|
ايه كوابيس تقهر وتطفش دايم حروب وناس مقتوله ودايمم احلم اني اطير او حيونات اخرها العام وبعدها رجعلي الهلع وكنت مهمله ادعيه النوم يعني اقراء المعوذات بس مو دايم بس الحين اقراء المعوذات والادعية وانام على صوت الرقية الشرعية وهذي رقية الشفاء والسكينة انصحك بسماعها اثناء نومك :-
http://www.roqyahvoice.com/ccount/click.php?id=30 وهذه ايات السكينة لكل من يعاني بالقلق أو ضيقة صدر والرعشة وشيء من هذا القبيل بأن الله ينزل السكينة على صاحبها ويشفيه بأذن الواحد الأحد الفرد الصمد وذكر قصة بأن هناك رجل كان يعاني من مرض نفسي أو شيء من هذا القبيل وقال له : إقرأ هذه الآيات فسينزل الله السكينة عليك فلما داوم عليها شفي من هذا المرض بأذن الواحد الأحد ( حتى بدون الأدوية ) فلا تبخلوا على أنفسكم هذا الأجر والعلاج في نفس الوقت عسى الله أن ينفع بي وبكم وإليكم الآيات : "](وَقَالَ لَهُمْ نِبِيُّهُمْ إِنَّ آيَةَ مُلْكِهِ أَن يَأْتِيَكُمُ التَّابُوتُ فِيهِ سَكِينَةٌ مِّن رَّبِّكُمْ وَبَقِيَّةٌ مِّمَّا تَرَكَ آلُ مُوسَى وَآلُ هَارُونَ تَحْمِلُهُ الْمَلآئِكَةُ إِنَّ فِي ذَلِكَ لآيَةً لَّكُمْ إِن كُنتُم مُّؤْمِنِينَ ){البقرة :248} ( ثُمَّ أَنَزلَ اللّهُ سَكِينَتَهُ عَلَى رَسُولِهِ وَعَلَى الْمُؤْمِنِينَ وَأَنزَلَ جُنُوداً لَّمْ تَرَوْهَا وَعذَّبَ الَّذِينَ كَفَرُواْ وَذَلِكَ جَزَاء الْكَافِرِينَ ) {التوبة : 26} ( إِلاَّ تَنصُرُوهُ فَقَدْ نَصَرَهُ اللّهُ إِذْ أَخْرَجَهُ الَّذِينَ كَفَرُواْ ثَانِيَ اثْنَيْنِ إِذْ هُمَا فِي الْغَارِ إِذْ يَقُولُ لِصَاحِبِهِ لاَ تَحْزَنْ إِنَّ اللّهَ مَعَنَا فَأَنزَلَ اللّهُ سَكِينَتَهُ عَلَيْهِ وَأَيَّدَهُ بِجُنُودٍ لَّمْ تَرَوْهَا وَجَعَلَ كَلِمَةَ الَّذِينَ كَفَرُواْ السُّفْلَى وَكَلِمَةُ اللّهِ هِيَ الْعُلْيَا وَاللّهُ عَزِيزٌ حَكِيمٌ ) {التوبة :40} ( هُوَ الَّذِي أَنزَلَ السَّكِينَةَ فِي قُلُوبِ الْمُؤْمِنِينَ لِيَزْدَادُوا إِيمَاناً مَّعَ إِيمَانِهِمْ وَلِلَّهِ جُنُودُ السَّمَاوَاتِ وَالْأَرْضِ وَكَانَ اللَّهُ عَلِيماً حَكِيماً ){الفتح :4} ( لَقَدْ رَضِيَ اللَّهُ عَنِ الْمُؤْمِنِينَ إِذْ يُبَايِعُونَكَ تَحْتَ الشَّجَرَةِ فَعَلِمَ مَا فِي قُلُوبِهِمْ فَأَنزَلَ السَّكِينَةَ عَلَيْهِمْ وَأَثَابَهُمْ فَتْحاً قَرِيباً ) {الفتح : 18} ( إِذْ جَعَلَ الَّذِينَ كَفَرُوا فِي قُلُوبِهِمُ الْحَمِيَّةَ حَمِيَّةَ الْجَاهِلِيَّةِ فَأَنزَلَ اللَّهُ سَكِينَتَهُ عَلَى رَسُولِهِ وَعَلَى الْمُؤْمِنِينَ وَأَلْزَمَهُمْ كَلِمَةَ التَّقْوَى وَكَانُوا أَحَقَّ بِهَا وَأَهْلَهَا وَكَانَ اللَّهُ بِكُلِّ شَيْءٍ عَلِيماً ){الفتح :26} للمــــزيد تفضل هنــــا مع آيات السكينة |
اقتباس:
الله يسعدك دنيا واخره ويشفيك والله ردودك تريحني طيب انا احلامي بشكل ثاني احلم بناس اموات واحلام غريبه ارقام وتواريخ وهذي اللي تخليني اوسوس اما الحيوانات اول كانت تجيني كثير وخاصه الجمال لاكن الحين الحمدلله خفت وصارت تجيني احلام غريبه وبعدين اي شي اشوفه قبل النوم احلم فيه يعني شي غريب مدري كيف اشرحه |
طيب هل تشك انه ممكن يكون سحر ؟؟؟
|
اقتباس:
والله يمكن .. لاني قبل اسبوعين رحت لشيخ وقلت له الاعراض كلها وقال ربما يكون عندك سحر مأكول او مشروب ..! بس مشكلتي اني ما تأثرت من قراءة الشيخ ؟ فهل اتأثر من اول مره او بعد فتره من الاستمرار ؟ مع العلم اني ما استمر اروح مره او مرتين واطنش شهرين |
طيب فيه علاج ممتاز ويبي صبر اذا تبي العافية والرضا من الله وزواج سعيد ان شاء الله تقول تم احط العلاج تتردد خلاص ماراح ارد ؟؟
|
اقتباس:
اكتبيه يمكن ينفع معي باذن مع انه مجرد سبب والشافي الله والله اللي يخوفنا اكثر انه ياثر ع زواجي او فيه ناس قاصدين ياذوني :( |
هو قراءة سورة البقرة 40 ليلة كاملة وفي وقت واحد ما تاخذ معك وقت اقل من ثلث ساعة يعني نصف ساعة وزيادة عليها 8 دقايق بس ووالله العظيم انه عجب عجاااااااااااااب سبحان الله واخر الايام راح تظهر لك علامات الشفاء ان شاء الله واهم شئ انه تم .
|
اقتباس:
واليوم وانا اقراء مدري وش جاني حسيت يدي اليسار تهتز خفيف مدري صدق او اتوهم |
لا صدق شئ عادي انا زيك تهتز يدي اليسار واحيانا كلهن وعندي مس (اقتران شيطاني) مع عين وحسد وكنت اظني مسحورة :24hu8:
والحمدلله على كل حال اي شئ فيه خير يردني عنه وانا احاربه صمت البيض وتعبت تعب مايعلم به الا الله البارح نمت نومة اغماءه ويوم افطرت على 7 تمرات عجوة وشربت ماء زمزم صحت وبكيت وانهرت وتعبيت بس لازلت انتظر الشفاء ومع الدعاء والصدقة كل شئ يزول ان شاء الله اخي تصدق بصدق حارية اما صدقة ماء من حفر ابار او بردات او كفالة يتيم او طباعة مصحف يكون لك وقف طول عمرك ويرفع عنك البلاء . |
اقتباس:
والله انا قالو نفس وقالو مس واخر شيخ قالي سحر ماكول او مشروب وكل شي مطلعين فيني بلا اي والله الحمدلله ع كل حال المؤمن مبتلى وياليتك تحاربينه ولاتفكرين انك تضعفين اصلا يقولون كل ما اشتد البلا فهذا يدل ان الفرج قريب :) الله يتقبل صيامك انا من فضل ربي اتصدق لاكن افكر في كفالة اليتيم من مبطي وهالفكره براسي وباذن الله اسويها |
الله يوفقك ويساعدك .
|
اقتباس:
آمين وياك :) |
اقتباس:
انا كمان احلم متلك و الاحلام مسويالي وسواس و طول اليوم افكر يعني ممكن تكون هادي الاخلام من الشيطان لانها تيجي مخربطة و كمان انا نومي مقطع كثير؟؟؟ |
اقتباس:
ايه اكيد من الشيطان ومن الحاله النفسيه فلذلك انصحك تطنشين لاني مشيت مع الاحلام وتعبت كثير ولاتفسرين ولاشي توكلي ع الله وان شاء الله ترتاحين اما عن النوم انا نومي مقطع واحيان نوم خفيف ع اقل صوت اصحى واحس اني ما نمت |
اي تغيرات دونها هنا اذا سمحتلنا ؟
|
اقتباس:
ابشرك اليوم نمت نوم زين مع اني صحيت مره او مرتين بس حسيت نومي عميق ويالله لك الحمد بدون كوابيس اذكر كذا حلم بس ماهي واضحه احسها خرابيط يعني فيه تقدم بالحاله وبعدين صحيت مروق بالعاده اصحى طفشان اخلاقي قافله .. يالله لك الحمد ياربي ..والله يجزاك خير اختي حنين ع الاذكار اللي كتبتيها لي |
الله يعينك يا أخوي ويعيني
وش أقول أنا عن نفسي حلمت 3 أحلام كلها تفسيرها عند ابن سيرين الموت وقرب الاجل وقبل شوي كنت في قسم تفسير الأحلام وكنت ناوية بفسرها قلت بنفسي يمكن أفسرها ويطلع التفسير زين وأنسى الموضوع شوي قلت لا أكيد تفسير ابن سيرين هو الصح والمشكلة 3 أحلام مو واحد وكلها نفس التفسير الموت ودنو الأجل |
اقتباس:
اقتباس:
لابد للمعبر من سماع الرؤية ومعرفة تفاصيل حياتك والا سوف يكون التعبير خطاء وكذلك الحلم الذي يحزن هو من الشيطاااااااااااااان . |
اختي حنين
جزاك الله خير على ردك ونفس الحكي اللي قلتيه أحياناً أفكر فيه أقول بنفسي تفسير الحلم مو كذا لازم المفسر يعرف تفاصيل الحلم وارتاح شوي بعدين يرجع لي الخوف وأقول بس أنا مو حلم واحد 3 أحلام كلها تفسيرها الموت أكيد هذا تنبيه من الله . وواحد من هالأحلام فسرته عند شيخ وطلع التفسير مرة مختلف طلع التفسير : تعانين من هم وتعب ومشكلة وارتحت لأني معاي نوبات هلع وقلت هذا معنى الحلم بعدين قريت في النت إن المفسرين ما يعلمون بتفسير الحلم إذا كان معناه سيء ضاق صدري وقلت أكيد تفسير حلمي شين بس ما قال لي مع إني قريت مواضيع لمفسرين أحلام يحذرون من تفسير ابن سيرين بس ما اقتنعت خلاص تفسيره ثبت في بالي آسفه أخوي شلهوم واعذرني إذا حست عليك الموضوع وش أسوي ما عندي أحد بعد الله أشكي له |
اقتباس:
اول شي تفسير ابن سيرين مو شي اكيد او معتمد والشي الثاني كل رؤيا تختلف ع حسب الشخص والزمن والمكان فلذلك لا تعتمدين ع تفسيرات كتاب ابن سيرين والشي الثاني انا قريت كلام يمكن ريحني وان شاء الله يريحك اللي هو (لا رؤيا لخائف) يعني يمكن هالاحلام بس حالتك النفسيه اللي انتي فيها واذا بترتاحين اكثر فسري عند شيخ موثوق مع اني انصحك بعد التفسير بس قلت فسري لاني ابيك ترتاحين وبعدين الرؤيا من الله وتكون مبشره وفيها خير اما الباقي يندرج تحت حديث نفس -حلم اللي هو من الشيطان |
اقتباس:
والله ياسحر اننا معيشين انفسنا في وهم اذا شفتي حلم مو زين لا تفسرينه نهائي اتبعي كلام الرسول صلى الله عليه وسلم إن مَن رأى رؤيا تسره فليحدِّث بها عالماً ناصحاً، وإن رأى رؤيا تحزنه فلا يحدِّث بها أحداً، وليتفل عن يساره ثلاثاً، فإنها لن تضره ركزي ع اخر كلمه فانها لاتضره يعني هذا كلام الرسول صفوة الخلق يعني ماراح تضرك بأذن الله اذا اتبعتي حديث الرسول صلى الله عليه وسلم لاتتعذرين ولاشي كلنا هنا اخوان نوقف ونساعد بعض :) |
الله يعينك اخوي شلهوم والله اني حاسه فيك لاني اعاني من وسوسة الاحلام
الحمد لله على كل حال لا وطالع لي شي جديد صرت اذا قمت من النوم وانا على سريري استرجع احلامي واقعد اتذكرها وارتاح اذا مافيها شي يخوف بعدين اقعد اوسوس كني حلمت في شي غريب عن الموت ولا شي وارجع اخاف اقول يمكن حلمت ونسيت والله مدري وش يصير فيني عاد انا افكر اروح لدكتوره نفسيه يمكن اسالها يمكن في علاج يخلي الواحد يغطس في النوم بدون احلام>>>>> احلامي كبيره هههههه واقعد اوسوس الله يشفينا يارب ونذكر ها الايام كنها حلوم ليل ونحمد ربي انها عدت ونربى عيالنا ونزوجهم ونشوف عيالهم ونشيب باذن الله ثقتي في ربي كبيره الله يشفيك اخوي ويرفع عنك ويريحك في نومك ويسعدك دنيا واخره |
مشكور أخوي شلهوم وجزاك الله خير والله يوفقك
صح أنا مرة قريت موضوع عن الأحلام وأنها تعتمد على الحالة النفسية للإنسان . بس فيه حلم حلمت فيه ماكان له دخل أبداً بالموت وأصلاً كان حلو وما كنت أفكر بشي يتعلق بموضوع الحلم قبل لا أنام وأول ما صحيت من النوم تذكرت ان تفسيره عند ابن سيرين شين ورحت أبحث وطلع تفسيره الموت . يمكن الحلمين الثانية بسبب حالتي النفسية بس الحلم هذا بيجنني . |
اقتباس:
ويعين الجميع يارب والله نفس حالتي حتى لو ما تحلمت اقعد اتخيل واقول لايكون حلم وناسيه هههههههههههه صدقيني مرضنا هذا اعتقد انه مراحل يبدا بخوف عام ثم يتحول خوف من الموت والوسوسه فيه وبعدها بالامراض وبعدها تراقب الاعراض اللي بجسمك وبعدها توسوس بالاحلام وكل شوي طالع شي ههههههههه الله يعيننا ويشفنا من هالحاله اللهم امين يارب والله يجزاك خير ع هالدعوه |
اقتباس:
العفو اختي صدقيني كل هالاحلام والاعراض سببها الحاله النفسيه والشيطان يستغل ضعف الانسان ويجيه من هالطريق ويقعد يوسوس له ويلعب فيه لعب صدقيني احلامك من مخاوفك والحاله النفسيه انتي اتبعي حديث الرسول صلى الله عليه وسلم وماراح تضرك بأذن الله اما الحلم اللي تقولين مو شرط انك فكرتي فيه ولا مافكرتي قبل النوم احيان انا اتحلم باشياء ومواقف صارت معي قبل اسبوعين انا نسيتها تماما لاكن مازلت في العقل الباطن وابو الشباب حولها لي احلام رعب ع كيفك توكلي ع الله وانسيها وانسي تفسيرها خذيها نصيحه من واحد تعمق بوسوسة الاحلام هههه يعني صرت خبره والله يشفيك ويشفي الجميع |
الله يجزاك خير أخوي شلهوم
بالنسبة للحديث الحمدلله أنا أطبقه حتى لو كان الحلم عادي لأني أحيانا أحلم بأحلام تكون عادية بس مدري ليش إذا صحيت من النوم أحس بضيقة وخوف منها مع ان مافيها شي عادية وبالنسبة لتفسير ابن سيرين أحاول أنساها وكل ما نسيتها وارتحت رجعت أتذكرها مرة ثانية والله مو بيدي بس وش أسوي غصب أتذكرها لدرجة أني صرت أفكر وش معنى دنو الاجل يعني كم باقي لي شهر شهرين بصوم رمضان مع أهلي ولا لا واحيانا استغفر الله أقول يمكن أصوم نص رمضان وما اكمله والله تعبت من التفكير أحيانا أقول يمكن أنساها وارتاح ويطلع التفسير صح وأموت استغفر الله واللي بيجنني أكثر إني محافظه على الأذكار والاستغفار والتسبيح وذكر الله وشلون يجيني الشيطان |
اقتباس:
اما عن قولة انك محافظه ع الاذكار والصلاة والطاعات بشكل عام انا بقولك شي الشيطان يحارب اللي محافظ ع دينه يبي يضعفه يبي يضعف عزيمته يبيه يفكر في اشياء ثانيه تلهيه عن الدين وبعدين الشيطان وش يبي بالشخص اللي مايصلي ولا يحافظ ع امور دينه ؟؟ وش يبي بالبيت الخرب ؟؟ فهمتي وش اقصد يعني الفاسق والكافر الشيطان وش يبي فيهم هذولي منتهي امرهم بالعكس راح يحارب المؤمن المحافظ ع دينه وهذا مايمنع انه يأذي الفاسق والكافر يعني ممكن ياذيهم لانهم مو متحصنين بالدين حتى لو شاف شخص مايصلي ولايحافظ ع الدين عادي جدا راح يؤذيه لان يمكن هالشخص فيه خير او جوهره سليم حتى لو كان مقصر (صراحه يخونني التعبير ماعرف اشرح ههه ) لاكن الزبده انتي محافظه ع دينك وراح يحاربك في كل شي وبكل ما اوتي من قووة لانه يحاول يغير وضعك او يشغلك عن الدين لاكن لاتهتمين فيه ولا في وسوسته { إن كيد الشيطان كان ضعيفا } ولاتنسين الحاله النفسيه : انتي عندك مخاوف واكيد العقل الباطن راح يفرغها ع شكل احلام يعني لاتهتمين وتوكلي ع الله اني ادري تقتنعين من كلامي شوي وبعد فترة ترجعين لحالتك الاولى والله انا كذا لاكن فكرت مع نفسي وقلت الى امتى وانا عايش بوهم ؟؟ والشي الثاني من فضل ربي تحسنت كثير والسبب سورة البقرة اقراها يوميا اقريها وجربي وباذن الله ما تشوفين شر .. والله يكتب لي ولك وللجميع العافيه |
أخوي شلهوم
الله يجزاك كل خير ويوفقك ويسعدك في الدنيا والآخرة ويريحك زي ما ريحتني بكلامك بس عندي سؤال تحملني شوي تنصحني أفسر أحلامي والا اتركها |
اقتباس:
اللهم امين شوفي انصحك ماتفسرين لان حالتك النفسيه تعبانه شوي وعشان كذا ماتفرقين هذا من حالتك او من الشيطان او رؤيا وقلت لك اول اتبعي حديث الرسول صلى الله عليه وسلم وبأذن الله ماتضرك عادي اسئلي اللي تبين كلنا هنا نساعد بعض ومانبي الا الدعاء واسئل الله ان يشفينا جميعاً |
لا أخوي أنا أقصد أفسر الاحلام
اللي فسرتها من تفسير ابن سيرين ودي أفسرها عند مفسر أحلام ودي ارتاح مع إني أقول في نفسي يمكن ما يفسرونها صح يمكن يعطوني تفسير حلو ويطلع تفسير ابن سيرين هو الصح |
اخي شلهوم مشكلة التعب بعد النوم او الاحساس انك ما نمت حتى لو نمت 9 ساعات هي ان العقل الباطن اللي شغال عندك ومشغل جهاز الانذار و الخوف ما ينام و يضل صاحي عشان هيك انت ما اتحس انك نمت و اتنام واتقوم بنفس الفكرة اللي نمت فيها جهاز الانذار هاذ جهاز غبي ما يفهم انك ما عندك خطر لان انطبع فيه على مدى فترة طويلة انك ما انت مرتاح و تنتظر خطر يمكن يجي عليك باي وقت فانت اتنام وتصحى و انت بنفس المشاعر
|
اقتباس:
طيب فسريها عند واحد ثقه اذا ودك ترتاحين لاكن قبل تفسرينها قولي له حالتك الصحيه |
اقتباس:
طيب اخوي ماله حل هالعقل الباطن ؟ اتوقع شغال معي 24 ساعه والله احيان احس اني لا نايم ولاصاحي وكاني افكر واتخيل والمشكله افكر واتخيل اشياء تخوف ولما اصحى اقول هذا حلم ولا وش السالفه |
أخوي شلهوم أسأل الله العظيم رب العرش العظيم
أن يشرح صدرك ويسعدك وأن يجعلك ممن طال عمره وحسن عمله وأن يرزقك الفردوس الاعلى . مشكور اخوي والله يجزاك خير |
اقتباس:
|
شلهوووم ايش اخر اخبارك مع الأحلام وتفسيرها ؟ عرفت تتأقلم ؟ طبقت اللي أنا وغيري نصحك به ؟ اذا طبقته كيف نفسيتك أحسن ولا لأ؟
|
اسمع شلهوم انا من يوم مابداء الهلع فينا انا كل يوم احلام وكوابيس اشكال وانواع من كل الي يخطر في بالك بس انا اطنشها ولاافسرها وولاحتى اقول لحد اني ا حلم حتى لو خوفتني احاول انساها الله يعين لازم تكون قوي ولا بيحصل الا الي الله كاتبه لك وقبل ماتنام نام على وضوء لاتنسى اذكار النوم سوره الملك صلي ركعتين وادعي ان لاتجيلك احلام مزعجه وربك كريم
|
اقتباس:
هلا وغلا .. الحمدلله خفت شوي اول كانت يومياً لاكن بعد استمراري ع قراءة سورة البقره خفت بشكل كبير يعني فتره ويجي كابوس وان شاء الله تنقطع وارتاح منها واشكرك ع سؤالك يالغالي واهتمامك |
اقتباس:
هلا وغلا .. ابشرك خفت كثير بفضل من الله ثم سورة البقرة وبعدين اكتشفت ان سبب حالتي روحي والدليل رحت لشيخ ودخت عنده يعني تاثرت اول ما كنت اتاثر بس الحمدلله تاثرت وان شاء الله استمر عنده لما اتعافى |
قريت الموضوع مرة ثانية وكرهت نفسي أعوذ بالله سويت لك إزعااج
أنت فاتح الموضوع تبغى أحد يساعدك وأنا نشبت لك بأسئلتي آآآسفة .. أخوي شلهوم جزاك الله خير والله يوفقك ويسعدك ويهنيك ويشفيك و يعافيك ؛؛ وآسفة مرة ثانية |
| الساعة الآن 03:39 AM |
Powered by vBulletin® Version 3.8.11
Copyright ©2000 - 2025, vBulletin Solutions, Inc.
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.
المواضيع المكتوبة لاتعبر بالضرورة عن رأي الموقع رسميا