عدم التركيز هذا كله بسبب الاكئتاب .......وانا متاكد 100 بالميه

حتى مرات لو واحد يكلمك اول الحوار ممكن تركزين معاه بمع مرور الوقت يخف التركيز لدرجه انه يتكلم وانتي تحاولين تسمعين ولكن لاجدى .........هذا كله بسبب القلق والاكئتاب وانا اشعر فيه وعانيته اوصل لمرحله اني ما اسمع شقول اللي قدامي

تحياتي لج وبالتوففيق

رونالدو

صحيح كلامك وعارفه انه من الاكتئاب مو بس اذا اسمع احد
حتى وانا الحين اذاكر اقرا السطر اكثر من مره ابدا استوعب ومع الاستمرار احس اني اتكلم وما افهم شقول واعيد واعيد

لكن انا اخذ علاج طيب الى متى نبقى كذا

آآه لو الاكتئاب شخص لقتلته

نعم كلامك ايضا ينطبق علي

انا بصراحه ملاحظ فيه اوجه شبه كبيره بين حالتي وحالتج

انا كنت ايام الدراسه ( الله لا يعيدها) ادرس بالساعات علشان اقدر استوعب واحفظ الكلام ...لانه فكري مشتت ...اقرا لكتاب وبالي يروح بعيد ويرد ووو.....هذا كله من القلق والاكئتاب

الحين شنو الدوا الي تاخذينه ؟؟ ترى الدوا مع مرور الوقت يقوى تاثيره لين 6 اشهر بعدين الدوا يوصل حده بعدها ما يقوى ابدا

وتحياتي لج يالغاليه

ماشاءالله استفدت كثير من الاعضاء ,, يعني بنظري اشوف ان قلة التركيز
بسبب الفكر متشتت ممكن يكون السبب نقص فيتامين محدد وقلة تغذيه سليمة

ومثل ماذكر الاخ الحوراني عدة افكار تترابط عندك وتحسين بتفلت الافكار
وضعف السيطرة على الوضع ,, لكن سؤالك الى متى ؟

تتطور حياتك من خلال الابناء وكبرهم وعنايتهم ومساعدتهم لك
اكثري من الاستغفار فأمره عجيييب