آمين🤲😃
طمنا كيف الحكة خفت عنك؟
حسبي الله على كل الأدوية
ربي يخلصكم منها..

لا تخجلوا من لحظات ضعفكم فهي صادقة ..
لا أحد يمكنه أن يظل واقفاً يقاوم ويقاتل دائماً ..
حتى الشجرة يُرهقها الوقوف في وجه الريح فَـ تنهار أوراقها ورقة ورقة ..
لكن يظل قلبها أخضر لِـ تزهَر من جديد ..
وانتم قلوبكم خضراء نقية ..
تنبض بالحياة والفرح دائما بإذن الله
لا تحزنوا..دنيا فانية..
صباح/ مسا خاص بالملوك
كحيلان..جينرال
ربي يحفظكم ويسعدكم❤🌹

صدق ضرسك حسبنا الله على كل الأدوية و يا رب خلصنا منها

الحكة الحمدلله ما أقول إنها راحت تماما بس أهم شي خفت أما الحمار باقي ما راح .

تسلمين أيتها الملكة و يا مساء العسل .
الله يسعدك .

ما عاد باقي للنشامى عناوين
أمست بهم سود الليالي ضحايا

تسلمون جميع يا احلا اخلاق وذوق ورقى كحيلان وباعة الورود

بكرا عندي،موعد مع الدكتور بدر لازم اروح يشوف حالتي،هلكان تعب 😩 😩 😩
وبعدها بروح لمجمع الامل يصرفون علاجاتي ان شاءالله احصلها عندهم

يا هلا جينرال ، أسعدها لحظة
أسأل الله إنك ما تشوف الشر و لا باس عليك و موفق دنيا و آخرة .

طفح الكيل بي من الحكة و الإحمرار بسبتها رحت مستشفى قوى الأمن قبل شوي و الحمد لله عطوني علاجين و بإذن الله النتيجة تكون طيبة و ارتاح من الجرب هذا .

أصبح عليك بالخير و أصبح على الظل و أصبح على الجميع .

أبقرا الروشته و إن شاء الله تزول الحكة و الإحمرار عاجلا غير آجل .

دعواتي لكم جميعا .

لا تقول يا صبري و لا تقول يا قوي
هذي من الله و الا انا و لاحاجة
و الله يا بعض الليالي لو تجي توي
إن تظهر العبرة من العين ثجاجة

https://youtu.be/6CAJAULZem0?si=ioz9FdbiZjBrQeY4

اللهم لا تحرمنا خير ما عندك بسوء ما عندنا ،
اللهم إنا نسألك عيشا قارّا ، و رزقا دارّا ، و عملا بارّا .

إيه نسيت الدكتورة قالت لي اللي فيني ( الحزاز المسطح )

يا رب

.

هلا وغلا كحيلان ترا مضادات الصرع تسبب حكة قوي انا سبببها لي لامكتال

يا هلا يا محمد يا هلا و مسهلا

صدقت ، علاجي من مضادات الصرع حاليا هو ( ديباكين ) و الحمد لله إنه بريء في حدوث الحكة و الشرى .


الدكتورة في الطواري كاتبت لي دهان و حبوب ، الحبوب قالت لي آخذه مرة وحدة فقط عند النوم ، لكن اليوم طفح بي الكيل و خذيت حبتين ، الله يعين و الله يعافينا جميع .

أبوي جاء من الديرة علشان واحد من اخواني الصغار رجعت له الصدمة الأولى اللي جته لحظة وفاة أمي الله يرحمها و صار ما يمشي المهم كواه و ان شاء كيته تجيب نتيجة

بس أنا مستغرب يعني الحين ما فاده علاج الإكتئاب ، الله يكون بعونه و يعافيه .

مشيتي قبل شوي ، الجوال حسبها بس مستغرب انها 6 كيلوات 😂

https://up6.cc/2024/10/172921025560311.png

يا وجودي لا دنت شمس وصلك بالغروب
ما طرى لي غير صوتك لا ناديتني

و يا وجودي ليت غيرك عن غيابك ينوب
كان ما عاينت وصلك إلى جافيتني

ختام السالفة يا طيب العشرة كرمت و دمت
هذا حقك علي و حق شرهاتي على اوهامي
مصير الوقت يشرح لك ظروفه و ان غفلت و نمت
يصحيك الزمان اللي يصحي كل من نامي
تذكرني لا منها خابت اوهامك بمن وهمت
و شفت الفرق في حب الخشوف و حب الاقدامي

في داخلي بكاء لكن لا أستطيع أن أبكي كلها من الفراغ الداخلي العميق

يا اااااا رب

.

يا رب إنك تيسر لي السكن المقيم الدائم و الجميل خارج هذا البيت المشؤوم ذو الغلظة و الجفاء .

رحمك الله يا أماه رحمة الأبرار .

ارحبو يا جماعة الخير كيف حالكم عساكم بخير

اليوم رحت لاستشاري باطنية
شاف التحاليل وقال استمر على دواء الكولسترول
ودواء الضغط واعطاني علاج للسكري يقول انت في مرحلة قبل السكري لازم تاخذ وقايه بس ما ارتحت للدواء بكره بحضر في مركز صحي الحي بنشد الدكتور ماجد النويصر عن العلاج وش اضراره وفوائده للعلم عندي تبول بشكل كبير جدا

الله يخارجنا منها على خير

ارتكي للحمزل الثقيلة ولا أبالي
وغيري عند اول موقف تهل دموعه

البقا الله يسعدك يا محمد .

أبد على حطة يدك
قمت من النوم العشا و الحمد لله ما فيه أي حكة و الطفح الجلدي راح تماما بس الآثار باقي و هذي من عوايد مرض ( الحزاز ) إن الآثار تبقى وش نسوي ما نقول غير الحمد لله ، مشيت رجليّه لبعيد و أوجعني بطني و شربت 2 قوطيين سفن أب و راح الوجع و أخذت علاجي إلا و احس بحكة فكت مخي بصراحة 😔 و على طول دهنت بالدهان اللي عطانياه الدكتور و أكلت مضاد هيستامين المصروف لي من المستشفى : تعتقد الحكة من إيش ، من ستيلازين و الا أرتان ، المشكلة ما ابغي أترك ستيلازين ، أولا عشانه نزع مني كرهي للشمس اللي أعاني منها من سنين فصرت بالعكس متقبلها عادي ، ثانيا شغلة الأفكار هدّاها لي ؟ محتار قسما بالله 😔 موعدي مع الأمل يوم الخميس نهاية الشهر الميلادي !

https://www12.0zz0.com/2024/10/23/23/382191681.jpeg

يا كافي ، الله يحميك من السكري .

صدقني أدويتنا تجيب تكرار التبول بشكل جنوني حتى أنا ما ارتاح في نومي كل شوي دور المياه . الله يزينها في العاجل

أهلها ، كفو .

هلا وغلا ومليون مرحبا مليون باخوي كحيلان
الحكة اتوقع اولا من فيتامين ب والتوقع الثاني دباكيين واخير ارتان
عندي لك فكرة تبتعد عن اسهلهم

وخطاك السو يا بعد راسي وان تروح الاثار
الاثار لازم بعد ما نروح الحكة تاخذ مرهم لتوحيد اللون اسمه هاي كوين ٠.٤ مغ تدهن بس في الليل قبل النوم انا باقي الاثار لان اعجوبة في الكسل ادهن يوم واسحب عشرين سنه

يا هلا مليارين بالجينرال

ديباكين أظنه بري و الله العالم لأن خذيته البارح مع أولانزابين برانزا و الأمور مستتبة لا تظلمون احبابي 😂 ، أغلب الظن يا ستيلازين يا أرتان واحد منهم ، عاد الله يعين بكرة ماني ماخذ إلا ستيلازين بالحاله و تتبين الحقيقة و ما ودي بتركه لأنه حببني في الشمس اللي عانيت منها سنين . أما النياسين b3 من يوم تركته شفت العافية و المجنون اللي نصحني به قال خذ 3000 ملغ مقسمة أثري مدرعم صدق لأن الجرعة الصحيحة له 16ملغ في اليوم بس المشكلة هو درعم علي في الخاص و أنا ما سألته أبد .

مشكور جينرال ، لا عدم و لا خلا . و صباحك جنة .

ههههه . حفظت الدهان و الله ينفع به ، تسلم جينرال بيض الله وجهك .

يا صباح الخير يا طلة الصبح السعيد
أنت في كونٍ لحاله و خلق الله في كون
تدري انك ضفت للعولمة شيٍ جديــد
علم هدّيف الانامط و قرآء العيون

حي راسٍ كل ما كبرت عليه البلوى ضحك .

اللهم عافنا في أبداننا
اللهم عافنا في أسماعنا
اللهم عافنا في أبصارنا
اللهم إنا نعوذوا بك من الكفر و الفقر ، و نعوذوا بك من عذاب القبر .

هلا 👋 كحيلان الله يجعلك تصيد السبب
لي رجعة بس ضيقة وتوتر وصداع الحين

الرسائل الصباحيّة
لا تعني فقط صباح الخير...
بل تعني أيضًا..
فكّرتُ بكم في أوّلِ صباحي 🤗

صباح الخير والمحبة اخواني الغاليين
كحيلان..جينرال
عساكم بخير وصحة وعافية يارب🌹♥️

هلا وغلا ومليون مرحبا إمبراطورية الحنان ياسمين
وينك غايبة قسم بالله خفت عليك خاصة مع الأحداث الله يطول بعمرك يارب ويحفظك ويكثر من امثالك