المشاركة الأصلية كتبت بواسطة ثق بنفسك (المشاركة 1341040)

السلام عليكم ورحمة الله وبركاتة
انا كان لي حساب ونسيت الباسورد
المهم الله يشفينا جميعاً عاجلاً غير آجل

حبيت اكتب هالبوست الغرض منه نشوف اش اكثر شي ناقص ومشترك عندنا ونحاول نساعد بعض
بصراحة انا وحدة من الناس اللي اخذت ادوية وتحسنت فترة وبعدها جاتني انتكاسة فما اتوقع ان العلاج النفسي هو الحل النهائي هو فقط مهدئ

بكتب اسئلة والمطلوب منكم فقط تجاوبون عليه يعني انسخوه وكل سؤال جاوبو عليه ويصير مرجع لكل المهلوعين قبل يستخدمو الادوية النفسية يشيكو على الامراض العضوية



1/ هل تعاني من امراض روحية سواء كان عين حسد او سحر او مس واذا كنت تعاني اش نوع الاصابه ؟ لا الحمدلله

2/ هل عندك نقص في فيتامين ( د ) وكم النسبه عندك ؟ اخر مره 17

3/ هل عندك نقص حديد وكم النسبة عندك ؟ لا يوجد نقص

4/ هل عندك نقص فيتامين ب المركب ؟ لم افحص

5/ هل تعاني من القولون العصبي او الهضمي ؟ نعم أعاني قولون عصبي

6/ هل عندك جرثومة في المعدة ؟ عانيت منها وتعالجت

7/ هل صلحت تحليل المعادن اللي يكون عن طريق الشعر واش كان النقص والزيادة عندك ؟ لا لم اصلح هالتحليل

8/ اش استخدمت من العلاجات الطبيعية العشبية وحسيت انك تحسنت لو كان التحسن خفيف ؟ اشرب بابونج وكذا أعشاب بس مافي تحسن

اذا كان عندكم نقص في شي وانا ماكتبته اكتبوه النقص الي وده أقوله عن الرياضه هل احد جرب يمارس الرياضه مده شهر كامل بدون انقطاع لان، فيها فايده
هذي فقط من وجهة نظري اللي شايفة ان لها علاقة بنوبات الهلع

المشاركة الأصلية كتبت بواسطة ثق بنفسك (المشاركة 1341245)

انا ماعندي اي علاج لكن من كثر ماابحث عرفت ان الامراض اللي انا ذاكرتها فوق هي اساس مشكلة الهلع لكن بما انك صلحتها كلها وعندك سليمة فأستمر على الادوية دامك مرتاح معاها
وبشكل عام اللي عندة اكتئاب ملازم له نقص فيتامين D لان هذا الفيتامين ينزل بسرعه للاشخاص اللي عندهم قابلية الاكتئاب

المشاركة الأصلية كتبت بواسطة بن دايم (المشاركة 1341294)

الهلع هو قلق زايد عن حده وسببه خلل في كيمياء المخ
وهرمون السيروتينين
وبالنسبه للعلاج ولله الحمد اخذته وتركته وكل شي تمام ياربي لك الحمد

المشاركة الأصلية كتبت بواسطة ابو هلع (المشاركة 1341274)

انا من الناس الي أخذت الدواء واستمريت عليه سنتان وغيرت فيها كثير لكن الحمدلله شفيت وقَعَدت ثلاث سنوات مافيني الا العافيه لكن حصل لي انتكاسة قبل شهرين والله مقترفه ومارا ارجع للعلاج ان شاء الله بتغلب عليها بالصبر بس المشكلة جتني أعراض اكتئابيه متوسطه أتوقع بسبب الانتكاسة

المشاركة الأصلية كتبت بواسطة ثق بنفسك (المشاركة 1341300)

هذا دليل ان المرض في الاساس عندك عضوي مو نفسي واعراض الاكتئاب اللي رجعت لك هي من اعراض الانتكاسه اهم شي حاول قد ماتقدر تصبر ولاتفكر ترجع للادوية
وكمل النفص اللي عندك وقدامك العافيه بإذن الله

المشاركة الأصلية كتبت بواسطة ابو هلع (المشاركة 1341313)

في كتب تساعد كثيره في كتاب اسمه العقل قبل المزاج مره ممتاز وفي كتاب ثاني اسمه الافكار والمشاعر يعالج كل مشكله على حدا ومرره ممتازين بتجارب اقوى الاطباء انصح فيه بصراحه

المشاركة الأصلية كتبت بواسطة ثق بنفسك (المشاركة 1341299)

ياخوي لايلعبون عليك ويقولون خلل بالمخ والله ان مخك يشتغل احسن منهم
دامك تعافيت بعد الادوية الله يتمم لك عافيتك ولاترجع لك الانتكاسه اللي سببها في الاساس عضوي

المشاركة الأصلية كتبت بواسطة بن دايم (المشاركة 1341095)

لا وانا اخوك انت فهمت كلام خطأ
انا جلست سبع سنوات اخذ علاج واحد فقط لادوامة علاجات ولا شي
والشفاء التام كان اقل من سنه لكني انا من استمر على العلاج
والضغوط اللي اتكلم عنها مااعتقد ان الكل مر فيها لاني اتكلم عن ضغوط هائله مو الضغوط اللي يعيشها اي انسان
الشي الاخر كلمة العلاج مهدئ مافيه شي اسمه مضاد اكتئاب مهدئ
المهدئات مثل الزانكس والريفوتريل والفاليوم الى اخره هذي اللي تهديك 6 او 9 ساعات فقط
انا اتكلم لك من واقع تجربه شخصيه مو كلام فلان او دكتور
اول خطوه للعلاج هو تقبل مرضك مادامك كشفت وسويت تحاليلك وقريت على نفسك وكل شي سليم بعدها توكل على الله وعالج المشكله النفسيه
باختصار اقرا عن القلق النفسي بعدها راح تقتنع بكلامي
بالتوفيق