انا سبق وتكلمت بخصوص هالموضوع في أحد المشاركات بالمنتدى ...
أنا الحقيقة مدمن كوفي وشاي وإستحاله اتركها لأني تعودت على الطعم ... لذلك، قررت شرب الكوفي والشاي منزوع الكافيين ... نفس طعم القهوة والشاي العادي لكن منزوع المادة المنشطة
انصح كل شخص مدمن كوفي أو شاي يستبدلها بمنتجات منزوعة الكافيين ... بالإضافة إلى الكوفي شوب يوفر اصناف من القهوة بدون كافيين ... لكن مسألة أقطع الشاي والقهوة نهائياً مستحييييييل لأن فيه بديل وحل للكافيين
وعااد انتم الله يهديكم لا تصيرون مثل اللي يا طاح يا انبطح أو في مقولة أخرى يا أسود يا أبيض : )

ام شجاع يمكن تكون مشغوله خصوصا اليومين هذي اجازه

نعمه التمر والرطب حارين صادقه وانا مو من عشاق التمر والرطب الحمد لله
القولون ليت له علاج فعال الله يعين

ابو سعود ماشالله ميه مره ليش ؟ هذا والبلد حاره أجل كيف لو كنت في مكان بارد
طيب حول على الحليب يمكن ترتاح شويا
وماجربت تتعالج بالادويه النفسيه ؟
وبارك الله فيك وفي المتواجدين

غربه كيفك مع الضغط هههههههه امس مع التوتر الزايد رحت وقست وطبعا طلع عادي بس اتعودت فما صرت اخاف
الشعير ما احبه ولا القهوه العربيه لكن التركيه عذاب احبها لكن ما اشربها

خرافي طيب كيف طعمها اللي من دون كافين زي العاديه ؟
صراحه البرد هنا تعبنا وابغى اشرب قهوه طول الوقت

الحمدلله ان شاء الله تمام لي فترة ماقسته احس اعراض بس اطنش تعبت خلااااااااص منه مع انه زايده عندي النغزات فالقلب والالام فالصدر وكتمه بس اللي يجي من الله حياه....اخر مره قسته الضغط من فتره طبعا كان 130/89.
وهو كذى مع الوقت لازم الواحد يتعود على وضعه وتخف الصدمه عليه ويتقبل حاله.

ايش البديل برايكم
لاني بصراحه ماستغني عن القهوه والشاهي والمشروبات الغازيه

غربه طيب على الحافه
المشكله انهم يقولو مع الحمل طيب لي خمسه شهور والده معقوله ما يروح

عناقيد اخ خرافي يقول في قهوه بدون كافين لكن المشروبات الغازيه ما اعرف
بس صدقيني لو تركتيها لو اسبوع واحد بتحسي بالفرق

انا حملي الاول بعد اسبوع من الولاده اعطوني دواء قال قيسي بعد اسبوع ادا كويس وقفي الدواء وكان كويس الحمدلله المفروض يروح قبل الاربعين.
اما حملي الثاني كان طبيعي بعد الولاده بس بعدين صار يطلع لي اوقات يرتفع ..
ومدري وش وضعي صراحه ..
عناقيد انا عني استبدل القهوه العربيه بالشعير حلو احسه قريب منها اخذه حب من العطار واحمسه واطحنه واحطه بدل البن واحط معاه منكهات القهوه هيل قرنفل اوخلطه قصيميه وله فوايد كثيره ينظف الكلى وكويس للضغط.
بس بعد كلام خرافي بجرب الي بدون كافيين.لان الشاي ماله بديل :(

غربة كانك تتكلمي عني اول حمل اعطوني يعلاج ماكان ينزل الضغط وثاني حمل نزل الضغط بعد الولاده وصار يطلع زيك على فترات
بس زوجي رافض انه عندي ضغط ويقولي مايحتاج تروحي دكتور وانا كمان احس ماعندي ضغط بس من النفسيه

انا مثلك صرت ما اكل اي شي اقول عشان الضغط بس زوجي واهلي يقولون مافيك ضغط انتي موسوسه :(بس ليه يرتفع احيان واتوتر لما اعصب او اتكلم كثير وتجيني كتمه ..
بس انا قالت لي الدكتوره عندك قابليه بس لاحظت من كلامها ان قصدها ع نفستي مو اكلي لانها تقولي طنشي وهدي نفسك..
مع انها نفسهاهاذي الدكتوره بعد ماولدت جاتني فالعنايه قالت كلي اي شي مالح ولي تبغي مافيك ضغط انا تهههههت احس اني فدوامههههههه انا اتوقع رووووحي والله اعلم بس ماني قادره ارقي نفسي اتملل ولا اسمع احس اني ع نار لما اسمع البقره او الرقيه مقدر اسمعها كامله ...

اي صحيح كلام ام لبنتين انا من اشرب قهوه قلبي يدق بالقوه . صار سنتين ما اشرب كوفي او كبتشينو او نسكافيه الحمدالله والغازات تهائيا مبتعده عنها .. الحمدالله

المشكله ام سيوفي محتاجه ادفي نفسي ولا احب الاعشاب فاضطر اشرب قهوه لكن بجرب اللي بدون كافيين

صدقون حتى انا لمن اشرب القهوه واعتزلت القهوه با الهيل وصرت اشرب با النانخه واحول ما احط هيل الهيل يتعبني

والزنجبيل تخيلوا يسبب لي توتر وقلق واحس اني بطير مدري وشبي وعرفت انها ما تصلح لى اهل القولون

واحيانا احس فيه قولون واحيان ما احس فيه شى لكن ربكم كريم