هلا وسهلا ابو نجلا الف شكر على المعلومه .
تو دخلت الموقع وماقبل رقم الحوال اخاف بس يقبل الطلبات من مصر لأن الموقع مصري .. غير كذا اخاف اطلبه وابتلش هنا مايدخلونه .. وش رايك ؟

تو تواصلت مع الموقع يقول يوصلون للسعوديه ومايحتاج روشته بس استغربت شي كيف يوصلون ادويه مقيده عادي ؟ مافهمت هالشي يعني اي احد يقدر يطلب منهم . وهل هو موقع مضمون والادويه اصليه او مغشوشه ؟ اخاف اجيكم اهذري بعدين 😂😂😂

هلا بك زود قطرات الندا

زين تواصلتي معهم و تجاوبوا معك

أبد مضمون على مسؤوليتي

خذي في بالك الشحنة الواحدة تتكون من أربع أدوية

سعر الأدوية

+

125 ريال مصاريف شحن

+ 50 ريال موافقة طبية من وزارة الصحة للإرسال للخارج

+ 25 ريال وصفة طبية من الطبيب و تسهيلات جمركية

+ 40 ريال التوصيل

و الإستلام مقدما عن طريق صرافة الراجحي

إي الأدوية مغشوشة لكنها ممتازة :)

الله يآخذ عدوك كيف مغشوشة :) ربي يسعدك و عساك ع القوة يالغالية :)

فيس ورد جوري و بنفسج و نرجس

ابو نجلا وان سوولي مشكله هنا وش السواة ؟ هههههههههههه قلبي قلب عصفور .
بس لسا مافهمت يعني اي احد يقدر يطلب ادويه مقيده وتجيه ؟
شكلك يابو نجلا بتقولي حومتي كبدي بالاسئله 😂

هههههههههههه :) لا و الله بالعكس إسأل و تلقى الجواب في محجر عيوني ترم ترم

إي إن طلبتيهم بتجيك و ان ما جاتك نروح لمصر و نجيبهم بشحمة أذانيهم

أبد على ضمانتي و إن صار مشكلة راح يحلونها و أبد المشاكل محلولة

الموقع في خدمة العملاء و راحتهم

جاري الله رازقه بعيال فيهم توحد و ما يطلبون أدويتهم إلا من الموقع و يقولي إن أدوية العيال ماهي موجودة إلا بذا الموقع و تعاملهم زي الحلاوة

لا تشيلين هم و لا تخافين

ربي يحفظك و يسخر لك أبواب العلاج و الشفاء و الراحة الأبدية

الف مليار تريليون شكرا ابو نجلا .
الله يرزقك السعاده والعافيه وراحة البال ويسخر لك الكون ومافيه

العفو ثم العفو يالغالية قطرات الندا و بيض الله وجهك ع الدعوات الحلوة و يا رب انها تجاب لي و لك و لكل مصاب و مبتلى في القريب العاجل

لا عدم و لا خلى 🌹🌹🌹

بوسبار يبغاله 3 اسابيع حتى يبدأ مفعوله وانتي عندك تذبذب تحتاجي دوا تاخذيه عند الحاجة

هلا فوضى حواس
انا بطبعي قلقه جدا والتذبذب مو بالقلق التذبذب في الدوخه لكن القلق مستمر .
بس اشكرك على تنبيهي لهالنقطه راح اسأل الدكتور الله يسعدك ماقصرت