الله يشفيكي ويشفينا آمين


صراحة انا كمان اعاني من ها الشئ من فترة لي الحين تقريبآ 9 شهور

شكل الحالة يبدأ مع حالة الخوف فجأة وبعدو يتراكم الخوف الى هلع في اماكن احس لو رحت اختنق
واتجنب نفس المكان اللي اتأثرت في مثلآ اذا رحت بقالة جاني مثل الهلع وعدم الشعور با الذات

بعدها اكره اروح اشتري اغراضي من نفس البقالة كل ما اجئ لنفس البقالة اتذكر الحالة وبعدين

اغير البقالة بس استخدم salipax من شهر خف معاي الحالة بس يجئ آخر الليل ووقت العمل

والمشكلة اني احس بفقدان الشهية وبعض الاحيان اسهال اعزكم الله

هل احد منكم يعاني مثل اعراضي ارجو مساعدتي


اول كنت احب اسافر وحدي با السيارة مسافات طويلة للعمل الحين ما اقدر اخاف واطلع با التاكسي
هل هذه الحالة رهاب ام هلع ام ماذا بعض الاحيان يجيني عدم شعور با الحياة وكأني في حلم

بس اطنشوووو اقول لنفسي لا انا بخير مافيني شئ وامشي كم دقيقة ويرجع تاني

عدم الشعور با الحياة والاضواء يزعجني وحتى عند وقوفي في اشارة المرور السيارة اللتي امامي
يضغط الفرامل وضوؤ فرامل السيارة يزعجني بس صررت اطنشوووووو

اول كنت مررة احس اني بعيد عن الدنيا كأني بحلم بس الحين على خفيف ساعات وساعات يكون في
خوف بس اهلي يقولولي فيك حسد وعين


طيب انا من 9 شهور اسمع الرقية واشرب الماء المرقي وبعض الاحيان استخدم الزيت

ولا استفدت شئ

اللي متعبني لو اجئ انام ما اقدر الين كم ساعة بعدين انام وما استمتع با النوم يطون متقطع

او اضيع النوم با الكوابيس هل هذه نفسية ام مرض روحي مع اني سويت اكثر من 10 مرات حجامة
عند شيوخ ماهرين بس المشكلة اذا اسمع الرقية ما احس بشئ

وبعض الاحيان احس في شئ يتحرك في جسدي مثل نبضات في انحاء جسدي

شوفي لا تكبرين السالفة وهي صغيرة ,,

راح اختصرها عليك اختصار شديد جدا ,,

1- روحي لطبيب نفســي ,,

2- أكيد راح يوصف لك سيبراليكس لأنه أفضل دواء لنوبات الهلع والحاله اللي انتي ذكرتيها تسمى اختلال الىنية

وفي غيرها أعراض وعالعموم انتي استخدمي هالدواء او الدواء اللي يوصفه لك الدكتور ,,

3- بعد استخدامك للدواء وهذا هو الأهم انك تعالجين نفسك بالسلوك المعرفي وبتقنيات الإسترخاء

وهذي موجوده عند الأخصائي النفسي الإكلينيكي واذا ماقدرتي تتوفر عن طريق الانترنت .

عموما انتي رراجعي الطبيب واشرحي له حالتك وانا شخصيا انصحك بسيبراليكس والعلاج

السلوكي المعررفي والإسترخاء .

الله يرفع عنا وعنكم ويشافينا ويطول بااعمارنا علي طاعته وذكره ،،،
نصيحه مجربه ،،،
الاستغفار الاستغفار
تخيلي اليوووم اللي الالتزم فيه بالاستغفار اصير انسانه ثانيه مرحه ومستانسه ومافيني الا العافيه
واليوم اللي اللي انسا استغفر ترجع لي الضيقه ،،، والوساوس ،،، والهلع 
واختي بما انك تتعبين بعد قرءة القران الله واعلم يمكن عين شدي حيلج شوووي بالرقيه واذا ماقدرتي
شوفي اهلج يشفون لج شيخ يقرء عليج وبأذن الله بترتاحين ،،،
اخت مها ممكن تكتبين شنو حالتج بالظبط ومن شنو في سبب من بعده صار لج والا فجئه وشلون حالتج الصحيه تشكين من شئ معين ؟!؟

صباحكم خير اخواني

شوفوا سبحان الله متى كتبت الموضوع وتركت المنتدى وجيت اليوم واعاني اكثر من اللي قلته

انا الاان في حاله اكتئاب شديده واحس منهاره عصبياااااااااا \


حرمت نفسي من الحياه وطعمها

لازلت في هلع وانا اكتب هالسطور فيني هلع وجداا يائسه


سبحان الله مرض غريب عجيب وكذلك حقيييير

يا أختي, عليك بالعلاج النفسي, من الخطأ أن تتركي نفسك بهالطريقة, مضادات الاكتئاب هي العلاج لحالتك بإذن الله. روحي الطبيب النفسي و خليه يوصف لك مضاد الاكتئاب المناسب لحالة الاكتئاب و الهلع اللي عندك. الله ما يرضى علينا نعذب انفسنا و العلاج موجود.اللي تسوينه غلط في حق نفسك.

هذي النقطه الي تذبحني اني احس اني بعالم غريب وكانه حلمممممممممم

ليش ماعرف شو سويت في حياتي ماعرف اشوف ان الحين بعد ماصابتني النوبه اصبحت اكثر ذنوبا من قبل

قبل اصلي في المسجد واحب اسمع القران ولازم مايعدي ثلاث ايام الى وانا اقرى صفحه ولا صحفتين

ليش هذا ليش

بيذبحني التفكير وبتذبحني الايام ولاوهام والله

هلا فيك اخوي اي والله لايهزمك الهلع انا احسه رجل وحقيييير جنني هبلني ضيع اجمل سنوات عمري والله ابعدني عن اللي يحبوني

مشكور سيدي على هكذا نصيحه وودي اقوم بما ذكرت ولكن ؟؟؟؟؟؟؟

لاياخوي دخيلك لاتستسلم وتهل العبادات بالعكس والله هي اللي بتريحك وتخليك اقوى صح مرات اجد صعوبه في التقرب من الله استغفر الله بس تاكد ان قربك قوه وخير وفي صالحك


شرايك وانا انصحك وانا قمه التعب والله هههه

لن يهزمني و لن يهزمك. أنا ما أحسه رجل حقير و لا أقاومه. أنا اعتبره صديق مزعج, و أتقبله بكل أعراضه الين يروح. التقبل هو الحل. و بالنسبة للنصيحة اللي نصحتك اياها, قلتي لي "ودي أقوم بما ذكرت ولكن؟؟؟؟؟؟؟" و لكن أيش؟؟ حرام يضيع سنوات عمرك صديق مزعج يا مها, الدواء خلاني أفضل من السابق الحمدلله, مع أني ما كملت شهرين في العلاج, لكن العلاج السلوكي الايجابي قاعد يعطي الدواء فعالية أقوى. أنا أفضل من الماضي بمراحل, صرت متيقن بأن هالنوبات خيرة لي, لأنها خلتني ألجأ للدواء و اتعالج من القلق, و زالت كل ترسبات الماضي, و تحولت إلى أنسان مليء بالايجابية, و يحاول يملأ الطاقة الايجابية لمن حوله. لا تقولي "و لكن" أرجوكي...

اللهم باررك عليك والله يتمم عليك

ارجوكي منك كبيره والله والله يخليك ويحفظك

تصدق ياخوي رحت لدكتور شاطر وخذيت عنده جلسات وتحسنت بس بفترتها ومن لما تركتها رجعت لسابق عهدي

والله يابطل بسميك بطل على فكره بما انه لن يهزمك الهلع
والله كنت قمه الحيويه والنشاط ومفعمه بالحيااه والكل وده بقربي وتقليدي وفجاه مادري شصااااااااااااااار والى الان انا ماعدت مها الاوليه

وجيت اهني والله عشان احس ان اللي فيني شي بسيط والكثير منه يعاني


اشكرك

و الله أشكرك على دعواتك و أمنياتك أختي مها. أي نعم أرجوكي,و الله حرام يضيع يوم واحد من عمرك و انتي في معاناة,و العلاج موجود. يمكن تسأليني أنا ليه مستمر في المنتدى بالرغم من أني قهرت الهلع تقريبا بفضل الله ثم بفضل الدواء و العلاج السلوكي,و ما زلت في مرحلة الشفاء لسه. بجاوبك ليه مستمر في المنتدى, لأني أبي ايجابية, بتسأليني و تقولين وين الايجابية و كلنا قاعدين نشتكي من أمراضنا. أقول لك, زرع الأمل بحد ذاته شي ايجابي. أي نعم, أنا مريت بأيام انعزلت فيها عن كل من حولي, حتى خطيبتي, و تسبب هالشي بفسخ خطوبتنا,و الحمدلله على كل حال. مريت بلحظات استخسرت فيها كل شي سويته بحياتي, و انه مضيعة وقت لا أكثر. أنا أدرس الماجستير الآن في أمريكا, و قبل شهرين بس, كنت ناوي اقطع دراستي بسبب الصديق المزعج اللي اسمه الهلع. كانت طاقتي الايجابية تملأ المكان اللي اكون فيه و لله الحمد, و من بعد الهلع, تحولت الى بقايا انسان بدون مبالغة. بدأت علاجي قبل 51 يوم تقريبا, و رجعت احسن من اللي كنت عليه أول بمراحل و لله الحمد. رجعت أيجابي اكثر من اول, و رجعت بدون قلق و خوف يستنزفون تفكيري. و أبي أنشر هالايجابية لكل شخص أقدر أوصل له, و أنتي منهم. أرجوكي مرة ثانية يا مها, أرجعي للعلاج, حرام يضيع يوم من عمرك و انتي تعانين, حتى رب العالمين ما يرضاها على عباده. ارجعي و احنا معك و نساندك :)

صباح الخير يابطل
وتبارك الرحمن عليك وعلى طموحك الدراسي والنفسي
وانت تتكلم حسيتك اخوي والله قال لي قبل كم يوم مثل كلامك
والله لايحرمني منك ولامن مساندتك ياخوي قاهر الهلع

والفال لي باذن الله اقهره واكمل الماجستير مثلك ليش لااا ؟؟ ياارب

اقسم بالله كانت العام فكره الماجستير عندي ويشهد الله علي خفت من الهلع

اليوم كنت بروح المكتبه العصر وجتني افكاري الجمبازيه واجلت الرووحه
وصارت تسع قلت يامها روووحي ورحت بحمدالله وحسيت بصدااع قلت ايوااااه راح تصير مصيبه يابنت بسرعه روحي البيت

بحاول اتكلم بالاشياء الحلوه بما اني جيت اهني عشان اخفف من اللي فييني بس عساني اقدر

كل امور حياتي جعلتها تحت رحمه الهلع واثنااء الحاله لااقتنع بكل ماعرفته عن حقيقه هذا المرض فقط الهرووب سيدي في تلك المواقف



يارب

بعد ست أشهر من تركي للموقع أعود له وأجد موضوعك الذي كانت لي مشاركة فيه ,,

سبحان الله الذي سخرني لك ,,

أنا احب اختصر عليك الموضوع ,,

أول شي أحب أبشرك بأن مضادات الإكتئاب تباع بأي صيدلية وبدون وصفة طبية :) يعني زيها زي البندول تقدرين تشترينها من أي صيدلية ,,

وبالنسبة لذهابك للعيادة النفسية :-

مايحتاج تروحين لأطبائنا النفسيين الموجودين بالمستشفيات لأنه في اطباء أفضل منهم تقدرين تتواصلين معاهم عن طريق الانترنت ,,,

ومن وجهة نظري الشخصية أحب أقول بأن الطب النفسي عندنا سيء إلى حد ما بالسعودية لأن أكثر الأطباء مايهتمون بالمريض ولا يعرفون حالته بالضبط ,,

على طول يوصفله علاج لحالته !!! ,,

وبالنسبة للأطباء النفسيين الممتازين فهم قليل للأسف الشديد ,,

----------

عموما بالمختصر المفيد روحي لهذا الموقع واكتبي استشارتك وادعيلي ,,

بس اكتبي بالإستشارة نفسها أرجو الرد من الدكتور محمد عبدالعليم ,,,

وهذا هو الرابط ,,

http://www.islamweb.net/consult/index.php?page=ask

اكتبي كل شي صارلك وجميع أعراضك اللي حسيتي فيها وهو راح يوصفلك العلاج المناسب لحالتك بإذن الله ,,

والله يشافيك ,,