|
مايامر عليك عدو
ههههههههههههه ياعمري عليه الله يسعده ويخليه لك ولامه انشالله |
هههههه
في انتظار عودتك |
مادري ليه حاسه بضيقه احس مافي امل
حاولت مية مره اتفائل ببس ماقدر احس اكذب على نفسي . وان مشكلتي مالها حل وان الي اسويه بدون فايده كذا احس الحين |
السلام عليكم ورحمة اللّہ وبركاته مساء الخير اخوي ماقدرت اجيب الادويه الصيدلي رفض يديها اخوي بحكم انو صغير وانا مازلت احاول اجيبها واذا انك تقدر ترسلي الادويه فين اكتبلك معلوماتي اعتقد هنا ماينفع وربي يجزاك كل خير على المساعده اللي تقدمها لنا انشالله تكون بموازين حسناتك ورفع ابتلاء انشالله. |
سلامة قلبك ي أحلام
لاتشيلي هم أختي، هذا احساس يجي في البداية بسبب اختلاط احاسيس الألم الموجودة مع رغبة الخلاص الشديدة والأمل الكبير اللي لسة ماشاف اي نتيجة لاتخافي غاليتي ، هذا الشعور بيروح وبترتاحين ان شاالله كتبت لك بريدي الاليكتروني، اكتبي لي هناك اسم اللي بيستلم الطرد ( فيديكس) سواء انتي او غيرك، ورقم التلفون اللي بيتصلوا عليه، الجوال طبعا والا قولي لي اذا عندك طريقة ثانية تناسبك وانا حاضر وامانة ي أحلام تكلمي معاي ( اطلبي، آمري، اقترحي) كأنك تكلمي أخوكي |
احس مالي مكان بينهم هم يتانسون اكثر بدوني
اشوف ايامهم كلهاتصبح سعاده بدوني تعرف. اذامالك مكان بين اهلك وين بيكون مكانك افضل ترحل عن الدنيا عشان يعيشون ويرتاحون بدونك صح دامهم يستانسون اكثر بدوني وربي مااتكلم ولا افتح فمي بحرف حتى ماسرت اعرف اتكلم ومع هذا كل مانزلت صدفه اسمع السب والدعاء طيب والله واله ماسويت شيء حتى ماتكلمت اشوف ان مالي اي مكان بينهم أنا تعبت من كثر ماابتسم واضحك لاشفت ناس ولا جاتنا أختي والله تعبت من كثر مااضحك وويدي ابكي تعبت من الاهل اللي موهامهم شيء ابي اسير انسانه ماعندها احساس عشان محد يضايقني او يجرحني بكلمه ابغى قلبي يسير مثل الحجر عشان مايهزونه بكلمه وحده وربي ماعدت ابي الدنيا ولا الناس ابي بـس اموت وارتاح لاني بفتك منهم ومن العيشه معاهم. اقول ليتني ولد كان ماقدرو يسوون شيء كان قدروني واحترموني اقل شيء كان قدرت اطلع من البيت وافتك منهم والله خانقيني لابعد شيء ماعاد اتحملهم اكثر من كذا لو بيدي كان مت وافتكيت منهم قسم بالله ماعاد فيني صبر. تدري انـي مجنونه حتى وانا بقمة حزني وضيقتي إذا احد كلمني ابتسمله مابيه يضايق اسعد الناس ونفسي مو قادره اسعدها.أنا مادري ليه يحبون التجريح ياخي أستغرب يعني لو كانو مايبغوني ليه جابوني ع الدنيا انت تدري ذالتني فإنها ماسقطتني .مادري اش يـبـغون . حسبي اللّہ ونعم الوكيل .نفسي اريح عمري ومو عارفه شلون . [SIZE="5"][/SIZE |
يـاخـوي مـدري اش اسوي منهـااره حـييييل منهـاااره
دوبوابـويا مخاصمني طبعا انت عارف انو لنى. فتره محد يكلمني المهم جاني يخاصمني طبعاانا مستمعه بـس ماردعليه انتي بكامل قواك العقليه ولا انجنيتي ؟ انتي مريضه لومومريضه كان ماتسفهيناعشان. ماتشتغلين.حاط براسه أنـي سافهتهم عشان مايطلبون مني اي شغله مع أنـي مسويه شغلي انالواهينك واذلك تاكلين تراب وتسمعين الكلام المهم وسبات مثل كذا وأزود بـس تدري شاللي قهرني يقولي تبين اوديك ملجأ ترا عادي اوديك يقصد يرميني بدار رعايه انابنته اللي بسبته ع الدنياطلعت يقول كذا والمشكله ليته يكذب او بـس استهزاء لا والله يقولها من جد تدري. ع طول اذكرت سالفه سواها لي وانا في 3متوسط كنا في المدينه المهم قالي برميك عند التكارنه وسيري بنتهم احسن ........مادري اش اقول يدل انه يبغاني مثلا احـس وده يفتك من وجهي . سرت اكرهه اكره اشوفه حتى خوفي منه يزيد يوم عن يوم تدري احـس مافي حل غير أنـي اموت هم يريحون وانا ارتاح سالني قالي يقال بترتاحين إذا ماكلمتينا هـه انتي الخسرانه قلتله ايه مرتاحه وفعلا ارتحت من مشاكلهم بـس هم مايبون يريحوني كل يوم يجيبون هم جديد وشكهم اللي ماله مبرر كل يوم تسمع سوالف الحريم وطبقها علي كل همي ماطيح في الشك اللي هم شاكين فيه والله أنـي تعبـتت ... قلـي شسوي الحين معاهم كيف اتصرف ؟ طيب تعرف طريقه تساعد ع الإسترخاء اعصابي جدا تلفانه تتوقع لو هربت منهم بعيـيش؟ ki8ds4 |
اقتباس:
العلاج راح يساعدك كثييير واصبري،، لا تستعجلي،، لك شهور ويمكن سنين على هالحال ما أقلل من معاناتك لكن صدقيني أشياء كثيرة بتتغير فيكي وبالتالي فيهم ما أدري كيف اشرحلك اياها ولو شرحت ما راح تستوعبيها وانتي في حالتك هذي من الاحباط او الضيق الله يسعدك،، ماتحتاجي غير تبدئي العلاج وتصبري شوي. مجتمعنا وأكثر الناس حنية وحب لعيالهم او اصدقاءهم يظلوا عندهم غباء في التعامل مع اللي عنده تعب نفسي ادري ان معاكي حق تلوميهم او تعتبي عليهم او تكرهيهم بس صدقيني هذا غباء المجتمع اللي يخلي اقرب الناس لك يعادوكي لمجرد انك تعاني من شي وهم مو قادرين يساعدوكي قولي لي بس كيف اوصّل لك الدوا الله يسعدك، بلاش تأخير فديت قلبك، مو عارف ايش اسوي،، بجد نفسي اساعدك |
مساء. الخير
دكتور أضن انك عارف. انـي ماأفدر اجيب الدوا نهائي وكنت متأمله انك بتوصله لي بـس كمان اكتشفت انه مستحييل القاعده مايدخلون اي زائر الا بأذن وبكذا محد يقدر يدخل يعني من الأخر مستحيل الدوا يوصلي وحاولت بأختي تستلمها بـس كمان مارضيت المهم. انو سار مستحيل الدوا يوصلي إذا تقدر تساعدني بطريقه ثانيه اكون شاكره لك. |
او اعطيني طريقه اقنعها بسالفة الدوا
لانها مقتنعه ان الدكتور الي يصرف ادويه ماعنده سالفه شلون اغير الفكره اللي براسها |
صباح الخير
اخوي شفت ان مشكلتي مالها حل كل مالقيت مخرج يتقفل بوجهي اناحاولت كثيير بـس مافي فايده نهائي . محد يقدر. يساعدني حتى. انت بالله تقدر تساعدني لا. ياخي حياتي جدا معقده وكني بسجن التهريب ماينفع فيه ولا شيء ينفع .المهم يعطيك العافيه وماقصرت ربي يسعدك ويضعه في موازين حسناتك اللّہ يجزاك الف خير . بـس ابي اعرف معلومه بعد قطع شرايين اليد كـم دقيقه ولا ثانيه ولاساعه تبقى عايش؟ ؟ ممكن تجاوب إذا كنت تعرف وانا ماسألت الا ابي اعرف الإجابه جد . |
متفائلة ..
اختي في طرق كثير .. لا تيأسي .. مهما صعب عليك الأمور .. اكيد فيه حل .. انا احس بكل كلمة قلتيها وعارفه اش قد تعاني من صعوبات .. وأنك جالسه تحاولي بكل جهدك .. بما انك دخلتي المنتدى بما انك تكلمتي بما انك تدورين على حل هذا يعني انك بطريق الصح .. هذا معناته انك جالسه تسوين اللي عليك بأنك تدورين حل لمشاكلك .. هذا معناته انك ما استسلمتي وتبغين تعيشين وتغيرين وضعك .. وهذا معناته ان فرج ربك قريب .. اختي احنا في الدنيا ما بيدنا شيء الا اننا نعمل ونحاول نتغلب على الصعوبات ونطلب من الله ان يفرجها ويسهلها .. كل شيء بيد ربنا .. كل شيء تحسين انه مستحيل يصير .. ممكن يصير من دعوه من سجده من لربك .. انا عارفه ان حالك صعب وعارفه انو مافي احد جنبك يساعدك .. اهلك واختك رافضين العلاج النفسي لأنهم غير مدركين لحالتك وكمان بسبب جهل مجتمعنا باهمية العلاج .. اختك لما رفضت الطبيب النفسي هذا لأنه عندها معتقد انك تدلعين وانك مافيك شيء وان العلاج النفسي كله كلام .. كذا تشوف الامور لأنها تجهل حالتك وتجهل العلاج النفسي .. مهما اقنعتيها ماراح تقتنع منك اختي الحل الوحيد ان يتواصل شخص مختص مع اختك ويشرح لها حالتك ويشرح لها اهمية العلاج بالنسبة لحالتك والمخاطر اللي ممكن تصير اذا ماتعالجتي .. اختي فية طرق كثير للمساعدة .. انتي حاولي كمان لا تستلمي .. مافي شيء اسمه استسلام بالحياة مهما صعب الامور لازم نرجع نحاول بطرق اخرى .. ربنا مايترك احد .. بيعطيك الحل بيرسلك ناس تساعدك .. بيرسلك ناس تشجعك وتعطيك دافع .. زي ما احنا هنا قلبنا عليك ونبغا بس نساعدك اصبري .. احسني الظن بربك .. ادعي ربك كل يوم .. استغفري كثير .. ثقي بالله ان راح يفرج كربتك .. هو الوحيد اختي القادر على تفريج كربتك لا تخلين اليأس يحرمك من الثقه برحمة الله اختي احنا هنا معك ماراح نتركك ,, احنا جنبك بنساعدك وبندور معك على حلول الي ما نلقى حل مناسب .. الحين اللي لازم تركزي عليه هو اختك .. حاولي تتكلمي معاها عن حالك .. قولي لها عن المرض النفسي الاكتئاب .. اكتبي اعراض المرض واسبابه وعلاجه بورقه واعطيها خليها تقراها .. بهدوء اشكي لها حالتك وفهميها انك بحاجة للعلاج .. عشان المشكلة ماتسوء اكثر وتخسرين اكثر .. واذا قدرتي اختي خليها تتواصل مع دكتور رعد او معي عن طريق التلفون .. عشان تقتنع من شخص مختص .. حاولي وقول لي اش صار معك .. واذا مافاد العلاج الدوائي وفقدتي الأمل .. في علاج الكلامي مع الاخصائي النفسي .. واقدر اصير اعالجك عن طريق النت .. عشان كذا تأكدي انه في حلول كثير .. وانك ماتفقدي الأمل ابدا ابدا .. الله يسعدك يارب ويسهل عليك |
ليش اخت أحلام؟؟ لييييش؟!!!!
هل هذي هي الطريقة الصحيحة؟ بسرعة كذا تفقدين الامل وانتي لسة ماحاولتي؟ اختك اللي انتي معاها ماتحبك؟! لا زلت اقول اقدر اساعدك وأوصل لك الدوا لباب بيتكم، لبيت اختك، لأي وحدة او واحد من أقاربك لأي انسانة تثقين فيها وتحبك تبغي ادخل للقاعدة اللي في الخرج؟ أقدر، عندي اصدقاء هناك واقدر ازورهم واقدر ادخل وأوصل لك الدوا مو معقولة حبيبتي كذا بسرعة تفقدي الأمل وتستسلمي ولا تستعجلي على اصلاح العلاقة مع أهلك؟ ولا تستهيني بدور اختك اللي تحبيها وتثقي فيها وتحبك وتقدر توقف معك وتخفف من ضغط اهلك عليكي وتوضح لهم الصورة كثيرين من الأهل حبيبتي لما يشوفوا بنتهم ساكتة ومنعزلة وتصرفاتها غريبة مثل مقاطعتك لهم يفهموا انها وراها بلاء ، خاصة مسألة انها تعاني من صدمة عاطفية نتيجة علاقة مشبوهة وفيه اهل يروحوا لأبعد من كذا ويشكوا في امور اكبر لا زلت اقول لا تيأسي، لا تقنطي من رحمة الله، لا يزال هناك امل، ولا يزال هناك متسع من الصبر شوفي طريقة ان امكن اتكلم مع اختك واقنعها بالأدوية، انا حاضر الله يسعدك لا تقفلي كل المجالات |
معليش ي أحلام، قلت لك اختك اللي تحبيها وانا تلخبطت مع حالة ثانية بالمنتدى علاقتها بأختها جيدة
لكن كمان انا فهمت من كلامك او رسالتك بالاصح ان عندك أخ متفهم ، هل فيه مجال اتكلم معاه او اتواصل معاه؟ أختك اللي طلبتي منها تساعدك ورفضت، هل فيه مجال اتكلم معاها اقنعها؟ والدك، بصراحة اشك انه في مجال اتكلم معاه لأن الغالب بتزيد شكوكه وبيكون ردة فعله أسوأ الشيء الثاني انتي طلبتي ان كان فيه طريقة للاسترخاء والتخفيف من القلق او الخوف او الالم او المعاناة وفعلا، في طرق تساعد بغض النظر عن الادوية وممكن تطبقيها وتخفف عنك كثير فيه شي اسمه الاسترخاء بالتحكم في التنفس. لا تقري عنه في النت لأنهم يعقدّون طريقته وهي اسهل بكثير من وصفهم الاسترخاء بالتحكم بالتنفس فكرته هي ان الانسان قبل مايجيه التعب النفسي ما كان يحس بكتمة او ضيق او هم في صدره. وكان اذا اخذ نفس عميق يحس معاه بالحياة. اذا فرح يحس باطمئنان في صدره ونشوة اذا جا يتمدد على كنبة او سرير وحب ياخذ غفوة او تقييله مايجد صعوبة بل ويحس بانتعاش او احساس جميل في صدره هالأشيا يفقدها الواحد لما يجيه القلق او الاكتئاب، ويصير يحس كأنه فاقد شيء من صدره يتمنى ان أحد يضمه ويضغط على صدره او اللي يسموها :يرد له الروح هالشيء ممكن يحس فيه القلقان والمكتئب ويحس انه يستعيده ويسترجعه بعد ان فقده ويحس معاها بنشوة ورضا وعودة الروح اذا مارس التحكم في التنفس كثيرين في الكتب او النت او حتى الممارسين للعلاج النفسي الغير دوائي ما يعرفون كيف يوصفوا عملية الاسترخاء وعملية التحكم في التنفس ومن وين نبدأ وكيف نتعلّم التقدّم في ممارسة التقنيات بالتدريج. المسألة بسيطة جدا لو مارستيها بالطريقة اللي اعلمك اياها. الفكرة اصلا جات من ان نقص الاؤكسجين يعطي احساس بالضيق والتأزم والشعور بالتوتر ويشبه حالة فقدان الروح بينما انعاش الجسم بالأوكسيجين يعطي احساس لذيذ ومنعش يشبه عودة الروح. والآن نحن مع القلق أو الاكتئاب نعاني من فقدان الروح وان هذا الفقدان حدث او يحدث غصبا عنا بينما نحن نريد عودة الروح لصدرنا ولا نستطيع تحقيق ذلك. فكأننا فقدنا السيطرة على انفسنا ومشاعرنا. روحنا نفتقدها من صدرنا بدون اي تحكم منا او ارادة (يعني شيء بدون ارادتنا وغصب عنا) ولا نستطيع استعادتها ولا نتحكم او نسيطر على ارادتنا في ذلك. والآن، عملية التحكم في التنفس وما تعطيه من احساس يشابه فقدان وعودة الروح بسبب اثر الاكسجين المنعش هي عملية نستطيع ان نتحكم فيها وتنعش انفسنا تماما مثل حالة النشوة التي يعيشونها الرايقين اللذين لا يعانون تعب نفسي. اذن المطلوب هو ان نستعيد الاحساس بالنشوة كخطوة أولى ونشعر ان ذلك ممكن وبإرادتنا وهذا بدوره يعطينا شعور بأن هناك أمل ومصداقية تبشر بقدرتنا من جديد ان نشعر بالراحة النفسية. وهنا وفي هذه الخطوة الأولى لا نريد ان نعمل اي استرخاء عضلي فقط كل مانريده هو الاحساس المنعش الذي يكون بمثابة جرعة دوائية لدواء منعش مهديء للأعصاب ويعطي شعور بالطمأنينة. كثيرين من الذين يتحدثون عن الاسترخاء يريدون هذه الخطوة الأولى ان تتم سويا مع عملية ارخاء العضلات، وهنا هم يخلقوا صعوبة لا داعي لها. وانا انصحك بأن لا تفكري في هذه الخطوة الاولى بمسألة ارخاء العضلات. فقط كل مانريده هنا هو الاحساس فقط. وهنا وفي هذه المرحلة الأولى لا يهم ان كانت العضلات مشدودة او لا لا يهم ان كنتي نائمة على ضهرك او بطنك او جانبك (ايمن او ايسر). فقط المهم هو ان تختاري الوضعية التي تريحك كيفما كانت حتى لو جالسة او نائمة على بطنك ووجهك. كما انه مطلوب ان تمارسي التحكم في التنفس والشعور او الاحساس بدور الاؤكسجين المنعش قبل النوم مباشرة عندما تتمددي في فراشك في الوضع الذي تفضليه للنوم والاضاءة تكون خافتة او منعدمة وليس هناك اصوات مزعجة، ويفضل عدم وجود اي صوت تاخذي نفس عميق واثناء النفس عدي بسرعة ثواني الساعة الى 4 او 5 اي لا تأخذي النفس بسرعة زائدة ولا بطؤ زائد ثم اكتمي نفسك وعدي بسرعة عقرب الثواني الى 10 الى 15 هنا سيحدث ان تشعري بالكتمة والحاجة لإخراج الهواء واخذ نفس ثاني وهنا سيكون الضيق في ذروته، اشعري بهذا الضيق لمدة ثانية او ثانيتين ثم اخرجي الهواء من صدرك بسرعة 4 او 5 ثواني وستشعري اثناء خروج الهواء بالنفراج وبداية الانتعاش (الاحساس الذي نريده) لكنه لن يكون احساس كامل، ونحتاج ان نتنفس 3 مرات بعد خطوة اخراج الهواء السابقة، وان يكون التنفس بمعدل شهيق 3 ثواني (عدي الى ثلاث بعقلك وبسرعة عقرب الثواني) ثم زفير 3 ثواني ثم شهيق ثم زفير ثم شهيق ثم زفير، ولا يكون هناك حبس للنفس في هذه المرات الثلاث. وهنا نشعر باكتمال الانتعاش بعد عملية حبس النفس التي قمنا بها في البداية. والآن نكرر هذه الخطوات مرتين ، ثلاث مرات، ونستمر نكررها الى ان شعر بأن نفسيتنا تحسنت حتى لو نكررها 50 مرة، والغالب هو انك ستشعري بالتحسن وعودة الروح بعد تكرارها 20 مرة وربما يأتيكي التثاؤب بعدها وتنامين، او تنتعشي وبطير عنكي النوم، وهذا كله يحدث بعد الشعور بارتداد الروح. لاحظي اننا حتى الآن لم نتحدث عن استرخاء او ترخية العضلات والتحكم في ذلك، ولا نريد الانشغال او التداخل في البداية. فقط نريد السيطرة على الاحساس بالضيق ثم الانتعاش ثم الضيق ثم الانتعاش ثم الضيق ثم ...الخ الى ان نشعر بعودة الروح أختي العزيزة، هذا رقم تيليفوني ان كان هناك صعوبة في تطبيق هذه التقنية بامكاني ان اشرحها لكي على واتس اب، او اتصال صوتي وتستفسري عن اي صعوبات 0553337807 وستكون هناك خطوات لاحقة، وانما اريدك الآن فقط ان تتقني هذه الخطوة الاولى والتي لها مفعول مسكن ومهدئ ومطمئن اقوى من اي دواء |
هل هذي هي الطريقة الصحيحة؟ بسرعة كذا تفقدين الامل وانتي لسة ماحاولتي؟
أنا مافقـدت الأمل الا لما فشلت كل محاولاتي لي سنين صابره إذا بتقول اصبري وصلت لمرحله ماقدر اصبر اكثر .. .................. لأي انسانة تثقين فيها وتحبك.. مافي بالدنيا كلها انسان اثق فيه....ومافي احد يحبني لدرجة اطلب مساعده منه . ................... تبغي ادخل للقاعدة اللي في الخرج؟ أقدر، عندي اصدقاء هناك واقدر ازورهم واقدر ادخل وأوصل لك الدوا؟ مـدري اخاف بصراحه ................... ولا تستعجلي على اصلاح العلاقة مع أهلك؟ تـدري سالفة الاستعجال اختفت من قاموسي صبرت كثيير ع انـي اضبط وضعي معاهم بـس الظاهر هم مايبغون تصلح العلاقه وشكلي بفكر بكلامه اسوي مصيبه واروح اي دار يفتكون مني وارتاح منهم . ولا تستهيني بدور اختك اللي تحبيها وتثقي فيها وتحبك وتقدر توقف معك وتخفف من ضغط اهلك عليكي وتوضح لهم الصورة؟ ياليت عندي اختك كذا كان بخير احكيلها تقول انتي اكيد غلطتي وهي تعرف ان الغلط منهم طبعا هذي اختي اللي هنا.وتخاصمني بدل ماتواسيني . .......... تدري اكثرر شيء بكاني لما قلت اختك اللي تحبيها لان الانسانه الي بالدنيا والوحيده كمان الي باقي احبها اختي الكبيره بـس تعرف إذا تزوجو مايفضون او بالأصـح ماودي اضيق عليها بمشاكلي احيانا اكلمها ابينلها انـي اسعد انسانه وانا من جمبها لاني احبها مابي اضايقها ، ........... لكن كمان انا فهمت من كلامك او رسالتك بالاصح ان عندك أخ متفهم ، هل فيه مجال اتكلم معاه او اتواصل معاه؟ اخـوي اللي يخليه متفهم انه صغير وشايف اللي يسير ماضن بيغير شيء لانه في المتوسط2 ............. أختك اللي طلبتي منها تساعدك ورفضت، هل فيه مجال اتكلم معاها اقنعها؟ شلون تقنعها يعني تحكيلها كل شيء بالتفصيل ؟ أنا عندي اختين اكبر مني واللي هنا مافي امل نهائي تاخذ من تفكير امي كثير وفضيحه .والثانيه الي احبها براالسعوديه مع زوجها ومع انها أيدتني لما حكيتلها عن الموقع وقالت بتساعدني اول ماترجع بنفسها بتشتري الأدويه بـس محترجع من غير شر الا يمكن السنه الجايه .وماضن فيني اصير سنه ثانيه. ............. والدك، بصراحة اشك انه في مجال اتكلم معاه لأن الغالب بتزيد شكوكه وبيكون ردة فعله أسوأ ايوا اكيد مستحيييل بيشنقني لويدري انـي ارسل شلون لو تطلع قدامه ولا تكلمه قسم يذبحني بنفسه . .............. طيب ماعندك خلفيه عـن الوقت الي يموت فيه الانسان بعد مايقطع شريانه مالقيت هالمعلومه ابد حتى في المواقع الغربيه ياكثر طرقهم للإنحار بـس مي مضمونه . يمكن تقول مجنونه بدل ماتفكر بحل دور كيف تنتحر بـس صـدق كل خليه تقولي انتحري حتى عقلي كان مخالف الفكره والحين كل شوي يذكرني سرت ادخل النت القى نفسي ادور معلومات . وبالاخر شكلي يااهرب يااموت وحده من ثنتين... وصح يعطيك العافيه على التمرين بجربه واردلك. ....................... هلا فيك حبيبتي واختي ساره والله مايأست الا من كثر مايخيب املي اتامل وفي الأخير يجي شيء يخرب الموضوع كله ’ ويعطيك الف عافيه بردك وبصراحه ماعندي كلاام اقوله ابدا غير انـي جد سئمت العيش بالحياه فلا أم ولا اب ولا اخ ولا صديق ولا قريب ولا احد لوحدي فقط حاولت الاعتياد على الوحده وان اتقبلها لكن عبثا لا أطيقها لاأطيق الوحده فهي قاسيه فلا انس ولا بهجة فيها انت تعيش وحولك الكثير من الناس تقابل الكثير ولكنك وحيد لااعلم كيف اصف شعوري فانا أشعر بالضياع وكاني خلقت لأتألم وكان امي انجبتني لتقسو علي اتمنى لو لم تلدني بما انها لا تريدني ’ اخبريني ان كنت تمرين احيانا بوالديك وتسمعين منهم حديثا عنك حديثا تمنيتي لو لم تسمعيه وليست مره وانما مئات المرات ماذا تفعلين ؟ اتكذبين على نفسك بانهم يحبانك وانت تسمعين الحقيقه منهم ام تقبيلين بالواقع ولا تهتمين ستصلين لمرحله لاتستطيعين خداع نفسك حتى بكلمه واحده فانت تسمعين الحقيقه فلا مجال لتكذيبها . وان فشلت علاقتك بعائلتك وبالمجتمع وبكل شخص عرفتيه استستمرين بالمحاوله ؟ أنا لا استطيع مرت 5 سنوات وانا اطرد اليأس وادعو التفائل والأمل واتمسك بالحياه ولكن لااجد سوا الخذلان والتحطيم في نهاية الأمر . فلم افقد الأمل إلا بعد محاولات كثيره فوصل صبري لحدوده اعتقد بانه انجاز بالنسبه لي ان اصبر 5 سنوات بدون مساعده من احد . لم افكر بالانتحار الا عندما يأست من الحياه وفقدت طعم الحياه فمن يفقد طعم الحياه لن يقوى على العيش فيها ،فلا امل لي بعد الآن ...تلاشت امالي.. |
لا ي أحلام،، الله يسعدك شيلي هالافكار من راسك
واصبري أختي العزيزة،، لا تقولي نفذ الصبر،، الصبر ماينفذ،، خليكي على يقين ورددي هالشي دايما داخل نفسك.. الصبر لا ينفذ اطلبي ي أحلام من اختك اللي برا تشوف لك طريقة ترسل فيه الدوا او احد من طرفها تثق فيه يوصله لك، ما أظن انها فكرة صعبة عندكم مستوصف او عيادة داخل اسكان القاعدة؟ اقدر اترك لك الدوا هناك عند ممرضة مثلا وترسلي اخوكي اللي في المتوسط ياخذه ويوصله لك الله يسعدك اعطينا فرصة وبنساعدك، والله مايضيع جهد لا من عندنا ولا من جهتك اكتبي حبيبتي،، كل ماشفتي نفسك متضايقة اكتبي لنا هنا،، فضفضة،، خواطر تناقشي معانا،، استفسري،، لا تؤمني بانسداد كل الأبواب في كتاب "الانسان يبحث عن المعنى" تأليف فيكتور فرانكل،، مهم جدا تقرئيه كتاب خطير يخليكي توجدي حل لأي شيء ماله حل،، يفهّمك ايش هو الصبر وايش هو الأمل لا تقولي اعرفهم وجربتهم وطفشت منهم وخلّصوا،، الكتاب ذا هو اللي بيعلمك الصبر والامل مارسي الاسترخاء زي ماعلّمتك وبيساعدك بإذن الله ولا تنقطعي عنّا الله يسعدك، يعني حبّنا لك وخوفنا عليكي ماتعتقدي انه يستاهل انك تعيشي علشانه أو ممكن يلحقك منه خير أو فايدة؟؟ استودعتك الله الذي لا تضيع ودائعه،، الى ماتتابعي معانا على خير |
نسيت اقول لك في تعلم الاسترخاء نقطة مهمة، وهي:
من المهم جدا ان تتم عملية التنفس من الأنف وليس من الفم وان كنتي تعاني من مشكلة احتقان الانف فلا بد من استخدام قطرة مضاد الاحتقان لتسهيل التنفس |
لاأعلم اي كلمه تصف حالتي من الضيق واليأس الشديد...حقيقة أنـي فكرت بالإنتحاروحدهابإعتقادي تكفي لوصف يأسي من الحياهـ..فعندما تحاول.. وتحاول..وتحاول..وتستمربالمحاوله ويستمر الفشل في كل محاوله تفشل ستبدأبالتدريج بفقدان التفائل إلى ان تفقد الأمل..وجميعنانعلم بأن الحياه دون امل لاتستمر..فمن فقدالامل سيفقدالحياهـ.. اتعلم كرهت تلك الكلمه (أمـل)هي تعني الحياهـ.. ولكن في ذاكرتي تعني الألم فكلمة(أمـل)اسم لذلك الشخص او تلك الفتاهـ التي احببتهابصدق وابدعت في تحطيمي..فكلمانظرت للأمل يتبادر لذهني تلك الذكريات المؤلمه التي طالماوددت نسيانها..ولكني علمت باني لن اتمكن من النسيان الااذا أنشأت ذكريات جميله مكانهـا.... ولكن أيٌ ذكريات صأصنع وانابحالتي هذهـ.. فأسوء الذكرياتستمر بالقدوم..وبريق الأمل القديم بدأ بالتلاشي أضن بأنه اختفـى ولاأجـدمايعيدهـ.. أضن ايضا باني عملت مااستطيع واني فعلت مابستطاعتي ومع هذا لم يتجدد الأمل.. بل استمر بالتلاشي والإختفاء وكأنه يتقصدني بذلك وكأنه يعلم مدى حاجتي له ويستمربالإبتعاد عني كلمااقتربت منه... .اتعلم كلما سمعت مقولة انتي بعمر الزهور.. اضحك ممايقولون فانالم ارى زهورا ابدا... فأي زهور يتحدثون عنهـا؟... أيضا لماتهتم ان اردت الانتحارام لا؟ فأنت لاتعلم من اناولاأي نوع من الأشخاص اكون فمن عرفني حق المعرفه وكان سبب وجودي بهذه الحياهـ شجعني على الانتحار ليهنئ عيشه ويرتاح باله. لما اذن تريد اقناعي بترك افكاري فموتي لن يؤثر اويغير شيئا بالنسبة لك ؟ هل لانك طبيب وواجبك يحثك على ايقافي؟؟ ... ففي هذا العالم لا يوجد من سيحزن على موتي وانا على علم بهذا لذا قررت الرحيل بصمت... لذا ان مت أنا فلن يتغير شيء ولن يختلف الامر ربما سيتحسن حالهم وتستقر حياتهم. فاناارا سعادتهم برحيلي عنهم وراحت بالي وتوقف المي بموتي.فانا لاأرى اي مستقبل امامي لأعيش لأجله. مالذي سيتغير لومت لن يتغير شيء سوا ان عددنا نقص هذا ان لاحظو فانااحيا وكاني لست بالوجود.. |
احلام. . متفائلة. .
تعرفين شيئ ؟ انتي من ناس القليل اللي شدو انتباهي وتفكيري. . انا اخصائية نفسية وشفت كثير من الحالات في حالات صعبه. . بس حالتك وضعك اسيطر على تفكيري. . برغم من انشغالي طول اليوم الا اني افكر فيك. . افكر بحالك وادخل المنتدى عشان اطمن عليك. . واتمنى اني اشوف رد يطمني ان حالتك تحسنت. . اختي لما تقولي لدكتور رعد ليه تهتم اذا مت ؟ عشانك دكتور ؟ تعرفين اختي الدنيا سبحان الله فيها جميع انواع البشر فيه العادي المسالم. . وفيه الشرير اللي يأذي وفيه السارق وفيه الفاسد وفيه الامين والمخلص وفيه طيب. . يعني لا تستغربي لما تشوفي شخص برغم من كل انشغاله جالس يفكر فيك ويكتب لك وقلبه عليك. . في ناس قلوبهم بيضا يقدمون الخير والسعادة بدون مقابل. . دكتور رعد مايعرفك ومو شرط يساعدك ولا مطلوب منه ولا مجبور انه يساعدك بس ليه يدخل المنتدى كل يوم ويرد عليك ؟ فكري ليه ربك ارسل لك اشخاص جالسين يعطونك بدون مقابل. . جالسين يقنعونك يشجعونك يعطونك الامل. . لأنك انسانه تستحق انها تقابل ناس مخلصه همها سعادتك والخير لك. . ربك مثل ماخلق الشرير القاسي خلق الطيب الحنون. . اذا ربي كتب انك تتخلطي مع ناس قاسية. راح يخليك تقابلي ناس حنونه. الدنيا عادله. . لا تفكري ان الحال ماراح يتغير. . كل شي بدنيا متساوي وعادل. . رحمه الله تسع كل شيء.. دكتور رعد اعطاك اكثر من طريقه لحل المشكله. . انا اعطيتك اكثر من طريقة ولكن انتي تنظرين انه مافي حل. . وانه مهما سويتي مافي فائده. اختي لما تشعري الاكتئاب يكون تفكيرك مسيطر عليك السلبية وفقدان الامل. . بتقولين واقعي صعب ومافي امل. . بقولك مهما كان صعب مهما كان صعب في مخرج. .. الحال لا يدوم. . اختي في حديث قدسي يقول انا عند ظن عبدي بي. الله سبحانه وتعالى يقول انا عند ظن عبدي بي. . يعني اذا ظن العبد ان مافي امل ومافي فائده وماراح يتعدل الحال وماراح يشفى الله راح يعطيك هالشيء. واذا ظن العبد ان مهما صعب اموري ربي رحيم وانا اثق فيه مهما كانو كل الناس ضدي ومهما تعبت انا اثق بربي. . الله خلقني وقدر لي اعيش وامر بهذه الظروف الصعبه وانا اثق باختياره وراضية بحكمه وراح ارضى واتحمل اكثر ومتأكده ان ربي بيساعدني وراح القى مخرج وبيفرج كربتي انا اثق فيك ياربي. . لوقلتي هالكلام وانتي متأكده ربي بيستجيب لك. . لان الله قال انا عند ظن عبدي بي. . اختي مو اهلك او امك او ابوك وكلامهم الجارح يحدد انتي تعيشين ولا لا. . شيء صعب انك تسمعين هالكلام من امك.وابوك صح جدا صعب بس مو هم ولا كلامهم اللي يخليك تتخلين عن حياتك. . مهما سمعتي كلام لا تخليه يحبطك. . هم يتكلموا كذا الله يهديهم ويسامحهم بس لا تسمحي انه يأثر عليك. . انتي تستحقي انك تعيشي وهم الغلطانين بحقك مو انتي. . اختي لما تقولي مافي امل وماراح يتعدل الحال. . بقولك شيء ماعمري قلته لاحد. .هيىتجربه مريت فيها. . بعد تخرجي واجهت صعوبات كثير اني اتوظف. . احبطت كثير. . كنت اشتغل باليل والنهار بدون اي مقابل مادي واتحمل كل تعب وبالاخير لا يوجد فائده. . اختي ماتتصورين اش قد تعبت بس كنت اتحمل واقول بكرا ربي بيعطني. .واكمل شغل واسعى واعمل بدون مقابل. . واقول ربي بيعوضني يوم من الايام. . ومع كثرة الاحباطات رحت زرت عمتي. . عمتي جاها مرض قبل 7 سنوات خلاها تفقد اطرافها بالبدايه رجولها بعدين انتشر المرض وفقدت يدينها. . كنت اشوفها قدام عيني سنه عن سنه تتعب. . ماتتحرك. . بس تعرفين اللي المرض ماقدر يخليها تفقده ؟ ابتسامتها .. كل ما اشوفها مبتسمه وراضية وتسولف وتتكلم وكانها مالكه الدنيا مع انها ماتقدر حتى تأكل بيديها. . كنت كل ما اشوفها احس احزاني واحباطي ولا شي مايسوى شيء. . قالت لي كلمه اثرت فيني. . تقول تعرفين ساره لو ربي حرمني الوظيفة. . حرمني الزوج. . حرمني اي شي بالحياه برضى والله برضى بس الا العافية الا الصحة. . صدقني اختي دمعت عيني وحسيت انه مالي حق ازعل واتضايق ان ربي مارزقني الوظيفة. . من بعدها زاد ايماني بربي اكثر وصرت احسن ظن فيه. . من بعدها الحمدالله انفتحت كل الابواب بوجهي ورزقت بكذا وظيفة مو وظيفة وحده. . اختي مهما حياتك صعبه في ناس يتمنون حياتك يتمنون الصحة اللي ربي اعطاك يتمنون الحياة اللي انتي تبغين تتخلين عنها. . صدقني اختي الحياه اكبر من خلافات في الاسره. . وضعك صعب ادري وحاسه فيك بس في ناس اسوء من وضعك وجالسين يحاربون عشان سعادتهم. . اختي اتمنى كلماتي وصلت لك لاني جالسه اكتب من كل قلبي.. كل شيء.له حل. . الله رحوم تأكدي. . ارجعي فكري بالحلول. . وطمنينا. . |
الله يعطيكي الف عافية أخت سارة على الدرر اللي قلتيها
بجد كلام كبيييير، بس يحتاج من اختنا احلام انها تتأمله وتقراه اكثر من مرة وتعمل به وانتبهي اخت احلام كثير من اللي عندهم اكتئاب مايستوعبوا الكلام اللي ينقال لهم بسبب المزاج الاسود اللي هم عايشين فيه، ومثل ماقلتي حتى الكلمات تترجم بغير حقيقتها الأمل يصير الم، والسعادة تصير تعاسة علشان كذا انا لا زلت مهتم بأنك لازم تاخذي الدوا او تصبري نوبة الاكتئاب بطبيعتها تاخذ 3 الى 4 شهور ثم تنفرج لوحدها وبدون ادوية الادوية تعجل انفراجها، فبدل ماتاخذ 4 شهور تصير بس شهرين وكمان الادوية تمنع حدوث الانتكاسة او تقلل احتمالية حدوثها وتقلل من حدة الأعراض لو حدثت لكن كمان اقول تقدري تتجاوزي النوبة وبدون ادوية رغم اني اقول لك ان الادوية لها دور كبيير في ازالة الغشاوة اللي مخليتك تقولي ما عاد فيه امل وانتهى كل شيء وممكن تقولي: بس انا مو اكتئاب من داخلي، لا، انا بسبب ظروف خارجية ماترحم ممكن تقولين انهم هم اللي بحاجة ياخذو الادوية مو انا هم اللي منكدين علي، لو راح نكدهم باكون بخير وانا اقول لك مثل ماقالت الاخت سارة أولا: حال البشر مايدوم، لابد ان الحال بيتغير، هذي سنة من سنن الحياة اللي خلقها ربنا وثانيا: انتي اجدر بالحياة منهم،، حياتك لا تخليها فداء لناس ماتستاهل حتى لو كانوا اهلك اللي تحبينهم و يحبونك لا تنتحري علشان ماتآلميهم واللي تحبينهم او تكرهينهم وهم ما يحبونك، مايستاهلوا تضيعي حياتك علشانهم تألمت ي أحلام لما قلتي ليه اهتم فيكي وتألمت اكثر لما قلتي اني اهتم فقط لأن هذا دوري كطبيب وحالي كإنسان حس بمعاناة انسان وحب يساعده بشيء اكثر من دور كطبيب هذا مايخليكي تشعرين اني احب لك الخير، احب روحك كإنسان يستحق انه يعيش حياة كريمة وسعيدة؟!! مش بس انا ي أحلام، هذي سارة تسوي نفس الشيء اكثر من واحد او واحدة داخل او خارج المنتدى يتألمون لك وقولون انتي الانسانة اللي لازم تعيش،، انتي اللي لازم تكوني موجودة معانا بهالحياة احنا الطيبين احق بها من المجرمين ماسمعتي بمقولة (هناك أصدقاء لا نبالغ ان قلنا بأنهم دواء لأرواحنا المنكسرة)؟ اذا ما عشتي انتي او انا او سارة او ... فمين اللي المفروض يعيش؟!! اختي احلام أنا لي تجربة مع الانتحار وانا مثال حي امامك عانيت من قسوة اب وام وجاني اكتئاب وانا بثالث سنة في الجامعة، أخرني عن زملائي ولخبط كل احلامي وأثر على دراستي لدرجة اني كنت على وشك ان انفصل سنتين ونص متتالية من الرسوب الكامل يعني كنت سنتين ونص معطّل معدلي التراكمي نزل من 4.4 من 5 الى 2.1 تخيلي؟ كنت اخطط على التخرج بمتربة شرف عام 1414 هـ بلعت 4 انواع من الادوية من كل نوع اكثر من 20 حبة بعد ماصليت استخارة وبكيت اطلب من الله انه مايوديني جهنم من باب انه كان مرفوع عني القلم واني خلاص صرت مجنون وغير محاسب على تصرفاتي. والآن احنا بعام 1434 ، تعالجت ولا زلت اتعالج، وخلصت دراستي وتوظفت وناجح في عملي وتزوجت وناجح مع اسرتي واتمنى زيادة عدد اولادي وعايش ليش ي أحلام؟! ليش تسيئي الظن بالله وتنتظري انك تتوفقي؟! الأمل والتفاؤل واستمرار الصبر هو نفسه احسان الظن بالله هو نفسه قولة: الحمد لله على كل حال هو نفسه اللي قاله الله سبحانه لخير البشر (ماودعك ربك وما قلى) هو نفسه اللي قاله سبحانه وتعالى (لا تيأسوا من روح الله) هو نفسه اللي قاله سيدنا ايوب في ذروة ابتلاءه (رب اني مسني الضر وانت ارحم الراحمين) اقرئي عن الابتلاء اللي صاب ايوب عليه السلام اقرئي عن الابتلاء والعذاب اللي تعرّض له فيكتور فرانكل في الكتاب اللي قلت لك عليه ليه ماتقرئين؟ جربي وماراح تخسري شي، اقرئي وخلينا نتناقش بعدها والله يدي وجعتني ي أحلام وانا اكتب، وماعندي مانع اكتب لك الييين بكرة، بس فيه فايدة؟ ياترى لي معزة عندك استحق علشانها انك ماتآذي نفسك ياترى مايعني لك شيء ان اخ يحب اخته ومايبغى يبكي عليها؟ صدقيني ي أحلام اللي بينهي حياته بانتحار بيبكون عليه اللي يحبونه وبيشمتون فيه اللي يكرهونه لكن كلهم مع الوقت بينسوه، وبيواجه مصير في آخرته لوحده هم يمكن يتألموا كثير لفترة طالت او قصرت لكن هو بيتألم اكثر واكثر وللأبد مهم جدا اقول لك ي أحلام ان التفكير في الانتحار وبجدية جزء كبير منه رغبة منك في الانتقام من اهلك. تقولي: لما يلقوني ميتة ساعتها بيعرفوا انهم قسوا علي وآلموني وظلموني وحيقعدوا طول عمرهم يتألموا ويأنبوا انفسهم ويتعذبوا ويستاهلوا انا قلت هالكلام عن اهلي واصدقائي قبل ما أبلع الحبوب ولما أخذت القرار وكل اللي ينتحروا بسبب الام تعرضوا لها واضطهاد يقولوا نفس الكلام انا اقول لك اياه عن تجربة شخصية وعن مشاهدات وعن علم مكتوب في الكتب لكن الحمد لله، نجاني ربي واكتشفت انه يحبني كثيييير لأني نجيت بمعجزة واكتشفت من ناحيتي ان اهلي ماسألوا عني ولا كانوا راح يسألوا غير الحزن الطبيعي اللي غالبا ممكن يكون مصحوب بكلمة: "يستاهل" او "الله لا يرده" غير اني شفت هالشيء لاحقا في عملي من ردود افعال اهالي اللي ينتحرون الله يسعدك ي أحلام، اقرئي كلامي وكلام الأخت سارة مرة وثنتين وثلاث شوفي طريقة للدوا، بيساعدك كثير ولا زلت اقول لك انا حاضر بشيء ماهو دوري كطبيب، واعطيتك افكار وممكنة ابذلي جهد وتعبي نفسك شوي وبتلاقي نتيجة |
عرفت دحين ليه ماحاولت قبل اطلب منهاتساعدني
كانت اخر شخص بقالي احبه خفت يخيب ظني مثل غيره وكان احساسي فمحله خيبت ظني وقالت كلامهم صح اقنعوني ان الادويه تسبب ادمان معليش حلوم بـس احسن شيليها من راسك دوري طريقه ثانيه غيرهاماتدري انهاكانت اخر انسان اعزه واحتجته وخذلني ماتدري اش كثر حطمتني فعلا كانت اخرانسان مابي اعرف انه بيخذلني على كثر سحباتها اتجاهلت وحطيت اعذار على كثر المواقف اللي سارت بـس كانت غلاتها غير عنهم كلهم لوتطلب اعيوني عطيتها بـس مي اول شخص يخيب ظني..عادقررت اشيلهم من راسي ومحطلب منهم مساعده تاني اللّہ لايحدني لهم..... هذا الي سار وكنت خايفه منه صفت معهم المهم اوك فكرتك حلوھ? بأنك تحطه في المستوصف وارسل اخوي ياخذه بـس اهم شيء خبرني متى عشان اقنع اخوي اخاف يقلب هو كمان خخخخ .. ولا تقابله فاي مكان في القاعده بصفتك اخو لصحبتي اوك.. ................. مادري اش اقول اللّہ يسعدك اخت ساره استانست ع الاقل اعرف ان فيه انسان فكر فيني وادري سؤالي داخل عرض بـس كنت مقهوره منهم كيف مايحسون فيني وكيف ان الناس الي ماعرفها حست فيني فاكتبت اللي بخاطري بدون تفكير سويت الي قلتولي من حلول بـس ولا وحده صابت مثل غيرها فشلت بـس بقت فكرة الدكتور بانو يوصل الأدويه وانشالله ربي يفرجها ويعطيك العافيه كلامك يدخل القلب بجد رفعتي معنوياتي وصح كلامك مانتبهت عالحلول الي كتبتوها قبل الالما نبهتيني يسعدك ربي اختي بعتبركم اهلي وانشالله احاول اشيل الفكره من راسي وربي يسعدك ويوفقك..جد كلامك جدارائع ويدخل القلب بسرعه انشاله ربي يشيل كل هم من قلبك ويسعدك بحياتك ويعوظك عن كل سوء قابلتيه بحياتك ويبعد عنك كل الاحزان... .......... ابعتذر اخوي عن كلامي مدري اش سارلي اتمنى تقبل اعتذاري والله ادري فيك تبيلي الخير بـس مدري اش سارلي وربي يسعدك وويفقك بحياتك انشالله .. ............. والله يدي وجعتني ي أحلام وانا اكتب، وماعندي مانع اكتب لك الييين بكرة، بس فيه فايدة؟ ياترى لي معزة عندك استحق علشانها انك ماتآذي نفسك ياترى مايعني لك شيء ان اخ يحب اخته ومايبغى يبكي عليها؟ ربي يعلم بمعزتك عندي انت والاخت ساره. وانشالله بشيل الفكره من راسي .وتكفيني معزتكم لي وانكم تعطوني من وقتكم عن الناس يسعدكم ربي ويوفقكم.. ......... مهم جدا اقول لك ي أحلام ان التفكير في الانتحار وبجدية جزء كبير منه رغبة منك في الانتقام من اهلك. .. تدري عاد الي سيطر على تفكيري انـي ابي ارتاح منهم بـس .موعشانهم ادري فيهم مايهتمونلي واناعايشه بيهتمون إذا مت.وعشان مااكذب عليك اليوم بـس الي قلت خليهم ينقهرون ويعرفون انهم السبب بـس صح كلامك مايدرون عن هواداري.. .. الله يسعدك ي أحلام، اقرئي كلامي وكلام الأخت سارة مرة وثنتين وثلاث شوفي طريقة للدوا، بيساعدك كثير ولا زلت اقول لك انا حاضر بشيء ماهو دوري كطبيب، واعطيتك افكار وممكنة ابذلي جهد وتعبي نفسك شوي وبتلاقي نتيجة .. اللّہ يسعدكم انشالله وادري دورك كاخ لي اللّہ يسعدك وانشالله ببذل جهد اكبر . حملت كتاب فكتور البحث عن المعنى وببدا بالقراءه انشالله .. اللّہ يسعدكم انشالله لوبيدي بعبي الصفحه دعاءلكم على كل كلمه رائعه قلتوها ورفعت معنوياتي وفرحت قلبي بـس لكم وعد مني اذكركم فكل دعاء ادعيه دعوه صادقه لاخ واخت رائعين..... [SIZE="5"][/SIZE ] 00``00` |
أنا شسويت ؟
شالذنب الي فيه اخطيت اعطيت وممالقيت اعطيت الحب والطيبه اعطيت الامل وكل البشر قالو اخطيت شالخطا الي فعلته شالذنب الي اقترفته قالو خطاك انت تعرفه تعرفه يومك عملته بـس أنا ماخطيت قالو تنكر خطاك تنكر الالم والمعاناه الي انت سببها تنكرتنكر خطاك ماهوعيب تخطي لكن العيب تنكر خطاك .. بـس أنا ماخطيت معقوله الخطا مني الالم مني..الحزن مني وان كان مالي ذنبِ فيه ليه حملوني ذنبٍ مارتكبته لــيــه؟؟لــيـه؟؟ الخطا مني ليه مايكون منهم ولا عشاني اسكت وامشيها واكتم حزني بقلب امتلاا بالأحزان... انـاشسويـت؟؟.. شالذنب الي فيـه اخطيـت؟؟ قولولي انااخطيت أنا من يسبب لهم الألآام أنا من يكدر خواطرهم اناانامن يضيق عليهم؟ وان ماكنت أنا ليه يلوموني ليه يلوموني دام ماخطيت؟ أنا شسويت؟ شالذنب الي فيه اخطيت؟؟ ....... . ki8ds4 |
شعر راائع وفيه فلسفة
يشبه معنى قصيدة المعاناة حقت خالد الفيصل ربي يوسع صدرك ويرزقك رضا لا تطلبي بعده شيئا ويبعد عنك الخطأ والسوء،، آمين قولي لي حبيبتي اسم المستوصف او العيادة اللي عندكم في القاعدة، وكانه ان امكن (يعني داخل الاسكان، والا فين، لأني اتوقع ان فيه اكثر من عيادة في اكثر مكان خاصة ان القاعدة كبيرة خبريني علشان ارتب الشغلة في اقرب وقت الله يوفقك ويسعدك :) |
طالت غيبتك أختي أحلام :( طمنينا عنك يا طيبة
اسأل الله ان يحفظك من كل مكروه ويعطيكي من واسع فضله، يااارب ونسيت اقول لك شكرا على تقديرك لحبنا لك وخوفنا عليكي ولا تعتذري حبيبتي، اعرف حجم معاناتك، لكن مانبغى نخسر انسانة طيبة مثلك احنا اولى بك ي أحلام من انك تبيعي روحك علشان احد او حتى علشان نفسك يعني بعبارة اخرى: اذا ماتبغين نفسك احنا نبغاكي :) وبالنسبة لأخوكي ومقابلته في اي مكان في القاعدة كمان فكرة حلوة بس حددي لي يوم من جهتك يناسب اني اجي فيه للقاعدة واقابله واعطيه العلاج اما من جهتي لا تشيلي هم، اقدر ادبر نفسي بأي وقت :) فديت قلبك ي أحلام، ويارب يكون شفائك على يدي انا واختي الطيبة سارة |
هلا والله اخوي الحمدلله على كل حال
مادري اش اقول صدق رفعتو معنوياتي وبديت احاول اشيل فكرة الانتحار من راسي بـس مادري اش قاعد ايسيرلي كأن الدنيا حالفه تضيق صدري يوم الخميس قابلت شخص كنت اتمنى ماعاد اشوفه قابلتذيك البنت احقر مخلوق على وجه الارض اللّہ لا يسامحهادنيا واخره طبعا هي نقلت بـس السنه هاذي وفتكيت منها بـس دايم فرحتي ماتكمل فشي ابد جات زياره من شوقها للمدرسه يعني وجات تحكي معي تقولي اخبارك من بعدي لقيتي صاحبات وتضحك عساها الموت وتقولي خلينا انسير حبايب ومستعده ارجع المدرسه عشانك وهيك حكي هي تعرف اخباري من صحباتها طبعا شف اش سار حالي جد انقهرت وقلبي بركان من كثر مومعصبه بـس جلست اضحك مدري شكلي انجنيت ولا شيء طبعا سفهتا ومشيت كان نفسي اكسرها وللحين خاطري اكسرها طبعا خرجت للحوش وعيطت مع نفسي وسحبت ع حصتين محد درا عني وعرفت ان محد بيسأل فيني وهيك يعني اللّہ يعين ع الدنيا بـس صدق هذا جنون ولا لا انك معصب وودك تكسر الي قدامك وتضحك هذا شيء طبيعي ولا بديت انجن لان ابوي بعد لما صفقني ذاك الكف حتى خدي بقى اثر وجلست اضحك صح بعدين بكيت بـس ابغى اعرف هذا جنون ولا عادي وربي كارهه أنـي بنت ادري المفروض ماقول كذا بـس صدق كل شيء ع كيفهم حتى في الطلعه اقولهم مابغى اروح يقول مو ع کيفک. كل شيء غاصبيني عليه عساني بنت. ا فاهمين انك تكون ولدهم يمشونك ع كيفهم ماكنا ناس عندها مشاعر همهم انفذ الي يقولون وبـس.اللّہ لا يسامح كل ظالم بالدنيا... تدرون وصل تفكيري بسببهم افكار مجنونه كل وحده اخس من الثانيه زكل همي اشيل الافكار من راسي طيب. ابي حل من خوفي من ابوي خوفي سار شيء جنوني بـس ماقدر اسيطر عليه إذا جيت البس ولا شيء لازم احط شيء ورا الباب كله اخاف يفتح علي مره ثانيه إذا سمعت صوته بـس اخاف بشكل فضيع حتى أنا احس أين ابالغ. احيان ابكي من كثر خوفي. ايوا يعطيكم العافيه انت والأخت ساره أنا بثق فيكم وبكل كلمه تقولونها وانتو اخر ناس بثق فيهم وادريانكم انشالله قد الثقه وتستاهلون احد يثق فيكم. اي وقت يناسبك الاسبوع هذا موجودين في القاعده ويجزاك كل خير والمستوصف واحد مافي غيره بـس انه مبنين جمب بعض واحد قديم والثاني الي هم فيه الحين وانابرسلك مكانها بالظبط في البريد ويسعدكم ربي دنيا واخره حسيت براحه لما كتبت ....... |
كنت اليوم جد مضايقه وارتحت اللّہ يريحكم ويسعدكم دنيا واخره
|
آمين،، آمين،، آمين
الله يزيدك راحة ويفرّج همك ويملا قلبك اطمئنان وسعادة ورضا يااارب والحيوانة ذيك الله يكفي الناس شرها، وان ماكان فيها امل للهداية فالله يسلّط عليها وينتقم منها. لا تهمك كثير ي أحلام، واعتبريها مثل الحشرات، ولا لها اي قيمة او وزن. دايما حطي في بالك انك قوية ومحترمة، وهي الضعيفة والسيئة وانه لولا انها استغلت ضعفك بتقوية نفسها بناس ثانيين ماكان قدرت هي انها ترفع عينها وتناظر فيكي وفي نفس الوقت حبيبتي انتي عارفة انها في النهاية ما تمكنت منك. يجينا ناس (أغلبهم أولاد) يكون احد اعتدى عليه جنسيا وهو في حالة ضعف، اما لصغر سن او لتدخل ناس ثانيين ومع ذلك يتجاوزو هذي الخبرة المؤلمة نفسيا بمجرد انه يفهم (1)ان حدوثها لم يكن له يد فيه و(2)انه كان ضعيف وصارت عليه بالقوة، و(3)انه غير منحرف ولم فعلها برضاه وباستمتاع ساعتها يشعر بقوة ويشعر بأن نفسه عزيزة وانه اشرف واقوى من ذالك الفاسد. وهذا هو الفهم الصحيح بالنسبة لخوفك من والدك ي أحلام ترى جزء كبير منه غير صحيح انا ما أعرف والدك وبنفس الوقت لا أشك في اي كلمة قلتيها لنا هنا عن اللي صار لكن لازم تعرفي حبيبتي ان التعب النفسي يعمل تشويه او تحريف للصورة الحقيقية وبدون قصد انا متأكد انك مريتي بتجربة تقصير وتطويل الزمان. يعني مثلا تمر عليكي دقيقتين كأنها ساعة، وساعتين كأنها دقيقة ونفس الشي نقول ثانيتين كانها دقيقة ودقيقة كإنها لحظات، وهذا حسب المتعة اللي تخلي الوقت يمشي بسرعة او الألم والضيق والخوف اللي يخلي الواحد يحس ان الزمن كان بطيء جدا ومتأكد انك سمعتي بشيء اسمه السحّر؟ ايوة، السحر حق الشعوذة والتوهم والخداع البصري. ويمكن مريتي بتجربة انك تنخدعي بصريا او فكريا بشيء بسبب التشبيه او التمثيل. بل معروف في علم السحر ان فيي شي اسمه سحر التشبيه والتمثيل. ومثال عليه لما واحد يدخل غرفة شبه مظلمة والنور فيها غير واضح ويكون فيي ثوب معلّق على علاقة مرتفعة شوي ويتوهم في لحظة خوف من جن او عفاريت بأن الثوب هذا اول ماشافه خطر في باله واحد مشنوق ومعلق من رقبته وبالتالي الـ illusion وهو ان ينسحر الشخص بشيء في الخارج موجود حقيقة لكنه يفهمه او يستوعبه بصورة مختلفه تحت تأثير نفسي من الخوف والحذر والدهشة. وهذا يختلف عن الهلوسة. الهلوسة هي ان الواحد يشوف اشياء مالها وجود، لكن الخداع البصري هو ان يكون هناك شيء موجود ولكن ننخدع فيما نراه ونراه بصورة مختلفة زي اللي نشوفهم في يوتيوب او التلفزيون يعملوا اشياء سحرية وربنا قال عن سحرة فرعون (خدعوا أعين الناس) لا حظي ماقال ان الناس هلوسوا، وانما المعنى هو ان اعين الناس انخدعت وشافت العصي ثعابين لا حضي في مثير خارجي موجود هي العصي قريب شكلها من الثعابين، لكنهم شافوها ثعابين والحين أقول لك اللي صار لك هو انخداع بصري وليس حقيقة والدك فعلا دق الباب بقوة، وانتي فعلا كنتي خايفة، والخوف خلاكي ماتتصرفي بسرعة وتلبسي بسبب الارتباك اللي يجي: البس؟ يمديني؟ لا ينفتح الباب؟ ايش يبغى هذا؟ ليش ماأحرجه وماألبس علشان يفهم انه غلطان لو فتح الباب ويبطل هالحركات؟ لا لا، لازم البس،، بس انه اربكني ومو عارفه ابدأ بإيش،، طيب اخاف الف ظهري وينفتح الباب ومايمديني اتستر،، لاحظي تيجي اسألة كثيرة وتناقضات كل سببها الخوف والارتباك والضيق النفسي. هذا الارتباك ياخذ وقت. بالنسبة لك هي ثواني ولسة يادوب ما لحّقتي وقاعدة تفكري في حل لكنه فتح الباب بسرعة. بالنسبة له انتي طوّلتي مارديتي عليه، انتي شايفه فترة دق الباب فترة قصيرة جدا بسبب الارتباك، لكنها بالفعل كانت اطول من اللازم، اضافة الى انه هو كان زعلان وحس انك طوّلتي فتعجل وفتح الباب والحين بعد ماانفتح الباب مرت لحظات لما كنتي عريانة ومذهولة بالنسبة لك شفتيها طوّلت لأنك مو مستوعبتها ومستنكرة لحدوثها وماحاولتي تستري نفسك بسرعة بسبب الارتباك وبسبب حاجة داخلية تبغي تقوليها له بدون كلام ومضمونها: هه ، عجبك كذا؟ وهو ممكن استنكر رد فعلك ووقوفك وعدم فزعك لستر نفسك، ومو مستوعب مسألة أثر الارتباك. وممكن يكون ناظر لك من باب يتأكد مافيكي اصابة او آذيتي نفسك، او ليش ماسترتي نفسك؟ كإنك تبغيه يشوف شي عندك في جسمك ومو قادرة توريه هالشي (مرض او اصابة) من باب الحرج او الخجل لكن في نفس الوقت نفسك يشوفه ويساعدك في التخلص منه، هو ممكن يكون فهم وقوفك بدون سعي للتستر له هدف زي كذا طيب، الحين نجمع هالأشيا مع بعض علشان تعرفي ان اللي صار لك هو illusion 1) انتي شعرتي انه استعجل في دق الباب وفتحه (بسبب ارتباكك كان الوقت ثواني قصيرة بينما انتي فعلا طولتي) 2) هو شعر انك طولّتي اكثر من اللازم وان امداكي تتستتري لكن فيه بلا ثاني (شي تخبيه لأنه سيء) 3) فتح الباب وانصدم انك واقفة وعارية بلا مبرر (عندك بلا تبغيه يشوفه ومو عارفه او مستحيه تطلبيه) يمكن هنا يكون أخذ شوي وقت زيادة يمر بنظره على كل جسمك، لكن انتي حسيته وقت طويل لأنه وقت عصيب (انا عريانة وابوي فتح الباب بالقوة وقاعد يتفرج فيني) 4) حس والدك ان مافيكي شي وانما انتي مو طبيعية، تأخرتي في فتح الباب ولقيكي عريانة، ومالقي على جلدك شي تبغيه يشوفه وكنتي بدون ردة فعل للتستر وكأنه فهم انك تبغي تحطيه في موقف محرج او انك انتي انسانة منحرفة تسوي شيء غريب فعلا حبيبتي احلام، فيي حالات يكون فيها انحراف من الآباء تجاه بناتهم ولكن هذي حالات نااادرة جدا جدا جدا وشبه معدومة في مجتمعاتنا ولله الحمد. وهذي الحالات ماتكون بالصورة اللي ذكرتيها وانما بصور متكررة وواضحة وفيها افعال جنسية مختلفة وصريحة كما انه فعلا هناك ارتباك يحدث من الرجل ان رأي مرأة عارية او المرأة ان رأت رجل عاري بغض النظر عن صلة القرابة، فيكون رد الفعل بدل غض البصر هو الالحاح على البصر والنظر على اكثر شيء يجب غض البصر عنه. ومثال على هذا الارتباك هو ان الحمار من خوفه من الاسد يقوم يركض باتجاهه وليس يهرب منه مش لأنه حمار، لا، هذا بسبب الارتباك. واللي يسوق سيارة ويكون راح يصدم بسبب السرعة ممكن يغلط بسبب الارتباك فيدعس على البنزين بدل مايدعس على الفرامل. والحين خليني اسألك: فيي احتمال يكون هذا هو اللي حصل؟ ليش لا؟ ليش مايكون ابوكي بعد هالحادثة زاد شعوره بإنك مو طبيعية وان احتمال وراكي بلا (مش مرض جلدي الحين، لا، بلا سلوكي ،، انحراف او تصرفات غريبة)؟ ليش مايكون هذا هو سبب قسوته اللاحقة عليكي وتغير تصرفاته؟ وهو نفسه اللي اضافة لخوفك الوهمي لا يكون ابوكي منحرف، صرتي كمان خايفة من عصبيته وانه احتمال يستخدم عصبيته وقوته في الاعتداء عليكي؟ (ولاحظي ان عندك خبرة مؤلمة من محاولة اعتداء من صديقة مقربة، فتسألي او تقولي لنفسك: ايش المانع ان شي زي كذا محتمل؟ ابغاكي ي أحلام تعيدي قراءة هذا الكلام وتنظري له بالمنظار اللي ابغاكي تشوفيه فيه وتنظري من زوايا أخرى وتراجعي نفسك وصدقيني بتتحسن ثقتك بوالدك وعلاقتكم الأبوية. من جهتك (بيروح الخوف) ومن جهته (بيروح عنه شعور انك مو طبيعية او وراكي بلا) ولا تستعجلي حبيبتي النتائج. التحسن مايصير في يوم وليلة ولا في شهر وشهرين. هذي شغلات الاصل فيها هو انها تصير بتدريج بطيء وتحتاج وقت طويل وتحتاج ظروف خارجية وعوامل مساعدة. لا تستكثري الشغلة ولا تستبطئيها،، راح تنجحين بمجرد نجاحك في الاقتناع بالصورة ومجرد وضع رجلك على اول الطريق للمصالحة مع والدك، وخليكم ماتتصافوا تماما الا بعد سنتين،، ايش المانع؟ طالما انه في النهاية راح تتوفقي؟ |
أخذني الكلام حبيبتي ونسيت اقول لك عن الدوا هههه
اوك، انتظر رسالتك، او يمكن رسلتيها واحتاج اشيّك ع الايميل وراح اتفق انا واياك ع الوقت اللي اعطي لأخوكي فيه الأدوية غالبا على يوم الثلاثاء وبالكثير الاربعاء، او اليوم اللي يناسبك، بس كلها من بعد الثلوث اكتبي لي هناك غاليتي، ولا تشيلي هم (: وكم أحلام عندنا (: |
السلام عليكم ورحمة الله وبركاته .. تسلم اخوي
اخي صدقت في تصويرك للموقف وانه لايقصد واراباني ربماابحرت بفكري بعيدا وعدم ثقتي به مبالغ فيهاعدا اني اردت احراجه فلم افكر بهذا..... ولكن ساذكرامرا حدث بعدالحادثه كنت في غرفتي واتجهز للذهاب معهم لاني اصبحت اخاف كثيرا اصبحت انصت لاعلم عاد من االمسجد ام لاوفعلا كان قدعادواتى باتجاه غرفتي ولم يطرق الباب وانما وضع يده عليه ليفتحه وجده مقفل وسمعت صوت مفاتيحه وكان قد ادخلها ف الباب صرخت وانا ابكي ابي لاتفتح الباب فانا ارتدي ملابسي وفعلا ارتديتها وفتحت الباب وانا ابكي وكان بانتضاري ادخلني للغرفه وقام بضربي اخبرني اتفكرين بوالدك هكذا مع اني لم انطق حرفا واحدا وكان في قمة غضبه وافرغه بي ......وايضا عندما يتحدث لي ينضر في مكان اخر حتى ارتبك اعتقد ان شيئا ضاهرا ..(ومافي شي باين حتى ملابسي جدا فضفاضه يعني مقاسي S البس L يعني مو ضيقه ابدا وهذي عقده عندي سارت مستحيل البس شي مقاسي لازم اكبر حتى تو بس لاحظت ملابس تميل لذوق الاولاد طبعا ماكنت اقصد بس مارتاح الافيها ومادري كيف ابطل العاده هاذي ياليت اذا عندكم خلفيه تفيدوني).. ايضاانا ارى باني لااستحق هذه المعامله خصوصا منه فمنذصغري وانا اقدره اشد التقدير والاحترام واكن له حبا خاصا في قلبي فعلا احببت ابي كثيرا فكنت منذ صغري انتظر مجيئه من العمل لاساعده في نزع جزمته وشراريبه وانتضره ليخرج من الحمام لاهمزه ليرتاح هكذا انا مع ابي ولم اكن ارضى ان اغضبه ولو بكلمه وكنت دائما اسعى لارضائه اتيه كل ليله قبل ان ينام لاقوم بدهن قدميه ليزول تعب اليوم عليه واستمريت هكذا الى ان بدات اسمع منه كلام قاسيا انا لااقول باني لا اخطئ ولاكن الااستحق منه الاحسان لي الا استجق بعضامن الاحترام والتقدير فكان كل همي ان ارضيه وكان يومي يصبح سيئا ان تضايق مني هكذا انا احبه حبا كبيرا ولكنه لم يرد هذا الحب واستغنى عنه وليس بحاجته كنت اعتقد بان الوحيد من يفهمني هو ابي صحيح بانه كان يضربني لاتفه الاسباب ولكنه كان يبتسم لي هذا الامر الذي لم تفعله امي ابدا كان يستمع لثرثرتي احيانا ولكن اكتشفت باني احببت ابي اكثر من اللازم وتصورته باحسن الصور التي تحطمت عندما بدات افهم كيف تسير الحياه...مع ان اي من اخوتي لم يكن يقدر ابي لهذه الدرجه.. ربما تستغرب اني لم اتحدث عن امي...كلما اردت ان اكتب كلمه جميله عنها تتوه مني الكلمات حتى لو اردت الكذب على نفسي لا استطيع ....كم حاولت الاقتراب من تلك الانسانه التي تدعا بالام تمنيت ان اجرب ذلك الحب والحنان الذي يتكلم عنه الجميع كم اعتذرت لها عن اخطاء لم اقم بارتكابها مطلقا فقط لارى ابتسامتها لي فقط لاسمع منها كلمه جميله كلمه مليئه بالحب كما سمعت...امي في ذلك اليوم الذي بذلت الجهد لاكون من المتفوقين فقط لاجل امي فقط لاسعدها في حفل تخرجي من الابتدائي ..اخبرتني بانها ستاتي وان انتظرها ياااه كم سعدت بذلك الخبر امي ستاتي واخيرا فهي لم تحضر اي مناسبه تخصني مطلقا..ذهبت والسعاده ترسم محياها رايت الجميع سعيد وكنت اسعدهم كيف لا وامي ستحضر بدا الحفل وكنت انضرابحث بين الحضور لم ارها اتى وقت التكريم ووقت مسيرتنا وانا ابحث عن امي اين انتي امي ربما لاارى جيدا امي لم تحضر .. اجل كيف تستيقظ من النوم وتزعج نفسها من اجلي من انا بالنسبة لها ؟ لاشي كائن اخطئت عندما انجبته هكذا تقول ..ابعدت الافكار ربما مرضت قلقت عليها عدت للمنزل ويملأني القلق على تلك الام ..وجدت امي نائمه لم تكن مريضه وانما لم تزعج نفسها..لاباس ساخبرها عندما تستيقض بالتاكيد ستسعد فقد كنتى الاولى على المدرسه ربما تقبلني وايضا تاخذني لصدرها ياااه كم كنت اتمنى هذا .. استيقضت امي اريتها شهادتي وانا اتامل بردة فعلها نضرت لي بكــل برود احسست به احسست بجفائها لي ...مبــروك نجاحــك....فقط هكذا بدون قبلات ولااحضان تلاشت سعادتي بنجاحي وكاني رسبت ولم انجح فعلا لم تكتمل فرحتي بذلك النجاح....هكذا هي امي تفسد علي فرحتي ..لدي اخت كانت اما لي ولكن اتى من ياخذها مني تقدم لخطبتها تمنيت لو اخبرها بان لاتتزوج او ان تاخذني معها ولكن هذا مستحييل كرهت ذلك الرجل فهواخذ مني مصدر سعادتي الوحيد انهرت فالبكا عندما رايتها وهي تذهب لعالم بعيد ..تقبلت الامر لاحقا وعلمت بان سعادتي لاتدوم ..لم تكن علاقتي جيده بشقيقتي الاخرى لم تبقى الااشهر لترحل هي الاخرى حزنت لرحيلها فبعد ان بدات احاول تحسين علاقتي بها رحلت وتركتني تركتني لتلك الام التي لا تعتبرني شيئا وصفوها بكل العبارات الجميله والاحرف الرقيقه ولكن لم تكن امي كذلك زاد كرهي لها اجل انا اكرهها لم اعد اطيق رؤيتها مجدر رؤيتها تغضبني فهي عدوي الدائم فكلما حاولت اصلاح العلاقة بها تفسد اكثر قرات كتبا كثيره واستخدمت طرقا عديده لاضفرببرها ولكن عبثا من تلك المحاولات الفاشله جميعهاااافاشله ..ايضا بقيت قصتي تعرفونها فكلما احصل على مدر للسعاده يختفـي ... لااخفي لكم رغبتي في بر والدي ولكن لم اعد استطيع اتمنى ان اكون ابراخوتي بوالدي ولكن لا استطيع لم اعد احتملهمافكرهي لهما يزيدلا اعلم كيف اوقف هذا الكره انا جداا اتالم فاعلم باني اكره الشخصين الخطا ولكن ماذا افعل لا استطيع السيطره على تلك العواطف فانا حقا تعبت من الصراع في قلبي هناك مايخبرني باني على خطا وانه يجب ان ابرهما واصبر على اي اذى منهما وهناك مايخبرني بانهما لايستحقان اي عطف فهما لم يعطفا علي اويحباننني الى من استمع فعندما افكر ارا باني لا استحق معامله سيئه منهما فانا لم ارتكب اي خطا استحق عليه هذه المعامله فانا لم انحرف عن طريق الصواب وايضا لااريد ان اكون عااقه بهما انا لم اعد اعلم مااريد ضميري يانبني وقلبي يحرضني كيف اوقف هذا الصراع فحقا تعبت منه ولا اعلم كيف اوماهو الصواب اشعر بالضياع فعندما اقرر اصلاح الامور واذهب لهما يتملكني الغضب واشعر بانهما لايستحقان اي احسان وعندما اعود لغرفتي اوأنب نفسي ..لا اعلم كيف اريح نفسسي اتمنى ان ترشدوني لذلك ... وكمان قلت انو عندي عدم تركيزولما احاول اركز كاني اسرح بس ماافكر فشي معين كذا شي فارغ.. و فيه شي غريب الحين اذا احد ايكلمني اسمعه بس مادري اش يقول تجي الحاله احيانا حتى لو عاد كلامه مايوصلني شوتفسيره وبعد لي فتره احس كاني نايمه في المدرسه ادري ان الاستاذه تزهمني بس ماقدر ارد عليها الا بعد فتره كاني اتحلم شوتفسيرو.. ويعطيكم العافيه وسوري ع الاطاله.. |
في حاجات كثيرة انسى أعلّق عليها ):
سامحيني حبيبتي بس الوقت هو اللي مايساعدني كنت باسألك: بدأتي قراءة كتاب البحث عن المعنى؟ وكمان ابقول لك عن اللي سألتي عنه عن اختلاط الضحك بالبكاء والغضب واقول لك عادي، يصير هالشي بسبب الانفعال وممكن ناس يقولوا انه جنون لكن اكيد ماهو جنون، هو انفعال شديد وتمارين التنفس طبّقتيها؟ طبقيها حبيبتي وعيديها مية مرة، حتى لو ملّيتي، لا تتكاسلي، استمري وعيدها ع الأقل 10 مرات وعيديها كل يوم الى ماتوصلي للاحساس بالنتعاش الأطول لأن كل مرة بتنتعشي انتعاش قصير وقت خروج الهواء (الزفير) والانفاس الثلاثة التالية السريعة لكن بعد تكرار دورة التنفس (حبس ثم زفير ثم 3 انفاس) اكثر من 10 مرات ستصلي لشعور حلو، وبعض الناس ممكن يحتاجوا اكثر من 10 دورات، وممكن مايحسوا بالاحساس الحلو من اول ليلة ولا ثاني ليلة والسر هو في تكرارها قد ماتقدري وعملها يوميا، وراح توصلي للاستفادة المطلوبة يالله اروح اقرا اشوف ايش اشيا ثانية تكلمتي عنها ونسيت اعلق عليها (: |
اقتباس:
والدك غالبا كان يبغى يفتش غرفتك لأنه زي ماقلنا ملاحظ عليكي الانطواء وما تكلميهم ومتغيّرة عليهم بشكل زايد وجات حادثة دخوله عليكي وانتي عارية، وشك انك مو طبيعية وانه ممكن تكوني مخبية عنهم شيء او تكوني منحرفة (بعيد الشر عنك)، وزادت الشكوك عنده وصار يبغى يعرف ايش البلا اللي انتي مخبياه عنهم جا، وفتح الباب بهدوء من باب انه مايبغى احد يحس بدخوله، خاصة لو كان يظن انك انتي جوا ومتوقع انك نايمة. ولما لقي الباب مسكّر قال: حلو، معناه ماهي موجودة وبافتح الباب بمفتاحي وادخل افتش وآخذ راحتي. ولما صحتي بخوف قال: لااا، البنت اكيد مو طبيعية وفي احد سوّا لها شي والا ماكان صارت تخاف مني وتظن في الظنون طبعا صار غضبان الحين من ظنونك فيه، وغضبان من ان في شي صار لك ومخبياه، وهذا اللي خلاه يضربك. وبعد كذا صار شاك أكثر وأكثر ان فيكي بلا، وصار مايقدر او مايبغى يحط عينه في عينك ويبعد نظره عنك ويناظر في اي جزء من جسمك كإرتباك صار عنده سببه انه ظن انه هو اللي دخّل في نفسك الشكوك والخوف منه وانه لما يشيل نظره عنك يمكن يحل المشكلة ويشجعك انك ماتخافي منه. وفي شي مهم ي أحلام ماأظن انه خطر في بالك حسب ماسردتيه من تغير علاقتك بوالدك وان التغير بدأ منه هو وبدون سبب. البنت حبيبتي من الطبيعي انها تتعلق نفسيا بأبوها وتحبه أكثر من امها، على عكس الولد يحب امه اكثر من ابوه ويتعلق فيها أكثر. وعند مرحلة من العمر وهي بداية المراهقة يبدأ الأب ينفّر بنته منه بتحريض من الأم من باب انها بلغت وينبغي ابعادها لكي لا تتعلق بصورة قد تؤدي الى انها مستقبلا لا يعجبها رجل سوى ابيها ولا يقنعها محبة غير حب ابيها فيؤدي ذلك الى فشل قدرتها على التكيف مع الزواج من اي رجل مستقبلا مهما كان هذا الرجل يحمل صفات طيبة، هذا اضافة الى انها ستنمو مسترجلة تفتقد للأنوثة والجاذبية الانثوية والأم تنفّر ابنها منها بتحريض من الأب الذي لا يريد ابنه ان يتعلق بأمه فينمو على انه ابن امرأة ودلّوع ومتعلق بأمه ولا يرى انثى سواها ويحتقر كل النساء ولا ينجذب لهم وينمو بشكل انثى وليس هذا فقط الذي يخشى منه وانما يخشى على البنت ان تتعرض لشهوة شيطانية تجاه ابيها فتكره نفسها وتؤنب ضميرها وتنفر من ابيها ومن القرب منه خشية من ضميرها الذي يقسو عليها، فتصبح لا تخاف من ابيها وانما تخجل منه لأنها تعتقد انه هو الطيب وانها هي السيئة عندما شعرت شعور بطّال تجاهه،، والولد طبعا عكس ذلك لا حظي حبيبتي ان المراهقة معرضة لمشكلتين كل واحدة العن من الثانية. يا يقسى عليها ابوها فتكرهه وتبتعد عنه، يايدلعها ويحبها بزيادة فتشعر هي بشيء تجاهه لكنها ترفض هذا الشعور وتؤنب ضميرها وتكره نفسها. لو قالوا لك اختاري تختاري ايش؟ أغلب الناس لو اعطيناهم خيار راح يختاروا لا هذي ولا هذي، ويقولوا نبغى التوسط والحب البريء. لكن حبيبتي المسألة مو بالكيف ولا يقدر يوزنها أحد. الصحة النفسية تقول ان البنت لازم تنفر من ابيها بدرجة تجعلها تؤمن انه في رجال قد يكونوا أفضل وأكثر جاذبية من ابيها، فتنفك عنها احتمالية ان تتعرض لشهوة تجاه ابيها ومايحدثه ذلك من كراهية منها تجاه نفسها تجعلها تدمر نفسيتها. والآن من هو الذي يستطيع ان يوزن النفور بحيث لا يصل لحد الكراهية؟ المسألة جدا صعبة على الأب او الأم مهما كانوا متعلمين او تربويين او خبراء في علم النفس. واللي يزيد صعوبتها هي مسألة كيف نفهّم المراهقة هالأشياء؟ كيف نقترب منها دون ان تشعر برغبة من نفسها لأبيها او رغبة من أبيها لها، تجعلها يا تكره نفسها لأن الرغبة جات منها يا تكره أبوها وتخاف منه لأن الرغبة جات منه. أبوكي الآن يا أحلام غير انه متوجّس وخايف يكون وراكي بلا او مصيبة صايرة لك مع أحد، صار متوجّس وشايل هم لأنه حاس انك تشكي فيه وخايفة منه وتكرهيه وانتبهي حبيبتي هنا، لاتقولي عني اني دايما أحط اللوم عليكي وأطلّعك انك انتي اللي فاهمة غلط وان ابوكي وامك بريئين. لا عزيزتي، هم كمان غلطانين ويتحملوا جزء من المسؤلية واللوم لا يقل عن الجزء اللي انا وضحته لك عن مسؤليتك واللوم اللي عليكي. واقل شي ممكن نقوله عن خطأهم هو انهم هم المفروض ان يفهّموكي ويفهمو ان البلا اللي هم متصورينه عندك جزء كبير سببه عدم اقترابهم منك واعطائك ماتستحقينه من قبول وتقدير وعدم قدرتهم على مواساتك ولجوئهم للشك فيكي ولومك بدلا من طمأنتك واشعارك بأنك ماجا منك قصور طبعا مافي شك ان والدتك قصّرت معاكي كثير ومبتعدة عنك بزيادة في فترة المفروض انها تكون قريبة جدا منك وهي فترة جفاء الأب لبنته وقت المراهقة لتعليمها (زي ما قلنا) انه ليس هو فقط الرجل المميز في نظرها هذا طبعا من جهتها يعتبر قصور كبييير لكن المفروض من جهتك ان تقابليه بالتأسف عليه من باب انك تتمني انه لم يحدث وانه سيكون أجمل لو أن والدتك كانت حنونة معك، والعفو عن والدتك ومحاولة ايجاد عذر لها كي تتمكني من التصالح معها وما ينتج عن هذا التصالح والتسامح من استعادة علاقة طيبة معها. موضوع ضعف التركيز غاليتي سببه القلق وما يسببه من تشتت للذهن فلا تشيلي هم له، بيروح مع الدواغ ولا تشيلي هم حبيبتي لإصلاح العلاقة مع والدك او والدتك في الوقت الحالي. هي راح تتصلح مع الوقت ومع رؤيتهم لك بعد ماتاخذي الدوا ويتحسن مزاجك وتطمئني نوعا ما ويشوفوكي تستعيدين نفسيتك الطيبة وهدوئك وتصرفاتك الطبيعية وتذهب عنك المخاوف والتوجس ويطمئنوا بأنه مافي وراكي مصيبة مخبيتها. هالمسألة بتاخذ وقت، وممكن تحتاج لأفلام هندية من مواقف عاطفية فيها دموع ألم ودموع فرح، وتصالحات، ومواجهات، وعتابات وغيرها ومو ناقص غير يطلع لكم فيل في البيت وموسيقى هندية حزينة خخخخ فديت قلبك ي أحلام،، نفسي اقعد أكتب لك اليييين بكرة، من حبي لك وخوفي عليكي وحرصي اني ماأسيبك ولا أخيّب ضنك في، بس مااش :( ، يدي تعبتني من كثرة الكتابة وياليت اختنا سارة تطل علينا وتعطينا من علمها ومعرفتها ، ومانستغني ي سارة :) 21l;wqa' |
اهلين وسهلين ..
مساء الخير جميعا ... الحمدالله الامور تحسنت .. هالشيء جدا اسعدني .. اخت احلام احس انك افضل من الأول .. الحمدالله هذا كله بفضل ربي ثم فضل دكتور رعد وجهدك بحل المشكلة .. زي ماقلت لك كل شيء في دنيا له حل ,, وفيه مخرج ,, وفي تغيير للحال .. اختي كما قال دكتور رعد .. اهلك ومعاملتهم لك قد تكون قاسية غير جيده ,, ولكن اذا انتي بتلومين الاخرين على وضعك وعلى معاملتهم لك انتي كذا ماتدورين حل فعلي لوضعك تبررين حالتك النفسية واكتئابك انهم هم سبب ومعاملتهم السبب وانا ضحية وهم دايما اللي يغلطون علي .. وبكذا تحسين بضعف اكثر واكثر .. وماتسعين لحل المشكلة ولا انك تغيرين من نفسك او تغيرين من اسلوبك .. هن يغلطون صح انا معك .. مفروض تكون معاملتهم لك افضل .. بس انتي كمان مسئولة على اسلوبهم معك .. تقدرين تغيرين هالاسلوب اذا رفضتي واعترضتي وجلستي تلومين فيهم .. انتي كذا ماراح تحلين المشكلة بينك وبينهم بتصعبينها وبتسببين مشاكل اكثر وبتحزني اكثر وبتسوء صحتك النفسية اكثر .. عشان كذا بددل الكره .. حاولي تحبينهم .. بدل الاعتراض على معاملتهم حاولي تغييرها بالكلمة الطيبة والاسلوب الاحسن .. لا تعصبي اذا عاملوك بقسوة .. اسكتي وحاولي تردين بأدب وبكلمة طيبة .. شوفي اختي مهما كان الشخص اللي امامك قاسي تقدرين تكسبينه بالكلمة الطيبة .. ادري انه صعب .. بس مهما كان هذول اهلك ومهما كان انتي لازم تتقبلينهم وتحاولين انك ترضينهم وتسوين كل شيء عشان ترجع العلاقة رفضك وكرهك راح يأثر عليك انتي وعلى نفسيتك .. انك ترفضين حالك وترفضينهم انتي كذا جالسه تدمرين نفسك وصحتك .. بدل الكره نحاول نحب .. بدل الاعتراض نحاول نتقبل ,, بدل الشكوى والقاء اللوم على الاخرين انهم هم سبب في سوء حالتنا .. نحاول نتحمل المسئولية ونغير من انفسنا ونحاول نحل المشاكل بدل الهرب منها .. بالنسبة لمشكلتك مع ابوك .. شوفي اختي ماتقدرين تحكمين على ابوك انه بيضرك بشيء مثل ( التحرش الجنسي ) االا اذا لاحظتي تصرفات فعليه ,, متكرره .. هنا تقدري تقولي انه ممكن يضرك .. اما فقط شكوك بسبب مواقف صارت .. ماتقدري تحكمي عليه وممكن تظلمي ابوك .. شوفي اختي بسبب اللي صار لك من تحرشات في المدرسة .. صار عندك خوف من اي شخص ممكن يقرب منك .. صارت اي حركه ( يناظر في صدرك ) << ممكن يقصد ان يتقصد انه يناظر لانه يبغا يتحرش فيني << تفسرين اي حركه ممكن تكون عادية الى شيء سيء سلبي خاطئ هنا ممكن تكوني غلطانه بحكمك على الامور .. لازم ترجعي تتحكمي بأفكارك اتجاه التحرش الجنسي .. ترجعين تثقين بالناس .. وخاصة اهلك لا تحكمين على الاخرين قبل ماتتأكدين فعليا .. |
وينك ي أحلام؟
قلقتيني عليكي حبيبتي ادخلي اكتبي لو كلمتين بس نعرف اخبارك |
):
.......... |
| الساعة الآن 01:12 PM |
Powered by vBulletin® Version 3.8.11
Copyright ©2000 - 2025, vBulletin Solutions, Inc.
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd. Runs best on HiVelocity Hosting.
المواضيع المكتوبة لاتعبر بالضرورة عن رأي الموقع رسميا