكلتك على اليوتيوب اكتبي اسم المشكلة و ابحثي عن اكثر الفديوهات مشاهدة لأنها غالبا الأكثر نجاحا و نفعا وابحثى عن فديوهات الايجابية و التفاؤل و الامل طبعا مستحسن ان تبحثين عن كتب تساعدك و تعلمك تقنيات مفيدة و فعالة.
ايضا بعد تحسين الصلة مع الله تعالى انصحك بممارسة الرياضة و ان تتابعي فديوهات و مسلسلات كوميدية .