ربي يحفظك أخي مصطفى

ربي لايحرمني من تواجدك هنا أخي مصطفى

السلام عليكم شلونك بلقيس وكيف صحتك والاهل ؟

وش ذا الزين حنونه هنا ياهلا ومراحب فيك ياالغالية أنا بخير بفضل الله ولو أني محتاجه أفضفضلك ياالغلا بس أدري أنك مو بناقصة ألمهم أنتي كيفك؟

ربي يخليك ويحفظك ويعطيك ماتتمنى لهذه الأخلاق الرإقية

مين انا كل هذا لي وااااااو ياحظي ياحظي يا بلقيسسسس يازينك بس ويازين سوالفك وانتي تحكين سعودي قسم نفسي ابوس راسك على هالحكي الزين احكي لي والله شرف لي يالغالية ...

ههههه تستاهلين أكثر يشهد ربي أني أحبك رغم لاشايفتك ولامتكلمه معك كثير بس سبحان دخلتي قلبي_أي أمشي حالي باللغة السعودية ما أعرفها كلها ياليت أعرفها تعلمت شوي لأن حدث موضوع زواج من سعودي بس ماحصل نصيب_المهم نفسي تساعديني بنصايحك شوفي ياختي مرضي أصبح شي عادي بالنسبه لي أصلآ تعودت عليه زي توم وجيري بس الي يجعلني أفكر كثير ألأكتئاب تعبت منا خرجت قبل يومين للسوق بعد التراويح وأخذت أمي وأبن أخوي وهو مريض بالتوحد دخلنا السوق وبدا يصرخ ويبكي والناس أطالع وتضحك قسم بالله حسيتهم ناس بلا رحمة بسرعه ركضت ورجعنا للبيت أتكأبت لدرجة ماعرفت وش أسوي أبكي أحضنه أنتحر أحتاريت في نفسي لأن هو مثل ابني حتى أني في البيت أناديه أبني وأنا أرعاها وأعالجه سلوكي بالبيت أدربه_مشكلتي الثانية أختي أحسها بتاخذ طريقي للمرض قبل ايام حدثت مشكله انا وهي دخلت عليها بعد فتره للغرفه لاحظتها تبكي وإلا يدها ورجلها دم الأنسه حاولت تنتحر تذكرت نفسي وبكيت وأقول في نفسي يارب كيف أخليها تبتعد عن هذه الحاله_نصيحتك ياالغالية

هلا بلقيس ما اقول الا الله ياجرك على صبرك
وابشري الابتلاء هو ميراث الانبياء و شعار الصالحين
ولا كل انسان يبتلا مايبتلا الا من اختبر الله صبره وانتي بختبار اما ان تنجحي بختبارك وبحول الله لكِ الفردوس الاعلى واما ان تجزعي ولك الجزع لا قدر الله ياغاليه
اولاً وحتى اذا ابن اخوك تعبان وضايقكم بالسوق ونظرات العالم مالك شغل بها انتي ادعي له ربي يختار مافيه الخير له ولكم وانتي الله يعينك و يعين اهلك ولايهمك اي شي طبيعي والحمدلله التوحد اتوقع ارحم شوي من المنغولي ممكن يقتل او يقتل نفسه ويتصرف بعنف شديد وضيقك امر طبيعي وان شالله بيعدي لا تشيلين هم وحاولي تقليين من كلمة ابي انتحر انا سابقاً مريت بظروف شيبت راسي وقتها الشيطان حسيته استلمني وصرت ارددها كثير الان ندمانه لان بترديدها وكاني اتحدى الله انه هذي الروح التي خلقت منك تراني ابي اقتلها وهذا عيب امام الله يختبرنا و نجزع على طول اين نحن من الي قال جنتي صدري بلقيس اكثري من الاستغفار و الدعاء و الجئي لله و كثرة الصلاة على الرسول صل الله عليه و سلم


وبالنسبة لاختك تحاوري معها اقنعيها ان الانتحار محرم ثم واسيها واساليها عن السبب لا تخانقينها ولا تخبرين امك مو ناقصه وخليها تفتح صدرها لك انتم من بعد الله مالكم غير بعض والله يعينكم يارب


والان ادخل بموضوع اخر .... يالغالية ااسال الله يحبك زي ما حبيتيني القلوب شواهد وياليتك متزوجة السعودي وتجين يمنا 😍 لسعودية هههههههه
كيف الاوضاع الساسية حنا مافيه استقرار بدا شغل تفجيرات الدواعش اول بالمساجد وامس تم ابطال ولله الحمد عملية تفجير بالطايف يبي يفجر بسوق


الله يعيننا على هالبلا

بسالك بلقيس عندكم بديرتكم شمامرة صح ؟ 😊

يازين كلامك ياالغالية كلامك ريحني ربي يريحك ويشفيك_‏
ياليت كنت جيت السعودية كان أول شي أسويه أزورك بس ربي يجمعنا في الجنة_ياحسافة على وضع الأمة يارب يعيد لكم الأمن والامان ويجعل بلادكم وبلادنا أمنآ مطمئنا_بالنسبه لوضعنا أخر شي سمعناه التحرير قريب ودوم نسمع من هالكلام ومافي فعل_والشمامره يابعد روحي أختك معزوله عن العالم قبل أيام عرفت جيرانا أسمهم بيت فلان ههههه بس أقربائي من بعيد شمامره ونعم أصلك

الحمدلله وربي يريح كل جوارحك ياغاليه
ههههههه ضحكتيني هههههه

زمان يا بلقيس اسمع صدام الله يرحمه يستنجد بشمر و القبايل الي بالعراق ولا توقعت انهم بهالكثرة وسالت ابوي الله يرحمه قال نص الشمامرة راحوا للعراق
الجربا
الحسان
العلي
الياور
و و و
هذاك يوم كانت جزيرة العرب حررررروب وجووووووع و قحححححط هجوا يبون العيشة و الحياة والشغل وارتحلوا


وسلامتس ☺😉😍 هههه

تسلميلي ياقلبي ربي يرحم والدك وأموات المسلمين_أي نعم صحيح سامعه بهذه الاسماء _وربي يسلمك ويجزاك خير تعبتك معي