ياجماعه ليش مو كل واحد يقول شى جميل وفيه تفائل رجاءا كل واحد يدش يقول كلام حلو ومطمئن وراح ابدى فنفسى ياجماعه انا كانت حالتى قويه حيل وشفت ايام سوده الله يعلم فيها بس باصرار وعزيمه قويه والله العظيم من غير دواء خفت الحاله معاى حيل ولله الحمد كل ماتجينى الحاله اكتشف طريقه جديده للتخلص منها وكل ماتجى ادور على طريقه جديده والقاها بفضل الله صدقونى ياجماعه بعد الظلام نور وبعد الالم راحه لاتنسون كلام الله سبحانه وتعاله ( إن مع العسر يسرى) لاحظو الكلمه مع العسر سيرى مو بعدالعسر يسرى لا معاه مع العسر راح تلقى اليسر تفائلو ولاتياسو لاتقنطو من رحمه الله سبحانه وتعالى
ياريت الكل يدش ويقول الى عنده

عذرا اخى صلاح ..فقد تصادف مرورى على موضوعك اليوم وكنت فى :frown::frown::frown:غاية الاكتئاب ،فأردت الفضفضة ..عذرا مرة اخرى ان كان كلامى قد اصابك باحباط ...وطبعا الامل دائما موجود ,,,والله المستعان

بالعكس عطر الياسمين انا سعيد بمرورج وانا ماقصدت بكلامى اى موضوع بس حبيت ان نغير شوى مره نقول تفائل ومره نقول الى الى فينا وبالنهايه كلنا نكمل بعض ونفيد بعض صدقينى انا بهالمنتدى قلت كلام الى يقراه يتحبط بس لله الحمد لقيت الى يخفف عنى وانا بدورى احب اخفف عن الى يقرون المواضيع كل مره قولى الى تبينه وراح تلقينا فظهرك ونساعدك مثل ماساعدتونى الله يساعدنا يارب كلنا

السلام عليكم ورحمة الله
اخوي صلاح واختي عطر الياسمين والي جميع الموجودين سلامتك وماتشفون شر بأذن الله
صلاح كفو ياخوي انك تقاوم من غير لاتستخدم الادويه والله انك بطل 00 قاوم الهلع والوسواس واذكر الله دائما وترا ان شاء الله ربك بيفرجها بأذن الله
والله ياخوي مرت علي ايام سوده الله لايوريك ببدايت المرض والحمدلله والله احسن من قبل الحين ولله الحمد 00 لازم

والله يا اخ حسن كلنا مرت علينا ايام سوده تتمنى اى حل يطلعك من الى انت فيه اى حل بس الحمدالله والفضل لله ان الله هدانى لدكتور جيد وساعدنى والله فى اوقات ادق عليه اطلعه من البيت واخذ الجلسه بالسياره اهيك عن التلفونات كل ساعه اتصل فيه وماقصر يرد على ويهدينى والحمدالله ساعدنى وقالى لاتاخذ دواء لانه اذا قدرت تقاوم راح تعدى هالمرحله وتكون اقوى من قبل والله كنت اموت باليوم مليون مره بس الحمدالله المرحله السوده عدت والله يعينا على المرحله الجايه انا الحين عندى مشكله مع النوم ما انام كثير بس قاعد اقاوم واحاول انام تدرى افضل شى استفدته من هالحاله التقرب لله سبحانه وهذا فضل الابتلاء

ياجماعه منو قالكم انى متحبط ترى فهمتو الموضوع غلط انا لما كتبت هالشى ماكان قصدى احد بس حبيت نغير شوى نتفائل وليش لا انت تمون ياخوى

الحمدلله علي كل حال : ليش ماتقرا المعوذات قبل النوم اذا وسوسلك الشيطان او حسيت بيضقه اذكر الله والله ياصلاح انا اقعد من النوم مرااات واقعد افكر بشغلات مالها داعي افكار خوف في خوف بس الحمد لله الله وفقني وسمعت شريط لي الشيخ خالد الجبيري يقولك الاستغفار يبعد الوسوسه والهم والضيقه :
الاستغفار تقول : استغفر الله الذي لا اله الا هو الحي القيوم واتوب اليه :
والله اني اصحا متضايق وخايف واقعد اقولها اكثر من عشر مرات احس ينشرح صدري وبهدوء وارجع انام 00 جربها صلاح

شورتك وهداية الله بجربها احنا فى شى ماجربناه :)

صلاح ممكن تقولي اسم دكتورك الي يرد عليك بالتلفون انا دكتوري سعره غالي حيل وما احس استفد بشي منه بصراحه ماودي اضلمه اهو مجتهد يخفف عني شوي بس صغير بالسن 00 المهم احس كلش مو مستفيد من الجلسه عنده

انت بالكويت ولا السعوديه

بالكويت اخوك حسن 2010 كويتي ( :

والله والنعم اسم الدكتور سيد الرفاعى روحله وادعيلى قوله من طرف صلاح بس مادرى لو يسمحون المنتدى احط رقمه ولا عنوانه ولا لا ياريت احد يفيدنا من المشرفين

ماعليك زود تسلم : تصدق اول مره اسمع في اسمه 00 انا اعالج في عيادة كاظم ابل فيه دكتور اسمه رعد الله يجزاه خير هو الي يعالجني سلوكي ونفس ماقلتلك فوق 00 ماكو تحسن علي حالي

روح حق سيد الرفاعى وراح تلقى طريقه علاج مختلفه تماما عن اى دكتور رحتله من قبل صدقنى راح ترتاح معاه وهالكلام ما اقلل من الدكتور الى انت تعالج عنده مع انى ما اعرفه بس الدكتور سيد ممتاز اهو مصرى مو كويتى بس ماشاء الله عليه مدريه بعلم النفس وعنده دكتوراه بعد

ممنوع وضع أرقام الهواتف أرجو الالتزام بقوانين المنتدى
تحياتي للجميع

الله كريم 00 ان شاء الله اروحله والله يكتب الي فيه الخير
صلاح عزيزي مثل ماوصيتك لا حطيت راسك علي المخده اذكر الاتستغفار وان شاء الله بتنام من غير قلق
انا الحين بحط راسي وانام شوي احس بدوخه من النت ههههه ماتامر بشي عزيزي

ان شاء الله باخذ بنصيحتك وماقصرت ونوم العوافى ان شاء الله تصبح على خير

وانت من اهل الخير : في امان الله

صباح الخير على الجميع شلونكم شخباركم ان شاء الله تكونون بخير
انا الحمدالله اليوم انا افضل نمت 6 ساعات صحيح كل شويه اصحى من النوم خايف بس الحمدالله افضل اتمنى من كل قلبى ان الكل يصير افضل يارب
شاركونا وخلونا ندردش دشكو كلكم وتكلمو التعبان والمرتاح لازم يتكلم ونشجع بعض :)
اتمنى للاخت نفسى ارجع راحت البال والله يوفقها بالشغل بكره

وينكم الكل يدخل ويقرى ومايعلق دشو ياجماعه تكلمو لاتصيرون سلبيين

ياجماعه ملل وفراغ وهالشى اهو الى يخلينا نفكر بالمرض الله يشافينا يارب مادرى شسوى فهالملل

أخي صلاح تواجد الأعضاء أكثر شيء في المساء

و بعض منهم لديهم عمل والبعض الآخر مشغول مع العائلة


أخوك موجود قول اللي نفسك

كفو والله ياخوى بس يا اخى لما تروح النوبه احس انى موطبيعى احس كانى مو انا لانه مومضايق مادرى احساس ان مدام انا زين اكيد فينى شى انت شرايك

امين اجمعين يارب

عادي اخوي بس قد ما تقدر طنش ادري صعب بس عقب فترة يصير عادي

وشغلة ثانيىة دائما ناقش افكارك بثقة لا بخوف

حمد الله على السلامة مطول الغيبة

أطال الله عمركِ حبيت أسلم

يسعد ضباحكم شباب كيف الحال؟
كيفك اليوم اخي صلاح ؟
الحمد لله على سلامتك و عودتك اخي شباب ضايع

هلا اختى ملكه انا الحمدالله احسن بصراحه كل يوم احسن من الى قبله ترى على فكره اختى انتى حالتك قريبه من حالتى وطريقه العلاج وحده حتى انا ما اخذ دواء

صباح الخير على الجميع شلونكم ان شاء الله بخير
انا صحيت من النوم مزاجى مو حلو والرجفه فجسمى مادرى ليش

ياجماعه احس الرعشه فصدرى صدرى يرجف فيدونا الله يجزاكم خير

صباح الخير ابو عبدالله : عسا ماشر ليش تحس يرجف صدرك متضايق ولا يمكن مو نايم عدل امس

هلا بوعلى والله ياخوك جم يوم انا مو قاعد انام عدل مقطع النوم بس الرجفع هذى متعود عليها بس كانت زايده ياخوى ومزاجى مو حلو شوى الله كريم

الضاهر ارهاق بجسمك من قلت النوم هاذا اللي مخليك تتعب 0 ومزاجك متعكر يمكن من القعده الصبح والدوام شوي تصل الضهر جماعه بالوزاره اللي انت فيها وبتعدل المزاج بأذن الله

الحمدالله على كل حال الله يسهل ان شاء الله

ان شاء الله ربك يفرجها ماعليك شر ان شاء الله