وانت اخبارك ايه دلوقتى يا "عبيد الله رهابى" يارب احسن :) ؟
ياريت تفيدنا بتجرتك
والاخ محمود المصرى و المصريين عموما عاوزين نتقابل كده فى يوم ايه رأيكم ؟
انا اتعالجت بدون دواء فقط بالسلوك و التنمية البشرية من 75 % لكن ال 25 % الباقية مقدرتش بحاليا باخد سيتالو 20 مجم وان شاء الله ابقى احسن

ومستعد افيدكم من ناحية خبرتى وتجاربى من التنمية البشرية

الله يكرمك بس انا محططش ايميل
المهم
قولى انت ايه الاعراض اللى بتعانى منها يمكن يكون فى عرض معين اكون اعالجت منه اديك تجربتى

وطبعا ربنا يشفى كل مريص ان شاء الله :)
والحمد لله على التغيير اللى حصل لى وانا لسه محتاج علاج وانا ماشى فى الطريق :)

عاوزين اذا عددنا كتر نحدد ميعاد و مكان نتقابل فيه كلنا
و ساعتها هطلب من الادارة انها تساعدنا بطريقة لتحقيق ذلك
والحمد لله اعتقد الادارة هتكون متعاونة
......
مثلا لو بقينا خمسة نبدأ نخطط :) للمقابلة

....
وانا نفسى كل واحد يكتب الاعراض اللى عنده انا عن نفسى هتكتب تجربتى كاملة عسى يستفيد منها احد :)

تحياتى

قصتى مع الرهاب من وانا صغير كنت خجول بس فقط خجول اتكلم و اخرج والعب ولكن خجول وظل الوضع حتى الاعدادى بدأ بالخجل من النساء و اللبخة وسط الناس و بعدين فى الثانوى لبخة وعدم تركيز بالحصص و خجل من البنات و شبة انطوائية او انطوائية ....

بس كنت اقيم خارج القاهرة جيت مصر وظهر اوى الخجل لان هنا الدنيا زحمة وتقريبا الناس فى كل حتة فاصبح كل خروج من المنزل يصاحبه القلق و الخوف ....

رحت لمحلل نفسى ومكنتش عارف عندى ايه كنت اظنها بسبب الخلافات المنزلية وهو لم يقدم لم نصائح جيدة الا واحدة واشكره عليا كانت بخصوص ان كلامى مش واضح فطلب منى التكلم ونطق حروف معينة وقال لا انا كويس انت بس هدىء نفسك واتكلم براحة
الصراحة انا مشيت بس كنت فى منتهى المضايقة ... بس كانت نقطة تغير لانى فتحت مخى وقلت اومال ايه المشكلة ؟؟؟؟؟

المهم بعد فشل دراسى نجحت الصراحة لقيت نفسى اتحسنت مش قوى بس سنة المهم كل ده وانا بحاول اخمن مشكلتى وبحاول اقاوم لحد ما شفت اعلان عملته وزارة الصحة المشهور بتاع المرض النفسى مش عيب و لا حرام و زيه زى اى مرض اتصل على *** وحطوا رقم ساخن حفظت الرقم و اتصلت بيهم و رحت مستشفى قريبة منى هم حددوها لى والدكتور ده هو اول من فهمنى مشكلتى قالى الثقة بالنفس يعنى ثقتى بنفسى قليلة
ونصحى نصيحة غالية جدا
قالى اتعرف على اصحاب جدد - العب رياضة - اقرأ وثقف نفسك

الصراحة من هنا كانت بدايتى وهكمل قصتى بعد الفاصل :D











رجعنا من الفاصل :D
انا فى الوقت ده كنت باعانى من ايه ؟؟؟
زوغان العين يعنى معرفش ابص فى عين حد --1
لبخة دايما وسط الناس
عرق شديد حتى لو شتى وبرد
احمرار الخدين --4
حركات لا ارادية احيانا فى الايدى او تصلب يعنى ابقى حاسس انى متراقب ومش عارف اتصرف بطبيعتى -5
الكلام دايما مش واضح ومكسر ومتوتر -6
خطوات سريعة و عدم تركيز فى الشارع -7
عصبية و احتقار للذات -8

يااااه انا كنت مندمر المهم فى الوقت ده قابلت صديق قديم والصراحة عرفت منه على التنمية البشرية بس نسيت الاسم وافتكرت بس الدكتور ابراهيم الفقى ولما اخويا شكر فيه اهتميت بحثت عن النت وعرفت موضوع التنمية البشرية والصراحة اهتميت جدا اشتريت كتب و اقرا على النت واسمع فى التفلزيون اى برامج فى التنمية البشرية
وهنا كانت بداية ليا جامدة ....

فى الوقت ده رحت لدكتور تانى حكيت واتكلمت قال لى بالكلمة انت كنت تعانى الكلام ده على طول ولا الفترة دى قلت لا الفترة دى قال خلاص تبقى مش محتاج ادوية و كلمنى شوية

ومن سنة كده رحت لدكتورة اخيرة بس مش تبع وزارة الصحة فى مستشفى لا
دكتورة فى عيادة كتبت لى على سيتالو 20 مج وشوية ادوية للتركيز عشان كان عندى امتحانات

نرجع بقى لقصتى
انا دلوقتى
اقدر ابص فى عين اى حد الحمد لله
لا يحمر وشى الا قليلا
لا اتصلب فى الحركة
كلامى اصبح اكثر هدوء و وضوح
العرق الشديد موضوعه تقريبا انتهى الا قليل
خطوات هادئة وقليل من التركيز فى الشارع
العصبية قلت كتير
بعض الثقة بالنفس
وحاجات تانية

ابه بقى اللى حصل بين دى و دى عشان دول يتغيروا كده
انتظرونى بعد الفاصل :D


والباقى بعد قليل :) هاكل لؤمة ع السريع :)

رجعنا من الفاصل :))
انا فى الوقت ده زى ما قلت مخى كان بيون نفسه فى علاج
وكنت لسه ناجح بعد سنين فشل فكنت متفائل الحمد لله
المهم
عملت قوانين افرح و لاحظ اى شىء ايجابى فيك "اللى هوا انا "
ودى خلتنى احسن بكتير
وخلتنى مخافش من المواجهة لان اكيد هلاقى حاجة حلوة هعملها او عملتها فى الموقف
وبس كانت بداية كويس
بس للصراحة متغيرتش حاجة
المهم تعرفت على صديق جديد واصبحنا نخرج وكنت اتصرف كما انا الرهابى فكان يقول لى انت اغرب واحد انا شفته فى حياتى كنت ابتسم واقول انا عارف :D
وتعرفت ايضا على صديق اخر خجول ايضا وكانت نقطة تحول اخرى فى حياتى :D
الرياضة تعطى ثقة بالنفس جميلة للولد والبنت و تزود التركيز و تجرى الدم

المهم الخلاصة لان هو ده المفيد
مثلا الاحمرار تذكرت كلمة قالها لى الدكتور وهى ده جمال قلت له انا ولد و الجمال ده للبنات قال كلمة جميلة قال انت راجل و الناس هتعاملك كراجل وقالى ايام زمان كانت الناس تقرص خدها ويهزروا ويقولوا اوريك الحمار على اساس الجمال و كمان يقال "" شوف وشه مورد ازاى الصحة عال و الدم بيبوك فى وشه "" يعنى الوش المورد يعنى احمرار خفيف زى لون الورد الاحمر و الدم بيبوك يعنى طالع تمام وماشى تمام الصراحة الكلام ده خلانى اغير طريقة تفكيرى اللى خلتنى لا اخجل من الاحمرار وبالتالى ازالة القلق و بالتالى وشى الا لا يحمر واذا احمر انا اتعامل طبيعى
لان لو حتى وشى مش محمر واتصرفت بشكل غريب الناس هتستغرب و لو وشى محمر واتصرفت بشكل طبيعى الناس هتقول عادى فقلت يعنى المهم اللى جوايا مش شكلى و مظهرى المهم دى كمان كانت نقطة فيا اتغيرت ....

وبقيت ابرمج نفسى
مثلا الناس بتقول عليا كويس او محترم وبالذات كلمة محترم
ودى بقولها عشان تفكيرى ميقولش الناس بتقول عليك غريب فانا بقول لا الناس شايفانى محترم او او

موضوع النظر بالعين بصوا فى المراية كويس فى عينكوا واتكلموا فى اى موضوع
بشرط ان تكون بتبتص فى عينك كويس العين و بتتكلم فى اى موضوع
ده تدريب جميل
بالاضافة للبرمجة يعنى مثلا الاحترام انى ابص فى عينه
ودى بقولها لما مخى يقولى متبرأش فى عين اللى قدامك او اى حجة من دول

بصوا وهكذا يوم فشل يوم نجاح لحد الحمد لله ما اتغيرت من 75 % من الرهاب

حاليا باخذ دواء عشان يساعدنى اقضى على النسبة الباقية مع العلاح السلوكى اللى بعمله لنفسى

انا طبعا جبت المفيد ومستعد اجاوب على كل استفساراتكم
او تجاربكم
لكن صدقونى الايجابية مفيش احسن منها للعلاج

الجميل فى حكايتك يا يوسف انك بتتعامل بإيجابيه
ودى اهم حاجه من وجهة نظرى