مرحبا
 

يااخي الكريم مافكرت اني اتعالج عند طبيب نفسي مستبعده هالشئ من راسي افضل العلاج بالرقيه احسن اختك ميمي00``00`

ليش يعني مو مقتنعه من الدكتور النفسي ولا خايفه من الادويه ولا ليس مستبعده الفكره

مرحبا
 

ايوه خائفه من الادويه تسبب لي ضرر في المستقبل رغم اني مالي مستقبل لاني فاقده الامل لاني انسااااااااانه مريضه فاماحد راح يقبل بي ودائما احس انه اجلي قريب ., استغفر الله واتوب اليهl اختك / ميمي الحزينه

ليش خايفه من الادويه وكثير تعالجو عليها

وارجعي للدكتور رعد في موضوعه قال جميع الادويه النفسه هي معالجه هي عباره عن تركيبه كيميائيه تعوض اشياء ناقصه في اجسامنا يعني مثل الفيتامينات وحالات نادره تاذت من الادويه لان هناك افراط في استخدام الجرعه

مثل واحد وانا في العياده تصدقينن الدكتور كاتب له علاج ياخذ منه حبتين قبل النوم من نفسه صار ياخذ عشر حبات قبل النوم وحتى عاتبه اكثر من دكتور واهو الان طبيعي مررره بس يعالج كيف يقلل الجرعه وما كان محتاج يزود الجرعه بالاساس بس هو اعتقاده انه يبي يطيب بسرعه

اختي الطب النفسي مو شي سهل واصعب التخصصات وعندنا ولله الحمد دكاتره على مستوى عالي فلما الخوف وارجع اقولك كثير عالجت عند دكاتره نفسيين وطابت ليش تاخذين النظره التشائميه

شوفي انتي رجعتيني لاول ما صابتني الحاله كنت مستهونها ونصحني واحد معالج عند دكتور نفسي قال رح للدكتور انا عابطت وقلت باطيب بسرعه ويوم عن يوم احس حالتي تزيد واعراض تطلع عندي قلت خلني الحق على عمري قبل ما اوصل لمرحله لاكتئاب وهي الي ما ابيك توصلين لها عشان كذى تداركي نفسك وروحي عالجي

شوفي من كلامك واضح انك متاثره بالمرض مع ان له علاج فليه متردده اعملي بالاسباب عالجي عند دكتور نفسي وارقي نفسك مثل ما اعمل انا

والله اني ناصح لك وانا اشوفك كل يوم حالتك عن اليوم الي قبله تزيد وهذا قريته من خلال ردودك ومواضيعك فاقولك الحقي على نفسك وترى الطب النفسي مهم في الحياه حتى ان فيه طبيعيين يعالجون عند الدكاتره النفسيين ليعوضون تركيبات كيميائيه ناقصتهم

مرحبا
 

جزاك ربي خير علئ الرد ان شاء الله راح افكر اني اراجع طبيب نفسي شو اسم الطبيب الذي رحت له انت؟ وهل ينفع اتواصل مع طبيب نفسي عبر الهاتف لاني ماقدر اذهب واشرح له حالتي مباشره ؟09`1`01`01

انتي من الرياض عندك عيادات محمد الصغير انا رحت للدكتور محمد العقيل ومدحه لي واحد عالج عنده وشفت ناس كثير يمدحونه وميزته انك تدخلين عليه في نفس اليوم

فيه الحبيب والسبيعي في الرياض لكن ما تقدرين تدخلين عليهم على طول فلذالك افضل يا سليمان الصغير ولا محمد العقيل وكلهم في عياده وحده في الملز

مساله انك ما تقدرين تروحين لازم تشوفين لك حل وتروحين عشان لازم تفتحين ملف وتقابلين الدكتور وتشرحين له الحاله بشكل مطول ثم تقدرين بعدها تتواصلين معه عن طريق الهاتف في اي وقت بس بالاول لاااازم تروحين

فكري بالموضوع بجديه ترى والله كل ما تاخرتي راح تتعقدين اكثر واكثر

واذا ما تبين تروحين لدكتور خذي الوصفه من الدكتور رعد الشمري هنا في المنتدى

بس شيلي من راسه ان الادويه النفسيه انها خطره بالعكس هي علاج وانا مثلك كنت اعتقد انها مضره لكن قريت وشفت حالات كثيره تعالجت وتركت العلاج ورجعت لحياتهم الطبيعيه رغم انهم اكثر منا تعقيد في الحالات وبعدها توكلت على الله واتجهت للعلاج النفسي

مرحبا
 

مررره بعيده الريااااااااض عني انا عرضت مشكلتي لي دكتور رعد الغامدي وليس الشمري ههه شكلك فيك النوم ومابتركز بالكتابه منيح ووصف لي ادويه بس ماصرفتهاا لاني ماقتنعت فيها علئ ماذكر وصف لي هذا الدواء سبيراكس وادويه اخرى بس بفكر الان اني اصرفهاا واستخدمهاا لاني بديت اقتنع بكلامك وجزاك الله خير اخوى علئ النصائح وجعل ماقدمته لي في موازين حسناتك اختك ميمي`111`1` بالشفاء09`1`01`0109`1`01`01

الله يشفيك

مع اني ارى انك تذهبين لدكتور نفسي وتكونين متواصله معه لان رعد للاسف لا يدخل المنتدى كثير بل سمعت انه هجر المنتدى

انتي محتاجه تاخذين جرعات بانتظام ومتابعه مع الدكتور واي اعراض تظهر لك على طول تدقين على الدكتور مباشره وتخبرينه وراح تلقين العلم اليقين

استخيري يا اختي وشوفي وش الي يناسبك وانا اعيد واكرر العلاج النفسي مع الرقيه اسرع للعلاج ولا تهملي نفسك اكثر عشان ما توصلين لمرحله خطيررررره ويكون علاجك صعب

انا اضم صوتي لاخوي ابو خالد وهو انك لازم تروحي للطبيب نفسي وبعدين انا اشوفك متشائمه وانا ابغاكي تكوني اكثر تفائل وانتي مو اول وحده عندها هله او وسواس كلنا عانينا ويمكن اكثر منكي وبعدين ماحد يقنط من رحمه الله لان رحمته واسعه ولايقنط من رحمته الا القوم الكافرون واحنا الحمدالله مسلمين وموحدين وترى العلاج النفسي زي اي علاج يعني مثلا اذا واحد عنده ضغظ او سكر الله يعافينا مو لازم ياخذ ادويه عشان يتعالج والعلاج النفسي نفس الشي ليش نكبر الامور ونقول الادويه ادمان وهذا الخرابيط المهم حبيبتي طمنينا عنك

ميمو جعل الله كل اوقاتك افراحا غامرة

عليك بالاستمرار

وعليك بايات العذاب الموجودة فى تذكرة الاخوان فى اواخرها الجزء الثانى

انما النصر صبر ساعة

والله اخت ميمي كانك تتكلمين عني بس لازم تقاومين لان كل هاي ترى يروح من عمرج

ادري المقاومة صعبه بس لازم نحاول والله بكون معانا باذن الله

اخوي ابو خالد انا اخذت الدوا تقريبا سنتين والله ان مامنه فايده اهو مثل البندول يسكن فتره الاعراض وعقب ترى تبدا ترجع اشوف ان الحل الامثل ان الواحد يقتنع ان هالاعراض غير حقيقيه ومايخاف منها لانها تتغذى على الخوف فتبدا تتراجع بعد فتره