اي اهلي يعرفون وبالاخص بابا لان هو تعرفين يعرف طبيعه المرض بس اني المشكله معروف عني البنت القويه الشخصيه
وحتى اهلي استغزبو من ضعفي هيج والله اروى صرت غير وحده تعرفين اني مخطوبه هملت خطيبي لدرجه كبيره كلش كمت اكول اكيد مراح ازوج ولاشي واعصب من كلشي

الله يعينج ويفرج عنج يا رب وتزوجين وتجيبين نونيات صغار ^_^
بس لو خطيبج يدري ويوكفج وياج تدرين حالتج تتحسن حيل هواي بالاخص ذا كنتو مخطوبين عن حب

ان شاء الله يارب ويوم الالج حبيبه قلبي يارب
لا اروى ماكدر اكله لان صعب احجيله هيج شي

تسلمين^_^
اني صارحت الولد الي تقدملي بالشي الي اعاني منه والحمد لله واكف ويايه ومساندني كلششش
وهو بعد فضل الله جان السبب انو تخف حالتي واتحسن

يعني انتي مخطوبه
والله احسن شي سويتي انا يعرف عندي حاله نفسيه من كعده البيت بس

الولد كلم ماما وطلبني منها بس ننتظر السنه تعدي على خير واذا الله سهل تصير الخطوبه رسمي
كتلج والله حيل وكف ويايه وسهل عليه حته مثلا اروح لطبيب جان ويايه بكل شي
ساره سافري لمكان فد 10 ايام اعتبريه نقاهه
تدرين مثلا اني صالي 3 اشهر مطالعه وطبعا لا دوام ولا شي ومنا ضغط انو تتاجل السنه ولبارحه يله طلعنه والي متعلم على حياه بغداد يجي هنا ممنوع طلعه وطبه تخيلي الكأبه فعادي تعلمي انتي مو عايشه بالعراق العظيم فعادي ^_^

الله يتمملج على الف خير حبيبتي والله يخليكم لبعض
هو لازم تغير جو اكيد مطلوب اني صارلي سنتين متخرجه وكاعده بالبيت تخيلي

تسلمين حبي يعني انتي مواليد 1991؟
متكليلي تريدين شلعان قلب ضلي بالبيت اشبعي راحه بعدين تزوجين وتكرهين اليوم الي درتي تتعينين بي ^_^

اي حبي وانتي يامواليد اتوقع 94
ليش هو الزواج راحه ههههههههه
موتنسين عزميني بالخطوبه حتى اكل كيك ههههه

لا مو 94 اكبر مواليد 93 بس صارت ظروف واخرتني عن ادخل الجامعه
هو شداكلج عوفي التعين اشبعي راحه هسه بعدين ان شاء الله تجيبين جهال وتحيرين بيهم تكرهين الوظيفه
من عيوني تدللين ^_^
صدك شلونج اليوم ان شاء الله احسن ؟

هو هم هيج اروى هههههه
والله حبي اليوم شويه التفكير جان زايد بس حاولت شويه اسيطر على نفسي وانتي شلونج

اي حاولي تتغلبين عليه
والله اني الحمد لله اجاني الوسواس المقرف بس مهتميتله كعدت اسوي حلويات كمت اعذبه مثل ميعذني متعايشه ويا
يمعوده اصلا صرنه اصدقاء كللش اعذبه ويعذبني ^_^

ست بيت انتي شيويتي حلويات فضول ولو اني مو سمينه يعني عبالج احب الحلويات

هههههههههههه والله جنت كلشي ماعرف اسوي بس الفضل للوسواس خلاني اطبخ
سويت زنود الست وحلاوه الدهينيه وبسبوسه

يلا حتى تسوين لزوجج بعد شيريد *__* اني بس بالاكلات الرئسيه زينه بس الحلويات مو هلكد

ههههههه الله كريم

والله اني بديت بالاكلات الرئيسيه تعلمت الكبسه وجانت ناجحه
وتعلمت اسوي مقبلات يعني مشيه اموري ^_^
كل ما اضوج افتح اليوتيوب واشوف فد اكله واسوي
وتذكرت سويت صاج وسنبوسه ^_^

ياسيدي ياسيدي كبسه ماعرفها ومضايقكتها تصدكين بس اسمع عنها