شكرا لك وأسأل الله أن يتقبل منك، دائماً ردودك توحي إلي بالتفاؤل وتغير من مجرى تفكيري
شكراً من الأعماق جزاك الله خير الجزاء 🌹

كم يسعدني ان اراك و ارى بقية الاعضاء سعداء ايتها الاخت العزيزة ... فنحن عائله واحده و يؤلمني ما يؤلمك و يسعدني ما يسعدك ... وفقك الله و حفظك و افرحنا بذريتك الصالحة ... اتمنى لك يوما جميلا مليئ بالانشطة الرائعه...دمتي بخير اختي ام نورة

') اليوم صحيت على هذره الشغالات مع أمي وأسكت وأسكت وماما تقول شي وهم شي ثاني وتلكك وقلت حياء

زبده انفجرت عليهم وعلمتهم احترام والدتي والله أحرقوا دمي

أصلان كذا شغاله ببيت غلط

زبده ما عمري طولت صوتي عليهم او عاملتهم بشين بس احيانا الوجه الزائد غلط

أي إنسان قد يفقد السيطرة على أعصابـه عندما تكون المسـألـه متعلقـه بأحبابـه فـمابالك إذا كان هذا الشخص هي الأم التي ربت و تعبت!! .. حفظها الله لك و إلى أحبابها من كل سوء : )
قد نخطأ و قد يخطؤون و لكن لا بئس بالإعتذار عند إدراك الخطيئـه .. و لا بد من توعيتهم حول أهميـة الإحترام في ثقافتنا ... أتمنى لك التوفيق.

لا اله الا انت سبحانك اني كنت من الظالمين
جزاك الله الف خير اخي

جزيت كل الخير ايها الاخ العزيز على التذكير ... حفظك الله و رعاك ..
استغفر الله ربي و اتوب اليه

ممكن فقدت أعصابي عشان أمي بس انا كشخص ماحب ذا الأسلوب اعتذرت منهم اليوم


بس الحدود راح تمشي ^^ من اليوم لين سفرتهم

اليوم أنبسطت مع أهلي من شهر وانا عايشه في كابوس بس الحمد الله اليوم ^^ رجعت دلول القديمة صحيح تغير بداخلي أشياء بس رجعت مثل ما انا

ورجعت للأشياء الي احبها قبل من تصوير وغيره

وبقى على جامعه يوم وصراحه متحمسه لها ولخوياتي

وأحس الحياة بدت تطلع فيها ألوان وكيذا

سعيد جدا لسماع هذا الكلام الرائع منك .... اتمنى لك السعادة الابدية .. الى الامام بتوفيق الرحمن ... لاتنسي ان تشاركينا ابداعتك التصويريه ... دمتي بخير

') للأسف ما اعرف للمنتديات وتنزيل الصور ^^ خن على الاستقرام ابرك

بإمكانك إستخدام مراكز رفع الصور ... التصوير هوايـه جدا رائـعـه أتمنى لك الإستمرار حتى الوصول إلى الإحترافيـه إن شاء الله

كيفكم اخواني انا الوسواس ساعات يجيني بكتمه قووويه ودي اهرب بس وين ما اعرف

اهربي لسجادتك والجأي لخالقك (لا ملجأ ولا منحا منه إلا إليه)

وفعلا الكتمة عارض جدا مؤذي وانا مثلك أعاني منها لكن مالنا الا نتجاهل والله يعين

فيه حساب بانستقرام اسمه سوالف هيون
?haya_allll

يمكن بعضكم يعرفه
هذا الحساب فيه قصص جميلة جداً وفكرته كل احد يكتب موقف مضحك محرج مبكي هادف اي شي وهي تحطها
فيه قصص مره توسع الصدر وتخليكم تضحكون شوي

خذوا لفه عليه جداً جميل

بكره اليوم التعريفي ^^ بالجامعة وللآن ما نمت حتى سواقي ما عطيته خبر وسرى الليل وحنا ما سرينا ^^

السلام عليكم
حالتي من امس زفت لاني في فترة الدورة امس بدات
التفكير مو راضي يفارقني
بتموتين هذا احساس مو وسواس ):
حتى لمن ارسل لخطيبي انتبه ع نفسك ولا احبك يقولي أيوة عشان بتموتين
اخ كنت مرتاحه أسبوعين توقعت راح هالوسواس اللعين
لكن قاعد يرجع و ينغص علي كل شي )":

هالفتره الاحساس والشعور بالموت يخوفني اكثر من الاعراض الي تصير
مقعوله من كثر التفكير يعني :\؟؟

لا تستسلمين اختي انا مثلك ادقق كل كلمه اقولها
وليش قلتها اختي هذا وسواس لعين اتعوذي من الشيطان الرجيم واقري سوره الناس بصوت عالي
وكمان خربطه هرمونات بسب الدوره والوسواس ايزيد وقتها اتأكدي هذا كله من عمل الشيطان

اكيد من كثر التفكير بيصير الخوف والقلق
كلها من مخططات الشيطان ويريدنا نكون بهذه الدوامه
الله يشافينا يارب

السلام عليكم و رحمة و الله و بركاته

قد تنتصر الأفكار الوسواسيـه علينا في أغلب الأحيان و لكن و بكل تأكيد نحن من سيفوز في هذه الحرب النفسيـه في نهايـة المطاف ... و لازم نؤمن أن المشكلـه مو في في الأفكار الوسواسيـه بحد ذاتـها و إنما في الطريقـه التي نسلم بها نفسنا إلى هذه الأفكار الوسـواسيـه ... و لكي نكون إيجابـيـيـن فـلن نعتبر هذا التسليم مجرد إستسلام و إنمــا مرواغـه ذكية للإنتصار على هذه الأفكار الدخليـه .. سلاح الوساوس هو زرع الأوهام و الشكوك و الظنون و المخاوف في الأنفس ..أما نحن فـسلاحنا بالدرجة الأولى هو إيماننا برب العالمين و هو أرحم الراحيمن .. ثم العزيمـه و الإرادة القويـه على عدم الإستجابـه لهذه الأفكار الدخيـلـه .. ربما تكون البدايـه صعبـه و لكن و بكل تأكيد نحن لها .. و الله الموفق .. و دمتم بخير..

كلامك صحيح اخي المتفائل
بس ساعات لما نيجي نطبق نلاحظ صعوبه التطبيق
والاستسلام بكل سهوله لهذه الوساوس وتصديقها
بآنها حقيقه ونرجع لنفس الدوامه

الارادة لها دور كبير في المسألة ... لازم يكون هدفك واضح و ابدا ما تحاولي تتراجعي للوراء ... اصعب مرحلة العلاج هي مرحلة كسر قيود الوساوس و عدم الاستجابه لها ... أنا شخصيا احبذ استخدم مذكرة .. تقومي بكتاب كل انجازاتك و تحليلاتك المنطقيه فيها .. مو بس كذا حتى تقدري تكتبي اي شيء ايجابي فيها سواء كان موقف او كلام جميل. ... هذه الاشياء و ان كانت تبدوا بسيطه و لكنها تعتبر محفز قوي في العلاج .بالاخص السلوكي .. وفقتي اختي ساره

يأالله وش ذا البلشه ')

ابي أنام وقلبي طبول ،، يالله انك تيسر بس بكره ورأي دوام ')

ويش مخوفك؟

ضايقه

صباح الخير

كيفكم ؟ افتقدتكم

لي فترة مادخلت بسبب ظروف خاصة


حالتي الحمدلله تحسنت الفترة اللي راحت

لكن الان مثلا عندي الم في رجولي وبرد

وانا اصلا متضايقة وزاد الضيق عندي

لدرجة انه في بجايم رميتها لأني خايفة البسها

😕😕

وقبل شوي حاولت انام لكن للاسف كوابيس وكل شوي انقز من النوم

ولا شي بس اتاثر بالي حولي ، للأسف ^^ والحمد الله سرى الليل وحنا ما نمنا

حالتي الحين انا في قلق و توتر متضايقه مرة مو عارفه ايش اسوي
أحس رأسي بينفجر من كثر التفكير )":

اليوم الصبح قالو لي أهلي بأرواح افحص لزواج ') الزبده توتر وخوف


وحتى الجامعه تتلخبط دوامي فيله سببت ذا الموضوع احس خوف مو طبيعي

لا داعي للتوتر و لا الخوف .. توكلي على الله ... أنت أقوى من هذه الأوهام .. أنت قادرة على بناء الأجيال .. لا حياة مع اليأس و لا يأس مع الحياة ... وفقتي إلى كل ما فيـه خيرا لك.

ماحد استحمل ودي ادق صدري بسكين وارتاح من ذا ضيقه كأنها جمر تعبت ') مليت لاعت كبدي

لا حول و لا قوة إلا بالله العلي العظيم .. أتفهم شعورك و معانتك .. قد تمر علينا بعض اللحظات التي قد نشعر فيها بأن هذا التصرف هو الحل الأنسب إلى هذه المشكلـه و لكن لا فائده من ذالك ... عليك بمواجهة مخاوفك و التعايش معاها .. و مع مرور الأيام سوف يكون الأمر طبيعيا لديك!

حبيبتي الله يفرح قلبك يكفي كلامك الطيب يا اختي
الله يشافيكي يارب

') الله يعين مير

اكون فجأة جالسة واسولف وحالتي طبيعية ورايح عن بالي الوسواس فجأة ينقبض قلبي واقول ليش قلبي مقبوض وايش احس بالخوف وش صاير؟ واتذكر السواليف هل فيها شي يخوف وماألقى شي بس الخوف والقلق مستمر ليش ماادري
مين مثل حالتي