اخوي البدراني في أمراض مزمنة الأدوية فقط تخففها وما تروح نهائي يعني التشافي منها للأبد مستحيل لكن الدواء رحمة من الله ولازم تكون انت ذكي ما تسمع كل كلام الدكاترة ست أدوية اخذتها كثير جدا انت متأكد من كفأة الدكتور ؟!!!!
المفروض تصبر ع الدواء فترة مشكلتنا احنا نبي نشفى بسرعه وهذا خطاء خصوصاً في الأمراض المزمنة تغيير الأدوية مو لصالحك أبداً بعد لازم تعرف ان الدواء مو سحر نصف العلاج ينبع منك انت وانت تملكه لازم تغير من نفسك وطريقة تفكيرك اعرف ان الإكتئاب غصب يخلي تفكيرك سلبي لكن في أشياء تساعدك غير الدواء حتى بالغذاء في أغذية تساعد على إفراز هرمون السعادة مثل الموز والفراولة وحتى الماء البارد وايضاً فيتامين ب الحركة وعمل الأشياء المبهجة لك حتى لو كانت صغيرة واكيد في أشياء يمكن تسويها وانت ما تدري انها السبب في مرضك مثلا شرب الدواء وبعده شرب القهوة او الشاي او الغازات ما ينفع يعطي مفعول عكسي الدواء ممكن يضرك ما يفيدك .. أقرأ اكثر عن مرضك وتثقف في الأمور الي تساعدك
والقرأن أكيد شفاء بس لا تبالغ في هذا الشيء وتعتقد ان فيه شفائك هو فقط مثل اعتمادك على الدواء النفسي ومافي نتيجة ... انصحك لا تترك الدواء ولكن تأكد ان دكتورك شاطر مع القرأن وش المانع في انك تستخدم الإثنين مع الإهتمام بالغذاء والحركة وترك الأشياء الي ممكن تسبب لك أي ضرر وما تنسى الصوم لله
ولا تلقي كل العتب على الدواء النفسي فكر أكثر مثلا الدكتور هو الخاطيء في أدوية تساعد جداً حتى لو هي مهدئة فقط فهي رحمة من انك تكون بدون دواء انصحك لا تترك الدواء وتنسى سالفة انك بتشفى للأبد عشان ما تستعجل الشفاء وتقبل حقيقة ان مرضك مزمن والدواء يساعد فقط وسوي الأشياء الي قلت لك عليها ..
الله يرفع عنك وعنا وعن جميع المرضى

أسأل وليس اسئل يا بوحميد (:

ممرضة في مستشفى الامل وين ي بو حميد ممرضين و يمرضون الواحد مسوي نفسه انا نسيم حميد و الثاني مسوي محمد علي كلاي و لسان حالهم ( لا احد يسوي شوشرة و الا خخخ )

بس ممرضات أليمة ممرضات في الأمل انت قصدك في العيادة لا انا كان قصدي في التنويم

الزبدة جا وقت النوم عيوني بدت ترمش

مشكلة الطب النفسي مستحيل انه يقولك مرضك روحي هذا سر الفشل
جيت لهم وانا عندي تشنجات وكهرباء مريت على مستوصفات وكذلك مستشفى الملك فيصل وانصدمت يقولي جاك من الكبت والضغط وش كبته ويوم قلتله انا رقيت نفسي وبعدها اصبت بالرجفه يقولي لا من الاكتئاب والغلقه والكبت ودريت انه خرطي وهات يا سليباكس و روش وحبوب سلخت جلدي قلب احمر وحكة وكاني مدمنه

زتيت المواعيد والادويه ورحت لرقاة وصرت الزم الرقيه والحمدلله تعافيت طلع معي اصابه بالعين ومن شدتها معها مس


لكن الشهادة لله بعض الادوية فعلا تهدي الاكتئاب الي من الدرجة المتوسطه .

================================================== ==============


كلامك على راسي اختي بنت علي واتفق معك تماما

لكن مسألة ان الحالة مزمنة والدواء مهدئ اختلف معك الحالة ممكن تزول وتشفى باذن الله بالقران والرقية الشرعية

هلا حنين صادقة والله انا مثلك قبل استخدم العلاجات النفسية كان عندي اختناق ويقولون توتر نفسي الله من الدجة

ان ما انكر ان الدواء له فايدة خاصة في الامراض العقلية والشديدة لكن قصدي ان يكون الاعتماد والاساس العلاج بالقران والدواء مساعد

مشكور ابوعلي على التصحيح ESWVGESWVG

الي اعرفه ان الإكتئاب والفصام أمراض مزمنه بس الدواء يخفف جداً لدرجة تحس فيها ان المرض راح بس تترك الدواء تنتكس الحاله وهذا قصدي بمزمنه يعني لابد من الدواء عشان كذا لا تترك الدواء وتجرب الإنتكاسة لانها بتصير أشد من المرض نفسه وفي حالات فعلا تشافت للأبد بس قليل هذا من خبرتي ومن كلام دكاترة والله اعلم
القران شفاء اكيد بس الله سبب الأسباب مثل الدواء وانبهك لابد من الإستمرار على الدواء يعني مو تبلعه يوم وتتركه يوم هذا اكبر خطر وإذا سويت هالشيء في فترة من الفترات فأعرف انه هذا هو السبب في عدم شفائك لا عاد تكرر هالشيء اذا تبي الشفاء واكيد الشفاء بيد الله لكن الإنسان يعمل الي يقدر عليه والباقي على الله
الله يشفيك ويشفي الجميع