باذن الله ربي مايخيب ظننا فيه وظننا خير فترة وتعدي وتصير ذكرى نضحك عليها

صباح الخير ..اليوم صحيت بدري الفجر صليت وقلت اذكاري الحمدلله وقريتلي كم صفحة من كتاب دع القلق ممكن شويات ارجع انام لأني مانمت تمام امس الحمدلله مافي اعراض جسدية مع اني كنت مترقبة والى الان فيني خوف وترقب ووساوس خفييفة قادرة أسيطر عليها باذن الله

صباح الخير لوليتا كيفك اليوم
حبيت اصبح عليكي :)
اخوي غريب لك تقريبا 9 سنوات الله يعينك
وبالفعل الادويه ادمان لازم تاخذها طول حياتك
وانا اخذ سبرالكس وراح اخذه طول حياتي ان شالله

كيفك صباح الورد ،، ايش صار في موضوع القروب كيفو معاكي؟ وبخصوص السبرالكس جايب نتيجة معاكي؟

ياهلا صباح الخير .
ما شاء الله تمام أستمري ....

* هنا عندي تعليق لازم نوقف عندها :

تقولي / مافيه اعراض جسدية مع اني كنت مترقبة .........

** هذا هو سبب المشاكل لك الترقب وكانه تريدين لازم شيء يجيك . خلاص مافيك شيء الحمدلله ما يحتاج أتفحص جسمي ووو ولازم أطلع شيء

تقولي هوا التفكير أقولك صحيح .... والسبب لانه 24 ساعه انتي معوده عقلك على كذا العقل الباطن يعطيك اللي تدخلينه فيه من سلبي او ايجابي

أستمري على التوكيدات الايجابية

- أنا اليوم الحمدلله بخير وعافيه وصحه وسعادة -
*** كل يوم أكتبي هذه التوكيدة على الاقل 21 مرة مع الابتسامه أثناء الكتابه وتخيلي نفسك وانتي في أتم صحه وعافيه ورشاقه
كمان تخيليها قبل النوم .مع ابتسامه

لو تتصنعين الابتسامه ما عليك المهم سوييها

جميل انك قراتي الكتاب ،، أستمري عليه شوفي كيف راح يبعث فيك الامل وتياسين

الحمدلله هذا خير لي من الله سبحانه وتعالى ...

نعم الادوية سلبيتها أكثر من نفعها ...

وان شاء الله تقدري انك تستغنين عن الادوية بإذن الله سبحانه وتعالى
فهو قادر على كل شيء

فقط أصبري واعزمي ووكلي أمرك لله

القروب مره حبيته كلهم بنات زينا تاخذي راحتك فيه
ومن اماكن مختلفه
وكلهم متفهمات الحمد لله
حاولي تشوفي طريقه أضيفك فيه
اخوي غريب انا اصلا ندمانه أني تركته كنت مره مرتاحه معاه
كنت اسافر اروح اجي اسهر مع عندي مشاكل
للامانه صح بلد مشاعري لكن عالج النوبات والتوتر اللي فيا
انا بأرجع اخذه ان شالله لانه خفف تعبي كثير الحمد لله

الله يكتب لك الخير والعافيه والشفاء العاجل يارب .

بالتوفيق يارب

الله يشفينا انا لي اربع شهور وسواس الامراض وساااوس كثيره وبالعقيده والجنون والفصام وجاني اختلال الانيه والان ليه فتره مو مستوعبه الدنيا كانها شي مو حقيقي اقول كيف كنت عايشه قبل بدون هذا الاحساس ومافيه شي يفرحني بالدنيا مررره امشي كذا حتى لمن اتذكر اني بتعافى احسها ماتدخل راسي واتوتر زياده واتضايق احاول افكره اني اعيش طيبه مافي شي ماتدخل راسي شعور ماقدر اشرحه ووالله والله مهما خرجت ورحت مافرح الفرح كانه عرق وانقطع حتى الجنه لمن انذكرها مافرح احس كانه مو انا اللي زمان شعور ماقدر اوصفه ايش حالتي حتى المريض دائما يسعى ويدور العافيه اني مدري ابغى العافيه اولا مدري مو مستوعبه طلعل الحاله هذي جاتني بعد وفاة امي بثلاث شهور الله يرحمها وكنت دائما ادعي لها بعد الحاله هذي لا نادر مادعي لها مدري ايش حالتي كاني بعالم ثاني

احد زيي وياليت تدخليني بالقروب

فعلا كلامك صحيح صرت افرررح ادا عدى اليوم بدون اعراض الحمدلله وأكون طول اليوم مترقبة وأفكر ،، وإذا جات يصيرلنا نكسة ونفكر تصدق اليوم الحمدلله لين دحين مافي شي وامس مافي شي رجعت افكر بالحبة ماراحت ولمستها مرة وبطلت قلت خلااااص وفعلا الحمدلله كانها غلطة ونبهت نفسي تتزن،، باذن الله الجاي افضل👌🏼
بخصوص الكتاب قريت فيه بارت جميل اللي هوه دايما خليك انسان معطاء وتسعد الآخرين عشان تحس بالسعادة وتصرف تفكيرك عن نفسك👌🏼 فعلا زمان كان اهم شي اللي حولي وأحب اسعد الناس مو زي دحين منطوية في حالي ،، وانا احس ماجابلي اول نوبة هلع الا الفرااااغ،،

باذن الله بشوف مشرف أكلمه ،، اقولك اهم شي ترتاحي وتعيشي مبسوطة الواحد يحاول بدون ادوية قدر المستطاع ماقدر ليش التعذيب

شوفي والله كل اللي تقوليه عديت فيه اختلال الآنية جدا متعبب كنت اجلس اطالع اقول كيف الناس تضحك كيف تنبسط ليش فرحانين ويشتغلو ويلبسوا ويفرحوا وفي النهاية حيموتوا؟! والله كان زوجي يهزني يقولي بس خلاااص انتي مافيك شي انت مسوية كل شي بنفسك وانا بس عالسرير ودموووع وخوف ورجفة وهلع وخفقان ودموووع ومتكمكمة تحت البطانية حتى أحلامي موت واشياء مو حلوة تزيد عليا شويا افكر بجنون شويا افكر بامراض وإذا غصبني نطلع يجيني خوف مو طبيعي وشعور غريب وانا اطلع في اللمبات والشوارع وأحس بغباش وأتخيل أمراض يختي الله لا يعيدها ديك الأيام بتعدي ان شاءالله الحمدلله وضعي افضل من زمان والعافية حبة حبة ترى مااحب افتكر بس حكيتك عشان أطمئنك انه كل اللي بتعدي فيه مرينا فيه

فينكم صاحيين ولا نايمين احس اني اتوتر لما اكون لحالي وانبسط معاكم،، من جد حلو تكون محاط بناس عارفين وضعك،، ومقدرين ويخففوا عنك كثير

اليوم مادرست خخخ ماعرف ايش جوي المهم رحت زي بازار كده ماكان حلو بصراحة رجعت سويتلي كوب نعناع اروق عليه وأفكر شويات اقرا شوية من كتاب دع القلق وابدا الحياة لديل كارنجي

صباح الخيرر

ممتاز الخروج وتغيير الروتين

الفراغ اهم بيئة للوسواس والقلق ...

قسمي وقتك بين المذاكرة وبين قراه كتاب دع القلق وبين رياضه المشي وكتابة التوكيدات

فعلا الوسواس من الفرااااغ والدليل انه تمكن مني من يوم سكنت لحالي وصرت لوحدي ماعرف احد ،، باذن الله كل اللي قلتو اطبقوا👌🏼
انا صحيت متاخر صليت الحمدلله وقلت اذكاري دحين بعين من الله خير بفطر وادرس شوية

لوليتا انا اللي متعبني الفتره هذي احاول اتذكر اني اتعافى ماتدخل راسي ويجيني ضيييقه ولمن اقرا شي عن الجنه والتفاؤل والصبر اتضاايق مره واللي مضايقني شعور غريب المريض يتمنى العافيه انا مدري شعور ماقدر اشرحه مو يأس شعور غريب واحس فيه شي تغيري بمخي ماهو مخي زمان وطول الوقت متوتر من الشعور هذا تخيلي حتى لمن اشوف مقاطع قبل تعبي يعني سفر فزح اي شي اتضايق مدري ليه اسالك بالله جاك الشعور هذا انا امس كلمة راقيه قالت معاك قرينه تتوقعي صح كنت زمان لمن اقرا كلام عن التفاول والصبر افرح الان ولاشي بالعكس اتضايق

شوفي شعور اني ماافرح الو الان ملازمني وماصار عندي طموح قوي ولا دافعية للسعادة يعني زمان لو تقولي يلا نسافر نطلع شاليه اتحمس واجهز وافرح دحين لا عادي،، وفعلا احيان احس انه كيف أتعافى كيف ارجع زي اول ماعرف مستسلمة للي انا فيه هذا اول دحين لا ابغى ادور أسباب تخلصني من كل تفكير سلبي.. ونصيحتي لك تبغي تسمعوها كان بها مو حابة براحتك ابعدي عن اللي يقولك عين مس مش عارفة ايه .. لانهم بيزودوا الطين بله القران لازم تقرأو ومانهجروا التحصين الأذكار كلها اشياء تريحنا انا انا برأيي السبب الفراغ او الصدمات النفسية كلها طلعت للخارج وسببت هلع ومن جد اقطعي التفكير وحاااااولي تلهي نفسك لا تصيري زيي من وسواس لوسواس راح الموت جا الامراض ومرة والله كانت حتجيني وساوس تانية بس قطعتها من البداية،،

وعلى فكرة انا لما افتح جوالي واشوف مقاطع حلوة راحت أعدي باللي تعدي فيه حزن هههه شي غريب الله يخلصنا من كل شعور سلبي يااارب ويرزقنا الراحة والسعادة،، سوري كتاباتي كلها اخطاء هههه بس مشي حالك لانه من الجوال واكتب سريع 🙈

ايوى مدري الحزن هذا ليه تخيلي حتى لمن لشوف ناس مسافرين وكشتات ومستانسبن اتضايق مو حسد والله مو حسد مدري ليه اتضايق وطول الوقت بالي مشغول ماني مرتاحه متوتر

خلاص لاتشغلي نفسك وتجاهلي عشان لاتكبري الموضوع شوفيني والله بحااااول أتجاهل صح يوم انتكس ويوم تمام وعلى دا الحال

السلام عليكم
كيفكم مالكم حس اليوم
انا والله وضعي شوية ادرس وشوية اريح عالجوال ودي امشي شويات احرك نفسي ومنها رياضة

فينكم ترى اتوحش لوحدي

صباح الخيرر ،،،

صحيح الوحده زي ما قلنا ينشط فيها الوسواس ( الوحده / الفراغ / ...)

الانشغال ، تغيير الروتين ، ممارسة رياضه ، ممارسة هوايه مفضله ، تعلم هوايه جديدة او كسب معلومه جديدة .....الخ

هذي أعداء الوسواس وهذي عوامل النجاح في التخلص من الوسواس

* طبعا وقبل كل هذا لا ننسى الجانب الروحي ... احيانا ما نذكرة لانه أمر طبيعي من كل شخص مسلم

الاكثار من قرأه القران والاكثار من :
- الصلاة على النبي صل الله عليه واله وسلم
- الاستغفار
- قول : لا حول ولا قوه الا بالله العلي العظيم
- قول : لا اله الا انت سبحانك إني كنتُ من الظالمين

الاكثار من قرأه وتدبر الايات التي تتحدث عن رحمه الله وغفرانه

كلامك صحيح مية المية
اليوم صحيت متاخر لأني قمت متاخر وماقولت اذكاري 😱 بحاول اقولها او عالاقل الان اقرا المعوذات وأستودع الله كل شي بعدها بفطر وابدا ادرس ان شاءالله

تصدقوا لي 3 ايام الحمدلله ماحسيت بالم في ظهري او كتفي مرررة بس لسة احس اني افكر ومتوترة وكل شوية اقول من ايش جا 😭استغفر الله بس

اليوم صحيت متاخر لاني قمت متاخر .....!!!!! ههههه

الترجمه اليوم صحيت متاخر لاني نمت متاخر صح ولا ....

الحمدلله دائما وابدا يستاهل الحمد في السراء والضراء

* مشكلة انه للان ماحسيت شيء = دليل انه مازلت تتفحص وتتحسس الالم بالجسم

يعني لو مافيه كانه تقول للالم تعال وينك .....

خلاص ما حسيت بشيء ماله داعي اقول وينه او ما حسيت فيه خلاص اقول الحمدلله واشغل نفسي بأي شيء

طيب سؤال لو جاء ..؟
الجواب حتى لو جاء اقول طيب الم بسيط ويروح واذا كان الم فعلا رحنا دكتور واخذنا الدواء وخلاص
والشافي اولا واخير الل سبحانه وتعالى ( وإذا مرضتُ فهو يشفين ) . والحمدلله على قضائك يارب

أعمل على برمجه الايمان بكل شيء كتبه الله لي واتقبله

* واساس الخوف من الامراض من وجه نظري اشوف اساسه الخوف من الموت

والا ما السبب اللي يدفعنا نخاف من المرض .؟

ماعرف والله انا ايش اعمل بنفسي بس فعلا لما اكون رايقة احس الموضوع جدا تافه وانه ليش احط نفسي بهادي الدائرة ولما اتوتر اقلب سلبية ياأخي شي جددددا جددددا متعب

ركزي فعلا في لما اكون رايقه تقولي لنفسك فعلا اشوف الامر تافه جدا .

هذا اللي تشتغلي عليه برمجي نفسك وعقلك عليه انه فعلا ماله داعي

- أستخدمي أسلوب الكتابه أذكري المشكلة وعلاجها

أكتبيها قولي وسواس المرض الفلاني

ردي على نفسك طيب وخير يعني مو شيء من الله اولا
وثانيا حاليا الحمدلله مافيه شيء أصلا

انا بخير وعافيه وصحه وسعادة الحمدلله انا بخيررر وعااااااااااااااااااااااافيه

أكتبيها وقوليها لنفسك وانتي في نفسك الوقت مبسووطه مبتسسسمه

صادق والله دايما اسال ليش مو كل الناس عندها دي الوساوس؟! ودايما تفكيرها سلبي وتشاؤمي على كده محد انجز في حياته ومحد سوى شي

لاحول ولا قوة الا بالله
لا اله الا الله وحده لا شريك له له الملك وله الحمد وهو على كل شئ قدير
مو قادرة انام احس بقلق خفيف استغفر الله ودي انسى اللي راح
انا ايجابية
انا متفائلة
انا سعيدة

مساء الخير
كيفكم ..

فينكم محد له حس؟

ليش مافي احد؟!

تعرفي ايام الاسبوع
النوم اوقات بدري

ولازم انتي كمان تحاولي لا تسهري كثير بالكثير 12 خاصة ايام الاسبوع

الجسم يحتاج نوم الليل وكمان عشان لا تجلسي لوحدك كذااا

طيب لا سمح الله جاك المرض الفلاني او شيء خايفه منه . شنو راح تعملي ؟

* خلينا نبدا نعالج بعض من باب الحوار لعلنا نساعد بعض جميعااا

انتظر جوابك

صعبة عندي فكرة تعديل النوم ..
اخاف من دي السوالف بس فعلا ايش حسوي امر الله اللهم لا اعتراض،،
ههه طيب ليش الخوف؟!😁

هوا انا اسالك ليه خايفه من المرض .؟ طيب وصار مرض لا سمح الله ...

-- تعليقي أقول السبب من الخوف ناشئ من سبب الخوف من الموت لربطنا الموت بالمرض .

لكن قلت أشوف شنو تعليقك ....