أنا اقصد الجرعة يعني كم ملجم , وش لون العلبة ؟ لأن في 10 ملجم وهذا ماتوقع تاخذيه لأنه جداً قوي وفي 5 ملجم في علبته لون احمر و 2.5 ملجم لون علبته زي الأزرق شوي
وبعدين الكونكور معروف مرة وحده باليوم, وليش ماتقدري تروحين طبيب نفسي ؟
لاتسوين مثل ما انا سويت بالبداية ولما تفاقمت المشكلة جلست ادور طبيب نفسي.
روحي طبيب نفسي من بدري نصيحة أخووووووووووية والله والله والله ثم والله بعدين بتقولين ليتني سمعت كلامه
مثل ما انا الآن جالس اقول ليتني سمعت كلام صديقي اللي هو اخصائي نفسي وقالي تعال جدة وادخلك على استشاري لكن ماسمعت الكلام
عموماً ضرووووري جداً تروحين استشاري من الآن, وتتابعين مع اخصائية نفسية للعلاج السلوكي
الأمر سهل جداً والقرار بين يديك والنصيحة وقدمناها

اكون معك واضح جداً وصريح ترا الكونكور راح يسببلك زي عدم الاتزان يعني انتبهي طيب
انا متورط فيه الى يومك اخذه, واحاول اتخلص منه موب قادر !
ولكن راح اقدر بإذن الله وبجلس ادعي على الدكتور اللي عطاني هو وقالي مدى الحياة لأن لما رحت مستشفيات حكومية قالولي اكبر غلط يصرفون الكونكور لمرض غير عضوي
وحسبي الله ونعم الوكيل عليه الدكتور محمود حجاج

الله يشفيك ياارب
انا بتركه من اليوم ام شاء الله واروح مستشفى ثاني لانه لسه ماكملت اسبوع وانا استخدمه

طيب انت كم لك وانت تستخدمه
ولمتى ممده استخدامه

هذا الدواء المفروض لايعطا للمرضى النفسانيين وللأسف انا استخدمه الان اكثر من سنه ونص، انتي روحي مستشفى حكومي احسن لك لأن المستشفيات الخاصة بعض الدكاتره ياخذون نسبه على صرف الكونكور والله اعلم، لكن المعروف ان الكونكور لايعطى لعلاج الامراض النفسية والاندرال يعتبر افضل منه بكثير ويخفي الاعراض النفسيه وهذا المكتوب في الروشيته حقت الاندرال ويستخدم للقلق والرهاباما الكونكور يستخدم للتدمير ويزيد الاكتئاب والقلق والتوتر وادماني ويجيب دوخة وعدم توازن
عموما لما تروحين طبيب ثاني قوليله انك استخدمتي كونكور 5 ملجم ولمدة اسبوع واذا قالك استمري عليه او خفف الجرعه هذا اكيد بمستشفى خاص وقوليله انك ترفضين الكونكور وانه عندك اطلاع مسبق له وقوليله تعرفين حاله تضررت منه اللي هو انا
جابلي دوخه وعدم توازن ومع الوقت سببلي لخبطة في السكر وارتفع عندي السكر وخلا القلق يزيد واستقلت من شغلي والان جالس بالبيت انتظر لين يجيني الفرج وارجع اتحرك زي ماكنت وبكل ارتياحيه

حسبي الله عليهم
ايه ان شاء الله بروح حكومي لانه الخاص بصراحه احس ماوراهم سالفه
شفاك الله

اخي ازهري انا بإعتقاديان الأمراض الروحية لاترتبط جميعها حول اعراض محددة سواء كانت عين اوحسد اوسحر اوحتى المسفذلك لم يذكر في سنة نبينا ولكن كانت جميعها اجتهادات من اخواننا الرقاة الفضلاء وانا اقدر لكم مجهودكم ولكن ياحبذا لو الراقي او اي شخص يستخدم الرقية الشرعية ان يكون استخدامه لها فقط بنية الشفاء مهما كان المرض ، فقد وردت ادلة واحاديث كثيرة على الاستشفاء بالرقية الشرقية والتي تكون اغلبها من القرآن الكريم وبعض الادعية التي وردت في السنة النبوية والاستغفار وذكر الله .
ولكن احيانا يجب علينا عدم تهويل الامر للمرضى كما يقوم بعض الرقاة ويفضل الإكتفاء بالنصح والقول ان ذلك قد يكون اذى روحي بسيط وعليك بقراءة القرآن والدعاء بنية الشفاء ولاننسى ورد الاذكار اليومية في الصباح والمساء واذكار النوم والاستيقاظ ودخول المنزل والخروج منه والوضوء ويفضل ان يكون المريض على طهارة فذلك قد يساهم في الشفاء بإذن الله ولا ننسى الاتكال على الله بأنه هو الشافي ومانقوم به هو مجرد اجتهاد وماهي الا اسباب ونسأل الله ان ينفع بنا وبكم جميع المسلمين

اختي توكلي على الله وابدأي في العلاج الروحي والنفسي, فـ الجمع بينهم جميل جداً ويعجل في الشفاء بإذن الله ولكن لاتضعي في مخيلتك ان ذلك عين او سحر او حسد او او او حتى مرض ..
اعتبري انها مشكلة وستزول بإذن الواحد الأحد

كل التوفيق