|
و نزل خالد تحت بالصالة و قعد شوي و نزل يوسف و راح لخالد بالصالة ...
يوسف : وين اختك ؟ خالد : الحين تنزل شاعرتنا يوسف : شاعرتنا ؟ خالد : ايه شاعرتنا يوسف : شنو سبب هاللقب الجديد ؟ خالد : رحت لها و كانت تلقي شعر بغرفتها يوسف يبتسم : يا حليلها خالد : ايه اكيد يا حليلها يوسف : ليش ؟ خالد : يكفي انها اختنا الوحيدة يوسف : اي و الله صدقت و قعد يوسف يم خالد و شوي و تنزل سارة و هي كاشخة و كانت لابسه تنورة بنفسجية حلوة و قميص بنفسجي فيه تطريز ذهبي و وردي ناعم و التنورة نفس الشي و كانت رابطة شعرها و حاطه لها ميكب بنفسجي خفيف . يوسف : شهالكشخه كلها ! خالد : من طول عمرها كاشخه . يوسف : من قدك عندك محامي دفاع ؟ سارة : ههههههههههههههههه و طلعوا من البيت . |
و على الساعة 4:30 دقيقة قعدت منيرة من النوم و راحت و غسلت و
هي تحس بالراحة و السعادة بنفس الوقت و راحت و قعدت على مكتبها و شافت جدامها دفتر الخواطر و فتحته و فجأة طرى في بالها حبيبها راشد و حست بشوق و حنين و كتبت : (( اشتقت لك )) (( اشتقت لك اشتقت لعينيك اشتقت لضحكتك اشتقت لابتسامتك اشتقت لسواليفك اشتقت لك بمعنى هذه الكلمة اشتقت لك بعدد ما في السماء من نجوم اشتقت لك بعدد ما في الرياض من زهور اشتقت لك بعدد طيور السماء اشتقت لك .. اشتقت لك اشتقت لك بعدد قطرات المطر اشتقت لك بالبعد بين السماء و الارض اشتقت لك بعدد الخلائق بالكون اشتقت لك بعدد ما في اللغات من أحرف اشتقت لك .. اشتقت لك .. اشتقت لك و ان شاء الله أشوفك عما قريب )) . و قرأت منيرة الخاطرة هذي و ضحكت على عمرها و قالت : شنو انا كاتبة ؟ ههههههههه يلا ما عليه هو تعبير عن الشعور . و هي قاعدة تكلم عمرها و يرن تلفونها على نغمة المسج ، و تقوم و تروح عند سريرها و تأخذ تلفونها و كان المسج : (( لو نثرت الشوق يمك ثار بالدنيا سحاب المطر رشة محبة و الوله برق و رعود )) و قرأت منيرة المسج و طارت من الفرحة و قالت لنفسها : يعني مشتاق لي مثل مو أنا مشتاقة له ؟ و دزت له مسج : (( ما أرسل رسائل لأجل أسليك أرسل لأجل أذكرك أني دايم أفكر فيك )) ابتسم راشد و دز لها : (( مدري الوفا خصله زرعها الزمن فيك و إلا الزمن يأخذ خصار الوفا منك )) سرحت منيرة في المسج و راح تفكيرها عند حبيبها و ولد عمها راشد ، و راشد استغرب ان لحد الحين ما دزت مسج و قال بدز لها غيره من جديد يمكن ترد ، و كتب : (( مساء يليق بغلاكم مساء ينقصه نسمه هواكم و يا حظ اللي مساهم اليوم معاكم )) و دزه الى منيرة . منيرة و التلفون بايدها و سرحانه و يرن و تتخرع و تفتح المسج و تقرأ و تبتسم و تدز له : (( مساء الهم مساء الغم لحسادك مساء الحب مساء الورد لك و لأحبابك )) و يقرأ راشد المسج بالبداية و عيونه على آخرها و يقول لنفسه : معقولة تقول لي مساء الهم و مساء الغم ؟ ، و ظل يقرأ المسج مرة و مرتين و المرة الثالثة انتبه لكلمة حسادك و قعد يضحك على عمره ، و لما شافته منيرة تأخر و ما دز لها شي دزت له : (( وينك يا أجمل من سكن هالكون و أجمل من سكن عيني يا حلمي الأول و الأخير )) . و استلم راشد المسج الجديد و قرأه و ظل يقرأ فيه و يعيده كل شوي و يقول لعمره : معقولة انا أجمل من سكن عيونها و انا حلمها الاول و الاخير ؟ . و ظل يفكر وهو يحس بشي من السعادة و يحس أن شي داخله مرتاح و يهنيه بس هو مو عارف يفسر احساسه ، و انتبه لنفسه شوي و قرأ المسج من جديد و ابتسم و دز لها : (( لو بعدنا لو جفينا لو يموت الوصل فينا الغلا يبقى غلاكم و أنتم أغلى ما لقينا )) . و قرأت منيرة المسج و ظلت سرحانه و قلبها يدق يخفق بشدة و انتبهت لنفسها و قالت : أحبك و الله أحبك و ان شاء الله انت بعد تحبني أو تحس فيني يا راشد ، و دزت له مسج : (( ودي أحجز كرت بمسرح حياتك مدري لي مكان أو جماهيرك كثيرة )) . قرأ راشد المسج و ضحك و دز لها : (( ما عندي خبر ان عندي مسرح في وين مسرحي ؟ و شنو اسمه ؟ )) . و قرأت منيرة المسج و تمت تضحك و ما علقت عليه و بعد فترة دز لها راشد : (( يا ريح الورد يا صوت القصيد يا ضحكة الماضي الجديد يجعل مساك دايم سعيد )) . و قرأت منيرة المسج و وقفت عن الضحك و ابتسمت و دزت له : (( يا عطر الشوق يا ملح و ذوق يا نور الشمس يا صوت الهمس يسعد مساك و بس )) . و ابتسم راشد و دز لها : (( يا أرض احفظيه و يا سماء ظلليه تراه غالي و من نسمه الهواء نخاف عليه )) . و استانست منيرة على المسج و دزت له : (( يمك خذاني الشوق ماني مخير و إلي خذاه الشوق معذور لو صاح )) . و قرأ راشد المسج ابتسم و قال : يعلج ما تبجين يا منيرة و لا تصيحين ، و دز لها : (( يعلم الله شوق نفسي لك بحر و يشهد الله صورتك في خاطري عيت تغيب )) . طارت من الفرحة منيرة و هي تقرأ المسج و دزت له : (( مساء الخير يا شخص أعرفه ما يخليني مساء الحب يا قلب أعرفه ما يجافيني )) . و قرأ راشد المسج و ابتسم و قال : و منو يقدر يجافيج يا منيرة قولي لي بس منو ؟ اكيد ما عنده ذوق ، و دز لها : (( أفرح لا جابو الناس طاريك و شلون أترجم فرحتي لو تجيني )) . و استانست منيرة حدها حدها و دزت له : (( ترانا شوق لعيونك ترانا و غيرك يا ودادي ما نريد و نورك نور الكون و سمانا و نور من قريب و من بعيد )) . و استانس راشد على المسج و دز لها : (( لو غبنا عن العين و فقدتم لنا الطاري تبقون بالقلب غاليين و الشوق لكم سا ري )) . |
و يتصل رفيك راشد له :
سامي : مرحبا راشد : مراحب يا هلا سامي : شخبارك ؟ راشد : بخير و انت ؟ سامي : انا بخير ، ها وينك ؟ راشد : بالبيت ليش ؟ سامي : نسيت اليوم متفقين نشوف بعض ؟ راشد : أوووه راح عن بالي سامي : بسيطة يلا قوم تعال راشد : المارينا ؟ سامي : ايـــه راشد : أوكي سامي : باي راشد : باااي |
و يرسل راشد مسج الى منيرة قبل لا يطلع :
(( مرحبا انا بطلع الحين بروح مع رفيجي المارينا تبين شي من هناك ؟ )) . منيرة ابتسمت و دزت له : (( أبي سلامتك رشود دير بالك على نفسك و عن السرعة )) . و قرأ راشد المسج و استانس و دز : (( يعني تهمج سلامتي ؟ )) . و خجلت شوي منيرة و هي تشوف المسج و دزت له : (( أكــيــد )) . انجان يستانس راشد و يدز لها : (( تسلمين ربي يخليج يلا مع السلامة )) . و راح راشد يجهز علشان يروح موعده مع رفيجه سامي ، و منيرة راحت و أخذت كتبها تبي تشوف دروسها و واجباتها . و كان أول كتاب فاتحته كتاب العرب " عربي " و كان الواجب : (( عَيّن ِ المبتدأ و الخبر فيما يأتي : 1) قال تعالى : " الله نور السموات و الأرض ، مثل نوره كمشكاة فيها مصباح ، المصباح في زجاجة ، الزجاجة كأنها كوكب دري يوقد من شجرة مباركة زيتونة لا شرقية و لا غربية ، يكاد زيتها يضيء ، و لو لم تمسسه نار . نور على نور يهدي الله لنوره من يشاء " . 2 ) و قال رسول الله " ص " : " المسلم أخو المسلم . لا يظلمه و لا يسلمه و لا يخذله ... " . 3 ) و قال أحمد شوقي : و للحُرّّيةِ الحَمراءِ بابٌ ... بكُل يَدٍّّ مُضَرّجةٍ يدُقٌّ 4 ) الحق فوق القوة . 5 ) الحياءُ لا يأتي إلا بخيرٍ . )) . و التمرين الثاني : (( ضَعْ في كلّ مكانٍ خالٍ مِما يأتي خبرًا مناسبًا : 1 ) المحسنان ..... لعلمهما الجليل . 2 ) ...... الالتزام بتعليمات المرور . 3 ) تنويع مصادر الدخل ...... التي توليها الحكومة عناية كبيرة . 4 ) المكتبات المدرسية ...... بدورٍ هام في العملية التعليمية . 5 ) البحرينُ ...... حار صيفًا ، معتدلٌ شتاء . )) . و ظلت منيرة تكتب واجباتها و لما خلصت النحو فتحت الجغرافيا و هكذا لحد ما خلصت من واجباتها كلهم . و لما خلصت من واجباتها حست براحة و ظلت تفكر في ولد عمها و حبيبها راشد ، يا ترى شنو قاعد يسوي الحين ؟ و هل يفكر فيني مثل ما انا الحين افكر فيه ؟ يا ترى مع منو قاعد ؟ و شلون قاعد ؟ هل هو مستانس أو لأ ؟ مرتاح أو لأ ؟ و أفكار تأخذها و ترجعها ، و حست بسعادة و إلى أنها ودها تحلق في السماء بعيد بس لوين ما تدري ! و أخذت دفتر الخواطر و فتحته و مسكت القلم و قررت أنها تحلق بعيد مع كلماتها في جو كتابة الخواطر ، و ابتسمت و كتبت : (( في الصباح ، و بينما كانت الشمس تنشر ضياؤها الذهبي الى الأرض .. كتبت اسمك ... و عندما أتى الموج و أخذ يتراقص و هو يرتطم وسط البحر .. كتبت اسمك ... و عندما أتى البحر في مده و جزره ؛ ليحكي أسراره لرمال الشاطيء .. كتبت اسمك ... و عندما أتت الرياح لتحمل الرمال .. كتبت اسمك ... و جاء المساء و بزغ القمر و أخذ ينشر أشعته الفضية الى المعمورة .. و كتبت اسمك ... و باختصار شديد .. كتبت اسمك في اليوم كله ... و في كل لحظات عمري .. كتبت اسمك ... كتبته بأحرفٍ استمدت ضياؤها من ذهب الشمس و بأسطرٍ استمدت لونها من فضة القمر ... و سأظل و أظل أكتبه كل يوم و أردده دائمًا ... و لن أنسى اسمك ما حييت أبدًا ... و سأظل أكتبه و أردد : " كتبت اسمك " )) . و كتبت عنوان الخاطرة " كتبت اسمك " و سكرت الدفتر ، و ظلت تفكر في راشد من جديد ، و تذكرت فجأة أن رفيجتها مشاعل ما داومت اليوم و بسرعة أخذت موبايلها تدق عليها . |
مشاعل : ألوووو
منيرة : هلا و الله . هلا و غلا مشاعل : هلا فيج حبيبتي منيرة : شخبارج ؟ مشاعل : انا بخير و انتي ؟ منيرة : بخير ، ليش ما داومتي عسى ما شر ؟ مشاعل : ما شر بس راحت علي نومه . منيرة : شلون ؟ مشاعل : كنت سهرانه على النت . منيرة : صج ما عندج سالفة . مشاعل : و الله ما أعيدها بأيام الدوام . منيرة : و شنو سويتي طول اليوم ؟ مشاعل : شي قعدة على النت و أحيان التلفزيون و الحين قبل لا تدقين كنت أقرأ في كتاب . منيرة : الله صايرة مثقفة . مشاعل تضحك : هههههههههه لا ثقافة و لا شي إلا شعر . منيرة : الله الله يا عيني ، و شنو اسم الكتاب و حق منو ؟ مشاعل : كلمات حائرة حق ليلى تيموري . منيرة تفكر : كأني سامعه فيه . مشاعل تضحك : ههههههههههههههههههههههههه منيرة : شفيج تضحكين ؟ مشاعل : انا و انتي عندنا نفس الكتاب . منيرة باستغراب : شنو ! مشاعل : اي و الله ؛ لأن شريناه مع بعض من المعرض لما رحناه في الرحلة مع المدرسة . منيرة : كل شي جايز . مشاعل : الظاهر نسيتيه . منيرة : ايـــــــه . مشاعل : دوريه بالمكتبة حقج . منيرة : هو شلون شكله ، أقصد لونه و هالسوالف ؟ مشاعل : لونه وردي و مكتوب عليه كلمات باللون البنفسجي و حائرة بالأبيض و من تحت ليلى تيموري و دار الفكر العربي و من وراه صورتها و نبذة عنها و حجمه وسط لا كبير و لا صغير . منيرة : الله كل هذا ؟ مشاعل تضحك : هههههههههههههه ايــه و ان شاء الله أكون وفيت و كفيت بشرحه . منيرة : هو حلو ؟ مشاعل : بصراحة عاجبتني كتاباتها . منيرة : عيل أروح أدوره و أشوف . مشاعل : ايـه روحي . منيرة : أوكي يلا باااي مشاعل : باااااي و راحت منيرة تدور الكتاب في مكتبتها المليانه بالكتب . |
خربت الاخلاق يكفي فيه شي ضيق صدري هنا
|
الجزء السابع :
و في بيت بو يوسف : سارة توها راده مع اخوانها من برا و كلكم تدرون انهم طلعوا معاها ، و راحت غرفتها بعد ما غيرت جو تجابل دروسها و تكتب واجباتها و اخوانها بعد راحوا غرفهم علشان يرتاحون . و أما راشد فكان بمجمع المارينا مع رفيقك سامي و قعدوا يسولفون و يسولفون و بعدين كل واحد فيهم رد الى بيته . و منيرة حصلت الكتاب اللي كانت تدور عليه و أخذته و راحت قعدت على سريرها و توها تفتحه و يرن تلفونها على نغمه المسج و يكون : " لو كنت برسل كل شوقي رسايل تعطلت من نار شوقي الشريحة " . و كان المرسل راشد . و استانست منيرة و دزت له : " يا أغلى من عيوني لا تبتعد عني ترى نفسي تشقى و تتعب من دون طاريك " . و قرأ راشد المسج و تنهد و قال لا شعوريًا : يا بعد عمري و الله سلامتج من الشقى و التعب ، و فجأة ينتبه لنفسه و يقول : شقاعد أقول أنا ؟ و شنو قاعد أخربط ؟ منيرة مثل اختي ، و دز لها : " يعلم الله شوق نفسي لك بحر و يشهد الله صورتك في خاطري عيت تغيب " . و ابتسمت منيرة على هذا المسج و قالت : أكيد أنا كنت في باله و ما نساني ، و دزت له : " ما تغيب إلا الصور عمر المشاعر ما تغيب كم عزيز ما نشوفه و هو في الخاطر قريب ... " . و استانس راشد على المسج و دز لها " " و الله لو يطري على القلب ينساك لسقي عروقه السم و انهي حياته " . و قرأت منيرة المسج و بسرعة دزت له : " بعيد الشر عنك ، لا تقول جذي " . و قرأ راشد المسج و ابتسم و قال : يا بعد أهلي و ناسي أكيد تحبيني ! و بعدين قال : ماكو شي يأكد ، و اذا تأكدت شنو بسوي ؟ و دز لها : " لازم أبطي عنك لجل أوله عليك أنت مثل المااااء حلاته بالظمأ من يقول اني نسيتك و ماااا أبيك كيف أبدل نور عيني بالعمى ؟!! " . و استانست منيرة على المسج و دزت له : " كثير أحباب يمي بس قدرك عليهم فاق أحسك تسري بدمي و أظل لشوفتك أشتاق " . و راشد و هو يقرأ المسج حس بشعور حلو كان يحس فيه بس زاد عنده ، و حس بشي يداعب قلبه و كأن قلبه يرقص و حس بالسعادة و بالفرح ، و قال لنفسه : معقولة أنا بعد أحبها ؟ و دز لها : " يدق القلب بغيابك أحس أن يدق مشتاق أثاري القلب ينذرني بيموت بسبة غيابك " . انجان منيرة قلبها يدق بسرعة و تدز له : " بعيد الشر عنك لا تفاول كل شوي ترى ابجي " . و قرأ راشد المسج و ابتسم و دز لها : " العين تبكي ودها تشوف طيفك إما تجي أو تأخذ العين وياك ! دنيا بدونك عجل الله فناها و عمري مع غيرك عسى الموت يطويه ! مب كل من جاني عطيته على الكيف إلا أنت لو تطلب عيوني عطيتك " . و قرأت منيرة المسج و سالت دموعها و دزت له : " ليش جذي ؟ ليش تفاول على عمرك ؟ " . و قرأ المسج و دز لها : " لو يفارقني خيالك ما يفارقني غلاك يكفي اني أعزك حتى لو ماني معاك " . و قرأت المسج منيرة و هي تبجي و خلت تلفونها على السرير و راحت تغسل ويها . |
بندر كان رايح غرفة منيرة يناديها للعشاء ، و طق الباب
و ما لقى جواب و فتح الباب و دخل و قعد ينادي على منيرة : مـنـيـرة مـنـيـرة ... مـنـيـرة . و طلعت منيرة من الحمام : كاني كنت أغسل ويهي . بندر : هلا يا أحلى أخت بالدنيا كلها ، يلا تعالي نتعشى . منيرة تبتسم : أوكي . و نزلت منيرة مع أخوها يعقوب و قعدوا على الطاولة و ابراهيم كان موجود ، و قبل لا تقعد منيرة عدل لها الكرسي يعقوب ، و ابراهيم حده منقهر على حركاتهم ، و قعدوا يتعشون جميع . راشد كان متوتر لأن منيرة ما ردت عليه ، و أمه نادته للعشاء و راح يتعشى و هو يفكر بمنيرة و احساسه الغريب ناحيتها ! و ليش ما ردت عليه بمسج مثل عادتها ؟ و منيرة خلصت عشاها و طلعت تتمشى بحديقة بيتهم ، و يعقوب خلص عشاه و راح وراها ، و ظلوا يتمشون لحد ما صارت الساعة 10 المساء . بندر و هو يطلع ساعته : صارت الساعة عشر ما بتنامين منيرة ؟ منيرة : بلى بروح غرفتي الحين . بندر : و أنا بعد . منيرة : عيل يلا نروح . بندر : يلاااا . و راح بندر غرفته القريبة من غرفة منيرة ، و منيرة راحت غرفتها . منيرة غسلت و لبست بجامه وردية فاتحه و فيها ورد لونه وردي غامق و كانت حلوة و ناعمه ، و سرحت شعرها و خلته مفلول و راحت عند سريرها و أخذت كتاب كلمات حائرة اللي كانت راح تقرأه و انشغلت مع راشد و المسجات ، و فتحت أول صفحة و كان فيها ، تأليف : ليلى تيموري ، الطبعة الأولى ( 1424 هـ - 2003 م ) ، ملتزم الطبع و النشر : دار الفكر العربي ( 94 شارع عباس العقاد - مدينة نصر - القاهره ) . و الصفحة الثانية كانت اهداء : " كلمات حائرة هي كلمات تحاول أن تحلق في الهواء و تدور في الصحاري و تغوص في البحار في رحلة بحث تسعى فيه نحو بعض الحقيقة و هي في رحلتها هذه تحاول أن تتكيف مع الأجواء المختلفة التي تمر بها ، فتطرق الأبواب المختلفة و تخاطب الناس تسألهم عنها فإلى الحقيقة و إلى كل من يبحث عنها أهدي كتابي ليلى تيموري " . و الصفحة الثالثة و الرابعة خاليه و الخامسه كانت بعنوان الكتاب " كلمات حائرة " و بدأت منيرة بالقراءة : " مرّت أياميّ بالطُرقاتْ باحثةً عن سرٍ غامضْ فأتاَها الحارسُ عنَد البابْ و بَدا مرتابْ منَ هذا الحارسُ عند البابْ و لماذا يرنُو منقبضًا من خلف حِجاب ماذا بالسّاحة من أسبابْ يعلمُها الرّافع و الخافِضْ سرٌ غامضْ يتلحّقُ أيّامي القَلقَات و عيوني تنظرُ خائفَة ٌ تائهةُ زائغةُ اللفتاتْ و ظنوني تاهت بالطرُقاتْ في وقتٍ زيّنهُ المجْهولْ ماذا سيقول ْ ؟ من كان القاتلُ و المقتول ْ ؟ و سماءٌ غطتها الكلماتْ أسْمَع نَغماتْ و أفرُّ سريعًا عبرَ الباب ْ و أرى أسرابْ تتراقص من دون النَّغماتْ و بلا أسبابْ أبقى في دائرة النِّسيان أجتازُ الليل بأجنحةٍ و أمرُّ بأمواج الأزمان ْ بزوايا القلب أرى حُبًا و سرابَ نَجُومْ و جناح الحب سرى غربًا و الشمسُ غُيومْ و كِتابُ الذِّكرى منكبًا و ثراهُ هُمومْ و أنا أتلفت ُ بالطرقاتْ أبحث في الكون و لا أعلمْ هل أصِل الى هذي الأسطحْ عبرَ السلَّم ... ؟ أم أحملُ في كتِفي المنظارْ لأرى الأقمارْ ماذا في قاموسِ العطار ْ ماذا يتحركُ في الأبيات و في الأسحارْ ماذا يتبسَّم للأقدار ْ هل يضحكَ أو هو يتألم أنا لا أعلم من هذا القابُع خلف الباب على السُّلم ... ؟ " . و كانت من صفحة 5 - صفحة 8 . منيرة و هي تكلم عمرها و تقول : بصراحة أسلوبها روعة و خوش أسلوب عليها وااايد حلو ، و الله و صدقتي يا مشاعل . و يرن تلفون منيرة على نغمه المسج و يكون : " وينك يا أغلى ملاك غبت و الضحكة معاك أصعب أيامي فراقك و أجمل أيامي لقاك " . و ابتسمت منيرة و دزت له : " لا تحسب اني لا طال الغياب ناسيك دقات قلبي كلها تقول : وينك " . و قرأ راشد المسج و ابتسم و قال : بدق عليها بسنا مسجات الحين . منيرة و هي توها راح تبدأ تقرأ في القصيدة الثانية و يدق راشد . منيرة : ألوووو راشد : هلا و الله منيرة : هلا فيك راشد : شخبارج منيرة ؟ منيرة : بخير و انت شخبارك ؟ راشد : الحمدلله بخير ، أقول منيرة : قول راشد : وينج قبل شوي ؟ منيرة : كنت أتعشى و بعدين رحت الحديقة أتمشى . راشد : زعلانه مني ؟ منيرة : بصراحة ايه راشد : ليش ؟ منيرة : على المسجات اللي تغث ! راشد باستغراب : انا مسجاتي تغث ؟! منيرة : لا مو قصدي راشد : عيل شنو قصدج ؟ منيرة : أقصد المسجات اللي تدعي على عمرك فيها . راشد : اهااا ، عادي . منيرة بانفعال شوي : لا مو عادي . راشد : شلووون ؟ منيرة : بكيفي . راشد يضحك : هههههههههههه يحليلج . منيرة : ليش ؟ راشد : بكيفي . منيرة تضحك : ههههههههههههههههههههه . راشد يضحك : هههههههههههههههههههههه . منيرة : راشد ! راشد : هلااااا منيرة من قلب : تكفى لا تدعي على عمرك ! راشد : ليش ؟ منيرة : ما أبيك تدعي على عمرك . راشد : هم ليش ؟ منيرة : على طول ليش ! راشد : ايــه ، ليش ؟ منيرة بشويه عصبيه : أوووف منك راشد يضحك : هههههههههه يحليلج لا عصبتي . منيرة : و تضحك بعد ! راشد : ايــه . منيرة : يقول بعد ايـه ! راشد : ايه شفيها ؟ منيرة : و يعيدها بعد ! راشد يضحك : هههههههههههه . منيرة : اوكي .. اوكي . راشد : زعلت الحلوة . منيرة ساكته : ........ راشد : خلاص منور على أمرك ما بدعي على عمري . منيرة ساكته : ........ راشد : منور خلاص عاد . منيرة ساكته : ........ راشد : منيرة تكلمي عاد . منيرة ساكته : ....... راشد : عسى راشد ان شاء الله الـــ و قبل لا يكمل كلامه تكلمت منيرة . منيرة : لا لا لا لا لا لا لا لا لا لا ، لا تدعي على عمرك خلاص . راشد يبتسم ابتسامه عريضة : و أخيرًا تكلمتي ؟ منيرة تضحك : هههههههههههههههه . راشد : و تضحك بعد . منيرة : ايـه . راشد : و تقول ايه بعد ! منيرة : ايـه شفيها ؟ راشد : و تعيدها و تقول شفيها ! منيرة تضحك : ههههههههههههههههههههه راشد : و تضحك ! منيرة : عادي . راشد : تبي تقلد عليّ قبل شوي ككككككككككككككك . منيرة : ايه عدنا الحوار . راشد يضحك : هههههههههههههه . منيرة تضحك : هههههههههههههههه . راشد : أقول ؟ منيرة : هلااااا . راشد : مو جني عطيتك ويه و وراك مدرسة ؟ منيرة : و جني عطيتك ويه و وراك شغل ؟ راشد : منور نامي أحسن لك . منيرة : و انت نام أحسن لك . راشد : ان شاء الله عمتي . منيرة تضحك : ههههههههههه لا و الله ماني عمتك . راشد : ادري ، انتي جدتي . منيرة : شنو شنو شنو شنو ؟ راشد : خلااااص كليتينا بقشورنا . منيرة : انا شنو ؟ راشد : بنت عمي . منيرة : ايه جذي . راشد يضحك : هههههههههههههههههههه . منيرة تضحك : هههههههههههههههههه . راشد : يلا منور نامي ما أطول عليك بعدين تقولين ما خليتك تنامين . منيرة : لا ما بقول : بس اوكي . راشد : ديري بالك على نفسك . منيرة : و انت بعد . راشد : تصبحين على خير . منيرة : و انت من اهله . راشد + منيرة نادوا على بعض بوقت واحد . راشد : منيرة منيرة : راشد و ردوا على بعض بوقت واحد . راشد : هلاااا منيرة : هلاااا راشد يضحك : هههههههههههههه . منيرة تضحك : ههههههههههههههههه . راشد : شنو كنتِ بتقولين ؟ منيرة : أنت بالأول . راشد : لا انتي . منيرة : لا انت . راشد : ليدي فيرست . منيرة تضحك : ههههههههه انزين راشد : يلا قولي . منيرة : عن السرعة . راشد : من عيوني . منيرة : تسلم عيونك . راشد : الله يسلمك . منيرة : و انت شنو كنت بتقول ؟ راشد : ديري بالك على دروسك . منيرة : اكيد ، ان شاء الله راشد : يلا تبين شي ؟ منيرة : سلامتك . راشد : الله يسلمك .. يلا نامي . منيرة : اوكي . راشد : مع السلامة منور . منيرة : مع السلامة . راشد قبل لا يسكر : بشتاق لك . منيرة بخجل : و انا اكثر . راشد : باااي منيرة : باي . و سكروا الخط . راشد كان مستانس حده بعد ما كلم منيرة و خلى راسه و نام ، و منيرة كانت طايرة من الوناسه و قامت من مكانها بدلع و أخذت الكتاب و خلته على المكتب و رجعت سريرها من بعد ما طفت اللمبه ( الليت ) ، و حطت راسها و هي تفكر في حبيب القلب راشد لحد ما نامت . |
و هذا الجزء الثامن :
و في اليوم الثاني و في المدرسة : الشله كلهم كانوا متواجدين ما عدا مشاعل بعدها ما وصلت ، و الشله المتكونة من " منيرة ، بدور ، سارة ، حصة ، هنادي ، ريم " . و قاعدين يسولفون مع بعض في الصف و هذا قبل لا يدق جرس الطابور ، و تدخل عليهم مشاعل . مشاعل بابتسام : السلام عليكم و تروح مشاعل مكانها و تخلي شنطتها و تجي الى رفيجاتها تسلم عليهم و كلهم يوقفون لها . منيرة : هلا و الله .. هلا و غلا بكل الغلا . مشاعل تبتسم : هلا فيك يا الغلا . و يبوسون بعض . هنادي : هلا بمشاعل الحلوة يا هلا . مشاعل : هلا فيك عمري . و يبوسون بعض . حصة : هلا بلي اشتقنا لها يا هلا . مشاعل : تشتاق لكم العافية يا هلا فيك . و يبوسون بعض . سارة : هلا بلي غابت عنا و خلتنا نشتاق . مشاعل تضحك : ههههههه هلا فيك حبيبتي . و يبوسون بعض . بدور : هلا و الله . مشاعل : هلا فيك حبوبه . و يبوسون بعض . ريم : يا هلا بلي حضرت و نورت . مشاعل : ههههههه هلا فيك النور نوركم كلكم . و يبوسون بعض . و قعدت مشاعل مع الشله شوي و بعدين دق جرس الطابور الصباحي و نزلوا جميع للاصطفاف في الساحة . |
و في الشركة :
راشد كان قاعد على مكتبه و مجابل شغله و يدخل عليه بندر . بندر : السلام عليكم . راشد يرفع راسه و يبتسم : و عليكم السلام و الرحمة . بندر : شخبارك ؟ راشد : بخير ، و انت شخبارك ؟ بندر : الحمدلله بخير . راشد : أشوفك ياي المكتب شعندك ؟ بندر : ما عندي شغل قلت أمرك . راشد عاقد حواجبه : اذا انت ما عندك شغل يعني غيرك بعد ما عنده ؟ بندر : افااااا ، يعني أروح أطلع ؟ و يوقف يعقوب الي كان قاعد و يقول : عيل انا ماشي . راشد : الله وياك . و يتقدم يعقوب الى الباب و ينادي عليه راشد . راشد : بندرررررررر . بندر : نعم ؟ راشد : و انت صدقت ؟ تعال اقعد . بندر يصطنع الزعل : ماني قاعد . راشد : تعااااال . بندر : خلك في شغلك ما ابي اعطلك . راشد : اي شغل الله يهديك ؟ ترى كنت امزح ! بندر : خلاص اقعد بروحك . راشد : و يهون عليك ولد عمك الحلو إلا هو أنا ؟ بندر : عادي . راشد : افاااا ما هقيتها منك . بندر : هم عاااادي . راشد : بندر تعال اقعد . بندر بدلع : موبي . راشد : تعال و الليلة بعشيك على حسابي . بندر يحط واجد على ذقنه و يفكر : اممممممم . راشد : شقلت ؟ بندر : بس فيه مشكلة صغيرة . راشد : إلا هي ؟ بندر : ما أقدر أخلي منور حبيبتي بالبيت بروحها ، و يمكن هناك ابراهيمو و يلعوزها . راشد و هو مبتسم : منيرة قد روحها و ما راح تصطدم وياه ، و لو اصطدمت وياه تقدر تخلص روحها . بندر : حتى لو ما أبي . راشد : خلاص تجي معانا . بندر : و بترضى ؟ راشد : انت اسألها و شوف . بندر : بس اروح لها المدرسة بسألها . راشد : ان شاء الله . و يدخل خالد على عيال عمه في مكتب راشد . خالد : السلام عليكم . راشد + بندر : و عليكم السلام . خالد : شخباركم عيال العم ؟ راشد : بخير . بندر : الحمدلله . راشد + بندر : انت شخبارك ؟ خالد : انا بخير . راشد : خلصت شغلك خالد ؟ خالد : الله يهداك اي شغل ؟ مع وجود هالموظف لكثار مالنا احنا الا القليل القليل من الشغل و نادرًا لما يكون فيه واجد و مو واجد بعد الا بس شوي . بندر : صدقت . راشد: أحسن علشان نرتاح . خالد : اي و الله . بندر : و شخبار يوسف ؟ خالد : بخير ، قاعد بمكتبه و هو الوحيد فينا عنده شغل ، و قلت امر اشوفكم . راشد : زين سويت . بندر : شفيكم واقفين تعالوا نقعد . راشد : انا عندي هالأوراق بس أمليهم يعني عطوني هدوء 5 او 10 دقايق و أخلصهم . بندر : اوكي احنا بمدرسة . خالد يبتسم : و أحلى مدرسة . بندر يضحك : ههههههههههههه . خالد يضحك : هههههههههههه . راشد : ايه دامها مدرستي هههههههههه . بندر : هههههههههههه . خالد : ههههههههههههه . و بدأ السكوت علشان يخلص راشد الي في واجد . |
و في المدرسة :
كانت الحصة الأولى شارفت على الانتهاء ، و الحصة الثانية عندهم مادة اللغة الفرنسية و تدرسهم اياها الأبله ناديه ، و دق جرس انتهاء الحصة الاولى و بداية الحصة الثانية . و طلعت الأبله من عندهم و عمت السوالف الصف و عم الازعاج ، طالبات يدورون بالممرات ، و طالبات بالحمامات ، و طالبات يصارخون ، و طالبات يسولفون ، و طالبات هادئات و في اماكنهم و مطلعين الكُتب و الكراسات و ساكتين ، و بس يلمحون الابله طلعت من غرفتها يردون الصف بسرعة و ينطرونها على ما تشرف ، و كل طالبة في مكانها قاعدة ، و بس تدخل الأبله كل الطالبات يوقفون احترام لها و بس تسلم يردون و بعدين يقعدون . أبله الفرنسي دخلت الصف و الكل وقف لها ، و ابتسمت لهم و قالت : Bonjour بنجور . ردوا البنات بصوت واحد : Bonjour madame بنجور مدام . و قعدوا الطالبات في انتظار الدرس ، و الابله فتحت شنطة كانت حاملتها في ايدها و طلعت كتاب الفرنسي و أقلام السبورة و بدأت في الكلام : أخذنا في الدرس السابق شلون نقرأ باللغة الفرنسية ، و قلنا مثل القراءة باللغة الانجليزية ما عدا حرف R يقرأ باللغة الفرنسية " غين " و أحيان " خاء " ، و اليوم راح نأخذ كلمات جديدة و راح أعلمكم كيفية نطقها ، و نبدأ بسم الله . و واصلت أبله نادية شرحها : Oui و معناها نعم و نطقها " وي " عيدوا وراي . الطالبات بصوت واحد : Oui وي . ابله نادية : بعد مرة . الطالبات : Oui . أبله نادية : آخر مرة . الطالبات : Oui . أبله نادية : الحين كلمة Non و معناها " لا " و تلفظ " نو " بس تكتب نون ، يلا عيدوها . الطالبات : Non . أبله ناديه : بعد مرة . الطالبات : Non . أبله نادية : و كلمة Excusez moi اكسكيوزيه موا ، و معناها لو سمحت ، يلا وراي اكسكيوزيه موا . الطالبات يغلطون فيها و أبله ناديه ظلت تكرر و تعيد فيها لحد ما عرفوا يضبطونها . أبله نادية : Lisez و معناها انظر ، قولوا وراي " ليزا " . الطالبات : Lisez ليزا . أبله ناديه : Regardez غيقاغديه و معناها اقرأ . الطالبات يغلطون فيها و ظلت تعيد فيها لحد ما ضبطت معاهم . و كتبتهم أبله نادية على السبورة و معاهم اللفظ و المعنى بالعربي ، و قومت وحدة وحدة بالصف تقرأهم علشان تضمن نطقهم اوكي و سليم و ما فيه شي غلط و بعد ما خلصت منهم . ابله نادية : تمام بس بالبيت عيدوا عليهم ، يلا منو الشاطرة بتقوم تقرأ لنا الحوارات . منيرة : انا ابله . ابله نادية : يلا منيرة ، و منو معاها ؟ و وقفت منيرة . أبله ناديه : يلا تحركوا يا بنات قراءة عادية جنه انجليزي بس R لا تنسونها " غ " يلا . بدور : أنا ابله . ابله ناديه : يلا بدور . منيرة و هي تقرأ : Bonjour monsier martain ، بنجوغ مونسيو ماختين . بدور : Bonjour mademoiselle بنجوغ مودموزيل . أبله ناديه : لاحظوا منيرة لما قرأت قالت martain ماختين ليش ؟ لانه في اسمه حرف R فقالت ماختين ، يلا الحوار الثاني بعد يا منيرة و بدور . منيرة : Bonjour monsier martain بنجوغ مونسيو ماختين . بدور : Bonjour madame perrier بنجوغ مدام بغيغ . ابله نادية : لاحظوا منيرة قالت ماختين ، و بدور قالت بغيغ لأنه فيه حرف R ، يلا الحوار الثالث . منيرة : أبله كلمات جديدة . أبله نادية و هي تشوف الكتاب : ايه تفضلوا قعدوا . و قعدت بدور و منيرة . أبله نادية : اذا بتعرفين عن نفسك مثلاً انا اقول ، je m* applle يعني جومابيل : انا و بعدين تقولين اسمج ، يعني انا الحين بعرفكم على نفسي و انتوا ما تعرفوني ، فأقول لكم : je m* applle nadia . je suis professer de francais . " جومابيل ناديه . جسويه بغوفيسغ دا فغونسيه " و معناتها " اسمي ناديه ابله الفرنسي " جومابيل : اسمي . ناديه : هو اسمي و بغوفيسوغ : مدرسة او ابله . و دي فغونسيه : اللغة الفرنسية . جسويه : انا . هنادي : و اذا بقول انا طالبة ؟ ابله ناديه تبتسم : تقولين je suis etudiant يعني انا طالبة ، بس اذا ناس ما يعرفونك و اول مرة تقابلينهم تقولين الحوار الي طاف علشان يعرفون اسمج و وظيفتك شنو هي . و دق جرس الحصة الثالثة و شالت أغراضها ابله ناديه و هي تحطهم بالشنطة قالت : Salut سلووو . بدور : شمعناها ابله ؟ ابله ناديه تبتسم : يعني باااي بدور : عيل سلو مدام . و ابتسمت ابله نادية و حملت شنطتها و مشيت . و الطالبات مثل الحركة اللي سووها لما دق جرس الحصة الاولى لابتداء الحصة الثانية . |
والله التعب يالله من الساعة 6 مساء ً الى الساعة 11:30 طعبا ً اروح اصلي وارجع اكملها
سطروني اذا قريتوها كلها |
مشكووووووور اخوي علي القصه
وممكن اتكملهااااااااااا او تعطيني الرابط للقصه كامله |
يللا ننتظر الجواب
|
يلا ننتظر الجواب
|
هذه احدى الابتلاءات والمصائب التي بليت بها الامه ..
قصص !!!! لا اعلم ماذا يقال ساذجه سخيفه مع احترامي للكتاب .. هو سؤال هل هناك عاقل لبيب فطن يدعوا لهذه الامور هل هناك رجل يحمل معنى الرجولة الحقه يسمح لابنته واخته بمثل هذه السذاجات ؟؟!!! ثم نشكوا من الضغائن والظنون وسوء الاخلاق ونتسائل من اين اجتاحتنا هذه المصائب وكيف اتجهنا نحو الهاويه .. والله المستعان |
| الساعة الآن 11:22 PM |
Powered by vBulletin® Version 3.8.11
Copyright ©2000 - 2025, vBulletin Solutions, Inc.
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.
المواضيع المكتوبة لاتعبر بالضرورة عن رأي الموقع رسميا