الحمد لله على سلامتك اخوي

مع اني ما احب اكتب هالكلمه كثير لكن اظطر اقولها الي هي الموت هو الخوف من الموت لاني مجرد ما احس اني بابعد بالسياره لحالي وسط الزحمه وتجيني الحاله تعرف انت ما تقدر تسيطر على نفسك تبي تنسدح باي مكان في هالحاله ممكن تزيد دقات القلب ويغمى عليك او يصير شي لا يحمد عقباه هذا الخوف الاكبر

الله يستر علينا يا رب

اكيد لا اطلع ولا اروح ونوم كثير طبيعي يجيني الخمول والمشكله نفسها اني مخمل وانا ما تجيني الحاله الى لين صرت مخمل واطلع للسياره وانا مخمل ويجيني الشعور انها بتجيني حاله الهلع

ما تتصورون وش قد ماثره علي الحاله هذا عزاء خال ابو الله يرحمه ما قدرت اروح له وكل شوي واحد يدق علي يقول تخاويني العزاء وانا اقولهم مشغول وانا بداخل نفسي ما اقدر وهالشي مكدر خاطري

ربي يشفيك. نصيحة عليك بقراءة سورة البقرة 40 يوم مع التصدق والدعاء والاستعفار. والتقرب من الله. والترفية عن النفس والخروج. جرب تدخل نادي رياضي.

فكره النادي جالس افكر فيها هالايام لكن خاف تكون سلبيه علي

عشان الواحد اذا ما كان رياضي وفجاءه دخل لياقه يتفكك جسمه اول الايام وخاف يصير لي كذى وتزيد حالتي لكن الارجح اني بادخل نادي

الله يسلمك
يالغالي ترى هذي مجرد احاسيس وافكار لاتهتم لها ولاتخليها تسيطر عليك انت كل اللي عليك تحاول تكسر هالخوف ف البدايه راح تصير صعبه لاكن بعدها بتتعود ويصير الوضع طبيعي
حاول تجربها وتطلع لحالك واذا ماقدرت خذ معك اي واحد واذا تبي اجيك عادي اجيك وتروح معي هههه بروح فيك مشوار بعيد يا تتعافى يا ترجع منهبل هههههه امزح ...

السلام عليكم

أخي العزيز أسأل الله العلي العظيم ان يشفيك مما اصابك وان ينزل عليك السكينة والطمانينة

جميع الردود كانت من اصحاب التجارب مع هذا المرض ويجب ان تستفيد من تجاربهم وما عليك الا الصبر والاستعانة بالله

سوف اضيف الى تجارب الإخوة والأخوات طريقة مستخدمة للتخلص من نوبات الهلع وقد طرحتها في موضوع سابق وهذا هو الرابط

http://www.nafsany.cc/vb/showthread.php?t=74673

حاول تطبيقها وهي سهلة جدا ونتائجها مذهلة وتتوافق مع كثير مما ذكر في الردود اعلاه


تمنياتي لك بالتوفيق والشفاء العاجل بإذن الله

والله يالغلا اني احاول حتى ان ابي اروح المستشفى خايف حتى ان واحد بيوديني بس برضو خايف

باجرب الطريقه الي بالرابط والله يجعل فيها الشفاء

بس تصدق فكرتك حلوه بافكر فيها ادور لي واحد فيه نفس المرض حقي ونسوي اقويا على بعض ونطلع سوا ونشوف من الاول يخاف اكيد كل واحد بيسوي نفسه الكويس وممكن يتغلب على الخوف بالتحدي

انا ابيك تكسر الحاجز الاولى لانه الاصعب في نظري ...
يالله انا اتحداك ههه انا اول ماقدر اطلع الحين عادي اروح واجي ولله الحمد

ابشرك قبل شوي تعب ولدي وقمت غصب عني اوديه المستوصف صح انه مو بعيد مره بس اسمي تعديت حدود البيت عشاني تحركت غصب عني وكنت اقول للمدام دقي على اخوك وروحي بس عارضتني وقالت اذا ما تحركت الحين متى بتتحرك واقوم مثل الاسد وافتح الثلاجه واخذ علبه الاندرال والهم لي حبه ههههههههههههه

بعدها طلعت ووديته ورجعت وديت الوالده مشوار قريب وجبت لي عشاء ورجعت البيت

انا ان شا الله ناوي شوي شوي اكسر الخوف

هههههه حلوه الهم حبة اندرال اول ماقريت الكلام قلت شي حلو الرجال تطور وبدا يتحرك بس دام فيه حبه ماتحسب لك ...

اهم شي حاول تكثر طلعات وصدقني شوي شوي بتصير افضل

طمنا ع التطورات اللي تصير معك ... دمت بحفظ الرحمن

لا هالحبه تصبيره لين ابدا بخطه العلاج الي راسمها انا ويوم السبت باروح لدكتور مدحوه لي محمد العقيل وباسوي معه خطه علاج والشافي الله

الله يكتب لك الشفاء
الدكتور هذا وين مكانه ?

هالدكتور في الملز في عيادات سليمان الصغير