نفساني

نفساني (https://www.nafsany.cc/vb/index.php)
-   ملتقى أصحاب الرهاب (https://www.nafsany.cc/vb/forumdisplay.php?f=56)
-   -   أجريت عملية تدبيس العصب السمبثاوي بالسلامة (https://www.nafsany.cc/vb/showthread.php?t=90069)

مستر احمرار 15-10-2013 05:14 AM

ماشاء الله تبارك الله

ان شاء الله ماعاد يرجع لك الاحمرار

وان شاء الله ماتجيك اعراض جانبيه او بمعنى اصح انها ماتتعبك

والله يعينك

وانصح اي احد متردد يبغى يسوي العملية فقبل مايسوي العملية
يستخير ثم يستخير ثم يستخير والله يكتبله اللي فيه الخير

والله اني حاس بمعانتكم بالتفصيل الممل

لكن الله يفرجها علينا وعليكم يا أصحاب الاحمرار

ستروتمان 15-10-2013 06:22 AM

اللهم آمين ،، مستر احمرار انا عنليتي يوم الاثنين القادم ان شاءالله ،،

عندي سؤال : انت سويت العمليه ؟؟

مستر احمرار 15-10-2013 07:11 AM

لا والله ماسويتها

والله ييسرلك اللي فيه الخير ويسعدك ويفرج همك ويشافيك عاجلا غير اجل

امين يارب

ستروتمان 15-10-2013 01:00 PM

الله يجزاك خير

ابي اسألك انت اذا احمر وجهك تخربط بالكلام بالعربي اتوهق ترتبك ؟ اذا احمر وجهك !!

مستر احمرار 16-10-2013 05:11 PM

اول شي معليش على التأخير

ثانيا انا اذا حمر وجهي خلاص استحي مررره بس مو من الناس من وجهي لان الناس يحسبوني منحرج وانا مو منحرج واحاول اخبي وجهي قد ماقدر وما احاول اطالع في احد ونفسي ان الا رض تنشق وتبلعني

طبعا ادري ان اللي اسويه خطا بس حبيت اقولك شعوري

اما سالفة اخربط في الكلام ماتوقع بس يمكن قد صارت لي بس والله ماتذكر انها صارت لي

وبعطيك نصيحه اخويه ومجرب

ادع الله ادع الله ادع الله انه يشفيك

في كل وقت وكل ماتتذكر وكل سجده ادع الله وخلك واثق ان الله راح يقبل دعائك

وصدقني الله بيفرج همك ويقبل دعائك ان شاء الله

واهم شي ياخوي استخير قبل ماتسوي العملية عشان اذا لك فيها خير الله ييسرها واذا كان لك فيها شر الله يصرفها

وصدقني اذا أراد الله ان يشفيك بدون عملية فسيشفيك

واهم اهم اهم شي ركز على العامل النفسي ترى يخفف المشكله عليك بشكل كبير اسئل مجرب

ستروتمان 16-10-2013 06:36 PM

انا حالتي نفسك اسولف ويحمر وجهي ويسألوني شفيك حمر وجهك اضحك واقولهم ما ادري واسولف عادي ما اتخربط بس احمرار وحراره بالوجه

عمليتي الاثنين المقبل بإذن الله وبستخير وادعي ربي ان الاحمرار يختفي بعد العمليه ان شاءاله

ستروتمان 17-10-2013 09:54 PM

سمبثاوي متفائل ياخوي رد علينا شنو وضعك الحين !!!!!!

سمبثاوي متفائل 06-04-2014 01:36 AM

السلام عليكم



أعتذر على الإنقطاع والمفروض أتواصل معكم بإستمرار لكن ما حبيت أكتب شي بعد العملية مباشرة ويقراه غيري ويضره أو ما يستفيد منه..
حبيت آخذ فترة لين ما أتأكد من الوضع بشكل عام..!!



يا جماعة الخير أنا سويت العملية السنة الماضية يوم 8 اكتوبر يعني بقى لي يومين وأكمل 6 شهور

قبل ما أسوي العملية كنت متحمس وأبحث واقرأ لين ما توكلت وإستخرت وسويتها عند الدكتور سامي النصار في مستشفى الحبيب التخصصي بالرياض والحمدلله نجحت.. أول شهر تقريبا الأمور كانت تمام

أنا كنت أعاني من إحمرار وتعرق بالوجه فقط والحمدلله بعد العملية بفترة قصيرة الإحمرار إختفى تقريبا والتعرق كذلك


بعد الشهر حسيت إن الإحمرار بدا يرجع بس بدون تعرق الوجه.. يدي كانت جافه وكنت استخدم مرطب ممتاز لليد يعني ما اشتكي من هالجفاف والحمدلله ما كان فيه عرض تعويضي بس كان شي خفيييف جدا يكاد يختفي

المهم اني حسيت الاحمرار بدا يرجع ورجعت للدكتور سامي وسويت معه موعد وشرحت له الوضع قال صعب تحكم على وضعك من اول شهر لكن حاول تعطي نفسك مهله 6 شهور قدام وتشوف نفسك هل اختفى الاحمرار او لا

عشان كذا انقطعت عن المنتدى عشان اطبق التجربة واشوف بنفسي ممكن اكتب اليوم انه اختفى و اجي بكره اقول انه رجع حبيت تكون النتيجة اللي فيني واضحه عشان غيري ما يحتار



والآن بعد 6 شهور من العملية الاحمرار مازال موجود لكن مو باستمرار يعني بالمواقف المحرجه واحيانا بدون مواقف واحيانا اذا كنت لحالي يعني نفس وضعي السابق تقريبا
صحيح انه كان اقل من قبل لكن مازال موجود.. احيانا يجيني اذا كنت آكل واحيانا اذا اركض واحيانا اذا اسولف يعني يجي ويروح..


الحمدلله على كل حال وما ندمت اني سويت العملية لكن راح ابحث اكثر وقابلت الدكتور احمد القرزعي ونصحني اقابل الدكتور خالد قطان في نفس مستشفى الحبيب التخصصي واشرح له وضعي بالكامل وان شاءالله على اجر



آسف مره ثانيه واتمنى تقبلون عذري وأنا حاضر لكل إستفسار وأتمنى للجميع دوام الصحة والعافية

ابو زويد 06-04-2014 02:08 AM

الحمدلله على سلامتك

وفعلا صدقت هذا المفروض الواحد يسويه مو من ثاني يوم وهو لسه متأثر من البنج ويقولك راح الأحمرار



أخوي أنت تقول انك ما ندمت سويت العمليه مع أن الأحمرار رجع لك سبق فرأت معلومه في منتدى أجنبي أن القطع يمكن أن يعيد العصب نفسه ولذلك بعضهم يرجعه له الأحمرار


هل هذا يعني أن أستفدت نسبه قليله من العمليه

سواءا دقات القلب الرعشه في الخد هل كانت عندك

سمبثاوي متفائل 06-04-2014 02:19 AM

اقتباس:

المشاركة الأصلية كتبت بواسطة ابو زويد (المشاركة 952727)
الحمدلله على سلامتك

وفعلا صدقت هذا المفروض الواحد يسويه مو من ثاني يوم وهو لسه متأثر من البنج ويقولك راح الأحمرار



أخوي أنت تقول انك ما ندمت سويت العمليه مع أن الأحمرار رجع لك سبق فرأت معلومه في منتدى أجنبي أن القطع يمكن أن يعيد العصب نفسه ولذلك بعضهم يرجعه له الأحمرار


هل هذا يعني أن أستفدت نسبه قليله من العمليه

سواءا دقات القلب الرعشه في الخد هل كانت عندك

الله يسلمك يبو زويد

الحمدلله ما ندمت يوم سويت عملية تدبيس العصب السمبثاوي مع ان فيه ناس قالوا القطع افضل والدليل ان اعصاب الاسنان الدكتور يقطعها ما يدبسها لكن هذا مو اثبات واحس ماله دخل!! اعصاب الاسنان مرتبطه بألم غير مرئي والعصب السمبثاوي مرتبط باحمرار الوجه والتعرق وللاسف الاحمرار مرئي :(

وبالنسبة للعملية الحمدلله استفدت من التدبيس بنسبة قليله مع اني كنت متخيل ومتأمل يختفي الاحمرار نهائيا.. هذا الشي اعتقد يختلف من شخص لآخر ممكن يكون ناجح معي لكن مع غيري ما ينجح وهكذا

دقات القلب خفت اكثر من قبل ورعشة الخد ما كانت تجيني قبل.. اللي كان فيني فقط احمرار وتعرق الوجه وللاسف رجع لي لكن اقل من قبل بس انه واضح احمرار

ابو زويد 06-04-2014 02:48 AM

^^^^^

الحمدلله أنها نفعتك ماضرتك


والله الواحد يحتار


انا حاليا قمت اتواصل مع الاطباء لاجراء العمليه


وصراحه ودي اسوي تدبيس اذا نفعت معي كان بها ما نفعت ما ضرني شئ


وحتى لا سمح الله صارت في اعراض جانبيه قويه اقدر اشيلها


القطع تحس خلاص مافيه تراجع



وش توجهك الان هل ستعمل عملية قطع أو بتسلم أمرك وتتجه أتجاه أخر في العلاج والا بتقدر تتكيف مع وضعك الحالي

سمبثاوي متفائل 06-04-2014 03:13 AM

اقتباس:

المشاركة الأصلية كتبت بواسطة ابو زويد (المشاركة 952731)
^^^^^

الحمدلله أنها نفعتك ماضرتك


والله الواحد يحتار


انا حاليا قمت اتواصل مع الاطباء لاجراء العمليه


وصراحه ودي اسوي تدبيس اذا نفعت معي كان بها ما نفعت ما ضرني شئ


وحتى لا سمح الله صارت في اعراض جانبيه قويه اقدر اشيلها


القطع تحس خلاص مافيه تراجع



وش توجهك الان هل ستعمل عملية قطع أو بتسلم أمرك وتتجه أتجاه أخر في العلاج والا بتقدر تتكيف مع وضعك الحالي

معك حق يبو زويد لا تبدا بالقطع قبل التدبيس عسى يضبط معك وتتخلص من المشكله

الا ما قلت لي مشكلتك احمرار وتعرق او بس تعرق بالوجه واليدين؟


بالنسبة لي حاليا بسوي موعد مع الدكتور خالد قطان وبشوف وش الخيارات اللي بيعطيني اياها لاني سبق وسويت موعد مع د.سامي النصار وقال انتظر 6 شهور

طبعا د.خالد قطان بروفيسور جراحة الصدر يعني اكيد خبرته اعلى من الدكتور سامي النصار

دعواتك يبو زويد

ابو زويد 06-04-2014 03:34 AM

أتمنالك كل التوفيق وأيجاد حلول مناسبه


أنا مشكلتي تأتي متتاليه

تغير ملامح الوجه سابقا رعشه في الخد بعده أحمرار بعده سخونه حاده في الوجه وتعرق شديد بعدين تسمع دقات قلبك أعلى من أصوات الحاضرين هنا يتشتت ذهنك وتكاد تفقد وعيك



لاحظت عند قيامي باي مجهود بدني بسيط أو حراره بسيطه سريع ما يتعرق وجهي


حتى عندما أقوم بالرياضه العرق يكون يتصبب من وجهي وراسي وجسمي يتعرق بشكل معقول


حاليا أحاول أتواصل مع الدكتور عبدالله الضحيان لان الدكتور سامي في أجازه والشرقيه لا يوجد بها طبيب حسب علمي يسوي تدبيس

الاحمرار ذبحني 06-04-2014 11:10 AM

سمبثاوي متفائل حمدلله ع سلامتك

هل تأيدني اسوي العمليه
هل التعرق والاحمرار لديك شديد قبل العمليه

انا لابد اكون تحت التكييف اذا كان فيه اضاءه

واحرص اطلع مع الاصحاب بالبر والاناره خافته
هل انت مثلي ؟؟!

الراضي بالله 06-04-2014 12:05 PM

اهلا اخي سمبثاوي متفائل
انا سويتها يوم 26 مارس 2014 تدبيس بمصر عند الدكتور حسام احمد فؤاد وفي المواقف حسيت اني انسان بارد يعني لا حرارة ولا احمرار ولا تسارع دقات القلب ولكن الخوف الداخلي لازال موجود
اخي انا خائف انو الاحمرار يعود من جديد وبعد دلك لااجد حلا اخر لان العملية هي الحل النهائي ولا حل بعدها وانا سويتها يعني لو عاد الاحمرار شو رايح سوي
ان شاء الله يدوم هدا الاحساس وما يرجعلي الاحمرار مرة ثانية انا عندي اسبوعين على العملية
الاعراض الجانبية ------------
جفاف باليد مو حاد يعني طبيعي
عدم تعرق الوجه ابدا بدون اي ازعاج او حكة يعني طبيعي
رطوبة اسفل القدمين
تعرضت لبعض المواقف لم احس باحمرار وجهي ابداولا حرارة ولا دقا قلب ولم يتغير لونه يعني الاحمرار لم يظهر ابدا

يااخي هل الاعراض الجانبية اختفت يعني هل عاد التعرق من جديد في الوجه واليد لاني حسب مااعلم يعود تدريجيا بعد شهور او عام من العملية
وهل في مجال اتواصل معاك عبر الفيسبوك ........ اسمي .......الراضي بالله .... وصورة البروفايل على شكل علم جزائري


الساعة الآن 03:49 AM

Powered by vBulletin® Version 3.8.11
Copyright ©2000 - 2025, vBulletin Solutions, Inc.
new notificatio by 9adq_ala7sas
User Alert System provided by Advanced User Tagging (Lite) - vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.
المواضيع المكتوبة لاتعبر بالضرورة عن رأي الموقع رسميا