وهاذا كلام الدكتور فعلا لابد من الاستمرار على 10.

لاتوقفيييين الا اذا عندك استعداد تام لتحمل التعب..
ايش علاجك؟

الخمول يجي ويروح
الاعراض الثانيه..القلق المستمر
ترقب الاعراض والجسم
رجفه في الجسم .
احساس بالخوف وضيقه

فاهمه وش تقصدين كانه قمة النعاس وكل شي بجسمك واقف بس مخك شغال

انا يجيني معها خوف ومغص وضيق تنفس

عليكم السلام ورحمة الله وبركاته

اولا شيلي فكرة ان براسك مرض خطير...هذا وهم, كلنا تجينا هذي الاوهام والتخلص منها مهم

ثانيا نعم تجينا بكثر, احس وزني كانه وزن فيل,وعضلاتي عضلات نمله, كسل شديد وضعف ودوخه وتعب وحيل مهدود وبالكاد ارفع خطواتي
اذكر مره شكيت من هذا الشي لطبيب عام سوداني..قال لي انت تشعر بالاحباط, وفعلا كلمته حسيتها جت على وتر حساس وانه فعلا شخص الحاله مع انه طبيب عام وليس طبيب نفسي

بالنسبة للعلاج النفسي اذا كنتي تركتيه من زمان فانصحك تستمري, وابتسمي للحياه واعملي اي عمل يسعدك ويشعرك بالنجاح, حتى لو طبخ او تنسيق حديقة المنزل او زراعة ورد بأصيص او زيارة لصديقه هاديه وممتعه

انا اعاني من نفس معاناتك, بس انا عندي زياده عليها مرض جسدي بالرئه فهذي تصعب علي الامور

لكن الانسان يصبر ويتوكل على الله, وللصابرين اجرهم بغير حساب..وهذا شيء يعطي الانسان شجاعه وثقه ان الله تعالى لاينسى خلقه

الضاهر نسيتيني انا الي كنت مشارك معكم بموضوع المتعافي الجديد دوائي سيبرالكس

ما المقصود بالجرعة الوقائية؟ وهل تقصد اذا الواحد يرك الدواء وحس باعراض شديدة ومؤلمة انه يرجع مدة سنة يستخدم الجرعة الوقائية؟

الجرعة الوقائية هي اقل جرعة فعالة للدواء ..حتى تعطي الجسم والمخ فرصة للتكيف والافرازات الكيميائي في الجسم ذاتيا دون تدخل كبير من الداوء..

والله اعلم ..

انا كنت اخذ 10 ملجم من سيبراليكس لمدة 10 سنوات ووقفتها وحصلت لي اعراض انسحابية شديدة وماقدرت اكمل ورجعلت لدواء اخر كتبه لي الطبيب

ما فيه اي مشكلة ..

هي منهجية افضل يتبعها اغلب الاطباء .. ولعل الله ينفعك بها ..

فعلا رحت للدكتور ورجعني للعلاج.
كتب لي ديبرالكس 10 بديت فيه من 5 ايام.
الحين احس بثقل في الراس ولخبطه..
ان شاء الله انها من العلاج وماتطول

وش اعطوك علاج جديد؟؟

برينتيليكس

سلامتك ربي يمتعك بالصحة و يعافيك يارب
ما فكرت في موضوع نقص الفيتامينات عندك؟
مو يمكن عندك نقص عامل لك هالخمول و التكسير بالجسم لا تستهين بهالنقطة جدا مهمة.

اذا تقدر تروح لطبيب باطني تخليه يكتب لك على تحاليل في هذا الخصوص بس من باب الاطمئنان
كثير أمور نشتكي منها و يطلع في الاخر كل الحكاية نقص فيتامينات

انصحك لوجه الله اذا كان اكلك ماهو صحي ما بتاكل كفايتك من الفيتامينات و المعادن اللي بيفقدها الجسم مع مرور الايام او دخلت سن الأربعين لازم مكمل فيتامينات شاملة بغض النظر حاس بخمول او لا كثير ناس تغفل عن هالنقطةو هي من أساسيات الصحة .

اللهم امين يارب.
حللت لكل شي.طلع سليم
الظاهر انه نفسي