|
هلا فيك ...
والله أنا السعيده بمعرفتك ... ودي أستشيركم بموضوع بس ماني عارفه أبداء... |
مساء الخير :
كسرة لا تترددي قولي ما في خاطرك و الله المعين والمساعد و عسانا إنشاء الله نقدر نقدم و لو شيء بسيط قولي ولا يهمك ... تحياتي : سمية القحطاني ... |
كسره قولى الى تبين انشاء الله نجد لك حلا
|
مشكورين ...
الموضوع بأختصار ... أن مجتمعي .. يقول ولد العم لبنت العم .. وأبوي خبرني أنه بيزوجني ولد عمي ... وأنا ما أبيه .. بتقولوا ليش .. 1/ أن خواته يسبون فيه وفي أخلاقه .. 2/ راعي مشاكل مع خلق الله .. 3/ أنا ما أبغى أتزوج وأطلق وأرمي عيالي ... وأصير مثلهم .. ما أبغى أصير أنانيه .. وأبوي مو راضي .. يخالف العادات .. الظالمه ((( سبحان الله مايقدرون يخالفون العادات .. لكن يقدروا يخالفوا الدين )) الحين ما أدري وش أسوي ... حرمني من جدتي يبغى يضغط على علشان أوافق .. وأنا ما أبغاه وجدتي بعد ما تبيني أوافق ولا خواته .. وأبوي مصر يا أني أوافق يأ أنه بيحرمني من جدتي ... وأنا ما أقدر أعيش بدونها وما أدري وش أسوي ؟؟؟ |
يحرمك من جدتك احسن من انك تتزوجن ولد عمك
ارفضى بعد فتره يرجعك لجدته الله يوفقك للا صلح مجرد راى |
الله يكون بالعونك كسوره مدري وش اقول جيت متأخره بس ودي اساعد ..مابيدي غير الدعاء لك ..ربي يفرج همك ..
كسوره بالنسبه للأستشاره اسمحيلي اقول شي بسيط ((ان مع العسر يسرى)) يعني انا اقول استخيري وعيني من الله خير .. وادرسي الوضع على المدى البعيد .. انا افهم لو كل الوضعين مشين بس دوري الاقل شر لك .. سبحان الله ما ادري وش اقول بس موضوع يتعب وانتي لازم تركزين وتشوفين حالك بعد الزواج وحالك لو ماتزوجتي الولد وش بيصير .........؟؟ خذي وقتك وانا ما اقد افيدك اكثر يالغاليه .. بس اسمحيلي ابوك فاهم الابوه غلط مع الاحترام الشديد .. مثل ماكثير زيه وممكن امهات مو شرط أباء .. الله مستعان .. يتيم الله يهديك حط دعاء قصير او حط فترات راحه مشاء الله والله اول مره اشوف دعاء بهالطول ..جزاك الله الخير .. |
مساء الخير :
أختي كسرة ... يمكن ردي ما يعجبك ما ادري ، بس أختي هي وجهة نظر ولك أن تقبليها أو ترفضيها ... أختي إن كان يمكنك الرفض وفعل ما تريدين أفعلي و لكن لا تخسري شيء ، فكري قليلاً بحجم الخسارة و ما أثرها عليك ، أختي برأي أقبلي بالزواج بإبن عمك وما تسمعينة من أحد عنه فلا تعلمين ربما تكونين دخلة الخير في إصلاح حالة أعطيه حبك ووفائك و إهتمامك . حاولي في تغيرة إلى الأفضل لابد أن يتغير ... أكثر من الدعاء إلى الله و أستخيري في أمرك هذا لعلى الله أن يفرج لك همك وييسر لك أمرك . تحياتي : سمية القحطاني ... |
ياكسرة ان شاءالله الفحص الطبي يكون هو اللي يمنعك من زواجك من ولد عمك يارب انتي ادعي ربك انه ياخذ ولد عمك في ستين الف داهيه
|
كسووووورتي الغاليه
في كلا الحالتين انتي ماراح تشوفين جدتك الاحسن لك انك تصرين على رفضك احسن من انك تتزوجين ويجننك هذا الزوج ومايطلق بسهوله بعد ومهما صار مردك تشوفين جدتك انتي يبي لك شوية صبر وإصرار على الرفض وماراح احد يغصبك على الزواج من ابن عمك غصبٍ عنك نصيحة ام لبنتها (( لا توافقين )) واتمنى من الله انه يسهل امورك ويحنن ابوك عليك وتفتكين من هالزواجه هذه الله يوفقك .. امك نسرين الرياض |
جزاكم الله ألف خير ...
أتخذت قرار ي بأني سأرفض .... أخبرتهم اليوم بأني رافضه ... الله يصبرني على فرقها ... وأتمنى يصير مثل ما قلت أخوي أبو حفصه فتره وترجع .. كسرة ملح.. |
اسمحي لي ولو مداخلتي جات متاخره
بس انتي تقولي اولا:خواته يسبونه ( فيه احد يسب اخوه الا اذا هو فيه الخلل) يمكن هم ما يبونك ...وتقولي اتطلق واصير مثلهم يعني عندهم مشكله ...ودام اهله يسبونه فهذا يعني انه لم يجد الحنان في البيت ايش تتوقعي بيصر لطيف وحنون واخلاق من نفسه ماربوه اهله على الحب والحنان عشان يصير حنون واذا صار وتزوجتيه وشاف انك عطوفه وحنونه راح تنقلب المعادلة ويصير شخص اخر ثانيا : انتي سمعتي الكلام من جه وحده اسئلي عنه من جه اخرى اتصلي فيه على العمل وسئلي مدير عمله ... اذا عندك اخوان او خوال خليهم يسئلون عنه .... لماذا تتوقعين الشر منه لماذا لا تكون نظرتك متفائله .. انا لا اقول تزوجيه ولكن لا تستمعي لطرف واحد ... فكري (فاعسى ان تكرهوا شيئا ويجعل الله فيه خيرا كثير ) دمتي بووود |
كسرة تبغين اخلي حقوق الانسان تتدخل في الموضوع
|
أختي بسمة الحياه...
أولا أهلا بكي في نفساني ... ثانيا ....هو ولد عمي وكل أخباره معروفه ... والكل قالي أرفضه ... وبالنسبه ..لكلامي ماودي أصير مثلهم قصدي أمي وأبوي ..مو خواته أهو.. بلعكس خواته طيبات حيل ... وبعدين اللي مافيه خير لا أمه وخواته ... مافيه خير لي ... مشكوره يالغاليه على النصيحه والله لا يحرمني منكم جميعا ... يتيم الحظ ... معليش ترى والله مو وقت مزح وتريقه ... اللي في كافيه.. |
صباح الخير :
كسرة ألف الحمد لله أن أنزاحة الغمة . و الله ييسر أمرك لما فيه الخير لك ... تحياتي : سمية القحطاني ... |
صباح النور
الحمد لله على كل حال ... مشكوره سميه ما أنحرم منك أن شاء الله .. |
| الساعة الآن 05:14 PM |
Powered by vBulletin® Version 3.8.11
Copyright ©2000 - 2025, vBulletin Solutions, Inc.
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.
المواضيع المكتوبة لاتعبر بالضرورة عن رأي الموقع رسميا