للامانه ماني مشارك في بطولات في الوقت الحالي ولا في المستقبل ،، كل مافي الامر ابي استمتع باللعبه وارد مستواي الطبيعي + لي تجربه مع الابليفاي 15مج ماكانت تواجهني هذي المشكله ابداً


بخصوص الزواج ماهو براسي كلش ومرتاح الحمدلله خلني عزوبي والحمدلله راضي



جرعة 10مج جربتها ماحصل لي انتكاسه بس دكتوري القديم بعد 6 شهور خففها الى 5مج ومامر علي 3 شهور والا وانتكست وغيرت الدكتورر كان دكتور خاص ورحت للحكومي حسيت انه افضل بالتعامل ويفهم اكثر من الخاص + احس لهم خبره اكثر بحكم انهم يجونهم المرضى كثير وينامون بالمستشفى ..

ماظن احتاج دواء زياده انا بجرعة 30مج احس اني غبي فيها المشكله احس ماعرف اخطط وافكر مخي ابيض على قولتهم + احس 15مج بكون احسن وافضل ان شاء الله ..

انشاءالله جرعة 15 تكون مناسبة لك
الابليفاي الي تاخذه تبع أي شركة هل هو زولندا ؟

كلها توافيق يا معوض خير
سواء الحكومي أو الخاص فيه دكاترة هنا و هناك زلعين و ما يسوون النعلة اللي تلبسها و أغبياء و جهال حتى تشك بشهايدهم انهم سباكين و جزارين ، و فيهم لا و الله اللي يسوى و يوزن ذهب تجي عنده و تقول الحمدلله اللي جابه لي و وفقني به .

فأصابع يدك الوحدة مهيب سوا .

ان شاء الله ,, لا مو زولندا اسمه اربينيا والله مدري اي دوله صناعته..

ابليفاي الاصلي صعب تحصله بالحكومي

والله الخاص ضيعني مرتين

مره خفف لي الابليفاي الى 5مج وانتكست
ومره وقف سبرالكس 20مج لمدة سبوع وانتكست وصرت افرفر بالشارع مجنون الله يكفينا الشر

تجربة الدكتور الخاص بدون ذكر اسماء كانت جدا سيئه معي هو دكتور مشهور بس ضيعني مرتين..



الله يبعد عنا وعنكم شر الامراض والاسقام .. ونعوذبك من الانتكاسات

الحمد لله وفقك للحكومي و منها توفر فلوسك
و الحمد لله وفقك لدكتور فاهم .

و سلامتك و سلامة الجميع من كل شر و ضر

اللهم آمين .

بيني و بينك الإنتكاسات لعنة حقيقة الله يكفينا شر الإنتكاسات و يوقفها و يمنعها عنا جميعا .