اخوي الله يشفيك ويشفي كل مسلم
يخي فيه شي يسمونه تنسيم في الراس ومستحيل تكشفه المستشفيات
صار لولد عمي بسبب انه دخل مكان العمل ووقت الظهر وكان التكييف عاالي مره
وسوا تخطيط مخ واعصاب والمطاوعة يقولون هذي جنيه وكان يربطونه ويقول ياناس مافيني شي
المهم راح لعجوز في الخرج وقاست راسه وقالت انت عندك فتحتين او ثلاث في الراس وسوت له صبخة
ادري انك كاتب تعليق انك سويت الصبخات بس مانفعت من اللي شافك وهل في الراس شي ولالا
اذا تبي تروح لها قلي اجيب لك عنوانها

السلام عليكم

بشرنا اخوي ايش طلع عندك او وش العلاج الي استخدمته ؟ معي نفس حالتك بالضبط

السلام عليكم

اخوي يعلم الله قد ايش تبهذلت لين لقيت واحد زيي و مثلي !

ما بطول بالمقدمات كلنا المرض اتعبنا

اخوي قبل 5 شهور كنت تمام و كل شي و انا شخص رياضي و امارس الرياضة يوميا
فجاة جاني شد بالرقبة و بعده بيومين شد بالراس " كانه شد بفروة الراس " و من خوفي
قمت اقرا بالنت ! وودتني لين حالة الورم بالدماغ و العياذ بالله ! و من بعدها انقلبت حياتي عقبا على عقب

الام بالعضلات و رعشات في الجسم زي النفضات
كل يوم مكان جديد لكن اكثر مكان هو الظهر و تحت الراس و تحن الرقبة !
و احيانا دوخة و عدم اتزان و هز بالراس و صوت الكهرباء بالراس الي هو ازيز !

رحت ل3 دكاترة عظام شافو x-ray و قالولي مافيك شي
سويت اشعة مقطعية ووريتهم قالولي مافيك شي
و سويت مقطعية للمخ و قالولي مافيك شي ،، ماصدقتهم وديتها لطبيب اخر و قلي مافيك شي
استغربت طيب الصداع و الدوخة و عدم الاتزان ؟
رحت ل4 انف و اذن وحنجرة و كلهم يقولولي مافيك شي
طالبتهم باختبارات السمع و الاتزان و الحمدلله سليم
قلت شكله شي ضاغط بالجمجمة او ورم ومو عارفين يشخصوه
رحت لعيون و سوا فحص للعين وضغطها و قلي مافيك شي و نظرك تحسن و غير نظارتك !
رحت باطنية و سويت فحص لكل شييييي ! الحمدلله سليم و نقص بفيتامين د ! و طبعا كل الدكاترة يقولولي دكتور نفسي

رحت لواحد يقلي معاك قلق و شد اعصاب كتبلي سيبراليكس

اخوي المشكلة

يجي الم بالظهر تختفي الدوخة و عدم الاتزان
تروح الام الجسم تجيني الدوخة و عدم الاتزان

صوت الازيز يشتغل بنص اليوم
اول ما اصحى يكون مافي !

العضلات نفضات و الام اسفل الكتف غريب !

والله تعبت ياخوي ،، الله يشفيك و يشفينا و يشفي مرضانا
والله النعمة مافي احلى منها والحمدلله على كل حال

وش اكتشافاتك ؟ ايش حسيت الدواء المريح ؟ ايش الاسلوب المريح ؟
انا احس يوم انام زين و اصحى تخف كثييير و ترجع بنص اليوم

و ايش نوع الطنين حقك اخوي ؟ ازيز صح ؟

فضفضلي الله يرضالي عليك والله تعبت و ما صدقت لقيتك
انا ماني مريض نفسي وربي
عمدي فوبيا من الطيران و كم شي بس مو لدرجة مرض نفسي !

اشكر وقتك الثمين

والله يشفينا و يعافينا

طمني حبيبي الله يخليك

مرحبا يااخوي هذي الاعراض اللي تقولها اعراض جسميه ونفسيه وانا مثلك كانت بدايه بالبطن مو بالرقبه لين مامسك معاي الاكتئاب وصار يجيني الم بظهرب وكتوفي ولساني يتخدر ويثقل وخلاص كرهت كل شيء نصييييييحه لوجه الله ابدأ بالرقيه الشرعيه ولو ماتحسنت عاد خذ السيبراليكس وعادي لو تجمع بين الاثنين وبالنسبه للسيبراليكس نفع اغلب الناس وكثير يمدحونه يريحهم وحتى لو استخدمته سنوات مايضرك بس تكفى انك تبدأ بالرقيه وخليك حريص اشد الحرص عالرقيه وحده مثل حالتنا وعالجت نفسها بالرقيه وتشافت ماشاءالله ولاطب فمها حبة دواء

هلا اختي محبة

الله يمتعك بالصحة والعافية و مايوريكي مكروه

طبعا كلنا مقصرين بالدين مهما فعلنا ،، انا ما اترك الاذكار ابدا خصوصا الصباح
لكن باجرب الرقية باذن الله

نسال الله ان يشفينا و يشفي مرضانا و مرضى المسلمين