عندي نظر في كلام الإستشاري
كلامه ماهو قرآن منزل
يعني من كلامك ومعلوماتك
أشوفك حتى أكثر ذكاء مني
أجل إذا كذا وش بيكتبون في ملفي أنا
...
الإعانه ماتصرف إلا بالإعتماد على الغير يعني الذهان ما يكفي ؟

أهلا بخير و يا مسا الخير

الله يسعدك 😂 اي صادقة ما فيه الا كلام الله العظيم الحكيم الكامل المكمل عن الزلل و السهو سبحانه من له الجبروت و الملكوت .

التشخيص هذا يبين الأمر الواقع الحي لي في العالم الواقعي لا الإفتراضي يا اخت بخير ، من الطفولة الى ما بعدها و و الله العالم على كل شيء ان سبب الأداء الفكري العقلي الحدودي هي ترجع لأسباب منها إصابة أمي بالإضطرابات أثناء حملي و كيف لا و هي مريضة اصلا من بداية زواجها بأبي و أيضا سبب ثاني و هو شق الشفه و الحنك و لك أن تتصورين كيف تكون حياة جنين فيه ( أرنوبة ) و داخل بطن مصابة بإضطرابات . علما ان إخوتي فيهم الأصم الأبكم لكن اندهش من تواصلهم الإجتماعي و من معرفة و يُسر ما يعملونه من أشياء تكون علي صعبة .

صدقتي يا اختي على قولة من قال : الكل يؤخذ من قوله و يرد الا الرسول اللهم صل و سلم و بارك عليه . بس حبيت ابين اشياء ان لازم المستشفيات تلزم مراجعينها بالتاريخ المرضي و ينظرون للإصابات الجسدية لأن احيانا الناس يكون فيهم نسبة تأثير إصابات الجسم على السلامة العقلية و النفسية واضحة و هذا مو شرط بمعنى مو قاعدة ثابتة ، على فكرة مقولة ( الله ياخذ و يعطي ) فاهمينها الإنس غلط و قلت الإنس للتشبيه بالحمير الإنسيّه لان فيهم تشابه ان ما رايح يفهمون الاثنين الا بالطق و العصا .


اقول لازم يكون التاريخ المرضي بالتفصيل مدون و لازم يكون الضوء مسلط على التشريح الكامل لإضطرابات المراجع مو فضفضة كلام بدون تشخيص مثل ما هم يسوون ؟

- تدرين دكتوري الحالي يبغى أي مراجع عنده يكون جاهل تماما عن مجال تخصص علم النفس و علم الادوية النفسية ، هذا ما لاحظته فيه تماما واما منظر العصبية شي ثاني لان علاماتها بادية على وجهه قهرني قسم بالله بدليل انه يعض شفاته - برطمه - قلت له: ليش يا دكتور معصب ؟ و جاوبني و رديت : ( ايه لا لا ) يعنني ان المصابين بالإضطرابات ما يفهمون و لا يلاحظون و لا هم يعلمون عن خفايا بعض الأمور ، و تعصيبته حتى الجاهل الطفل يتقزز منها ، و ابتسم لي لما خلصت ؟ مفهومة دكتور مفهومة .

انا بروح لمدير العيادات و اطلب تغييره و اقوله السبب .

طولت بالكلام كثير يا اختي بخير و اتمنى لك كل خير سامحيني على الثرثرة الله يبارك بعمرك .

أهلا مساء النور

ويسعدك يارب

موضوع إصابه والدتك حفظها الله وتأثيره عليك أكيد
مدون في ملفك أنه سبب وراثي لما يجلسون مع الأهل ياخذون كل التفاصيل عن حياتنا
والمسبب الله أولا وأخيرا
شف أنا مافي أحد في عائلتي مصاب بأي إضطرابات ومع ذلك أصبت أنا لأنه الله أراد واختارنا والحمدلله

أما تأثير الأرنبه أشوف أنه ممكن ليش لا بس مافي دراسات حول هذا الشي

وتصدق بالله كنت قبل الإصابه ما أفكر في شئ كل شئ يجي بسهوله ومتعه بعد الإصابه أفكر حتى في الأكل متى أكل وأسوي جدول متى أمشط شعري كل شي ثقيل
لكن أقول دائما الطب كل ماله يتطور وفوق الطب الله ربما يجي يوم يسخرهم الله يلقون علاج لحالتنا أو يحدث الله بعد ذلك أمرا

وعلى فكره أعتقد كل الدكاتره مكشرين وحالتهم حاله من كثر ما يقابلون من مشاكل الناس حتى دكتوري كذا
والمشكله أسحب منه الكلام سحب عن حالتي
دام الدكتور مضبوطه أدويته ومرتاح عليها
فكمل معه ..

بخير يا بنت الخير ما احب الطعك و الله بس بعدين ارد على كلامك الموفق ، تمام ؟ تمام . الله يسّمح دروبك

يا بخير أول امس الجمعة رحت لإخصائي و تكلمنا بمواضيع المهم في ثنايا الحديث قال انت فيك ….. تشخيص ماني بقوله بس معروف المهم قال الموعد الجاي نتكلم عن و الموعد اللي بعدو نتكلم عن و لما قضينا طلعت و ما قصيت موعد معه خلاص لأن أنا أبي الاشياء اللي تهمني و تعنيني الشيء الكثير اما حاجات ثانية ما أبيها و لا انا في حاجتها اصلا . البسيكولوغ هذا عندي واتس آبه و متواضع كثير و متفهم و يقدّر .

ما كل شق .. مداه السلك و الإبرة
ما كل عين .. تجامل جرحي العاري
إما يقولون طاح الضلع من كبره
و الا يقولون ما هو بالوطا ضاري ، بكره يبين الصحيح إن سهّل الباري .

بكرة إما بكرة اللي هو الغد أو إذا ما صار فبيكون بكرة يعني الآخرة و بيصير

أم الخير رغم كل شي

قسما بالله قبل اسبوع ارتفع ضغطي من اللجنة الطبية و عندي رقم جوالهم كنت اراسلهم عشان اعادة التقييم طبعا واتس اب و طلعت كل شي فيني عشان يبرد خاطري و بعدين صراحة حذفت كلامي كله . دردشة وحدة اللي تبين اني مغبون و هي ( هل بمقدوري أدعي على الذين أشاروا بأني أستطيع العمل و لا أحتاج المساعدة من غيري ) فقط هذا و بعدين 👇🏼

https://up6.cc/2022/11/166761206459111.jpeg

https://up6.cc/2022/11/166761212899341.jpeg

اصلا ما ضقت لأي شي و رب الكعبة مثل ما ضقت في حاجة أطلب فيها غيري ، عندي عزة نفس ما تتصور و انا ابغاها تكون عزة النفس هذي طبيعية لكنها ودتني و ذهبت بي إلى طرق غريبة

أي أنت أدرى بنفسك دام تشوفه مو ضروري فلا تروح
أهم شي بس العلاج
كويس الله يكثر الناس الطيبه والمتفهمه
أحفظ رقمه لوقت الحاجه
لا سمح الله

"إِنَّمَا يُوَفَّى ٱلصَّٰبِرُونَ أَجۡرَهُم بِغَيۡرِ حِسَابٖ"

صعب جدا تعيش في الدنيا هذي وأنت ناسي الوعد هذا
الوعد هذا يهون حاجات كثير ، ويحرك قرارات كثير
الوعد هذا يصنع تصالُح مع أشياء مستحيل تتصالح معاها دنيويًا

قل خيره دائما .. لاتزعل ولا شئ
والرزق عند الله محد ميتً جوع ان مامنعها الله محدن منعها
هذا البيت دايم أقوله إذا جيت أقدم وظيفة
إن جات خير وبركه وإن ما جات مالله كتبها
...
لكن ممكن تحاول معهم يرجعون يقيمون حالتك
بهدوء وروية بدون تفريغ غضب عشان
مايصير الحق ضدك مهب معك
إن ضبط ولا يكفيك شرف المحاوله

وأنا أدري صعوبة العمل خصوصا لمنهم مثل حالتنا
فأكيد لنا أحقية بأي دعم أو مساعده

اتمنى تكون الامور بخير للكل
لا الاخصائي متفهم و طيب و فعلا نتمنى من الله يكثرهم و يقربهم لنا

قريب بغيت اتكلم و الله ما ادري من اكلم يعني حولي ناس بس كنت اقول بنفسي هه العوض في الفردوس ما راح تروح منك . استغفر الله و الله ما ادري لكن متفائلين بالله اللي هو اكرم الاكرمين و كرمه ماله حد تروح دنيا تروح بلوة و يجي الوعد الاخرة و هي الفرج بس ما نقدر نقول هالكلام لانا على قولتهم ( الدنيا تبي و الاخرة تبي ) اجل الله يعين

يخوي لو توكل محام عنك لوجه الله يساعدك يصير متدرب

و الله يا زورندا حسب ما وصلني ان المحامي يطلب دراهم

ما ادري عنك يمكن عندك علم ما وصلنا