ما شاء الله الله يجعلها دايمه وقوليها تسلم عليك مبتلاه وتقولك انت بطله والله العظيم بعدها قولي ترا الباروكسات يفتح الشهيه 😂

انا كنت انسانه جدا قويه بالله صبرت على اشياء كثيييييره وكنت مرحه ومستشارة البيت والعمل وخوالي واعمامي وكنت ارقي التعبان و اكون معاه بعد الله الكل يقول انت كنت قوه لنا ودافع وحده من زميلاتي الله يرحمها كان معاها الكانسر والله تناديني وتقول تعالي انت طاقه ايجابيه وقبل سنتين جاني اكتئاب حاااد مره والحمدلله طلعت منه من غير حبة دواء وسبحان الله لما صار معاي هالعارض ضعت تشتت احترت خوف ٢٤ ساعه سبحانه له حكمته فيني ويا حلو حكمته جل جلاله

اليوم العرض الي احس فيه قمت على نبضات قلب سريعه وثقل فالصدر مع تحركات زي الرجفه الخفيفه خلف منطقة القلب وخلف الساق وجاني قبل شوي كانه بدايات نوبات الهلع هبة براد وكتمه فقط وزي العرق المشدود في نص الدماغ (السبت الجاي بكمل الشهر على الباروكسات ١٠ ملغ)

اخت قطرات ندا ما استغني عن دعمك لي بعد الله وينك

اتمنى تدخلين على الموضوعين الي سويته و مااستغني عن كلامك الحلو

هلا حبيبتي مبتلاه
المعذره توي اشوف مشاركتك نومي ملخبط وماعندي سالفه 😁
اي اعراض تشعرين فيها تحمليها راح تعدي صدقيني شوفي مشاركلتي برمضان غثيت الاخوان هنا وانا اسأل كل يوم عارض جديد احيانا غلقه وتكه بصدري احيانا خوف غريب احيانا وهن بجسمي كني اتلاشى او انتهي هذا غير الغثيان والدوخه الغريبه والخفقان والرعشه بجسمي والله ان رمضان ماصمت منه الا كم يوم .
تحملت وكل يوم اقول بكره احسن واتفاجأ باعراض جديده لكن ما يأست قاومت ولله الحمد بالتدريج ابتدت الاعراض تختفي .
بقولك شي مبتلاه ابدا لاتتوقعي ان الدواء سحر وراح يرفع مزاجك بالعلالي بيوم وليله وراح تختفي كل الاعراض لا ابدا هو شغله بطيء جدا لكن بتلاقين نفسك مرتاحه ومطمئنه وانفتحت نفسك على الحياه وحتى لو جتك اعراض راح تطنشين لأن صرتي اقوى بس تحملي شوي لين تعدين هالفتره وبقولك نصيحه اي اعراض تجيك او نوبات هلع او ضيقه قولي انا امر الان بأزمه وذي اعراضها وراح تعدي ان شاء الله واي وقت تحسي بأي نوبه استرخي وتنفسي بهدوء صحيح بالبدايه صعب لكن هالطريقه فعاله جدا .
اعملي دائما حوار بينك وبين نفسك بدل ماتخوفين اللاوعي عندك بالعكس طمني نفسك وكلمي نفسك داخليا قولي انا صحتي مافيها اي شي سيء انا بس اعاني من نوبه مع الوقت العقل الباطن يبدأ يقتنع بالافكار سواء سلبيه او ايجابيه .
الحاله كيف تبدا ؟ انا اقولك
الحاله عباره عن فكره تولد مشاعر تولد سلوك بمعني انه مرت فكره سلبيه براسك ولدت عندك خوف او احباط او هلع او ضيق نتج عنها مشاعر سلبيه جدا والمشاعر نتج عنها سلوكيات اللي هي التنفس السريع او الخفقان او العصبيه .. الخ
وصلت الفكره ؟ اذا ماوصلت قوليلي واحاول اشرح اكثر
المهم لاتخافي ابدا كل ماجتك نوبه ادخلي المنتدى واكتبي او جيبي ورقه وقلم واكتبي كل شي في بالك سواء سيء او ايجابي وحتى لو تكتبي الف صفحه المهم اكتبي افكارك على الورق ولما تحسي انك فرغتي كل اللي بداخلك اقرأي ابورقه بصوت بس مو عالي بعدين قطعي الورقه قطغ صغيره وارميها بالزباله وانتي بكرامه .. هذي من احد اساليب العلاج السلوكي اللي فادتني كثير .
شي ثاني وهو ضيق التنفس لما تحسي فيه لمي يديك على فمك وخشمك واعملي شهيق وزفير بهدوء وشهيق طويل وزفير طويل بحيث تطردين الاوكسيجين الزايد وتاخذين ثاني اكسيد كربون وتعادلين عملية التنفس وراح تهدأين .
طريقه ثانيه كمان لما تجيك نوبه استرخي وخذي شهيق طويل وقولي سبحان الله والحمدلله ولا اله الا الله والله اكبر بعدين زفير طويل وبهدوء كرري هالشي ١٠ مرات بتلاقين نفسي بديتي تهدأين .
مبتلاه بليز طبقي اذا كان صعب بالبدايه بعدين بيصير رائع وممتع .
وطمنيني عنك

انا الاعراض الي احس فيها قطرات اليوم بزياده مع زيادة الجرعه ٢٠ ملغ ما ادري هي من الجرعه ولا مني انا المهم ثقل فالحوض مع الرجل واليدين مع تنمل فظيع وحراره وكان بطيح واذا وقفت طولت كذا ادوخ وراسي احسه بينفجر من الشد والبنج وكتمه وخوف وسواس وبكاء وصدري وكتفي ثقيل وكان فيه سكاكين وبطني اصوات وغثيان ودي ارجع والحمد لله على كل حال 😭

وانا يا قطرات الحمدالله ما صارت تجيني النوبات مثل اول بس باقي فيني اثارها الي هي القلق وابي ارجع مثل اول وبسرعه فيني حيره وتشتت ما يعلم فيه الا رب العالمين والله امشي كاني رجل الي من الخوف ما كنت كذا 😭

و ودي بعد قطرات اقرأ حالات من البدايه وش موضوعك علشان ادخل واقر احب اقرا يعطيني دافع

مبتلاه الثقل اللي جاك جاني احس نفسي بيغمى علي وافقد الوعي شعور غريب مرعب ماعرف اوصفه راسي احس فيه تيار كهربائي مو صعقات لا تيار يمشي رعشه غثيان ضيقه يأس خوف من مجهول لو احد يقول سلام عليكم ابكي وخفت شوي لكن يوم زودت الجرعه رجعت وقعدت يمكن اسبوع بعدين خفت .
كل اللي عليك الاسترخاء لحد ماتعدين هالايام الصعبه مافيه حل الا الهدوء والثقه بالله ثم الدواء .
شغلي مسلسل بالنت وركزي معاه عشان تلهين العقل عن الافكار .
لاتاكلين شي دسم كلي بطاطس مسلوق او لبن زبادي الاكل له دور بالغثيان .
ما اتذكر عنوان موضوعي لكن لو بحثتني تلقينه .
ارجع اقولك لاتخافين دائما حطي في بالك العافيه بعد هالتعب .
انا حاسه فيك وحاسه باللي تعانين منه كلنا كنا زيك بس صدقيني بتتذكرين هالايام وتضحكين وتقولين يارب لك الحمد بس اصبري شوي .

اليوم رحت للطوارئ صار عندي كتمممممه و اعصابي مشدوده مره و دوخه مو دوخه كاني بطيح ورجلي تنمل مو طبيعي وايديني مع حراره وصدري ما احس فيه كاني مضروبه فيه مع نغزات رحت اليوم ما تحملت فحصوني كل شي سليم 😣

معقوله القلق يسوي كذا مع العلم هذا ٣ يوم لي من تزويد الجرعه وش رايك اختك قطرات اثبت على ١٠ ملغ

مبتلاه القلق يسوي اكثر من كذا .. انا برمضان ضغطي عالي كل يوم مع اني اخذ دواء الضغط وسوالي الدكتور كل التحاليل قال مافيه سبب لارتفاع الضغط سببه الوحيد القلق قلت له انا مو قلقانه من شي قال القلق هذا مقنع ومكبوت باللاوعي ومتراكم مش شهور بل سنين .
انا اقولك ليش جاك كتمه اول شي جتك اعراض بسيطه بعدين توترتي انتي وقعدت تزيد الاعراض وكل ماتوترتي تزيد لين وصلتي للطواريء .
قلت لك النوبه عباره عن فكره سلبيه يتبعها مشاعر يتبعها سلوك .
انتي رحتي المستشفى وكل شي سليم معناها خليك على جرعتك وبقولك شي لايقل عن اسبوعين بتحسين بهالاعراض تقل شوي او تكثر مادري بس تطمني امورك بتتحسن لكن لاتراقبين جسدك بهالدرجه لأن مراقبة الجسد تزيد من الوهم .
طمنينا عليك

حبيبتي قطرات هل كانت تجيك ثقل ونغزات قويه فالصدر واليدين والارجل ونبضات القلب مره سريعه مره قويه وشدددد مره قوي فالراس

كل هالاعراض اللي ذكرتيها بالاضافة للاضطرابات الهضمية هي اشهر اعراض القلق

اصبري بس شهر وبتشوفين حالك انقلب للاحسن 180 درجة

اهم شي لاتخففين الجرعة والتزمي فيها

يجيني ثقل وتنميل حتى بفمي وراسي ينمل ونبضات قلبي سريعه وقويه كأنه بيوقف او يطير وفوق هذا دوخه ورعشه والم بالاكتاف وعدم توازن بالمشي وضيق وافكار سوداويه واعراض كثيره نسيتها بصراحه لكن كانت متعبه وفقدت من وزني ١٢ كيلو كنت احس اني بمتاهه ونفق مظلم وحيره مدري اطلع منها والا لا .. لكن ربي ماخلاني له الفضل والمنه يارب لك الحمد شوي شوي بدت تختفي هالاعراض كلها .

انا الدكتور قبل ٢٢ يوم عطاني الباروكسات وقال ١٠ ملغ اول اسبوع بعدها نرفعها لعشرين مدة عشرين يوم وكان يقول خذيها فالمساء انا وش سويت اخذتها فالصباح وجرعة ١٠ فقط من الخوف لاني اخذت موقف من سبرالكس ٢٠ ملغ زاد عندي نوبات الهلع اللحين ما عندي الحمدلله بس باقي اثرها رحت له قبل ٦ ايام وقال زدي الجرعه لعشرين وعطاني الاصلي السيروكسات وكتب وش صار معاي فالموضوع مستقل للاخوه زمالك بن دايم متارجح واخذته يومين حرعة ٢٠ وجننتني اعراصه ورجعت لجرعة ١٠ ملغ من الباروكسات

تعبت والله تعبت كل شوي يجني الشيطان يقول انت فيك سحر و مس و الادويه ماراح تنفعك 😭💔

الاخت مبتلاه بالهلع والاخت قطرات الندا
اولاً كل الشكر لكم على ماقلتوه من تجاربكم وربي يشفينا ويشفيكم

الاخت مبتلاه لاتخافي ولا تفكري كثير حاولي تشغلي وقت فراغك ب امور الحياه مثل نادي رياضي ممشى مجالسه الاهل قراءة الكتب تطوير الذات ومشاهدة مسلسلات او مقاطع على اليوتيوب حاولي ماتعطين فرصه لصوتك الداخلي يكلمك وتسمعين له ولاتنسين انك طاقه اجابية وماتمرين به الان وكعه صحية بسيطة وتروح ان شاء الله بفضل الله
انا عندي نوبات هلع ما اعرف سببها لكن فترات تروح وفترات تخلني مخمول وعلى طول على فراشي ولكن احاول كل الجهد اني ما اسمح لها ان تغلبني واروح نادي واروح الممشى
—
الاخت قطرات الندا شكراً لك على ماقلتيه من تجربتك ومساعدتك
هل تخلصتي منها بعد الدواء ؟ ام مستمره على العلاج ؟

هلا اخوي احمد
العفو اخوي حياك الله .
ايه الحمدلله نوبات الهلع اختفت من زمان والتحسن مستمر الحمدلله بفضل ربي .
انا مستمره الى الان على العلاج حبه وحده يوميا وناويه اكمل سنه بالعلاج لاني مرتاحه ومو مضايقني الدواء وبصراحه للان ماعندي جرأه اترك الدواء بالذات لما اتذكر التعب اللي مريت فيه السنه الماضيه .
الله يشفي الجميع يارب

بصراحه انا لي اكثر من خمس سنوات وانا اعاني من نوبات الهلع تمر فترة اقول المرض هذا انتهى وفترة تحس فيه وبصراحه فكرة الدواء تستمر عليه سنة او اكثر بنتظام هذي مخوفتني ومتردد اخذه ادوية

اخوي احمد انا لي وجهة نظر بهالموضوع
لما اقارن بين حالتي مع الدواء وحالتي بدون دواء لا والله افضل لي استخدم الدواء سنه وسنتين ولا امر بالهلع والاكتئاب اللي مريت فيهم خاصة لما يكون الدواء مايضايقني بشي بصراحه .
ليش اقعد اقاوم الهلع والاضطراب النفسي وكل يوم اعراض مخيفه وكل يوم اعراض جديده ويروح العمر بدون متعه كله خوف وتوتر وقلق وتوجس .
الهلع والاكتئاب يوقفو عجلة الحياه يخلونك بدون هدف بدون دافعيه بدون أمل طول اليوم خايف ومنتظر شي مرعب بس ماتعرف ايش هو .. ليه هذا كله وربي سخر لنا الدواء وسخر لنا العلم والاطباء ؟
انا ارتحت وكان قراري سليم بكل صراحه قعدت اقاوم التعب والخوف والاكتئاب والدوخه ستة اشهر تقوقعت في البيت انعزلت عن مجتمعي وبعدين استخرت ربي واخذت الدواء والحمدلله .
طبعا هذي وجهة نظري وقناعتي انا يمكن تختلف معاي فيها وطبعا كل انسان ادرى بظروفه وحالته وقراراته .
الله يكتب لنا ولك الشفاء التام والراحه يارب

ابداً ما اختلف معك ولها فترة طويلة تراودني فكرة الدواء بس عندي كم سؤال
بداية اخذ الدواء كيف كان معاك من اعراض ... الخ وتنصحني بمستشفى حكومي او خاص

انا الحمدلله احس بتحسن بغض ا لنظر عن الاعراض المزعجه والمخيفه ولكن الحمدلله فيه تحسن انصحك تستشير بعدها تستخير وتتوكل على الله والله يغينا عنها بالشفاء عاجل غير اجل

بصراحه استشرت المقربين مني وهم اللي كانو ماهم مقتنعين بفكرة الدواء لكن انا تصارعت مع الازمة هذي اكثر من خمس سنوات وللآن مازلت اتصارع مابيني وبين الازمة هذي وشايف ان النتيجه هيا هيا مافيه اي تغير الا شيء لايذكر الان انا مقتنع بفكرة الدواء وبستخير الله واتؤكل عليه
ممكن تذكرين لي الاعراض المبدئيه لدواء خلال فترة استخدامك له وكيف بعد استخدامك له

بالاضافة تنصحيني اروح عيادة خاصه او مستشفى حكومي ؟

الاعراض العلاج ادخل على المواضيع الي سويتها وشوف الاعراض وكل الاخوان والاخوات مروا بنفس الاعراض انا حاليا على العلاج بس شهر فا ما اقدر اعطيك الراي الصح الا بعد فترة العلاج واتمنى الاخوان يفيدونك كثير يمدحون عيادة ميدي كير للدكتور البغدادي وفيه البروف عبدالله السبيعي في ادراك والله يكتب لك الصالح وادعي ربك واستخير

هلا اخوي احمد
بقولك شي وحطه قاعده براسك .. كل الامراض ممكن اللي حولك يشعرون فيك الا المرض النفسي محد يحس فيك الا انت ولا احد يتألم ويصارع الرعب اللي نشوفه الا احنا ومهما تشرح مشاعرك لغيرك اللي ماجرب لايمكن يفهمها .
انا ثنتين من صديقاتي كانو يعانون من الهلع ويحاولون يقنعوني بالدواء وكنت رافضه واتحمل واصبر الى ان تعبت وقربت انهار واستخرت ربي وتوكلت عليه .
الزبده لاتستشير احد لأنك وحدك اللي تعاني توكل على الله واستشير دكتور نفسي متمكن .
انا انصح بطبيب نفسي خاص عشان تقدر تاخذ وقتك معاه ويعرف يشخص حالتك بدقه . ابمستشفيات الحكوميه مواعيدها طويله واتوقع جلساتها لاتتعدى ربع ساعه .
اعراض الدواء بالبدايه تعبت امانة مابي اقولك الدواء سحري لا عانيت لكن ماكنت انظر للاعراض كنت انظر للامام وانتظر يوم الشفاء .
الاعراض تختلف من شخص لاخر والمده تختلف من شخص لاخر لكن الاغلبيه يبدأ التحسن بعد مرور ثلاثة اسابيع .
الله يكتب لك الخير والشفاء التام

مبتلاه مبروك حبيبتي اول الغيث ان شاء الله العافيه شوي شوي وبتشوفين التحسن اكثر واكثر طمنينا عليك

حبيبتي قطرات ندا الله يوفقك ويشرح صدرك وين ما تروحين انت دافع قوي لي بعد الله انت وابن دايم و زمالك ومتارجح احمد لؤي وكل من رد علي الله يوفقكم صح اني اعاني مع الاعراض معاناة ما يعلم فيه الا رب العالمين ولكن زي ما قلتي اول الغيث قطره والله يعين وان شاء الله وانا متاكده من الله هو الشافي المعافي بحط مفطح واعزمكم كلكم 😍

ههههههههههه عساك على القوه مبتلاه .. خلاص ننتظر تبشرينا بتمام العافيه والعزيمه

طمنونا كيف صحتكم وكيف اموركم

الحمد لله فيه تحسن لولا الاعراض ولكن بداية الغيث قطره انت بشرنا عنك وصار معاك

اختي قطرات ندا كيف الحال امس باليل جتني نوبة هلع ولكنها خفيفه الحمدلله يالله شي يخوف من زمان عنها وجتني امس هل السيروكسات يجيب النوبات و الشد باقي معاي في راسي مع ثقل الرجل واليدين الحمدلله على كل حال

هلا حبيبتي مبتلاه
لا السيروكسات مايجيب نوبات اللي اعرفه عنه لكنك لسا بجور التشافي والعلاج ياخذ لايقل عن سته شهور عشان تبدين تستقرين نفسيا وجسديا .. اي نوبه تجيك قوليلها ياهلا وسهلا يالله سوي اعراضك وفارقيني واستسلمي لها تلقينها تنكسر حدتها وتختفي .
صدقيني انا مريت بهالشي لاتخافين ابد .. بتناوشك شوي زي اللي تجيك من كل ثغره الى حد ماتيأس .
طمنينا عليك

ابشري يا حبيلك يا قطرات الله يسعدك ويوفقك يارب

الله يعيني ويصبرني يارب تكفين قطرات ابيك معاي بعد الله ولا تتضايقين مني الحمدلله انا مستمره العلاج بس على رفع الجرعه من ١٠ الى ٢٠ لي اسبوع بس وعلى الرقيه الشرعيه لان كل الادويه مره الا القران بس مقلقني موضوع انه جاني الهلع مع زياده وصرف لي الدكتور منوم خفت انه هو الي جاب لي الهلع وتجيني افكار اقول ان العلاج ماله فايده وان سيروسكات قوي واعراضه قويه وانسحابه قوي واقول اخاف يزيد الدكتور الجرعه وتزيد الاعراض علي وانا ما ابي وافكار كثير ومخيفه

خوف وقلق وترقب مو طبيعي

ما فيه رد 😢

اعتذر منك مبتلاه توي اشوف مشاركتك..
شوفي بقولك عن طريقة شغل الدواء النفسي انا اول مره استخدمته كان بالاواخر من رمضان يمكن في ٢١ رمضان وتعبت دوخه وقلق وغثيان وجاء صبح عيد الفطر ومافيني الا العافيه قمت وتحممت ولبست فجأه كذا ماكن فيني شي واتبخر واتطيب واطلع اعايد الصبح المهم رجعت بيتي الظهر كنت مواصله طبعا ونمت وصحيت بعد المغرب بحاله غريبه غثيان اكثر من اول دوخه وتشويش وعدم توازن اكثر من اول خفقان غريب رعشه بجسمي غريبه خوف وترقب اني بيصير لي شي حتى الناس معيده وانا ساكنه هنا بالمنتدى ماغير اسأل الاخوان وش قلب حالتي بعد ماتحسنت المهم دكتوري كان باجازه ومسافر بس قالي اي مشاعر جديده او اعراض بلغيني بالواتس اب وارسل له رساله قلت له انا تعبانه اكثر من اول بعد ماتحسنت وفرحت جاني احباط قالي لاتخافين ابد هالتذبذب شي طبيعي يوم كويسه ويوم لا المهم اصبري لحد مانعدي شهر وبتشوفين التحسن ان شاء الله واقعد اعاني يمكن عشره ايام كل يوم اعراض جديده لكن كنت اقول لنفسي هذا الدواء بصبر عليه والحمدلله كلها عدت وصرت اتحسن شوي شوي لحد ما ارتحت .
ليش اقولك هالكلام ؟ مو بس عشان اطمنك انا اقولك هالشي عشان تعرفين طريقة شغل المخ والتفاعل مع الادويه النفسيه .
الدواء النفسي مو زي المسكن اول ماتاخذينه تتحسنين لاتنسين انه يشتغل على هرمونات وعلى نواقل عصبيه بالمخ مو سهله ابد وانا اشبهه بالفيتامينات لازم تاخذ اقل شي شهر عشان تساعد المحتاج مثلا لفيتامين دي او بي يعني الدواء تراكمي يبيله فتره .
كل اللي ابيه منك هالفتره الاسترخاء كل ماحسيتي بهلع او اعراض جسديه استسلمي وانسدحي ووقفي اي نشاط بدني وفكري استرخي الى اقصى حد وتعلمي تمارين التنفس راح تساعدك كثير موجوده باليوتيوب وانصحك بالتنفس البطني رائع وصدقيني راح تعدين هالمرحله وتتذكرينها وتضحكين عليها .
طمنينا عليك واكتبي يومياتك هنا ولاتخافين .