اشكر الجميع على المشاركات والمرور على الموضوع , رجعت الامور تحت السيطرة من جديد واي مستجدات راح اعلمكم

هل جربت السبرالكس و الأفكسور؟؟..نسبة نجاحهمها عالية و لعلهما ينفعانك باذن الله..
على فكرة.. من أين وجدت الستراتيرا ؟؟ ومتى دخل السعودية ؟؟و ممكن صورة العلبة لو تكرمت ؟؟

و كم سعره ؟؟

جربت السيبرلاكس مع البروزاك بس ماتذكر انه صار تغير ثوري في معنوياتي ,, الايفكسور جربته بالجرعه القصوى زمان لانه يتعامل مع الدوبامين و نوربنفيرين مو عشان الاكتئاب كنت اعتقد انه راح يعطي مفعول منبه مثل الكونسرتا والستراتيرا لاكنه ماضبط معي احس اني مخدر بشدة مثل ماقلت احسن شي الكونسرتا وبعده الستراتير , الريتالين يسبب لي نشوه لان تركيبته تشبه الكوكايين ويتحلل بسرعة (الكونسرتا نفس التركيبة بس مايسبب نشوة لانه يتحلل على فترات مو دفعه وحده , الستراتيرا صنعوه بالاساس كدواء اكتئاب لاكن الجهات الطبيه مارخصته كدواء اكتئاب لاكنهم اكتشفو انه فعال لمتلازمة تشتت الانتباه وفرط النشاط

ماعرفت احط صورة الستراتيرا بس اكتب بمحرك قوقل للصور strattera يطلعلك .
دخل السعودية تقريبا من 3 شهور ويقولي الدكتور انت اول واحد اوصفه لك بس نصيحه اذا عندك مشاكل بالاذن عالجها قبل لا تستعمله , انا متعود انضف اذني بمفتاح السيارة دايم بدون مشاكل لاكن مع الستراتيرا جاني التهاب في الاذن الوسطى ومن بعدها بطلت العب باذوني لان الستراتيرا احتمال يقوي الالتهاب في الاذن اذا هي ماهي سليمة او انك تنضفها بالمفتاح مثلي ههههههههه

نسيت والله سعره بالضبط لاني رامي الكرتونه مخلي القصديره الي فيها الكبسولات بس اتذكر انه 240 ريال تقريبا لكافة الجرعات سواء ابو 18 mg او ابو 60mg طبعا اقصى جرعه هي mg 80 ماهي موجودة عندنا بس عادي خذ بدالها حبتين ابو 40

انا ودي بدواء اكتئاب مثل الريتالين يخليني مهيص وفرحان ومتحمس بس مافيه والريتالين ماينباع الا بوصفه والدكتور مستحيل يوصفه كعلاج للاكتئاب وتحسين المزاج لانه قابل لاسائة الاستخدام