مرحباً يالعازمي انت تقصد أن الجرثومة يمكن تكون سبب الرهاب والله مادري لكن أنا ولله الحمد ماحس بشي في المعده ولله الحمد لكن القيلون عندي مسوي بلاوي وأنا قبل أسبوعين سويت تحاليل شامله كلها سليمه باستثناء التهاب بسيط أخذت له علاج وراح عني تقريبآ أما الجرثومة تطلع في التحليل العادي صراحه ماأدري لكن يمكن تقولي انت وش أعراضها عمومآ الثوم نافع للجسم وللدورة الدموية ايضآ هنالك الحبه السوداء والزيت والعسل الأصلي أنا راح أحاول أكلها يوميآ لان فيها شفاء وكذلك المشي بعدين ياخوي أنا احب الكويت مادري ليش وأتمنى ازورها في يوم من الأيام وألف سلامه يالغالي

هلابك اخوي عبدالله الكويت راح تنور بوجودك.

ياعبدالله ترا جرثومة المعده مو شرط انها تسبب مشكله بالمعده. عندك هذا انا نشيط ماشالله مثل البعير والمعده ماشالله تطحن كل شي وشغلله تمام ولله الحمد والمنه ومع هذا سويت فحص للجرثومة عن طريق النفس وطلعت عندي قوتها مية وتسعة وربعين وبعد استخدامي للثوم من الزبادي ولمدة ست ايام انزلت الي مية وتسعة. وانا الان اشوف انها خفت بشكل واضح.

بعض الاخوة ممن اعرفهم ياخوي عبدالله كان لديهم رهاب ولم يتوقعوا انها بسبب الجرثومة لان المعده لديهم ماشي حالها مايعانون منها لكن بعد الفحص والعلاج ذهب الرهاب.

حتي انا هناك بعض الاطباء يقول انها تسبب مشاكل نفسية هذا طبعا كما سمعت بالنت.


انصحك : اذهب لاي مستشفى وقل لهم اريد ان افحص جرثومة المعده وسوف يعطوك ورقه فيها قوة هذه الجرثومة.


وابشر بالعلاج اللي يدمرها

وقوة الجرثومة لاتظهر الا عن طريق فحص النفس.

أخوي العازمي المعده ماحس فيه بشي ولله الحمد وش هي أعراض الجرثومة

انا ما احسن بأي شي. بس لما فحصت طلع عندي جرثومة والحين قاعد اعالجها ويمكن يكون عرضها المعي الوحيد هو الرهاب.

ترى الرد الثاني اللي فيه اقتباس لموضوعك بالغلط الظاهر أني دخت وشكرآ على المعلومة

ماعليه اخوي عبدالله لعلها خيرة.

بس انصحك مدام انت عايش عايش افحص الجرثومة عن طريق النفس وعالجها.

اسأل الله بفضله وكرمة واساله بأسمائه الحسنى وصفاته العلى وبأسمه الاعظم ان يشفيك ويشفينا.

وتأكد بإذن الله تعالى انه سوف يأتي يوم يكون الرهاب مجرد شيء من الماضي.

راح أسوي الفحص أن شالله بس حلوه مدامك عايش عايش ههههه