|
عزيزتي همس،،،،،،
بصراحة لم أضع مشاركة لي هنا ليس لأني لا أريد،،،،،،، ولكن لأني لم أكن تلميذة مشاغبة في صغري،،،،،، كنت التلميذة المجدة في دراستها،،،،،،الأولى على المدرسة،،،،،، والمثالية في التعاطي والتهذيب،،،،،،وخجولة جداً جداً،،،،،، ولا أعمل أي شىء مخالف للقواعد،،،،،،،حتى لا أسمع أي ملاحظة من أحد،،،،، وأنت تريدين شيئاً من المغامرات مع المعلمين والمعلمات،،،،،،، ولكن إذا تذكرت شيئاً كان قد ذهب عن بالي واستحضرته سأكتبه،،،،،،، تقبلي تحياتي العطرة،،،،،،،، |
اقتباس:
الاوائل بعدين نزلت بسبب الضروف..الله يوفقك حبيبتي... اذا تذكرتي ثانية خبرينا... |
لي مواقف محفورة في الذاكرة حتى الآن ,,,,
و مستحيل أن أنساها ما حييت الي يسمع كلامي يقول تركت المدرسة من عشرين سنه خخخخخخخ لا تكونوا صدقتوا أنا لسى ثانوي ,,, يا كبري ههههههه لا بجد لي عودة ثانية مع شرح مفصل عن بعض الذكريات ,,, ,,,,,,, ـتقبليـ ــمروريــ ,,,,,,, |
ذكرياتي بالمدرسة كثيرة جدا...
لما كنت فصف ثالث ابتدائي كنت مشاغبة متوسطة المستوى كنت احب صديقتي ريم كثير دائما المعلمات يضربن الطالبات الي ما يحلن الواجب وانا من بينهم تضربنا بالمسطرة بقوة.. وفمادة العلوم كانت في صفحة للرسم الحر كنت انا وصديقتي نرسم فيها خرابيط وبعد رسمنا شجرة سميناها على اسمائنا لما الابلة جت تصحح الكتب شافت الرسومات وعاقبتنا..كنت فوضوية كثير خخخخخخخخخخخ.... البقية فيما بعد... |
اقتباس:
|
بعد لما كنت بصف اول ثانوي كانت المعلمة تنقل البنات حسب المستوى
وبعض البنات عارضو وجلسوا يتكلموا مع الاستاذة اخر شي المعلمة فقدت اعصابها وجلست تبكي.... |
وينكم.... كل عضو يونسنا بذكرياته بالمدرسة...نبغا نسمع منكم...
|
هموسه ابشري بذكرلك أول موقف طرى على بالي يوم قريت عنوان الموضوع ..
هذا وأنا أختك لمّا كنت صغنونه في أول ابتدائي اصبحت لك ذاك الصباح الجميل.. وبالعاده أبوي هو اللي يوصلني للمدرسه.. والله وآصل المدرسه وتوني داخله من البوابه إلا ألقى بوجهي ذيك البنت الله يذكرها بالخير.. وبكل براءه تسألني .. شنطتك وينها..؟؟ :وينها ..وينها..شنطتي http://www.ksa4up.net/xupload/O0A57825.gif وماتشوفين غير غبرتي..>>شنطتي مو حياالله http://www.ksa4up.net/xupload/c9600173.gif أنطلقت للشارع ..إلا السياره مو موجوده..!! والدنيا كانت ممطره والأرض منقعه.. وأنا ولا همني أحد مغير أصارخ تقل أم مضيعه عيالها..ههههههههه وجت في بالي فكرة الرجوع للبيت ..!! المشكله البيت بعيد شوي عن المدرسه((مدري وين مخي ذاك اليوم..وإلا اللي بيشوفني بيحسبه حرصن ع الدراسه)) المهم سويتها وحاولت ارجع للبيت .. ويوم قربت من بيتنا إلا أمي تعلمني بعدين.. تقول أسمع صراخ كنه صوت بنتي وأتعوذ من الشيطان.. البنت الحين يمديها في المدرسه!!!>>لا يا ماما هذي أنا جيت http://www.ksa4up.net/xupload/qNZ58278.gif وادق الباب إلاوتفتحلي أمي .وأنا صياح وشهاق على هالشنطه.. وتهدى روعة امي ..وتغيرلي مريولي اللي طافشت به في ذا المطر.. وتكلم ابوي يجيب الشنطه اللي بالسيارة ويرجعني للمدرسه.. عاد يوم وصلت المدرسه هالمره لقيت المديره بكبرها في استقبالي..! وتقعد تفهمني مايصلح كذا وكذا مايصلح ..!! وأنا اناظرها مستغربه!! عسى ماشر يامرت خالي http://www.ksa4up.net/xupload/jJu57900.gif ترى ماخوفتيني http://www.ksa4up.net/xupload/nmX87125.gif <<(قوية عين) سبحان الله على اني كثييييييير أنسى إلا أن هالموقف كأنه قبال عيني ... والحين اذا مريت بالشوارع اللي فحطت فيها برجليني لازم ابتسم واوريتها اخواني.. أما مواقف المتوسط والثانويه ماودي اكثر عليكم خربطه خخخخخخخخ.. كل الشكر لك هموسه ع هالموضوع الحلو .. |
عزيزتي بسمة... ذكريات بريئة ورقيقة...ما اجمل ايام الطفولة...شكرا لمشاركتك... ليش بالعكس ماتكثري علينا نتشرف بمشاركاتك... خخخخخخخخخ..صدقك ذكريات الثانوية خربطة لكن عادي شبابية خبرينا اذا بغيتي وانا بخبركم كل شي اتذكره... |
انا اخبركم صراحة مرحلة الثانوية اكثر مرحلة درراسية تحصل فيها مواقف
وذكريات مع الطلبة والمعلمين.... اخبركم كيف كنت بالثانوية... كنت هادئة جدا مستواي جيد علاقتي بصديقاتي ضعيفة وانا كنت ما كثير اركز بالشرح وصراحة السبب لاني صديقتي تتكلم معي بالحصة وتضحك وانا اضحك معها مره معلمتنا نقصتنا درجات وقالت اذا تريدوا اعدل دجاتكم تجلسوا في الامام.... وهذا الي نقص من مستواي الضحك وعدم الاهتمام بالحصة واريد افضقض الي بقلبي اقولكم اني كنت اغش كثير بالامتحانات اغشش البنات كنت ما واثقة من نفسي والبنات يلتموا عليي بس عشان اخبرهن الجواب...صداقة مصلحة....اغش خصوصا بامتحان الرياضيات لان المعلمة تجلس تصحح اوراق وكل الصف تقريبا يجيب الدرجة النهائية بسبب انتشار ضاهرة الغش احاول اتوب لكن ما قدرت لان صديقتي معتمدة عليي واخاف تزاعلني هذا الي جا فبالي وما اقلعت عن عادتي الى نهاية الثانوية..... وبعد لا تضحكوا عليي كنت اخاف واتوتر لما يطلبن مني المعلمات اشرح درس او بحث مره جلست اضحك من كثر التوتر وجلسو البنات يضحكو عليي وانحرجت كثييييييييييير....خخخخخخخخخخخ البقية فيما بعد... |
احسن..
مرحله مرت علي..المرحلة الثانويه.. |
أنا هنا من جديد ..
تذكرت موقف لما كنت في الصف الثاني ثانوي .. في يوم من الأيام حصل .. أن كان عندنا تسميع قرءان .. وأنا حضرتي نسيت أن عندنا حصة تسميع .. فكانت الأستاذه تسمعنا بالترتيب الأبجدي من كشف الأسماء .. وأنا حرف أسمي الأول حرف الراء .. عشان كده كان يعتبر قريب .. إيش أسوي ..إيش أسوي ..جت في بالي فكره .. أعمل فيها مريضه .. ومدوخه .. جلست أتمسكن لما الأستاذه قالت لواحده من البنات تاخذني للأخصائيه .. عشان أرتاح وتشوفلي حل في الدوخه هاذي .. خرجت من الفصل .. والحمدالله .. بدون ماأنكشف .. وأعترفت لزميلتي أن أنا عملت كذه عشان بس أهرب من التسميع .. وقلتلها تقعد معايا وماتسيني لما نوصل للأخصائيه .. قالت لي (من عيوني ) .. المهم .. وصلنا عند الأخصائيه .. طبعاً أنا عامله نفسي التعبانه .. قالت لي أنتي حاسه بإيش .. قولتلها دوخه قويه مرررره .. ومش قادره أركز .. (عشت الدور يعني ) قالت لي أنتي باين عليكي عندك هبوط .. عشان كده طلبت من زميلتي إللي كانت معايا .. أنها تروح لبوفية المدرسه أو (الكانتين ) تجيب ماء بسكر .. الله لا يوريكم الطعم إيش كان .. الظاهر والله أعلم راعي البوفيه حط ماء بسكر بملح .. أنا قولت هذا عقاب رباني سريع .. شربت شويه من الماء .. الأخصائيه جلست تغصبني أشربها كلها .. وأنا من الشخصيات المطيعه وماأحب أرفض كثيير أو أجادل وكذا .. خاصه أيام المدرسه .. المهم .. شربت الماء العجيبه دي .. وروحت البيت وأنا بطني توجعني منها .. قولت التوبه يارب ماأعيدها .. وجلست أحفظ القرءان .. ودي واحده من حكاياي .. :) .. |
انا بصراحه بالمراحل الابتدائي والمتوسط كنت طالبه مجده وممتازة ماشالله علي << اللهم لاحسد هههه هشك بشك بالدراسه وشهادات تفوق من الذكاء !! ..بس فيني عادة اللي هي (( مساعدة الغير وحب المغامرات )) احيانا بشكل فضيع !!! ..
اتذكر يوم كنت بالصف الثالث المتوسط ،، وكان بجانبنه فصل ثاني تدرس فيه وحده،، كانت تبكي ودخلت الفصل لقيت البنات جمعه طايحين فيها تلطيششششش وترهيب ،، المهم دخلت عرض وقلت وش السالفه ؟؟ ،، قالت وحده منهم : اليوم المعلمه بتجمع دفاتر (( التعبير )) او الانشاء وبتحط العلامات النهائيه وحضرتها ناسيه الدفتر !! ..قلت : بسيطه ولايهمك ..قالو لي البنات : كيف ؟؟ ..قلت : انا ابغاكم الحين تجيبون دفتر تعبير من اي فصل من الفصول الثانيه ،، طبعاً قالو ويش بتسوي فيه ؟! ..قلت الحين دبرو لي دفتر وبعدين بوريكم ،، المهم فعلا جابو الدفتر من طالبه ،، وجيت لفصلي وفتحت شنطتي وطلعت الفضايح هههههه (( ماشالله جايه بمعسكر تدريب مو مدرسه للتعليم من كثر الاغراض .مقص وخيط وابره وحاله . ومن ضمن الاغراض طباعات يكتبون فيها الاسماء حق الاحتياط يعني .)) << لاتستغربوا !! المهم اخذت الدفتر ولزقت عليه الطباعه وقلت للبنت (( اللي ناسيه الدفتر )) كتبي اسمك عليه بسرعه يالله وروحي وديه للمدرسه عشان تحط عليه الدرجات ورجعيه لي ،، اخذته البنت وهي فاتحه فمها طبعا من الاستغراب وودته للمدرسه وجابته والضحكه شاقه وجهها نصين من الفرحه ،، واخذته منها وحطيت عليه (( طباعه جديده )) وبالهناء والعافيه ههههه << اقصد وديته لصاحبته !!!!! كانوا يسموني بالمدرسه (( .ابو قلب جامد .......)) !! << |
شكراااااااااااا لمشاركاتكم الكريمة اخواني الاعزاء.... اتحفونا بالمزيد اذا كان لديكم.... |
| الساعة الآن 09:09 AM |
Powered by vBulletin® Version 3.8.11
Copyright ©2000 - 2025, vBulletin Solutions, Inc.
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.
المواضيع المكتوبة لاتعبر بالضرورة عن رأي الموقع رسميا