وينك يا كلمة طيبه والله فاقدتك طمنيني عليك ؟؟ يعلم الله كل ما جيتي ببالي دعيت لك اخت عزيزه وغاليه .. محتاجه افضفض لك اختي انا تعبانه كثير 😔

حاضرة يالغالية وكلي أذان صاغية .. أدري أنك مجروحة .. ماتستاهلين .. الله ينصرك على عدوينك .. ويحفظك .. ويبدل حزنك فرح ..
وأنت بعد تجين على بالي بقصد وبدون قصد .. ربنا يسر خاطرك زي ماسريت خاطرك ويرفع عنك هالوجع ..
لايقهرك حد .. ترى يروحون ويجي أحسن منهم ..

تدرين في قصة جميلة يقولون حقيقة على مثل شعبي .. كلين حقه له ..
قصة حرمه أزعجها مسكين يطلب من البيوت .. وكل يوم يدق عل بابها .. لين جات فكره عل راسها وحطت له السم في الخبز
ويوم دك عطته الخبز وراح .. والمسكين في طريقه لقى ولد جاي من المدرسة جايع وتعبان فعطاه الخبز .. من رقه قلبه ..
وأكل الطفل الخبز ومات .. والطفل أبن الحرمه اللي حطت ل المسكين السم ..

هي الأيام دائرة ي قلبي .. من جرحك يترد له الجرح .. لو مو مره مرتين ..
دايرة .. وكلين حقه له ..


ماتاخذين في خاطرك ..

لو وخر حد من طريقك أشكريه .. لاتعتبين عليه ..

عندك برنامج اللاين ؟ لان هنا مو كل شي اقدر اقوله

تآمرين يالغالية بس عن جد ماعندي هالبرنامج ولاأتعامل به .. ولكن لايهمك أكلم أختنا ظل امرأة ونتواصل بوسائل أخرى بإذن الله ..

الله يسعدك.. وش البرامج اللي عندك طيب؟؟؟

ويسعدك .. ودي أدلع أسمك مالقيت له دلع .. جاري البحث
واتسب .. أدري أني قديمة بس الحاصل @.@"

ي عيني انتي الواتس والله حذفته من زمان بسبب الناس اللي فيه والقروبات
حملي اللاين مره حلو لونه اخضر مكتوب LlNE

عاد أنا تفكير عجوز لاتواكب تحديثات التكنولوجيا .. ههه
ولايهمك نلاقى شيء آخر غيره ..

يارب تكونين بخير الأن ..

شكلك ماتبين تتواصلين خلاص براحتك ربي يسعدك

يعلم الله أني كنت أبطلب أتواصل معك قبل فترة .. وأنا صادقة
وأعتبرك أختي ولي الشرف وأسعد جدا بك .. لكن بصدق مالي حيل أتعلم عالبرنامج الجديد
أنا قبل شهور فتحت لي حساب بالتويتر ولازال معلق .. شيء يضحك بس الحاصل
ولايهمك بشوف أتعلمه وأتواصل معك .. أنت تأمرين فقط .. ولاتاخذين بخاطرك مني ترا من القلب أتكلم معك

يارب كون معي يارب تعبانههه يارب لاتخذلني مثل ماخذلوني عبادك..

‏سيسألني الله عن الذين أوجعوني
ولن أغفر لهم
ف يارب أنت حسبي في من "ظلمني"
وحسبي في من " آذاني "
و في من اوجع " قلبي "
وفيمن " خذلني "

- وكفى بالله حسيبا -

لن أسامح من خذلني وكسرني وأرهقني بالألم وجعل أيامي مثقلة بالحزن ، لن أغفر لمن أثقل الحياة على قلبي وتسبب في أذيتي وقهرني ولم يرحم حالي وكسرة نفسي ، لن أنسى أذيته لي ما حييت إني تركته ليوم لا يضيع فيه حق ،
ف حسبي الله ونعم الوكيل، يارب أرني عجائب قدرتك.

‏يارب عوضني عن كل خيبه ، عن كل شخص خذلني ، عن كل كسر و يأس اصاب قلبي ، عن كل موقف افسد يومي ، عوضني بالأجمل دائما.

آمين ..
ماحزنت إلا لتفرح .. مامرضت إلا لتشفى .. مافشلت إلا لتنجح ..