|
اقتباس:
|
اخي منتضر انت قلت انك من نظرة تتاثر هل هذا يعني ان سبب معاناتك هي الرهاب الاجتماعي الذي منعك من تكوين علاقات وبالتالي الانعزال والشعور بالحزن والدونية ؟؟
|
إنااعانئ من أكتئاب شديد ورهاب شديد. ياعندي أمل انت شكلك مأفيك شيء. بس كل شوي. تقؤلي انت مغاك رهاب واحكي قصتك أنا فاضي أحكي قصتي. ههههه
على العموم أنا طفشت من هالحياه الملعونه والغير عادله. ناس متهنيه وناس ماكله تبن. حرام ؤاللله. ئاليت ماجاني أكتئاب ولارهاب كان عايش طييعي مثل الخلق المصيبه أن الأدويه مايصهر مفعولها. بسرعه زي دوا زكام أو كحه تنتضر وكله من عمرك وياقلب لاتحزن. |
مقدر وضعك وما الومك على اي شي تقولـه ,, الاكتئاب مرض خبيث ويدمر حياه الانسان ,, ولكن ابقولك رأيي من وجهه نظري المتواضعه وعن تجربه وانا آسف اذا هالرأي مايعجبك او ما يساعدك في حل مشكلتك
العلاج لوحده ماينفع صدقني ماينفع ,, لازم انت تحاول تتغير بالتزامن مع العلاج ,, ترى مو بنادول تاكله للصداع وتنام وتصحى مافيك شي ,, الدواء النفسي مجرد ((( عـامل مساعد فقط ))) والباقي عليك وانت بنفسك تقول المرض النفسي ملعون ويعيق حياه الانسان !!! هل تتوقع علاجه يكون بهالسهولـه اللي تبيها تاكل علاج وتشفى بدون مثابره وصبر اتوقع مشكلتك بأسلوب الحياه وكيف تقضي يومك بمعنى لو كنت وحيد وبدون اصدقاء وجالس طول اليوم بالبيت <<< بالله وش العلاج اللي بينفعك ؟ الحل يكون بعدم الجلوس وحيدا ومحاوله الخروح مع اصدقاء للبحر او استراحه او نادي ,, ممارسه السباحه ولعب كره القدم الخ المشكله هنا مو بالعلاج ,, يعني لو كنت تمارس حياتك الطبيعيه وتنشغل بأي شي وتأكل العلاج وقتها بيعمل معك فرررق كبير جدا جدا عاطل << حاول تبحث عن وظيفه وتتوظف ,, الوظيفه تنضم الوقت وتساعدك بالاختلاط بالناس (( ياخي حتى الانسان الطبيعي الغير مصاب بالاكتئاب لو يشوف اصحابه يتطورون ويتزوجون وينجبون اطفال وهو جالس اكيد بيتأثر ويتضايق حتى وهو طبيعي غير مصاب باي مرض نفسي فمــــا بالك بمريض الاكتئاب الحساس اللي يتضايق من اي شي )) ارجع واقولك مشكلتك هنا مو بالعلاج ,, المشكله انك عاطل لا شغل ولا مشغله ( حل المشكله الاساسيه اولا لانها احد اسباب الاكتئاب بكل تأكيد ) بتقولي اطلع واقارن مع الاشخاص الطبيعيين ويزيد الاكتئاب <<< اقولك لا تقـارن ,, انتهى الموضوع مشكلتك هنا بالمقارنه والتفكير السلبي (( حاول تتعلم التفكير الايجابي وتبعد الافكار السلبيه )) طبعا بالتزامن مع استعمال العلاج |
انت مغناطيس للافكار السلبية .. وشي طبيعي تعيش بقلق وضنك وحزن واكتئاب شديد. غير الموجه الي عايش فيها بكلمة وحده وهي : الحمد لله على كل حال. وبعدها دور على السعادة بمكانها الحقيقي .. مو تدور على علاج للاكتئاب. وتذكر حياتك انت الخاسر او الكسبان الوحيد فيها .. اذا ماعشتها بمزاجك الي تتمناه عمر الناس ماراح تعيشك بالسعاده. ودام الدنيا ماتسوى عندك .. جرب تلتزم اكثر بالدين مو خسران شي واعتبره دواء ولازم تمشي عليه. |
لا اخي منتضر بل اعاني من وسواس الامراض والخوف ,,, واحيانا يجيني اكتئاب ويروح يدون سبب ,,, انا اسالك عن قصة حياتك عشان يمكن نقدر نعرف سبب مرضك يمكن عقدة او شي لانه ما في مرض بيجي فجاة بدون مسببات خصوصا الامراض النفسية لا بد يكون في ضغوط او حادث او صدمة او فشل |
اذا انت شايف انه فيك اكتئاب والادويه مافادت
ليش ماتشوف يمكن عندك القولون أو شي ثاني ...! لازم الحين تعصب وتدووووس على كل شي واطلع ودلع نفسك حتى لو مالك مزاج لأنه الادويه مانفعتك، فالناس مابتخوز الاكتئاب عنك ابحث انت وشوف لاتخلي نفسك مريض والله الشافي بتقول انه الكلام سهل ونحن مش حاسين فيك لكن انت اقهر الشي اللي فيك بحيث تسوي العكس انت تستاهل تكون طبيعي فأفرض الفكره على نفسك وقول اللي يصير يصير ومن حقي استمتع |
والله الكلام حلو ورائع وسهل واتمنى اتمنى اقدر اطبقه بس والله والله فيه صعوبه
لان هالشي مو بيدي المزاج مو انا الي اعدله اذا كان فيه خلل جيني لازم اول اصلحه بعدين اسوي الاشياء المهمه الله يكتب لي تيسير العلاج لي ولكم جميعا |
بس اتكلم من جد وصراحه ان الادويه فشلت معي فشل ذريع ماحسنت مزاجي ولا شي يمكن اقول انها زادت الاكتئاب
هذي حقيقه بس شسوي توهقت بعمري |
طيب جرب الحجامة والاشياء الطبيعية وما تنسى الدعاء اخي
|
اعذرني على قسوة كلامي لكن من صالحك .. مزاجك تعبان واخلاقك مش ولا بد .. تبغ كل شي يجيك بالسهالة .. اعتقد انك انسان مدلع منذ صغرك وتعودت على عيش الدنيا بسهالة وكل ما تتمناه ياتيك الى حدك وفي وقت مثالي .. عقلك دايما يفكر بسلبية وينتظر كل شي بعجالة .. تعلم فنون الصبر وعلى قولة شيبانا ( اغد رجال ) وخل عنك التشكي ما بيفيدك احد ، ما بيفيدك الا ربك ونفسك
|
ثانيا اسالني انا عن الاكتئاب وما هو ؟!
اتحدى ان يصيبك الاكتئاب الحاد الحقيقي ومع ذلك تكتب موضوع او تفكر تكتب موضوع .. لن تستطيع احمد ربك مرضك ليس بالحاد وايضا ليس بالخفيف .. مرضك متوسط تصرعه ويصرعك .. عدل مزاجك وانظر للحياة بايجابية مع استخدام الادوية وستتحسن باذن الله |
نحن يوم نتمنى انك تشفى، فأي كلمه نقولها
انت تبتدي تتنرفز من كلامنا، من كثر قهرك باستخدام الادويه اللي مارفعت مزاجك هذا شي متعب ..! لكن انت لازم تتحدى الموقف قول انا من هاللحظه بتغير، وكأنه توعد نفسك بالكلام، يا منتضر الفرحه أول شي غير (اسم الدخول) قم من بكره روح احلق، واذا شعرك زين غير من استايلك سواء في الشعر او اللبس، بس بالمعقول ولا تاخذ كلامي عن اني اتدخل في شوؤنك وانت في قمة الألم ، روح اشتر لك نعال يديد او جوتي حتى لو عندك وايد ، نحن نبغي نغير كل شي، حاول ماترجع البيت بسرعه، اندمج مع الناس، وقول انا خلاص مب الأولاني حرام طافت السنوات وانا انحرمت من الضحكه دلع نفسك، اجبر نفسك حتى لو مزاجك نازل مره حاول وحاول وحاول ان شاء الله مافي شي اسمه اكتئاب خلاص مرحله وعدت روح اعمل حجامه كذا مره ولا تسأل وايد عن مدى استفادة الناس عن الشي الافضل التوكل على الله واعمل الشي شوف هوايتك ومارسها وطنش طنش قد ماتقدر ، انت اقوى من انك تخلي الشيطان يقولك فعلا انت مكتئب وكأنه محكوم عليك بالاعدام ، اطلب من الله ان يرحمك برحمته وبتحصل هذا الشي وان شاء الله بتنبسط |
المعروف انه مساجات الجسم للقلق والتوتر واذا رحت للمساج في احتماليه تخفف من حدة الاكتئاب
ومره قريت معلومه انه الابر الصينيه تعالج الاكتئاب |
اعتقد أني محتاج للحب ولوجود شخص. يكون معاي. ويساندني. بهالحياه. الصعبه.
|
| الساعة الآن 05:14 AM |
Powered by vBulletin® Version 3.8.11
Copyright ©2000 - 2025, vBulletin Solutions, Inc.
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.
المواضيع المكتوبة لاتعبر بالضرورة عن رأي الموقع رسميا